2004 年 7 月 8 日 星期四 【晴】

傻哥呀！你係第8888個人氣嘛...唔講底咁我提你有乜用bor...
你一ddd都唔似我既~

仲有...tracy女女
你地開心就得喇！
我一ddd都唔辛苦，你地就做得辛苦啦.....
加油吧！^^

>>July 8, 2004 at 6:12:07 PM GMT+8

2004 年 7 月 8 日 星期四 【晴】

同新朋友傾左一陣icq.....
覺得有d出賣左自己咁......

um.....
朋友都叫我搵個伴
搵個錫自己、照顧自己既人
唔係話搵就搵，有好多野要顧慮
好驚訝自己呢一年幾竟然可以挨過到....
可能身邊有一班好好好好既朋友係唔同d
我已經將感情事交左俾主
佢會俾指示我......
我唔會知道佢係高、矮、肥、瘦
我只知自己會好愛好愛好愛呢一個人
唔會亂黎，亦無衝動亂黎
對而家既生活，我好滿足
不過唔知聽日會發生d咩事
最近.................
亂諗左好多野......
如果我同你地亂講左d說話，
唔使理我
聰明既人，千祈唔好對我咁好
如果唔係你地會有排俾我玩....玩到殘晒，就唔好啦..................
****************************************************************************************************
容我寧靜
曲、詞：西伯

晨曦之中，我尋求神話語。
每分一刻感激主多愛寵。
日光之中，人流離在多變世俗裡，
啊聖靈求你引導我禱！
(啊聖父求你潔淨我心！)

容我寧靜，聽候在你的跟前；
一心一意，願尋求你的旨意。
藏你懷內，看萬事變得空虛光輝不再，
願我此刻知你是神，願我得享安息，
在你手裡。
*******************************************************************************************************
願我能聽到你的指示吧...

>>July 8, 2004 at 5:55:38 PM GMT+8

2004 年 7 月 7 日 星期三 【晴】

點解我仲咁似一個小妹妹
唔識得控制我既情緒既？

派左placement既result喇....
去勵智既單親labour development中心....(在黃大仙的)
fieldmate係.....大我一年既師兄 - 周峻任(震音)
好驚......

咁...我住唔住宿好呢？
派去沙田咪好lor...... ><"

>>July 8, 2004 at 6:09:44 PM GMT+8

2004 年 7 月 7 日 星期三 【晴】

整左好多曲奇呀！
都幾好味....^^

放心啦哥，一定留d俾你....
(係由而家開始留bor....哈哈！)

今日一起身就同妹落街食早餐
then去大眾睇下今晚食乜"送"，皆因今晚由小妹主宰全家既生死
點知見到本甜品書....如果係以前自己一個，就唔會買啦
不過...妹係度，不停話要買..咁...就買左喇！
then就去買"送"同曲奇材料...
買埋lunch - 壽司，就返屋企lu~
食完lunch就做self-intro，then就開始整曲奇
整左好耐啦.....曲奇都未整完就要prepare dinner lu~
食完dinner就練琴
then睇電視

好開心、滿足的一日 ^^
=================================================================

朋友聽日做手術，祝你手術成功
=================================================================

P.S. 派左placement result啦.....
thomas哥哥好似好down咁........doris真替係擔心！有咩即管出聲啦~~
helen姐姐你都係呀！唔使咁擔心...你咁好人，同邊個part都一樣啦！^^
雖然我好驚，而且唔喜歡agency既地點，不過總覺得去到就會係另外一回事，而且每個placement都有佢好同唔好之處啦，唔擔心得咁多~ ^^

我一定一定會整番d好好味既野俾食物層朋友既~ ^^


oh.....
無論你地最後既結果係點
希望你快d復完啦......

>>July 8, 2004 at 2:31:02 PM GMT+8

2004 年 7 月 7 日 星期三 【晴】

滿腦子都是....朱古力！
唔制啊！

今天下午打算弄些少蛋糕回去給OC們
算是給他們打打氣
不過...失敗了.......都不好看的.....咦~
幸好我想了一辦法解決...hehee...就是先把蛋糕仔切件，便不會有人發覺啦！^^
由於遲到，於是便由火車站走上山頂......走得通紅了....
dem games、練舞，又一個下午
thomas無得食我整既靚靚蛋糕添！下次再特別為你炮製一個~
之後回家

^^ 謝謝你為我帶來notes啦！
M記得雪糕，不錯~
妹又來睡了....是夜沒有陪伴她
一直想icq.....被人投訴我..................><"
我...一直都覺得那是沒有問題的........
但.......我會改....try my best吧........................
在變之前，請繼續容忍我，將就一下啦~~
跟哥icq，原來我是他暫時唯一的妹，好！要好好利用這身份去"拿著數"先~ hehee....
自拍了....^^ 第一次，蠻喜歡那照片....拍得我不錯吧...哈哈~~
===========================================================================

誰說「情場得意，賭場失意」？
我不認同啊！
第一，我沒有賭，只是玩
第二，我沒有參與"情場"這玩意呢！
==========================================================================

你說我不了解你，其實......
我很內疚、很hurt
對不起

>>July 7, 2004 at 6:27:28 PM GMT+8

2004 年 7 月 7 日 星期三 【晴】

好幸福....
我覺得自己真係好幸福..........

身邊有好多好好既朋友，當中不乏男性既好朋友，多謝佢地對我咁好、咁關心我
從未想過會是如此.....數數手指頭，對我好的男性朋友竟不比女性少.........
有願意為我修理電腦的
有願意陪我看電影、逛街、看卡通片的
有願意教我彈琴、打球的
有願意從老遠的地方寄東西給我的
有願意在我不快時關心我的
有願意放棄私人時間陪我的
有願意跟我分析難題的
有願意與我瘋癲亂說話的
有願意跟我淫亂一番的
還有很多很多........
雞雞、哥哥、哥(屎謙)、傻傻、火柴人、康康、Thomas、基基、肥豬、benny、ex-老公、仔仔、白姐、路人等等等等
謝謝你們

女朋友仔也不乏啊！
俐俐、茵姐、小鳳、小雲、Laura、細Car、helen姐、大car姐姐、wing、女女、joyce媽、maymay、文茵、sara等等
你們也常常忍耐我......
好感謝你們啊！

朋友....希望能跟你們一輩子！
=========================================================================

晚上icq，哥真的很好.........
^^ 謝謝你的照片....可愛死啦！
我給你的也不錯吧....hehee......

還有...謝謝你的電話.....
thanks

還有呀......你的安慰.............
多謝你，我會嘗試不向洞裡鑽
你永遠是最好的

還有還有....
我會try try去變
但.....希望在變之前你能容忍我一下

>>July 7, 2004 at 6:11:26 PM GMT+8

2004 年 7 月 6 日 星期二 【晴】

琴日開始正式放假
好輕鬆呀！^^

琴日好早就起身...九點幾啦！
就沖涼同做功課lu~
之後去左"金童玉女"聚.....
好開心又見番呢班朋友......好耐無見呢！
之後返屋企...做做做....終於做完d功課lu~
好野！真真正正咁放假喇！
同屋企人打左一陣麻雀....未win過添！
then就睇電視，再過一陣就玩下電腦
(其實係打自介....仲要打埋死八公果份......)
阿妹訓唔著，陪佢一陣...點知自己訓著左...
訓到今朝.....哈哈~
==================================================

一陣要返cu呀！
早少少返到搵reference for FYP
諗住整個蛋糕返去俾d同學仔添！^^
sorry呀...下次先陪你啦~

>>July 7, 2004 at 4:38:14 AM GMT+8

2004 年 7 月 5 日 星期一 【晴】

做晒placement既功課lu~~~
YEAH!!!!!!!!!!!!!!!!!!!!!!!!!!!!!!!!!

><" 聽日要返CU dem games.....oh..........................

>>July 6, 2004 at 10:50:51 AM GMT+8

2004 年 7 月 5 日 星期一 【晴】

遲d要幫教會帶camp....
做導師我無問題、講workshop都ok....
但係..............

要我做司琴？太過份喇！
我....真係唔識架............
好驚好驚..................................
雖然係六級，不過好屎....
我唔識琴伴奏架！
點算？
想搵教會中叻人幫手，但佢唔得閒
想搵中同幫手教下我.....又唔得閒.....
咁有邊個可以幫下我呀？
主呀....好驚好驚................................
我真係唔識架......點算好？

有無邊個識彈琴&伴奏既，可以教教我？
請你食飯又如何！
唔該...幫幫手~
謝謝
====================================================

哈...傻傻叫我帶佢番教會呀！
好野~~~~

>>July 6, 2004 at 10:43:20 AM GMT+8

2004 年 7 月 5 日 星期一 【晴】

前幾日真係忙忙忙.....
去左兩個camp，唔得唔講下啦~~~

一、Leadership training camp
個camp本來同kit-kat一組，後來同左helen姐一組....
^^ 真好！我好怕個組無野講、無氣氛呀！
同helen姐一齊又可以做番自己...好開心啦~~
由於時間關係.....camp既流程都係copy&paste算喇：
一早就要去briefing...不過...又慣性遲到
briefing完就去食飯....俾人發現左我既"淫亂"添！
都係你啦...thomas！我諗住細O先發揮出黎架咩........
多謝thomas請飲奶，又同我夾買吹水食物.....
之後就返宿準備接人

接人比較混亂，俾人串左兩咀...算，我忌！
係學思分完房
就同helem姐"去左lourdes間房吹水
一入去，已經見到幾個女仔係個到
大家都是第7組
有清水、阿k、fanny、ming
一眾女仔便先認識大家"

"下午開幕禮後
我地就去左飯煲底玩遊戲
玩左進化論、傳繩、傳報紙?
大家都好合作
在組中漸見到某些同學已是leader既角色
在改組名環節中
同學仔suggested了007、seven up、七喜
同學仔最後揀左rainbow seven
「rainbow seven, 威武過人，樂而不淫，笑到頭暈」
我地仲有變身姿勢"，真係笑死
可惜我係物資負責人，呢個game唔係好多時間可以同佢地一齊玩
之後去食飯，仲同大家一齊玩satisfy，
佢地都幾enjoy咁
"食完飯去聽TALK，都有啟發"
無錯，做人有目標係好好多架！
之後攪左一陣野就"同同學仔去左偏聽吹左一陣水
玩左一陣遊戲
男仔在12點半就要回去了
女仔就繼續係Lourdes間房吹水同玩"
d組員真係好好！

明明已經較左鬧鐘，但係...聽唔到！
好彩helen姐"生理時鍾發揮作用"，叫醒左我！
不過....好眼訓呀~~~
"去NA CAN食早餐，有粥同腸粉
吃過早餐
我們便去參觀機構--香港痙攣協會
我地組都算好彩，抽中左一間唔錯既機構
而且仲有SWK 最受歡迎既PROF Wong陪同我地去"

是次探訪得著好多，感受好深.....
empowerment真係俾佢地做左出黎
唔會驚唔會怕，感覺好舒服.....雖然...d人真係好慘，
不過見到佢地能夠攞番人既尊嚴，感動
"探訪後，我地經過超市，買左雪條一齊食"(多謝helen姐)

食飯之後，就係野外動向時間
覺得呢個環節d組員會學到好多野
所以我唔多出聲，等佢地自己去玩、去領會
一路都見到fanny佢行最後，而且好辛苦咁
成日問佢有無事，佢都話無
睇住其他人係咁向前跑，fanny就係後面好辛苦咁追，真係好想叫停佢地
不過.....個組係佢地既，唔好插手住係最好.....
最後我忍唔住叫lourdes睇住fanny，點知lourdes就跌親.....
同lourdes洗完傷口，見到fanny坐係度透唔到氣咁....好擔心
其實...唔係好明...點解無人發現到fanny咁唔舒服.....
我個心都好唔安樂，因為....我無一早就stop佢地or叫fanny休息
見到佢咁，我真係好驚佢有事.....唉！
最後陪左佢地入PWH........
搵阿sara幫幫手，^^ 掛住你啦！
休息左一陣，佢地都好番左好多
想join番d組員........哈哈.......
於是佢地就同我一齊搭的士返CU......
咁就$100.....oh~
晚上殘廢餐時，fanny己歸隊了

晚飯是殘廢餐時間
各位同學都好投入扮演自己的角色
sonny啞左、lourdes同阿max跛左、
高b、青水盲左
整個過程同學都玩得好開心
殘廢餐，其實唔係玩玩下
是想同學領悟下作為殘廢人士既感受?/P>
提高同學對有關人士既關注

天才表現....兩組合作愉快，不過....好眼訓！
之後camp fire，組員都好投入！^^
我都好enjoy呀！好耐未試過咁跳lu....爽！
之後...輔導員吹左一陣水，佢地講鬼故.....
驚驚...因為個背脊無野貼住，好唔安全.....

"夜深人靜，又是吹水的時間
因為不能在學思吹水
唯有學思門外席地而坐啦
我地好似開party咁，
又玩左D加深認識既遊戲
講下鬼故
估下謎語
講下淫野
又是一晚了"

"本來諗住今晚係最後一晚，想同組員吹通頂的
可是明日有AYP活動
同學要有充足精神
所以大家玩到吹到四點便要回去了"
其實大家都未眼訓，不過為左聽日唔好再有不愉快事件，都係訓先啦~~
fanny黎左同我地一齊訓
佢真係一個好可愛既小女孩~^^

第三日
"早上的AYP活動
是與第八組合作
昨日雖然有D火藥味
可是日經過AYP活動，2組又再次FD番

從蜘蛛網、A-Z, 謎宮及畢業場(唔知係咪咁打)
同學體現了合作精神，
組中Leader扮演領導角色，帶領同學玩遊戲
同時在過程中亦學識了溝通之技巧、內容
中午到na can食最後的午餐
同學片橙變ja橙汁"
雖然今日係後一日camp，不過無唔捨得d同學仔
因為知道之後仲可以約出黎玩

食完飯後，去學思收拾東西
有些組員有事不能留下而走了
最後，巧儀、helen、doris、Max、sonny、lourdes、青水、fanny、斌
留下繼續吹水
大家吹下淫野(好難得大家都唔介意)
玩下truth or dare
(多謝helen姐既日記分享....哈哈~~)


我四點左右就走lu，要返教會開會.....乜都未準備..........oh~
開會開到九點，走人
十點幾頂唔順，訓左
第二朝一起身就沖涼，then返教會做司事
然後返家做功課
再出發去中環參加退修camp
個接待既李小姐好惡......
個camp site係一個天主教既地方...唔俾人嘈
周圍地方又好暗，都幾恐怖
三餐都好簡單，三"送"一湯，白飯任裝
自己收拾碗筷既camp我就試過幾次，不過連碗筷都要洗埋既就係第一次
同導師&團友仔一齊去，人少少，好有family feel...^^
個camp教左點樣面對逆境....有d得著
而且聽左好多分享
最後既祈禱更加感動
夜晚頂唔順訓左兩個鐘
之後去左吹一陣水，三點就訓lu~

臨走去左耶穌被釘既苦路十五站(基督教only十四站)
就走lu

好舒服既一個camp

>>July 6, 2004 at 9:28:37 AM GMT+8