2004 年 6 月 20 日 星期日 【雨】

冇睇錯, 而家早上未夠8:00我就起身打日記啦
係啊, 今日係父親節嘛,
一陣我要落去攞位先...
為免自己番訓, 咪唔俾自己再訓, 搵d嘢做下, 所以打日記

琴日放左工之後, 我去左游水, sorry, 正式來講係浸水
我諗住曬下太陽, 最想曬對光管腳囉...
呢樣嘢我由舊年講到而家, 琴日終於去做啦
不過琴日都曬得唔係好黑....i mean對腳...
對手就又黑左......同對腳唔match...
我下個星期要再搵時間去曝曬下先...

好啦, 講住咁多....落街了...

>>June 20, 2004 at 7:50:23 AM GMT+8

2004 年 6 月 14 日 星期一 【晴】

哇, 今日個頭痛到爆炸....
可能呢兩日都唔夠訓啦....
不過又冇乜影響我心情嘅,
可以早d放工喎, 幾疏乎~~

好開心啊~ 我報到工聯會的塔羅班啦!!
唔該晒雪宜啊~~
嗯, 咁我就向目標邁進左一小步啦, 嘿嘿~

"勇敢說不"係我最近學習中的一個學問...
對一d自己能力以外的事, 又或付擔不起的東西say no係需要好大勇氣架
以前我會心軟, 為左唔令人難做, 明明應該say no的, say左yes...
結果幫左人, 害左自己...
當然講個"不"之前要考慮好多嘢, 自己的能力, 人家嘅感受, 或對整體的影響...
但我有一個原則係, 在我能力以外的, 一定要say no, 唔好夾硬來
好似明明買唔起某d嘢, 就走去碌卡,
就算得到一時快樂都冇用, 之後收到張statement就......

總之, 我會學乖的了~~~^^

>>June 14, 2004 at 8:23:17 PM GMT+8

2004 年 6 月 13 日 星期日 【晴】

嗯........真係開心, 今個禮拜短週喔, 呵呵

琴日下奏出左去睇戲啊...
中間發生左一段小插曲囉.....
原本係我出去買飛的, 點知同個fd communication breakdown.......
我買飛之前, 個fd已買左, 個死野又唔打個電話俾我先喎....
害我成個傻婆周圍兜搭d路人幫我鯁.....
啊, 不不不, 係買左d飛去....
"係咪睇野蠻師姐架? 係啊~ 而家淨番d前排, 我呢兩張係中間那排,
我用信卡買平d架~幫我買啊"我落盡咀頭游說
d人一係以為我傻的, 一係以為我賣黃牛飛....
好不容易搵到對情侶幫我買.....嗚嗚~~~~~
今時今日嘅服務態度梗係唔係收左錢就拍拍籮柚走啦
我猛讚哥哥仔大好人, 非常之感激佢, 再加多句see u later...
當時我察覺到佢女朋友好似行埋一邊, 一副"冇眼睇"的表情,
我好識趣即刻同佢女朋友say bibi先走人囉...嗯, 我好乖架嘛

嗯, 你問我野蠻師好唔好睇啊? 一般啦, 有d位幾好笑嘅...
不過故事就....我fd話齋, 有d堆砌囉.....
仲有啊....有個位, 我見前面兩個女仔喊啊....
點解我冇喊嘅???? 我冇晒"�"情了?? (真心懷疑自己@@||||||||||||)
"算啦, 我諗點中人家死穴者..." 我想........
(我仍堅持自己係一個眼淺並且"�"情豐富的性情中人 @@)

散場之後, 我向波鞋街進發....唉...我唔想架
呢.....琴日朝早公司morning call,
同事話老闆叫我, weekend出開街幫大猩猩同事睇下有冇13號nike golf鞋....
唔駛刻意去睇的||||||| 喔~表面上真的叫我唔好刻意去做呢件事, 但千祈唔好中招,
其實呢句底層意思係一個order, 只係加點客氣的語氣修飾, 我明架老細~

好啦, 搵囉, 其實我都知波鞋街架啦, 咁諗住踫下運氣嘛,
唉, 結果連運氣都輸埋, 霉到爆......
邊有者!!!!!!!! 藍球鞋就有, 玩嘢咩......

啊~~~靈機一觸! 點解我唔打去專門店問?! 咁咪唔駛行去搵囉~
於是我急call細佬, 叫佢幫我搵電話, 打去TST, 佢話中環先有...
但琴晚7:30左右已收舖了....今朝打去, 結果..............................
冇13號, 最大只有11號, 冇得幫人訂.....
唉....邊有人隻腳咁Q大者!!! 玩嘢咩! 累我交唔到差, 正衰腳

繼續講琴晚, 約左另一個fd去食飯, 之後我地上左間樓上cafe...
我真係有心開舖的, 去relax之餘, 仲做埋marketing research架~
哇, 一開門, 其實有d怯架, 因為我想像中的樓上cafe係好寧靜優雅
但係嗰度, 哇, 好多人, 又放大聲音樂, 多數係十幾歲的~c仔~c妹, 好不熱鬧
啊~ 忘記左嗰度係旺角, 咁嘅場面真係正常, 係我老人家唔知掟...sorry sorry....
於是我尷尷尬尬穿過呢班後生仔, 幾驚聽到人地話我阿嬸踩場啊...

雖然嗰度係十幾歲的地盤, 但係播埋d歌, 哇~
執迷不悔, 海闊天空, 仲有學友, 張信哲d歌...我個年代架喎??!!!
乜唔係播d edison, twins, boyz咩???
但厲害係, 佢地識得跟住唱, 犀利啊...............
真係唔可以小看佢地的啊........

跟住, 我地坐埋一邊之後, 開始玩下棋咁啦
我發覺人老左, 記憶力真的會衰退....
我連飛行棋都唔係好曉玩....
"下? 雙數先可以起機?"
"下? 連續軋3個6要返大陸?"
"下? 可以搭住兩隻棋一齊行?"
好彩我遇到個有良心, 但好狠的對手....
我唔知可以行多幾步時佢會提我
但係我阻佢去路, 佢都會炸我.....嗚嗚~

之後我地玩另一個企鵝, 有d似層層疊的原理
要攞平衡, d企鵝唔得跌落街就羸....
呵呵~~我都係比較適合玩呢d低智商的遊戲....
我擺晒d企鵝上去冇"lum"到啊........有相為證架~ :D

人地真係搞得個場好好啊, 大家都好開心
做嘢的人都好開心, 睇得出佢地真係ENJOY份工架...
真係好希望自己好快有一個私竇啊......

>>June 13, 2004 at 12:56:06 PM GMT+8

2004 年 6 月 7 日 星期一 【陰】

我而家開始倒數緊離職嘅日子lu....
仲有三個月左右, 我就夠兩年啦
以前會諗就咁拂袖而去好衰女...
而家都會諗架, 但同時覺得最近做得好辛苦....唔走我會死
每一日返到去, 都未坐定, 佢地就一堆yahoo msg炸過來
真係火都�...佢地就疏乎啦, 人地追佢,
佢就將所有波拋俾我, 佢地真係好做啊~
所以此地不宜久留....做咁耐, 佢地都唔理我感受...
只係識命令我做嘢, 真係受夠了......

嗯......另一方面, 最近好多天馬行空的想法喔~
好想開一間屬於自己的樓上cafe,
真真正正擁有一個自己的"竇"
得閒可以招呼下d朋友一齊"嘿", 一齊整野食, 幾開心啊~
間cafe唔駛好大, 一定要以紫色為主色, 簡約嘅裝潢,
擺幾張圓台, 同埋梳化....俾人舒服同埋relax的感覺
跟住要有一個open的廚房, 整cheese cake, tiramisu, 同埋調好味的cocktail...
仲有啊, 我遲d會學塔羅牌, 間cafe仲可以同人地玩下塔羅牌~
嗯~~~~~~~諗起都正啊!

我開舖係為興趣多過過老闆隱喔~
好希望夢想會變成事實啦

我而家第一件事就係快d學整餅先~
其實我最近都有物色緊d整餅班喔...
不過貴左d, d時間又唔岩喎.....
唔知大家有冇suggestion呢?

忽然覺得自己好有人生目標喔~
呵呵~~~

>>June 7, 2004 at 9:11:42 PM GMT+8

2004 年 6 月 1 日 星期二 【晴】

而家開緊工冇錯...
呢一刻我真係好唔想做
我真係好想遞信啦....:((
真係好憎佢地, 一朝早返來, 都未坐定, 就猛send yahoo來
回唔切, 就即刻打電話來, 係咪痴線架????
唉....一路以來佢地唔顧我感受, 我係知道的
佢地勁心急, 又唔理我感受, 我都知道的
佢地乜野都唔理, 將所有野拋俾我, 我也知道的
但我真係唔知可以忍佢地幾耐....
我成日講, 做到9月走, 都唔知可唔可以捱到9月
我呢排對佢地真係好唔耐煩,
我知自己在電話的態度唔好架
但我控制唔到自己d情緒...
想點者???!!! 我係人來架, 唔係機械人...會攰架, 會發脾氣架~
嗚嗚~~~~~~~~~~~~~~~~~~~~~~~~~~~~~~~~~~~~~~~~~~~~~~

加上今朝早有少少事發生了, 令我更唔開心
因為今日起我轉了新台, 之前keep住d sms冇晒...
插番張舊卡又冇效....勁唔開心......
嗚嗚~~~~~~~~~~~~~~~~~~~~~~~~~~~~~~~~~~~~~~~~~~~~~~

>>June 1, 2004 at 11:47:26 AM GMT+8

2004 年 5 月 28 日 星期五 【雨】

好耐冇掂過本日記....
今日出左去同李生farewell...
佢返埋下個禮拜一就bibi啦~
唉....又少一個朋友啦...
今日阿wing又話想唔做,
如果佢走埋, 我真係一個朋友都冇啦........嗚嗚~~
希望佢唔好咁快走啦....

岩岩我地去左恆豐後面一間小小的私房菜食越南野...
都唔錯~ 地方細細, 裝潢好簡單,
真係好有返屋企食飯的feel
d野食ok啦....
其實最開心係見番佢地, 好warm....
christina, ben, jenny & 佢老公gary...
阿wing因為唔舒服冇來度....
可能我遲左到, 覺得好似坐左唔係好耐就走啦.....
又或者好時光通常過得快d吧....

岩岩過左的星期二, 我上左個舊同事的公司...
點講呢, 我覺得我要的唔係呢d....
我真心想你唔好做,
我寧願你蝕左d錢, 換番d朋友....
而家唔算踩得好深, 快d跳番出去...
搵快錢冇用, 搵份穩穩陣陣, 有野學的工作啦,
我知你知我講緊你, 聽話啦

>>May 28, 2004 at 11:49:38 PM GMT+8

2004 年 5 月 18 日 星期二 【晴】

唉.....今日唔知點解好down....
我突然好唔想做呢份工,
嗯........嚴格來說, 應該話唔想做嘢
我好想好長假啊...
真係好攰.......

>>May 18, 2004 at 7:57:08 PM GMT+8

2004 年 5 月 13 日 星期四 【酷熱】

乜我地咁橋啊...........曲奇...

今日jenny返來同我地食lunch, 好開心啊
我地去左宋家皇朝, 叫左個4人set, 好豐富啊~~
而家食lunch比以前冷清得多....
今日jenny返來, warm番好多

呢個禮拜真係忙到趴街,
sorry....應該話從4月開始我都冇停過
琴日仲要返大陸開會...
今日返到來真係.........又一堆嘢
而家咁樣, 我真係好難將d工作做得好....
有時d同事要我做嘢, 我都未必可以即時處理,,,
真係好驚, 有一日老細或者上司會唔滿意我...
到時要我走, 走得唔漂亮....
始終覺得唔好因為一d唔愉快嘅事,
或者人地覺得你冇價值時離辭
最好在和平氣氛下離開囉......大家都有得落台嘛

我最近真係覺得自己沒力了,
真係好怕有一日老細叫我走, 唔好做
當然我成日都話唔想撈,
但係我唔想咁唔光彩囉.........

可能我想多了...........................
嗯.........希望真係想多了, 不是真的

>>May 13, 2004 at 10:46:14 PM GMT+8

2004 年 5 月 9 日 星期日 【晴】

母親節快樂~
今日冇同阿媽出去慶祝, 因為我好病, 咳, 個人好攰....
為免傳染其他人, 我都係唔出去, 遲d補數

曲奇, 多謝你嘅msg^^
我係做trading, 公司本身係台資, 而香港呢邊主要對大陸market...
由於香港只有我一人, 所以一腳踢囉........唉, 總之苦工一份...

琴日我一早出去睇早場,
嗯....江湖冇想像中咁好睇嘅,
套戲完左我都唔知已經做完
嗯....總之一般啦....

之後出左尖沙咀同旺角...
我又出血啦, 嗯......我買左部GX22囉...終於...
(唔係32, 我冇錢買啊, 嗚嗚~~~~~~)
其實我真係想左好耐好耐好耐好耐好耐好耐好耐.....
識我的人都知道, 我買嘢重不猶豫, 也不考慮, 鐘意就買, 夠豪氣喔~
今次算係我考慮最最最周密的一次了...........
(筆者正努力掩飾其罪疚感, 呵呵~~)

之後我地去左廟街食煲仔飯, 好味~~~~~~~
然後呢, 我地八八卦卦的走去ally姐度玩塔羅牌囉....
嗯....結果令我更心亂如麻....
好似冇解開我嘅疑團...反而令我想更多更多的
我不斷叫自己唔好諗啦, 但係...我控制唔到自己....
話說回來, 我是沒後悔玩嘅......算啦, 順其自然

工作方面, 塔羅牌話我知而家仲未係時機轉工.....
要等到冬天先有機會, 呢個機會會自己來找我
而我最初會不以為然....但其實呢份會係一份好工作
喔~~但願如此啦!!
現在還是不要想太多, 踏實點
既然機會會來, 都係嗰句, 順其自然啦^^

唔講啦, 我要繼續研究下部電話先, 呵呵^^

>>May 9, 2004 at 11:19:28 AM GMT+8

2004 年 5 月 7 日 星期五 【陰】

終於返來啦, 琴晚11:00左右到屋企...
坐飛機時同坐巴士返屋企時都訓著左, 真係好攰啊......

講埋5/5-6/5嘅行程啦..
5/5
我地去左鼎泰豐食小籠包...
我地大概12人左右啦, 起勢咁點, 其實d小籠包比我想像一般....
不過個皮真係好薄, 我反而覺得d牛肉麵好味d
之後我地去食冰, 喔~ 佢地最出名係芒果冰,
嗰日我地叫左個綜合的, 除左芒果, 仲有草莓, 奇異果,
d生果真係好甜, 好好味....
我地食冰個場面都幾得意, 一行10人的上班族同一班年青人迫埋一齊食冰...呵呵~
跟住有同事車我地去台灣最高的大廈101.....
嗰度好多名店, 好似香港的PP之類, 所以冇乜特別

6/5
雖然返左工, 但係冇乜點做野, 只係周圍影d同事
因為老闆不在, 呵呵~~~~~
到我地影大合照時, 老闆突然返左來, 佢冇鬧我地
仲同我地一齊影tim, 嘿嘿
玩到11:00左右, 我就返酒店check out,
下午時間就係我的free time, 本來諗住自己去西門町附近行下
因為我兩次去都冇乜真正的行....
點知原本出了街的sales電話俾我, 陪我渡過5個鐘頭...(公司冇人知的, shu.........)
我地中午食燒烤+麻辣鍋, 超飽....
之後仲帶我去烏來泡湯, 真係估唔到上機前都得到泡湯的機會
佢地話補償我呢幾日嘅枯燥上班生活......
泡完之後就去機場啦~

雖然呢幾日冇乜去玩....
但d同事好好, 放左工本來仲要做公司嘢
佢地咁忙都盡量擠時間帶我去玩去食
仲有好多好多...
真係好感動....
佢地叫我搵個weekend偷偷過去, 再帶我去遠d玩
真係好開心啊~~~
佢地補償左我好多喺香港冇的人情味
我決定佢地來香港玩時, 一定要好好報答佢地^^

>>May 7, 2004 at 2:07:04 PM GMT+8