2007 年 12 月 23 日 星期日 【綿綿細雨】

今日同班朋友去佐game show, 完全冇野睇, 最多都係影下的女,
結果得一張好...個半鐘之後出佐去食野~又行佐去金鐘~之後
落佐旺角, 陪佐個朋友買鞋, 去食野~的口水chicken 唔錯~之後
去打機, 最後食埋雙皮奶再咇兩蚊走人~今日簡短~因為唔想打
咁多字~來緊聖誕冇假放, 超唔開心....

>>December 23, 2007 at 6:33:32 PM GMT+8

2007 年 12 月 9 日 星期日 【颳風】

原本又係訓~不過都係寫埋個日記~我都做佐一個星期citysuper,
都開始熟手, 如果領悟力好小小, 一個月可以冇問題既情況下學哂
加做全部野, 好可惜...有一份工叫我上班了...呢份工...其實係一位
;前馬會朋友叫我去做的~話說個日佢比佐個E-MAIL 我, 我個晚都唔想
SEND, 唔知有乜推動力咁...就send 佐過去, 第二日叫我見工, 其實
我都冇乜信心, 不過佢第三日打來請佐我~ 我都突佐下._. 不過呢份
工都有好多唔好處, 其實正常來講呢兩份工, 真係各有各好~我都唔
多講, 因為我好多野都寫哂係之前的日記~講返呢幾日先, 個日打電
話返馬會, 的假全批, 正常都批, 因為實有人加班, 馬會冇人打去加班
的間應該應該一定不好做的!今日放工, 我行到去月台先知自己冇囉返
locker既key, 最後要行返返去囉返, 搞佐好多野~其實我好簡單, 銀包,key
mobile phone, tempo paper, 呢四樣我真定要bring 出行, 可能慣佐....
冇佐是但一樣我都會好唔自在~搞到我late 佐返屋企~返佐長工之後就
完全冇時間做自己野, 唔怪得的人話讀夠書先好出來做野, 呢句真係冇
錯, 我都好認同!citysuper 的人對我好似太好...我仲有都唔知點出聲同佢
地講唔做, 我都算做得好好地, 雖然都係有小小慢佐的...唉...呢一份電腦
工...又係我人生既新一步...

>>December 9, 2007 at 7:05:09 PM GMT+8

2007 年 12 月 1 日 星期六 【晴】

一半, 而pizza hut 呢份工...真係發生佐好多事, 好玩, 唔好玩,
乜都有, 不過真係超辛苦, 都識到唔小人, 同埋睇得到一個人
唔到最後一刻都唔爆seed=.=, 係呢度我學識爆seed!!! 我都算
係幾鐘意呢份工, 初初係好唔鐘意, 不過做做下, 其實又唔係
想像中咁差, 只可惜佢其他方邊差佐小小...西武呢份...個陣可
能怕自己太悶, 決定佐去做, 不過人工實在太小...當然最後我
選擇讀書, 而最後一份, 馬會了!呢份係我dip repeat 時候搵的工,
我受舊同學影響才進去做的~估唔到一做就做佐成年半, 呢份工
特點就乜人都識到, 基本上唔係極怪個的人, 真係乜人都有, 由初
初唔敢同人講"你好, 電話投注", 到而家"電話投注"到比人投訴!!!!!!
當然識到一大班人, 都係有開心有唔開心~人工好高, 好hea, 不過工
作時間太小, 好難可以好高人工~同pizza hut 簡直相反!係citysuper 做~基
本上綜合以上做過幾份工來分析~首先!冇野學, 真係來去去個幾樣, 大
家唔好插我住!第二, 睇真的份工時間幾長下~九個半鐘, 我諗佢都未必
定時放工, 六日假唔算好多, 第三...對人...做住的客問埋的九唔搭八既
問題...真係頂...做既野基本上唔難做!個感覺好似我以前係pizza hut, 埋
成世aux 咁, 仲有...呢個真係...我唔想打都打埋出來...我讀佐咁多年書...
唔係要我做屠夫呀嘛!!!唉...我聽過好多人唔同意見, 有人同我講, 你讀咁多書,
走去做呢的, 做乜唔一早出來做, 有的就同我講, 你努力的做呢份工la,
你又唔鐘意搵工, 難得有人幫你搵埋請埋你仲想點..仲有就係話:邊個話
讀咁多書出來一定要做寫字樓...同我講呢句野既人學歷都唔太錯, 我聽完佢
講真係冇野好講, 邊個話大學生出來一定要做經理??
不過點解又唔想走~首先我係馬會留得太耐~做part-time 都
做佐成年, 唔想再繼續落去咁樣第二真係要save 的錢, 而家個人一半一半...
成世人都唔上唔落, 咁就一世我會好唔甘心!!!!我預計我會不日辭職...

>>December 1, 2007 at 5:55:21 PM GMT+8

2007 年 12 月 1 日 星期六 【晴】

又勁耐冇寫過日記~當然會寫到超長, 的字勁細粒咁!
今日要寫~就係我返citysuper既第一日~其實應該訓~
因為一日返工已經用佐我九個半鐘, 搭車用佐我一
個鐘, 一日唔計訓我剩返五個半鐘用, 當然放工要食
埋野咁, 返到屋企都成十點~第一日返工乜都唔知, 一返
去叫我坐係度, 等佐幾個字, 換佐衣服後開始叫我睇片,
之後就出去開工la, 基本上全程都有人跟~不過就冇定邊個跟我
基本上做既野同我諗既一樣, 大家都諗到屠夫有乜做~
食飯時間日日唔同, 我今日四點鐘食野, 佢都冇定
幾點食, 基本上睇個super 心情咁~中環的的野真係貴...
好難得過佐一日時間, 開始係度諗我係咪應該繼續做呢份工??
點解咁講, 我都幾亂下, 我唔係怕我做一日唔做, 首先~
呢份工同馬會差冇幾~基本上呢份屠夫都係超悶既!
當然學既野係多的~時間過得快的, 佢同我之前幾份工
都有得對比下~真係要乜都試下~先知份份工有
乜唔同咁~我做過好幾份工~最深刻當然係pizza hut,
呢份係我學生時期既part-time, sure 佢係我做過咁多份最
q辛苦既工, 一開始真係難頂到爆~第二份係西武~呢
份係我暑假工, 個陣既小朋友心情去做, 完全感受唔到
的乜, 日日返去hea, 第三份當然係馬會, 呢份真係超hea工,
當然有時都會忙, 第四份係我之前唯一一份自己搵到既
長工~但好可惜我做佐一個月比人開佐刀!呢四份工比我
知道唔小野!其實份份工都可以好專業, 不過有的工唔可
以做既練習專業, 好似電腦個份, 即係第四份~如果你讀過
又或者自己有玩開既~做個時真係事半工倍, 其實到而家
我點解比人開刀既實質原因都未知, 不過唔多唔小都估到...

>>December 1, 2007 at 5:52:29 PM GMT+8

2007 年 11 月 18 日 星期日 【晴】

呢一編寫上個星期一既~呢日終於都去佐呢個駕駛學
院學車...終於明白點解的人可以一take 過咁pass,
一分錢一分貨呢句係呢個世界既定理來, 冇得變!
其實佢各方面都做得好過出邊的駕駛學校,最主要
都係佢條路....相比起出邊個的真係幾容易..., 天光道
個的又多車又多人...不過都要多方邊加埋一齊先囉
到個合格,三十號一決勝負!

>>November 19, 2007 at 2:19:56 PM GMT+8

2007 年 11 月 18 日 星期日 【晴】

呢日講返星期二既, 今日係青見個個tranning, 其實初初都
知道乜料~咁個陣有五十個人去見工, 應該都有二十個以
上, 估唔到得十五個人, 可能選到冇得好選~有十一女四男
咁la~上堂當中既事就唔詳細講la~基本上呢五日都上得幾
開心咁既, 只不過佢要九-六咁都幾辛苦, 要早起身,最後一日
我地成班一齊去佐唱k, 七點唱到十二點五個鐘都唔錯~其實
大家都玩得埋, 係因為interviewer 選都係同一類型~似乎個city
super 個班hr 都唔係浪得虛名!今日連寫三編日記都算係咁~
可能之前一個星期都比較忙咁~如果唔係會寫得更好~寫到呢
到了...

>>November 19, 2007 at 2:03:45 PM GMT+8

2007 年 11 月 18 日 星期日 【晴】

又來狂寫日記~足足有成個星期冇寫~我諗都要分兩
次寫先得囉~講返上一個星期日個日去澳門~我都係第一次去~
都幾易去原來, 搭一程ship 就可以去到~去到第一個行
程就係呢個賽車博物館~去完先記得澳門係好重視呢個
賽車~睇完又去紅洒館~飲佐一小杯洒又走佐~唔知係咪
個個男人都係咁~我地好快咁去佐賭場玩返兩手...好可惜...
除佐阿蛇之外, 個個都浪費佐二百大元...之後就搭車去佐
呢個議事亭前地...食佐呢個noodle...估唔到連文仔都唔係
太識路...冇所謂, 之後都係食...食到唔食個陣..佢地提議去
玩呢個小型賽車~去到~剩係本人冇玩...佢地玩二十分鐘都
玩佐好耐下, 玩完又出返去, 玩多陣大家都諗住返去食野~
即係返香港, 原本諗住去到一定有ship 搭, 點知去到下一
班既時間係十一點半...我地買佐呢個黃牛票...大約一個鐘
時間就返到去呢個tst, 去埋食野又打一陣機咁就返屋企囉~
好耐未試過出街出成十六個鐘, 行到個人都傻下傻下咁~
去完發覺澳門的生活同香港的生活好唔同, 佢地一來冇乜
人咁...香港都唔係大佢地好多, 可以有七百幾萬人~行出街
想行快兩步都唔得, 比人阻住條路~成街都係車, 唉...唔怪得
阿偉想離開香港~我都好認同佢既諗法!

>>November 19, 2007 at 1:18:57 PM GMT+8

2007 年 11 月 9 日 星期五 【微冷】

又來打日記~明天去澳門...終於都搞得成~今次有阿文,
我, zing snake, wai 同nick~我地係一日游的~原本阿文
話唔去的~轉頭又去了...講返昨天~三點鐘約佐alan同
阿zing 出去食野, 原本想去食curry, 點知最後走佐去食
韓國野,其實叫韓國, 實質係食快餐~不過又幾好食既~
我今次叫佐個石頭飯, 勁好味~阿alan 都話正~有得諗!
不過太熱氣la...之後又行去尖東~睇下有冇戲睇~冇又
行去星光大道~一路行落去, 三個男人係咁無聊...最後
又行去海港城~alan 話去食雙皮milk, 咁又行落去九龍公園...
其實我份人唔係太鐘意食呢的甜野~不過又想試下~點知食
落又幾好食bor, 最後每日二十蚊咁, alan 仲話貴, 又諗起pizza
hut 的pizza 根本唔值呢個價...都唔明點解的人工可以咁小...
食完之後阿zing 又提議去呢個百老匯電影中心睇戲~睇佐
命運圍牆, 如果對政治冇興趣的人應該會訓著~不過
睇落都幾好睇, 美國這大國家真可惡!睇完有少少餓又走
佐去大家食度食野...今日食佐好幾餐...最後各自各搭車
走人, 其實今日滿意在大家都試下的新野~總覺得成日對
死一樣野會好悶...間唔中轉下, 試多的, 都好的...
今日忙到隻狗咁...今日出間好怪, 出佐兩點至七點半, 咁
我諗住過佐個幾場日本波應該幾好做, 點知做完先來料~
連續peak 佐幾個鐘, 先知原來今日出人夠小~我初初聽到
加班已經知乜事~馬會的高層用乜來諗的~編間表都唔識...
唉...就算點唔識, 都冇理由出小百幾個人, 加埋c1 個的,我
諗大大話話都小佐三百人, 好野~馬會你係得既!

>>November 10, 2007 at 3:26:37 PM GMT+8

2007 年 11 月 7 日 星期三 【陰】

嘩~勁耐冇寫過日記!呢幾日都冇乜特別, 返下馬會咁啦~
話說上個星期青見個邊打佐個電話來~問我有冇興趣做
citysuper, 我個時訓緊~可能仲未有長工關係一口答應佐~
其實都走唔開幾個原因~一來冇錢, 二來唔想咁悶~馬會實
在太少工返啦...咁就叫我呢個星期三去見工~即系昨天~咁
我昨天去到, 初初諗~佢都唔多人得去邊嫁la~佢話請二十個
我諗都係二十幾個人去見工, 點不知人數超出我預計, 有差唔多
五十個人去見, 咁當然大部份都系後生仔~咁一開始就聽個
講座先既, 之後又對下資料, 最唔鍾意就系佢一組組人來interview,
咁大家坐低in, 佢都系問佐幾個一定要問既問題,最後佢考
佐我地一樣野~咁系人都知citysuper 呢類比較高級既超市,
點都要識一兩句英文~佢有個信封, 信封裡邊有兩樣野, 一段
系中文, 一段係數目字, 咁就要變成英文, 唔知我好運定乜~
都識變返做英文, 咁我見冇人讀我咪讀先囉, 我真系唔系自大,
我諗住全世界都識讀, 點知加埋我得三個人識讀=.=, 冇可能,
香港人以前是英國人統治的!!!!! 咁最後都系 等消息咁囉...之後
同阿星過佐九龍灣行下街, 最後去佐大快活食野, 佢的煲仔飯,
冇水的=.= 干到佢...以後都唔會食...話說我系大快活買野食個
陣, 有個阿叔接近阿伯既人買野食~咁我系對話當中呢~就聽到,
個阿叔話, 佢買佐樣野食, 咁等佐十五分鐘, 都未有野食比佢~
咁可能的阿叔粗狂, 呢的情況系hkjc 成日都有~佢就叫佐經理來,
之後就唔知點囉...其實兩邊都有問題既...大快活個邊成日剩系出
火鍋個邊的野食, 冇理過其他野, 咁咪搞到第二的野出遲~其實呢
的事系飲食成日都有, 我以前系p記都系..的客成日都煩咁耐仲未
出, 做都要時間, 而且一多人就一定會系咁, 冇可能準時出比的客...
食完行多陣返佐屋企了...又講返星期二, 呢日跑馬, 似乎好多人都
唔知呢日跑馬, 打來買六合彩, 照常坐ic 位, 好似認得我咁...都幾
忙下, 又狂聽...最後第八場一開跑走人...ic 位的好處來...放佐工無聊,
約佐alan 食野, 今次我請客!因為佢趕車既關係, 最後射佐兩鋪basketball,
走人!alan 真系repeat 怪!返到屋企, 都好似點幾, 開個msn 咁啦~
其實呢個動作日日都做既!咁見到yufi, 睇我日記識得我耐而且做
過pizza hut 讀過ive 既人應該都知系邊個來!都係老實少少打出來,話到尾都係
自己日記來!咁個陣初初做pizza hut 已經識佢, 但係一的都唔熟個隻,
咁之後對佢有的野咁啦~但係個陣自己乜都冇做, 好後悔, 我細膽又冇用, 雖
然未必追到手, 點都好過我乜都唔做, 咁個陣佢讀緊中五, 好似就來會考~
因為我個時返工唔算好多, 初初一個星期返四日, 之後好似去到返兩日咁,
佢又係勁小返工個的人, 可能住得遠啦, 又要收早, 我直情冇乜機會埋到佢
身, 最後當然草草了事, 我好記得有一次staff fun, 諗住送佢返屋企~點知
比第二個人阻住佐=.= 比人行先佐一步...之後過佐好耐, 佢會考都過埋,
要去外國讀書~佢走之前我先知原來佢比我地公司某某人追到手...即係知
道既人都好奇怪...點解yufi 要接受佢...咁過佐一排, 佢地分佐手...其實我好
後悔冇追到佢...我想怪既就係自己冇膽, 但係又好開心冇追佢~因為如果我
追到佢!咪要攪異地戀, 呢樣我真係接受唔到, 一年半年冇問題, 兩三年~任我
再好耐力都頂唔到, 唉...唔通呢的真係天意...個天對我不錯了@@

>>November 8, 2007 at 5:37:20 AM GMT+8

2007 年 10 月 30 日 星期二 【晴】

又來寫日記~有排講!剛剛唱完k 返來~其實係阿joe 佢生日
同佢搞唱k, 之前聽佢講約佐好多人來~點知最得得返一半...
我當然冇乜所謂, 點知佢的fd 個個都遲到...可能我太得閒..
其實呢次活動都不歡而散~點解, 睇落去就知~咁我地初初
就五個人上去既, 咁當然之後有人來, 初初上去諗住食自助~
點知發覺冇乜時間,大家都算, 最後就咁叫~全程有八男兩女~
去完呢次唱k 我發覺識多的人見識多的係好~不過見識之餘
要小心某的人, 咁除佐阿joe 之外我其他人都唔係好熟~點解
不歡而散其實中間有段小插曲~都係的感情問題la, 總有一方
唔識諗就會有呢的事出現~當中有個男仔, 就喜歡其中一個女
仔~咁佢地事先當然係識~咁個男仔就同阿joe 個講, 話個女仔
同唱k 裏邊埋男仔好親密~而個女仔好似冇乜野咁, 就話想自己
走先~最後佢真係自己走佐去~咁個女仔就唔開心加係度哭~我
地全部人都無奈~之後我多口問佐一句~你地係咪拍拖?佢好堅
決咁話唔係~其實如果係普通朋友~又何必哭~可能人地有事走
先唔可以?當然呢個女仔心智都係成極唔熟個隻~最後由阿joe 送
埋個女仔走~去到呢度我好明一個人, 唔通唔去到最後都唔停手,
你感覺到人地緊張你, 就應該比的回應~當人地放棄你, 你又來
哭~咁有乜意思~唉...

>>November 8, 2007 at 4:29:44 AM GMT+8