2003 年 12 月 1 日 星期一 【晴】

互相代禱，好嗎？

每次跟你談完，總得寫日記去記下當下的心情...
現在..就好像一切在你手中掌握似的...
一時接近我...一時離開我...
而我，亦一一接受！

本是個直接的女孩子，不喜歡猜度...更討厭誤會！
這夜....又浪費了你許多的時間跟我解釋......
message與message之間...有些時候要等幾分鐘的.....
我在想...是你的傷口在痛？還是你根本不想回覆我？
這都不是我希望得到的答案....不想你痛，也不想我痛！
說清楚了，好讓大家也清楚知道正發生甚麼事

老實說，跟朋友談過我們的事....他們都叫我小心！
你...也要小心，其實這是件非常危險的事.....千萬要想清楚！
我..真的值得相信嗎？而你...我是相信你的！
但...還有許多許多的問題.....
我喜歡造夢...一直知道夢就是夢....不會實現的......
但為何我和你的夢...好像......算了吧！活在夢裡是最精彩的！開心的！

本來...你就是不佔有任何位置的，
那一次，我主動叫你進入...放進最低下的位置.....
那一次之後....曾經將你放過在很高的位置.......
那一次....又放低了，卻又不忍心放到最低..怕見不到你......
一次又一次....現在，真的不知道該把你放在何處！

不知道是否主的安排，不知道是否拖延....
願我們走的，都是神所喜悅的路！
繼續互相代禱，好嗎？

>>December 2, 2003 at 2:44:18 PM GMT+8

2003 年 12 月 1 日 星期一 【晴】

無意中又睇番d o camp野.....
突然無咁後悔做組媽...因為班仔女真係好好...
果四日三晚真係好令人回味...
後悔既只係.........算啦~都過去左啦，無謂多講~

見番隻飛機..好想記低：
「四日三夜既相處，實在得到不少深刻的體會。由"no-table dinner"到晚晚排隊洗澡，再到綜合晚會，band show、李力持的夜......這全部都是很美好的回憶。
我感到很幸運，因為我能夠進入聯合書院，參與這次o camp，認識了很多很多朋友。最幸運的是我有一對很好的組爸組媽----warren andd doris。他倆照顧同到無微不至。他們一定是最好的。
在此，感謝每一位為今次o camp出力的工作一員，多謝！」

幸運的...是我，有你們這班仔女...聖誕我地一定一定要出黎玩，知唔知？
我忙...老公仲忙....你地個個都好叻，所以...都好忙....又劇社又上莊又辯論隊又....
咁忙..真係唔忍心叫你地出黎聚....可以既都想俾多d時間你地休息，
但係...我做得arm唔arm呢？深知每次組聚都在中大係好頹...對唔住！
今個聖誕，老公21-25, 28-31都走左，我25-31又走埋....唉~對唔住......
^^ 19約你地出黎啦！好唔好？
有你地呢班仔女...感到非常幸福！謝謝你們咁孝順！

>>December 2, 2003 at 12:34:18 PM GMT+8

2003 年 12 月 1 日 星期一 【晴】

朋友生日...送左份大禮......>_<
就係甩底喇！
我竟然唔知醒..真係好鬼無用！
對唔任.....x10萬次都唔夠！

sorry呀！

^^ 不過俾左個難忘既生日你啦！哈哈！

>>December 2, 2003 at 12:59:43 AM GMT+8

2003 年 12 月 1 日 星期一 【晴】

今日..點都要開開心心咁過！
因為今日係我既超級絕頂非常好好好好好朋友既生日！
X姐...祝你生日快樂！^^
等我介紹一下佢先！
佢係一個好man既女仔....但係....經過我同另一個朋友既改造之後..
已經唔同左...由man姐轉左做貪靚、嬌滴滴的小XXlu~哈哈！
但係...豪氣依然.....勁！點都改做唔到佢呢樣野......正！

^^ 佢真係好好，又叻......又吸引bor.....簡直係人靚身材正，
d男人排隊排成九條街都見唔到龍尾....
有時又真係幾羨慕架！不過....哈~ 都幾替佢煩~~
生日收禮物都唔知會唔會收到手軟.....
又多人約啦...好在我都排到個位，^^ 約左佢聽朝食早餐....
哈~ 等我送個大袋俾佢用來裝佢既大大件生日禮物(佢份大禮)啦！
講笑only，搵唔到咁大既袋，sorry！^^

^^ anyway，真係祝你生日快樂，每日都過得簡簡單單、開開心心！

>>December 1, 2003 at 5:08:50 PM GMT+8

2003 年 12 月 1 日 星期一 【晴】

^^ 哈哈...又訓左兩個鐘晏覺...真係內疚喇！

突然記得要返教會開會...臨時搵人幫我代補習...真係唔該晒！

開完會，返屋企既時候同朋友傾左一陣...
佢問我：「咁你點呀？你好似好空咁既？」
嘩！佢真係犀利！咁都俾佢講中！
我...一直都有咁既感覺啦....只係唔識得形容.....
而家，我就好似在一間好寬大既房入面....天花板、地板同牆都係白色既...
望入去好似見唔到盡頭咁...endless..........
唔知應該各邊一個方向走.....向左還是向右？
茫然......

^^ 多謝朋友一言驚醒夢中人！

>>December 1, 2003 at 4:34:14 PM GMT+8

2003 年 11 月 30 日 星期日 【晴】

訓左成日...個頭有d痛添！
竟然訓得多得滯而頭痛...真係內疚喇~

^^ 不過...訓醒左之後，個人心情好左好多呀！
無琴日咁沉重....都好既~咪當個新開始lor~

細佬唔記得帶功課返學，好彩我在家，可以拎俾佢...
但係.....又無左兩個鐘lu~
因為返左學校，同miss傾左一陣......
原來今日學校捐血呀！好想去捐，但係可惜無時間啦，
要返屋企睇妹~..而且...仲要做功課添！

^^ 返左學校...又有好多回憶..
個感覺依然親切，雖然好多野都唔同左....
但係個feel始終無變.....呢個係我成長既地方！
只係有點沒有可容身之處的感覺...哪兒是我家？
哈~ miss問我有無拍拖..跟住又問我寂唔寂寞....原來miss都係咁八卦的！

返屋企...決定要黎個新開始...唔可以再係咁樣落去！
做好自己！珍惜現在、把握將來！
^^ 第一個決定就係如果下個sem住唔到宿就學番琴！
其實我真係幾鐘意彈琴架~不過無天份~~~ ^^

>>December 1, 2003 at 4:50:33 AM GMT+8

2003 年 11 月 30 日 星期日 【晴】

hea左三個幾四個鐘...
乜都無做過，還是先睡，免得浪費時間！

>>November 30, 2003 at 5:10:05 PM GMT+8

2003 年 11 月 30 日 星期日 【晴】

如果人愈大係會愈唔開心既話...
我寧願做一輩子小女孩~

多野諗左，究竟係好事定壞事？

發覺自己有強逼症...
成日強逼自己唔開心...........
抑或...成日強逼自己開心，所以攪到唔開心呢？

點解開心唔開心都要強逼？

>>November 30, 2003 at 4:44:28 PM GMT+8

2003 年 11 月 29 日 星期六 【晴】

心情不佳...最想打OD.....

要時常提醒自己：
人會變的
發現有不足之處時，不要逃避，要勇敢面對
或許會有意想不到的收穫呢！

如果我係一個理性但不感性的人就好了~
可惜偏偏相反~ >_<

謝謝茵姐陪我！

>>November 30, 2003 at 3:20:22 PM GMT+8

2003 年 11 月 29 日 星期六 【晴】

終於都去左...
寫完日記，老豆打俾我，叫我落街幫佢拎野...
跟住問朋友應唔應該去，佢叫我去..
所以我就去左啦！
我無喊到呀！幾叻！
因為...無見到佢......淨係見佢張相.......
好快就走啦...因為唔想佢陪我咁耐....唔好意思嘛~
臨走...師母同我講：「老師知架喇...」...見到佢雙眼通紅.....都唔知講乜好........
同朋友一路行一路傾計，佢變得多野講左...仲串左添！
佢真係好好...無嬲我.......之前其實有少少避佢..........
原來佢已經拍拖啦...咁我都安落d.....同佢好傾左~

同朋友分手之後，就去左海旁行左一陣....諗番師母同埋以前既事......
唉~我真係無用喇！朋友話我眼淺...一d都無錯~
之後又搵番我d小同...因為要俾番錢佢地.....
then送左其中一個朋友搭車.....then返屋企..........
又行海旁....突然好掛住婆婆...........
同佢傾左一陣...佢應承左我第二時同我影畢業相架！

珍惜眼前人
珍惜現在所擁有的

今晚又諗左好多好多野...

>>November 30, 2003 at 1:50:10 PM GMT+8