2008 年 4 月 29 日 星期二 【晴】

呢兩日返工都做錯野, 其實佢地data center個邊亂
就真, 不過我亂來又一回事, 我唔係太想因為唔係呢
間center 做就hea住來, 有時做得好唔好都係個人問題
咁當然有例外, 不過你努力做的話, boss 又點會睇唔
到呀, 所以話出來做野真係做好自己就得, 想做下好人
既話就加小小幫手啦~就來要去柴灣, 其實都有心理準備,
不過最後一句都係唔係太想, 太遠啦, 方嘉都叫我頂住,
都係個句努力啦...今日返完工同佐老媽子去飲茶, 其實飲
餐茶都幾貴, 兩個人食佐一百蚊, 如果出去tst 個的飲茶
真係貴到嚇死人...四月頭走佐去游水, 呢年第一次swim,
個感覺都幾好, 不過最想熱先去游, 始終soft 的的~連放三
日假, 上個星期就係連放三日假整到我乜都唔知, 講真一個
人如果係公司囉幾日假, 返到來可以乜都唔知, 放假返來都有
代價...下個星期約佐班朋友去迪士尼, 都期待佐好耐...生活
依然差不多~都係咁啦, 日記唔太多野想寫, 近來想做就係搵的
好野食, 上yahoo 睇到又唔知幾時得閒去食...日記寫到呢到

>>April 30, 2008 at 10:27:05 AM GMT+8

2008 年 4 月 18 日 星期五 【寒冷】

呢兩日去佐某快餐店食晚飯, 都唔知點解個女收銀著得
咁少=.=賭神昨天通知我幾時去迪士尼, 不過呢個時間
都唔係太好, 好似太快咁, 的時間好難就~今日都冇咩好
寫, 之前想寫個的都唔記得, 就去到呢到好了

>>April 18, 2008 at 4:32:21 PM GMT+8

2008 年 3 月 31 日 星期一 【微冷】

好耐冇寫呢個日記, 講返近來有人話叫我過去
對邊海做野, 但係呢邊又唔係太夠人, 真係又要
聽天由命, 決定佐五月會去迪士尼, 如果去唔成,
我申請張visa 來真係冇乜用, 不過未定乜野既日
子去, 因為仲討論中...昨天my sister 結婚, 估唔到
咁快....中間過程大約都係咁得...見佢都好似好開心,
我阿媽好無奈又好似放開一樣野~唔知幾時到我!
前幾日同的朋友仔出去食飯, 我都幾開心, 不過唔明,
有人會想自己一個, 其實我都好驚會冇朋友, 如果我
冇朋友係身邊, 我諗我都支持唔到, 實在太多野要朋
友同你分享/分擔, 我唔希望聽到有人話冇朋友冇乜野

>>March 31, 2008 at 6:26:37 PM GMT+8

2008 年 3 月 14 日 星期五 【晴】

真係好耐冇打日記, 又狂打日記~終於考到車牌, 其實都幾
講運氣, 始終都係好運先可以, 唔好上來你skill 幾好都冇用,
係ebiz 過佐試用期, 都冇乜特別, 不過開始返得唔開心, 因為實
在太多野做, 又請唔到假, 因為始終唔太多人, 的間好緊, 冇辦
法, 今日有同事問我幾錢人工, 我話9k, 佢都話小, 其實呢個數
都差唔多, 希望做做下可以講小小, 仲有快的搵架車來熟的路,
唔係第時楂車真係唔敢出去...呢半個月都冇乜特別, 日日都係
咁過...係小佐出街, 可能太忙, 搵唔到時間, 而且又病, 前幾日腸
胃痛去佐睇醫生, 我諗以為我都要好好睇住自己, 唔好亂來!
終於返佐去p 記比返的野佢, 咁樣都幾好, 唔駛再諗...

>>March 15, 2008 at 3:48:30 PM GMT+8

2008 年 2 月 20 日 星期三 【晴】

2月14日真係有的無奈, repeat 地又打一次, 見到人地
一雙一對咁個心真係唔好過, 不過都係以工作度過而
忘記情人節算了, 星期六個日約佐賭神阿zing, tung, ting,
一齊出來食野, 去佐間平時見到但從來未去過既餐廳食
飯, 佢的料又小又冇乜, 下次真係唔再入去食, 雖然唔太貴,
今日老闆好好人請食飯~食到個個都好飽, 唔知呢的有幾多
次咁, 工作上多野跟佐, 超煩! 都係要做!鬼叫我打工!希望賭
神今次溝到佢既女神加約佢去迪士尼玩~

>>February 20, 2008 at 6:20:18 PM GMT+8

2008 年 2 月 13 日 星期三 【乍雨乍晴】

係公司, 剛剛睇完某人日記, 其實呢個人係我朋友
賭神的同事來, 老老實實, 個女仔都算係五官端正!
某程度上都算係靚女一名, 不過可惜就係的性格都
幾火爆下, 聽賭神講佢好鐘意鬧人, 特別係搵賭神佢
來鬧, 我聽佢講呢個女仔鬧人都幾冇理下, 不過工作
上出現問題又係難講的, 而且佢又係"靚妹"唔識諗之
餘, 有好多野都未知, 呢的野在所難免, 所以一間公司,
請人既時候都會睇下個個人夠唔夠成熟, 我都見過呢個
女仔兩次, 第一眼望落去都幾好既, 第二次就麻麻, 可能
聽賭神講佢的野, 之後個感覺冇咁好, 不過佢鬧人都係內
在既性格, 如果賭神同佢一齊, 都應該會好煩而分手, 雖然
最後都冇係埋一齊, 而且我識佐輝仔咁耐, 份人都冇乜野, 係
鐘意repeat 同一句子n 次~
唔怪得咁既樣到而家都冇男朋友, 除佐身邊可能冇男性朋友之
外, 都應該係性格上出現問題了...之但係如果佢性格都好,
咪即係十全十美....冇可能, 呢個世界冇呢回事, 可惜...可惜...

>>February 14, 2008 at 4:47:44 AM GMT+8

2008 年 2 月 12 日 星期二 【晴】

今日補寫日記~呢兩日放假都幾忙下
星期一返完工放工就去打佐陣機~之後
同屋企人去食野, 呢幾日返工都冇乜特
別, 不過最驚就係夜晚有電話打打... 放工返到
屋企sleep, 訓到六點幾七點就起身, 本來約
佐阿mo, 不過佢又九點先得, 最後同佢行
佐一陣, 就回家, 今日食晚飯, 的炸子雞好
食到朋友都冇哂. 呢期我發覺我身邊的朋友
講野都幾cute, 有時真系估佢唔到, 朋友a:我要以
賭為生. 就他轉頭又說:我要戒賭? 朋友b說:
身份證沒有了...但沒所謂, 都沒什麼用的...
身份證沒有用申說來幹什麼, 而且警察可以
帶你回警察局...朋友c說: 我好鐘意以前讀書阿sir,
我:但係人地有老婆, 咪搞咁多野, 朋友c: 但係
佢初初追我先喎, 搞到我而家咁鐘意佢.
我: 咁如果第時佢又有第二個咁點. 朋友c:咁佢
的錢我咪得囉. 我想: 做雞吧~

>>February 14, 2008 at 4:45:13 AM GMT+8

2008 年 2 月 9 日 星期六 【乍雨乍晴】

又係公司, 我係屋企用電腦既時間小過係公司用,因為返到
來都可以做係屋企做既野, 雖然好多野都差小小, 不過有得做
都算係咁~星期五個日返馬會,自已一個坐, 唔悶, 因為的super
又計錯數, 個日超忙, 完全冇停, 唔係因為五十蚊都唔想上班, 都見
到好多熟面口既人, 不過當然唔識佢地, 因為都冇機會識...放工約
佐阿驅佢地去食野...搞佐好耐先食到煲仔飯~的質素真係差!不
過冇辦法, 朋友喜歡都要去吃一吃, 都好耐冇食過~返到屋企都差唔
多兩點, 好似一日總係好多野做, 做唔哂, 其實有時覺得自己唔係太
善用的時間, 見身邊的朋友都成日搵野學,自己好似原地踏步, 不過個
日比我見到有急救學, 想學下, 都要了...希望成功!呢幾日都冇乜特
別事發生, 大家都係講緊呢個陳冠a既事件, 如果的女唔想影, 又點會有
人影到你! 都係個句, 如果我係女人, 我都"鐘"個頭埋去啦! 又靚仔又有
錢!香港人的性格吧!

>>February 9, 2008 at 6:27:29 PM GMT+8

2008 年 2 月 3 日 星期日 【微冷】

一早係公司來打個日記~返佐四日深夜間, 真係學佐唔小野,
希望呢的人生經驗對我第日有幫助...呢幾日都係放工就返屋
企sleep, 好小機會駛錢, 都好既, 唔駛成日出街, 不過成日留係
屋企真係幾悶下, 唉...要搵的野學下, 真係有的興趣搵的煮野既
書來睇下! 要返返去P 記比返的衣服佢, 不過都係要得閒先, 平時
返到屋企真係唔想出街, 因為時間不太多, 多數都是在家中休
息好了...

>>February 4, 2008 at 12:12:20 AM GMT+8

2008 年 1 月 31 日 星期四 【乍雨乍晴】

昨晚返夜, 開始我連返六日既行程, 主要都係做的日日都
做既野~聽賭神講佢個度有個幾可愛既女仔, 佢又有目標,
都唔錯, 希望佢加油~佢做既迪士尼, 我以前都有apply 過去,
之不過因為我唔得閒最後冇去interview, 佢個post, 都有9k,
其實呢個數真係幾唔錯, 不過就冇佐雙糧同花紅個的, 計返
條數, 好似冇咁好, 不過呢的個人, 賭神佢like 做都冇乜所謂,
呢幾日都好務實咁食佐十一蚊牛肉河, 但真係幾好食, 佢的
牛肉幾碄, 平得來又好食, 香港都唔知可以係邊度搵到又平
又好食既食物, 以前深水po 都好平, 而家全部加哂價, 雖然都
係比出邊便宜...說到這裡, 今天也是很冷

>>February 1, 2008 at 10:14:58 AM GMT+8