2005 年 5 月 23 日 星期一 【晴】

今日無啦啦留左係宿...
搵工productivity 係零~~!!! ><"

唔知點解係宿就唔可以早睡早起....
成1點幾先起身.... 平時已經食緊晏lu~
攪下攪下，攪掂左隻傻鴨~~
然後寫左一陣CV就去百佳買野食~~
今晚食乜？有雞柳茄汁焗豆幼麵同蒜蓉炒西蘭花.... 幾勁~!!!!!
仲買左最鍾意食既雪糕添！hehee........ 菠蘿雪糕既菠蘿味真係幾重bor... 芒果就差dd啦... 哈~

搭車返宿時見到死佬.... 沒精打采咁... 你有無事呀？
原來死佬之後約左女女食dinner... 哼~~ 搶左我既女女！><"""
女女又話搵我既..... 點解無左音訊？你唔好唔理媽媽呀~~!!!!
睇女女日記，話掛住我地以前夜媽媽傾計既日子.... 有d內疚感添..... 我可唔可以做得好dd呢？

落車時，在同一個地方講左同一番話：「好痕呀~!!!!」
><" 以後都唔係中大著裙~!!!!!!!!!!

好俾心機去切蒜頭.. hehee..... 好細心呀~!!!
不過當切完蒜頭既時候.... 肉同菜都已經同時準備好... 效率唔錯bor... 哈~
由於菜太鹹但雞太淡既關係... 將兩樣野撈埋一齊就啱啱好啦......
好健康又豐富既晚餐(以在宿食黎講...). 不過下次無罐頭食品就仲好~~ ^^
你等我d雞翼啦~!! 仲有試下唔用罐頭整意粉.....
洗碗時.. 又玩估歌仔遊戲...... 周星馳果首歌真係..... =.="
又睇偶像... 今次真係殘忍好多..... 都話左佢係好"色"架啦~~
郭生真係好慘... 但係同時好可愛....... 哈~~
之後真真正正的完成左傻鴨lu~~!!! YEAH YEAH!!!!!
不過有人好蠢..... 整左隻主婦手出黎...... 咦~~

我喜歡食既：
芫茜
西芹

我不喜歡食既：
魚生
芝士
牛什(內臟)
酥皮蛋撻
河粉

晚上玩online games... 真好... 你唔走留低陪我... ^^
玩左好多好多games..... 聰明的我當然win win啦~~ 不過... 有人就好蠢lu~ 連輸幾round..
仲玩左火柴遊戲... hehee... 你以為難到我咩~~!!!! 哈~ 唔可以連輸10局添... 真係慘... XDD
琴日玩國家名既益智遊戲j都唔錯... 哈~~
又是開心的一晚.... ^^ 你知道我地玩左幾耐嗎？@@"

>>May 24, 2005 at 8:27:26 PM GMT+8

2005 年 5 月 23 日 星期一 【晴】

雖然琴晚夜訓，今朝竟然起到身... 勁~!!
morning call人時.... 唔知點解可以由好清醒到唔知佢講乜東東...
你係唔係鬧緊我呢？ ^^"

起身做左一陣野... 頂唔順... 午睡左一陣....
舒服呢... 不過期間俾電話嘈醒左..... ><" 衰~~

之後好乖咁寫下resume同CV....
如無意外，我要星期四寄出第一封信~~~~
攪下無聊野，又一個下午lu~

晚上無啦啦出左去食飯....
有人又遲到啦..... 今次只遲10多分鐘... 係唔係算有進步？哈哈...
小籠飽真係好好食呀！仲有蘿蔔酥、豆沙窩餅都好好食....
醉雞同麵都good呀~ 不過d酒味好似濃左少少....
好好食既dinner.... ^^ 正~~
牛什係第n樣，酥皮蛋撻係第(n+1)樣... @@"
有人好懶.... 唔肯行多幾步路......
返到中大，送車尾.... 懶極都係要行~~~
返宿睇左"生命因愛動聽"，點知.... 俾無聊人攪攪陣，攪到無晒d氣氛~~!!!
仲睇左一陣偶像... 哈..... 個五歲小朋友勁可愛~~~~
嘈住同房仔添！sorry~!!

終於攪掂左"幸福摩天輪"lu~
謝謝你~~ ^^
原來沙紙除左磨角之外，仲有好多用途的... 下次幫你磨皮，好嗎？
============================================

要對自己好一點，你應承左我的~~
豬豬，記得買手信俾我~~!! ^^
下次試下a-1既雪糕先得~~
點解你咁熱既？@@" 真係好熱... 同琴晚張床一樣咁熱.....

>>May 23, 2005 at 7:51:48 PM GMT+8

2005 年 5 月 22 日 星期日 【晴】

破紀錄的5.5小時.......
點解會咁？勁~~!!
訓既時間同傾電話既時間竟然一樣... @@"
豬豬... 我對你唔住... 以後都唔會叫你其他花名... ><"
無聊的晚上... ^^"
電腦是第二生命？
買5送1？@@" 傻瓜~~

>>May 23, 2005 at 4:26:03 AM GMT+8

2005 年 5 月 22 日 星期日 【晴】

搵工搵工搵工搵工搵工搵工
搵工搵工搵工搵工搵工搵工搵工
搵工搵工搵工搵工搵工搵工搵工搵工
搵工搵工搵工搵工搵工搵工搵工
搵工搵工搵工搵工搵工搵工搵工
搵工搵工搵工搵工搵工
搵工搵工搵工搵工搵工搵工搵工搵工搵工搵工搵工
搵工搵工搵工搵工搵工
搵工搵工搵工搵工搵工搵工搵工搵工

煩~!!
但都要搵~

>>May 23, 2005 at 4:22:33 AM GMT+8

2005 年 5 月 22 日 星期日 【晴】

見到婆婆上電視 (幫表哥拍廣告)
成家都好興奮..... 哈~
婆婆上鏡好精神呀~!! ^^

同婆婆公公一齊嘆茶... 開心~!! ^^

>>May 23, 2005 at 4:17:56 AM GMT+8

2005 年 5 月 21 日 星期六 【晴】

好怕uncertainty的一個人.....
獨處時，總喜歡亂想東西...
東想想、西想想.... 然後又是夢醒的時候....

如果可以活在夢中多好~!!
可惜這只可以在夢中實現.....
待在夢中越久，越難回到現實....

突然好想好想去紅磡火車站既大堂添....
哈哈.... 那是一處既熟悉、又陌生的地方......
可以坐在那兒看書看上一個下午.....
看著勞勞碌碌的人走來走去，自己卻悠閒地看書... 感覺一定很好...

感到有事在打擾自己，這次誰是真凶？

曳曳.....
我就是一個奇怪的人.....
即使是你，也只能間中以文字表達深深的自己..... 那一個不喜歡自己的自己....
他的想法，連我自己也感到可怕，好驚見到佢.....

哥....
謝謝你，經常煩住你添~!!

嬋嬋...
加油．加油．fighting~!! 哈....
謝謝你.. 你對我真的很好.......
發覺跟你有點像.... 有機會慢慢告訴你吧~

可以發一下晦氣嗎？
如果平均每個人有80歲命.. 那我就只過了1/4多一點點.....

>>May 22, 2005 at 4:05:30 PM GMT+8

2005 年 5 月 21 日 星期六 【晴】

一早起身去做義工...
好開心見到公公婆婆都咁開心...

全靠琴晚好勤力咁去check check個場地係邊... 今朝先無咁徬徨咋~~
經過平時好多人既女人街.. 真係靜到好難相信係女人街....

去左球場.. 就好似人球咁俾人拋黎拋去...
好明白今日係公公婆婆至上，但係見到工作人員對義工既態度... 就有d不同意了...
"呢度有兩個女士，有無人要？" "你可以隨便叫佢地做xxx, yyy" etc.
而且... 覺得安排尚有待改善... 不過已經好好的了.... 因為咁大型既活動真係好容易有混亂~
同埋最重要既就係公公婆婆開心嘛~~!!!!! ^^
見到佢地個個雖然好熱，但係仍然笑得好滿足、開心.....
俾我服侍既公公婆婆真係好恩愛... 公公成日都就晒婆婆架~~
仲有無論同佢地講咩，佢地都笑得好開心.. 婆婆仲話有d緊張添！^^
見到好多婚紗... 唉唉.... 真係好恨嫁呀~~!!!!
佢地同我講，姻緣係好難得架.... 唔使著急wor.... 哈.....

期間俾我見到d無聊野....
有個工作人員好似想追其中一個義工咁.. 哈~
睇佢地應該係新相識.... 借d爾同人影相就get左人地既email喇！勁~!!
不過由於個男既唔係型仔，所以無繼續留意佢lu~ 繼續服侍我既公公婆婆~~ ^^

之後因為要補習，所以早走左....
哈... 曬到好似舊炭咁....... 呢個暑假無架喇.......

去左公公婆婆度食飯..... 又係一對結婚60幾年既老夫老妻...... 好羨慕呀~~!!!!!!!
我：「出年同你地去影婚紗相啦！」
婆：「下？你出年影婚紗相？」(狀甚驚訝)
我：「係同你地去影呀.... =.="」
婆：「等我仲咁開心... 以為你無聲無氣突然間出年影結婚相添！」
唉唉.... 我會唔會有野係瞞住你呢？傻瓜~!!!!
不過呢..... 婆婆你唔使擔心，你既乖孫應該點都會有人要掛..... 哈... 副主席嘛~ ^^

同個學生玩電話... 呢個係乜野miss？@@"
個學生好得意..... 不過同時好無禮貌...... 但係我又唔想教好佢bor.... 哈~

返屋企......
老豆阿媽一走左就作反.... 三隻野又打牌啦.... 哈~
然後晚上食壽司.... 唉唉... 又再一次食左好難食既野..... ><"
點解我要咁做？><"""" 好可惡~~

"浪漫滿屋"真係好好睇... 好攪笑呀~!! 哈......
好鍾意佢既"主題曲"，不過搵唔到佢既歌詞添~

嬋嬋，謝謝你~
人地媽媽... 祝早日康復~!!

>>May 22, 2005 at 2:29:13 PM GMT+8

2005 年 5 月 21 日 星期六 【晴】

做左個決定，希望無錯啦..
要有好結果~~!! ^^"

>>May 21, 2005 at 6:44:21 PM GMT+8

2005 年 5 月 21 日 星期六 【晴】

同左細佬妹媽老豆打牌...
hehee....

今朝俾人fake... 你分明玩我啦.....
算，我大人有大量... 唔會記住你既...
哼哼... 11:00變左做1:00...... 你作死啦~~~!!!! ><"

lunch係老豆最喜歡整既魚蛋河.... 因為易整
不過... 識左老豆廿二年，佢仲係唔記得我唔喜歡食河粉的.... 太可惜了...
唔喜歡都食左半碗架~~ 幾乖~!!! ^^ 之後訓左午覺... 好耐無試過了~ ^^"
俾好朋友意外既電話嘈醒左.. 時間啱啱好~!! ^^
返左教會.. 見番唔少"老朋友"....

返屋企食飯，好肚餓，可惜未開飯...
所以就不停食零食喇！哈哈~~
食左d台灣既手信... 原本想送俾人，可惜太耐喇.. 見唔到佢地..所以要自己食晒佢~
好彩老豆都喜歡食.. 咁就當係送俾屋企人既手信lor~~ hehee.....

晚上同屋企人打牌.....hehee....
食左幾鋪自摸呀~~!!!! 好彩~~ ^^"
阿妹就慘dd.... 俾細佬攪到有得睇無得食.. 最後又係激到喊lu~
仲要俾屋企人講呢講路.... 哈..... 可憐~~

聽朝要一早起身做義工.. 仲要唔識去添.... ><"

>>May 21, 2005 at 4:21:35 PM GMT+8

2005 年 5 月 20 日 星期五 【晴】

死佬帶左女女去飲酒.. 仲要懶型的揸車接佢....
唔制呀... 去玩唔預埋我.... ><"
希望女女可以吉人天相、大步攬過啦~~ =P

>>May 20, 2005 at 7:06:56 PM GMT+8