2004 年 8 月 11 日 星期三 【晴】

我唔要扮細路！><"
我要做細路女~~~~~~!!!!!!!!!!!!!!!!!!!!!

唉....
琴晚食飯，婆婆同我講表哥既老婆(即我表嫂)走左......
我仲以為佢地好恩愛添！仲以為可以好快生BB俾婆婆抱添...
點知......天意弄人？

佢地兩個係大學同學，好快就結婚...都幾年啦.....點解仲會係咁？
感情呢家野真係........玩得死人！
===========================================================

mmm......
學生仔好快咁又換左畫，仲要講到好有道理咁
作為女仔既我，好唔認同佢既做法
所以....係我好忟之際，我唔再理佢
唔想鬧佢，畢竟佢仲細
不過....以佢咁細既年紀就學人拍咁多次拖....第二時厭左點算？
感情呢家野....真係玩得死人！
===========================================================

唉~
或者你地講得啱......

>>August 11, 2004 at 6:02:39 PM GMT+8

2004 年 8 月 11 日 星期三 【晴】

琴日同今日，又好似係一日咁
有時真係分唔清d時間.....過得好快

琴日起身就見到冷清清既屋企
因為屋企人去左旅行，我當然照例唔去啦！
唔想訓到咁晏，起身整下蛋糕仔，想整俾d細O既OCEC食....當然仲有大組長啦！
不過整唔切..唔緊，仲有機會既~

返CU開細O會，諗緊自己答應玩細O有無做錯
今年佢地做得好投入，已經做得好好
可能就係做得太好、太投入，有d盲點出現左自己都唔知
到有人提番既時候就已經太遲lu~
唔知上年我做OC既時候有無呢個情況出現呢？
而家作為大組長既我，見到呢個情況，其實有時都幾激心.....唔明點解唔肯接受
不過算啦，可能自己都有盲點但係唔知
希望我玩細O呢個決定無錯啦！^^
其實我玩細O仲有個目的就係同d"師弟師妹"熟dd，畢竟過左一年同佢地都唔係太熟....
雖然我頹，但都唔可以頹成咁嘛~~~
^^ 又一個multi-purpose既camp!!!!!!

同大組長食lunch，好得意既combination，但又好好笑.....
越來越鍾意SWK添！以前都唔知自己可以係入面識到咁多朋友.......
食完就開會啦
都算順利
最鍾意係break既時候...一大班組長一齊share食物...好溫馨啊~~!!!! ^^

之後去婆婆屋企食飯
同婆婆傾計....好攰，好早就訓lu~
好眼訓.....記得發左個惡夢......又喊得好勁添！

第二朝訓醒....仲係唔夠訓，但係都10點lu~
起身婆婆公公話去飲茶.....好耐無陪佢地，唔想佢地失望，就同佢地去飲啦...
三個人食左7個點心，好飽好飽！不過連埋茶$都只係$47.5....好抵啊！
食到好飽飽....lunch都唔使食lu~ 食左個甜品...hehee.......

因為飲茶，結果組聚delay左半小時！^^ 好彩仔女都唔介意~
去左牛牛度食，傾左d組飾.....仲未有slogan貨添！點算好呀？
食完去左行街街，買左d主打組飾既野.....YEAH!!!
其實partner都唔錯，應出主意時都ok，唔使佢時又會唔出聲bor
見到兩個男人跟住我地女人尾去格價，明明好攰又唔出聲，其實幾得意
買左好多野呀~~~

to my partner：
唉...好心你就收下把口啦.....
我知你係好人一個，不過就.......
今日好開心見到你對個組咁投入
仲有...你算係我咁多個partner中有男子氣概既一個喇！
見到你厚住面皮去問人野同將d組飾物資放入你個背包時，感動架！^^
o camp...我實撐你~~ ^^ (諗番起上年今日都係撐緊某一個人添！)
仲有仲有....聽到有人叫你做爸爸...終於有仔女認你做爸爸喇！^^ 我好開心呀~~~~
有內涵有內涵！^^

>>August 11, 2004 at 5:19:02 PM GMT+8

2004 年 8 月 9 日 星期一 【晴】

今日無咩做過....當係陪左屋企人啦........
無聊之中，有點悶，但.....享受~!! ^^

夜晚整左d小食.....
不過自己屋企人食晒
聽日再整過d俾其他人食啦~~~~~
^^ 希望好食，如果唔係就弊喇！><"

終於都睇左黃子華喇！好耐無得睇....唔制呀~~~~

今晚食左好多甜點.......唉~
--------------------------------------------------------------------------------------

覺得自己仲未大個女.....
唔想大個女，想繼續做小朋友.....
想扭計、想人tum、想做自己鍾意既事、想有人錫、想有人攬、想做錯事
想嘟咀、想伸"利"、想唔開心俾人睇、想做野衝動d、想不負責任、想喊...........................
不過....好似越來越唔可以咁做~
sigh!!~

做得人地媽媽太多，好怕會做到厭.....好驚會唔喜歡照顧人~

>>August 9, 2004 at 4:47:14 PM GMT+8

2004 年 8 月 8 日 星期日 【晴】

今朝去左做"義工"
同人分享左少少中五放榜時既心情......

諗番幾年前....同而家真係好唔同
你呀....唔好講我既成績出去呀！唔係好多人知架，都唔想俾太多人知.....
點解果時可以做到，而家做唔到呢？
老左？係掛~

then同朋友去食飯吹水...
^^ 開心的一個下午
返屋企，無野好做，休息下lor~

>>August 9, 2004 at 8:53:43 AM GMT+8

2004 年 8 月 7 日 星期六 【晴】

去左兩個六日五夜既camp
得到好多野.....一班好可愛既小朋友同埋回憶
仲有....體驗到做社工既滋味.........

工作
我的工作是照顧十二位小朋友，訓練他們自立，並協助他們學習如何與別人相處
又要協助大會進行活動，在活動之後給小朋友de-briefing. 有de-briefing係一件好艱難既工作，因為唔會有standard既答案，要自己係個組入面observe，再引d小朋友自己講番出黎，好高技巧....以前俾人de-brief得多，而家就調番轉，都幾困難。
假如小組中有突發事故，又或有小朋友有home-sick，就要去處理。例如小妹不幸有小朋友有頗嚴重home-sick，每晚就要去陪佢及巡房兩三次，所以就長期睡眠不足喇！而且有一位小朋友又極度自我，小妹每天都花頗多時間到他身上，於是便忽略了其他小朋友，唉....做一個好既worker真係唔容易。
第一個camp，我是不停地二十四小時工作，早上照顧極度自我孩子，晚上照顧頗嚴重home-sick孩子，好不辛苦
第二個camp，工作不同了，早上照顧整個小組，晚上照顧home-sick孩子，輕鬆了~但.....做得差左，個心....內疚

孩子
我的孩子.....個個都很可愛，佢地有唔同既性格，只要細心留意，會見到佢地好乖既一面
最深刻的是汝杰仔，好可愛的孩子，照顧你真的使我心力交瘁，最高興是看到你有進步，能與其他人相處，但...看到你不守承諾及一犯再犯，就使我心碎...很失望。還有很多的孩子.....未能好好照顧你們，真對不起，只知你們要在這個camp學會自己照顧自己，因此我也不能太插手去幫你們，請原諒我~

拍擋
是一個很奇怪的人，常常引得我發笑，也常常"欺負"我，不過我知他是在說笑罷了。
在第二個camp，我很倚賴他，沒有他，我就會很緊張、很害怕、很擔心.......謝謝他在camp中的"照顧"，也謝謝他帶給我歡樂。相信在往後的日子也不會再接觸到他了......有點點不捨。

希望不會忘記"維他命C"及"黑超特警組"
就像我的第二次實習

>>August 8, 2004 at 11:55:55 AM GMT+8

2004 年 8 月 7 日 星期六 【晴】

終於都返黎喇！
YEAH!!!!!!!!!!!!!! 勁勁勁勁勁攰呀！

又去左六日五夜既camp
呢次比上次舒服，不過做得無上次咁好，頹左少少....
同個partner都算夾...佢係一個我覺得幾prof.既師兄......不過成日欺負我..... ><"
多左一班仔女，班仔唔喜歡我，班女又好鍾意我，唉~
最尾一日同左個師兄傾，佢講左d野，令我覺得自己好差勁
最後一晚，唔開心，多謝姐姐陪我~
第二朝都麻麻開心，師兄見狀，都對我好左dd，安慰架！^^

自問對班仔女唔好，有向佢地發洩脾氣，對唔住
而且我偏心得太勁.......無照顧到所有既組員.........好內疚
"一個worker點可以唔熟所有既組員架？".....好hurt好hurt........
勁唔開心，覺得自己好差勁....有好多self-awareness同self-reflection.............
我適唔適合做社工呢？仲有大約半年時間.........

好掛住所有既同事/同學添！
好懷念每夜一起開放e既情況、同partner帶game既日子
好喜歡這個camp，雖然很辛苦，不過多了兩班仔女、一班朋友、仲有學唔到既經驗

>>August 8, 2004 at 11:03:10 AM GMT+8

2004 年 8 月 1 日 星期日 【晴】

琴日好攰...做左好多時間訓覺.......
成日就係食同訓了..........
待會又要再去入camp....今次要做得更好！

加油！

>>August 2, 2004 at 1:47:33 AM GMT+8

2004 年 7 月 31 日 星期六 【晴】

有d唔開心既感覺.....
有d迷茫、失去方向
有點怕..........

昨晚太倦，一躺在床上便睡了
今早九時才發現燈還亮著
想多睡十五分鐘，結果睡到正午
很難受，覺得整個腦海都充滿著我的「孩子」及camp中一切事宜
要忘記嗎？
自問待他們不好，很惡......是沒信心的表現
跟他們關係不好，偏心得太厲害了，整天也在想起我的汝杰仔
很可愛的一個小孩子..............偏心，出於對他的憐愛

習慣了這個camp的生活，很掛念每一位共對過的partner、同事、孩子

很喜歡這個camp，只是有些時候....太害怕了......要板起臉孔來控制大家.......
很掛念很掛念你們

>>August 1, 2004 at 6:59:36 AM GMT+8

2004 年 7 月 31 日 星期六 【晴】

話咁快就六日五夜........
返左屋企，仲成日諗起d小朋友同埋個partner添！
有ddd camp-sick..................... ><"

汝杰.......
我好掛住你呀！~

>>July 31, 2004 at 4:30:23 PM GMT+8

2004 年 7 月 28 日 星期三 【晴】

班小朋友好曳曳啊！
激到我差dddd喊.... ><"
我要努力!!!!!!!!!!!!!!!!!!!

>>July 29, 2004 at 9:38:38 AM GMT+8