2006 年 1 月 20 日 星期五 【晴】

前日去佐staff-fun-bbq, 唉,唔通收尾個班真係冇乜著數?
好在阿蛇冇去~昨天不知道jeff 為什麼編我返11點收3點?
返佐去就係啦~以一小時超快速度整哂的野~之後走人~
仲走佐去機城打機~不過kof冇乜對手~因為得我一個玩._.
之後seed 又唔知點解輸佐比電腦~次次都係比電腦打死
佐部電腦~就咁冇佐六蚊~最後都係打返的舊game, 一蚊
局居然有五局三win, 正~不過玩到有少少悶~返到屋企~
食完飯唔知點解超想訓~九點就訓佐囉~一早五點幾鐘起佐
身~最得難得地同阿媽食早餐~返屋企又訓過~廢物人生?

>>January 21, 2006 at 7:20:31 AM GMT+8

2006 年 1 月 18 日 星期三 【微冷】

今日跟label 個陣~諗起的野~
我識既人之中有分兩大類~
1.返工
2.返學
我意思當然係全職~兩邊都係~
返學個班友仔比我一種感覺----浪費時間
返工個班友仔比我一種感覺----推動社會
首先表明以上發表由心而發, 絕冇對任可人產生針對成份
先講返學~眾所周知近呢幾年香港既教育機構開辦佐唔少
既證書課程, 當然有八成係自已比錢出來讀架啦~但都係好
多人去讀bor~我身邊有八成同學仔包括我, 都係因為未咁快
想出來做野先讀書~政府推動教育機構開辦呢的course, 但另
一邊又話太多高學歷人士~咁開來做咩呀?
又講返工個的~我現時做呢份工既~唔計某的返開學既part-time~
其他人既學歷都比較低~但如果唔係佢地~呢個社會就冇人去推動~
so真係唔好睇少低學歷人士~係我眼中我比較看得起低學歷人士~

>>January 21, 2006 at 7:13:38 AM GMT+8

2006 年 1 月 6 日 星期五 【颳風】

星期一要test, 的野真係唔記得七成~今次死既機會都係七成~
組長又叫我返12~其實話返三~到最後都係十二...今日出糧~預
我想像中少~可能根本就冇咁多錢~搵一日一定要mark 低哂的返
工時間~已經半個學期~上既堂唔超過十五堂...我呢一年過得一的
都冇味道...

>>January 7, 2006 at 3:29:01 PM GMT+8

2005 年 12 月 30 日 星期五 【晴】

oh~寫日記~今日返完工同蛇同jimmy 食宵夜~諗
返起一年前我地仲係trainee,變到而家既全紅~
大家放心, 我仲係trainee~個名係假既~明天又要
返10~真係極唔鐘意返十...返到去個人迷迷下咁~
仲要連做16個鐘...死緊~要訓了~

>>December 30, 2005 at 5:37:09 PM GMT+8

2005 年 12 月 25 日 星期日 【微冷】

睇完人地的日記~又寫返自己個日記比人睇~
昨天聖誕節~一返去以為埋aux~變佐水吧~我除
佐做單之外~我諗我冇做過其他既動作~而係全日
爆種既情況下,都總係頂唔住~每一分每一秒都要
吹雞~但總覺得~今年沒上年那麼旺~唉,總算過佐去~
夜晚原本唔食宵夜~點知咁多人~冇理由唔食~食佐
80蚊~但入肚既野總覺 得只值30蚊...最後幫阿蛇比埋
錢~個銀包剩返廿幾蚊~之後去佐阿mo 屋企~其實太夜
唔想去~點知都係去佐~玩佐一陣連線psp~就回家了~
好在放25號~好老實講~可能好多人覺連續返三日14個
鐘係小事~就真係好難頂~不停做野~估唔到自己可以頂到~
真係出乎意料之外...

>>December 25, 2005 at 4:35:51 PM GMT+8

2005 年 12 月 18 日 星期日 【晴】

呢日日記一定要寫~點解當然係wto既事~影響力真係唔可以睇少~
先講上班~因為wto 既關係~有一班係南韓既農民來佐香港示威~
示威原因當然係想取得wto 班友仔一個公平的既決定~詳情唔係太
清楚~不過聽人講佢地好似冇飯食@.@而wto 點解要係香港搞聽聞
每次都係唔同地方搞~今次choose 佐香港~而因為驚班農民有行動~
搞到呢四五日都唔係太忙~前日星期六仲好似有暴動~金鐘~灣仔and
cwb都好少人~好多shop 都早收佐好多~
學校方邊我個人就冇乜影響~是關我剩係返星期一~而停課就係二至到五~
wto 反映出香港人幸福and呢個世界有唔少冇飯食既同志...

>>December 18, 2005 at 7:18:49 PM GMT+8

2005 年 12 月 10 日 星期六 【晴】

難得放假寫下日記~不過我隻眼經過呢幾
日狂玩新game再加埋狂出街打機~已經時日冇多~
我唔想雙目失明~前幾日去過阿mo 屋企囉~
由我呢度行過去最快應該可以十分鐘~慢既就二
十分鐘囉~老實講真係幾近~就係因為咁我下次要
bring 多的野上去~kaka~當自己屋企住~係咪好自私呢~
講真一個月都唔知去唔去到兩次~近唔代表大哂~
呢期我既個人話題就係班長追到女仔~~~~~
其實佢追到個女仔好正常~我剩係覺得佢一路都冇
對象先追唔到~身邊多數都係男性朋友~今次佢fd搭fd 既
情況下終於完事~我今日請你食呢餐都抵~下次你請~
前幾日jeff 問我返x'max邊幾日~我搭佢24 25 26~老實
講我都預佐係呢幾日~我諗三日都係十二個鐘嫁啦~
如冇意外希望三日都可以去到阿mo 屋企訓~不過佢
屋企好似好多人book 佐= =~呢幾日返個隻game 既
進度唔係太多~的任務實在太難玩~真係好似一隻online game~
今日除佐約班長食飯仲有出佐旺角試下部psp可唔可以
online~結果都係唔得既~之後就搵curry~點知佢十一點先
來到join 我地~但係佢返工既時間係十一點~搞到我唔知講
乜好~如果的人唔放飛機同準時一點就好了~明天
又要返工~到現在我還沒睡~真的不想過這種夜生活~

>>December 10, 2005 at 7:10:59 PM GMT+8

2005 年 12 月 4 日 星期日 【晴】

又差不多到出糧既日子~我預自己會有3千多元~
先看看上個月的支出吧:
levis 701-$489
sandisk 512mb mspd-325
sm dvd-$89
psp game-monster hunter-用兩隻舊game換回來+40
其餘五百多元~已用在返工和不用返工的洗費~
其實我都算大駛~呢個月

>>December 5, 2005 at 5:27:31 AM GMT+8

2005 年 12 月 1 日 星期四 【晴】

過佐十幾日又寫日記~昨天又又在pizza hut 升level 了~
學多了幾樣東西罷...一路都係ph 冇乜突破~可能我返太
少既關係掛...今早又比我家姐整醒了...真是...如果可以
既話~我一定會出去住...昨天放工就和同事們去了打機,
某同事真的很利害~我認為佢有能力繼續win 下去~
星期一上課~阿sir說:這科是沒有考試的~但到學期尾會有
一次考試~我:@.@

>>December 2, 2005 at 1:28:21 AM GMT+8

2005 年 11 月 19 日 星期六 【乍雨乍晴】

前陣子上唔到網~想洗佐個window~點知我家姐
自作主張咁整走部cd-rw~最後當然毫無保留咁delete
哂的野~算~最後我家姐唔知係乜情況下搞返好個network...
因為一時之下忍唔到自己舊個部(dvd-rom)~ 佢的讀野
速度實在太(快)~搞到我生不如死~so 走佐落去新高登睇~
一上去見到佢開佐間新shop~咁就緊係第一時間走去睇下~
佢間野的價都比高登個的便宜~咁就見到有cd-rw買,
仲要係combo~咁就開始考慮啦~返到屋企即刻打比班長~
就約佢出來睇~咁我第一句當然問佢係邊~咁佢就話係tum門,
我就好出奇~不過都冇理~繼續問佢得唔得閒一陣~佢話差唔
多會出返來~咁就等啦~點知一等就佐佢兩個幾鐘~其實除佐
睇cd-rw之外想睇埋有冇個隻二手gta睇下有冇得買~
呢隻game 一手差唔多每個地方都賣$350~咁係呢的情況下我當然會choose
二手啦~首先同個fd去佐深水po 睇combo~諗諗下都係未想買住~
之後就去旺角睇memory stick,見到張二手既512mb要280~諗諗下二手會
唔會好易燒呢?我同班長一路行~佢就講佢頭先原來約佐兩個女仔去
街~少有~唔怪得走到咁遠入去搵人~佢仲對約出來既其中一個女仔有意思~
我當然support 佢~佢應該試下拍拖~kaka~最後都冇野買到~
第二日再約佢出來買combo,原本想買aopen~點知比班長講講下~
又想買liteon,最後睇睇下~又想買lg or 三星~點知入去間shop 度問~
佢話剩返三星同另外一個叫nu 既品牌~咁佢就sale 我買dvd-rw~初初
都想買~但係諗起自己都唔會燒dvd~就同佢講話唔駛~
咁就諗住走啦~但係見到個nu 既品牌~賣209蚊~即刻眼
突@.@~咁就囉上手睇下~諗諗下~不如平平地求其買
部來駛下~咁就choose 佐呢部, 仲有一年保養~200蚊有
一年保養仲要去到大角咀保~算係咁~買佐就跟係即刻
返屋企裝~多得我個fd幫手裝~ok哂之後緊係裝返個software
落去睇dvd同燒cd~囉佐隻四五年前既暗戰來試~睇落好
似冇乜分別~我意思係dvd同vcd既分別~之後試下燒cd~
點知佢個nero 係壞既~不過都有辦法去試~整體都ok~部
野的speed 都唔錯~初初諗住搞兩個rom出來~但最後諗諗
下都係唔要個個用到就讀唔到既(dvd-rom)~
呢幾個星期都有keep住搵的fd~聽佢地講而家讀high-dip~
的阿sir 都係咁~搞到我都唔知下年讀唔讀好(if pass)~
又諗下其實轉過去寫game 都好bor~但係我又想係java
度發展~因為本人比較鐘意java 多過 c++~雖然c++ 都係oo...
但始終java 比較現代化的~用起上來都得心應手的~
個日記寫到好長~因為實在太耐冇寫~原因緊係冇野寫
而唔寫啦~日日返工~放工~返學都係食住糖等上堂~
無聊~打完個咁長既日記當然要改下佢~唔係閱讀者會
話我講野1999

>>November 19, 2005 at 6:09:19 PM GMT+8