| 日記 | 日記主簡介 |
||||||||
2004 年 7 月 8 日 星期四 【晴】 今日係今個學期最後一日返學，真係有少少唔捨得２a呢個班房．．＞＜、 但係我唔走都唔得啦～因為今日派成績表，知道我可以直升上ａ班～真係超開心～ 之前真係超驚去左其他班～不過而家就放心好多啦～但我ｏ個班就有７個幸運兒升左去其他班～ 阿欣知道左佢升ｃ班～即刻喊左出黎！真係俾佢嚇親，之後我仲俾波子拉左去陪欣搵校長．．． 唉．．見到校長，我淨係企ｏ係度，佢地就不斷傾，但最終都調唔到班．．．可憐！ 陪完佢地搵校長，就上返樓上搵阿敏，跟住等埋阿娟．．．之後就走左ｌｕ～ 完～ 感恩既事： 我可以直升ａ班～^v^y~亦希望神安慰阿欣，令佢唔好咁傷心！ >>July 30, 2004 at 4:12:23 AM GMT+8 2004 年 7 月 7 日 星期三 【晴】 結業禮！ 今日晨咁早返學～熱到痴線！之後就排隊上禮堂啦～上到去，坐定定，就開始結業禮啦～ 今次係ｍｉｓｓ幸領詩，真係．．．唉．．真係唔好提啦～又不斷迫人唱，超無奈！ 但見有嘉賓ｏ係度，咁就廢事訓覺啦～咁咪ｏ係度死頂囉．．．幾經辛苦，終於俾我等到完～^^ 但係今日有運動員聚餐，所以要ｏ係１０８室呆等，見冇野做，咪訓下覺囉～ 點知勁俾人嘈醒喎～佢地玩ｔｒｕｅ ｏｒ ｄａｒｅ之嘛，關我鬼事，無端端搵我黎搞．．．傻的！ 俾佢地嘈兩嘈，搞到訓唔返，興起上黎，咪同佢地玩掟凳囉～真係唔發威當我病貓呀？正衰人！ 過左陣，佢地玩畫手～問我玩唔玩，我梗係唔玩啦～畫完等陣點食野呀？佢地又唔俾洗手．． 睇完佢地玩，就可以去食野ｌｕ～點知俾阿ｓｉｒ點左去做點名．．超無奈～ 之後聚餐就開始啦～好彩係ｌａｄｙ ｆｉｒｓｔ姐～唔係都唔駛食啦～ 今次ｄ野食好味過上年～唔錯唔錯，有進步！食完野，就睇表演＋抽獎啦～ｄ表演都ｏｋ～ 抽獎ｏ個陣就悶左ｄ，不過呢樣都唔算慘～最慘既係，我好衰唔衰抽中支牙刷！肥狗就抽中個排球！ 真係激死！！之後完左，就拿拿臨走佬返屋企ｌｕ～^^ 完～ 感恩既事： 雖然今日所有既活動我都好唔投入，但係都好多謝主為我準備～仲俾我抽到支牙刷～－，－ >>July 30, 2004 at 4:13:08 AM GMT+8 2004 年 7 月 3 日 星期六 【晴】 今日返崇拜，見到家明返左黎～好似黑左ｄ～完左崇拜之後，佢就大派公仔， 仲補送埋生日禮物俾我添！跟住ｄ野就唔記得ｌｕ～～ 完～ 感恩既事： 團長平安返黎！^^ >>July 29, 2004 at 10:07:35 AM GMT+8 2004 年 7 月 2 日 星期五 【綿綿細雨】 ˍˍ返團契ˍˍ 今日團契主題係組會＋練歌～由小琪領詩＋領禱～佢都唱得幾好聽架～ 但可能係第一次領詩，所以驚驚地，要搵人陪住先得～希望佢下次會大膽ｄ啦～（加油！！^^） 唱完歌，就組會啦～但可能ｄ組長忙得濟，冇準備到．．．－，－不過都唔緊要， 因為我ｏ個陣已經出左去深水（土步）拎衫，唔知我ｏ個組會傾ｄ咩呢？ 咁拎完衫，返到去，諗住趕得切練歌啦～點知．．．返到去，團契已經完左．．．＞＜、 就係咁，就少左次練歌啦！！（唉～首歌仲未識唱，咁點可以ｏ係下個禮拜日獻詩呢．．慘！） 之後志文派佢ｄ手信俾我地啦～ｄ紫菜勁好食！！支筆上面ｏ個隻公仔又得意～ 真係又食又拎啦～超開心呀！！^^ 完～ 感恩既事： 平安咁過一日～ >>July 29, 2004 at 10:02:32 AM GMT+8 2004 年 6 月 29 日 星期二 【綿綿細雨】 今日晨早起左身，因為今日出海，可能好耐冇搭過船啦～有少少興奮～本來我唔去架～但ｔｔａ叫到， 冇理由唔去架嘛～之後我就ｏ係荔景地鐵月台等佢啦～點知佢冇屋企入．．之後唯有等．．等．．等．． 幾個字後，佢終於黎到～本來諗住會遲到啦～點知阿ｓｉｒ＆班學生同我地搭同一班車～^^ 所以遲既話都有阿ｓｉｒ陪～唔驚！去到，等左陣，班ｆｏｒｍ６仲未黎，咁唯有我地行住先啦～ 去到碼頭，仲要等多陣先得～佢地行得勁慢．．． 上到船，都冇乜特別，但係聽住ｏ個個人講解ｄ海豚既野，又吹住海風，真係令人好想訓覺～ 最後．．我都係訓著左～^^點知訓訓下，冇端端阿ｓｉｒ大叫話有海豚，就係咁就嘈醒左我．．＞＜、 咁我咪起身睇下囉～點知睇唔夠兩眼，幾條海豚就唔見到ｌｕ～睇完，就開始覺得有ｄ暈．． ＞＜、諗住冇乜野啦～繼續訓覺～訓唔夠一陣，又有海豚，我又睇左兩眼，又再訓著左啦～^^ 之後第三次見到海豚，我都想睇，但係我隻眼唔知做乜．．．乜野都睇唔清楚， 眼前既野近乎白色一片，搞到睇唔到海豚～＞＜、過唔夠兩秒，我就．．．．＞＜、真係超慘～ 睇完就回程啦～上到岸，影左張大合照，就黎黎臨買串魚蛋食啦～ 醫下肚呀嘛～^^跟住就出左葵芳行街食飯ｌｕ～^^ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 雖然今日有落雨，但都睇到好多海豚呀～^^ >>July 5, 2004 at 12:53:48 PM GMT+8 2004 年 6 月 27 日 星期日 【綿綿細雨】 今日唔駛返學～超ｈａｐｐｙ！但係要出去深水（土步）買去ｃａｍｐ ｄ野～ 咁費事咁晏先出去啦～驚遲到，咁咪早ｄ出去賣書囉～點知～ｔｔａ搵唔到ｙｉｍ ｓｉｒ～ 搞到我同娟要等．．ｏ係等既期間，我無形中都發左唔少ｔｔａ脾氣．．． 點知佢岩岩先俾人激完．．（真係ｓｏｒｒｙ呀～唔好嬲啵～！）等成個幾鐘，佢地終於落黎葵芳啦～ 跟住就落左深水（土步）買勁多野～都幾重下～都時有排玩ｌｕ～^^買完野， 嚴ｓｉｒ就要走先，淨低我地ｏ係度買團衣．．．行左成幾條街．．經過成七十幾間鋪頭， 先至搵到間有淨色衫買既鋪頭～個老闆娘都幾好人～俾我地壓價～^^又好傾喎～唔錯唔錯！ 落左單，就黎黎臨去食野～ｔｔａ勁肚餓～食完，傾左陣，ｔｔａ就走左ｌｕ～！ 咁我就同娟落葵芳行～買左條頸鏈～幾靚架，但係ｄ字就．．．．＞＜買完就返左屋企ｌｕ～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 可以搵到一間有淨色衫買既鋪頭～^^ >>July 5, 2004 at 12:57:47 PM GMT+8 2004 年 6 月 26 日 星期六 【晴】 今日ｍｉｓｓ ｌｉ帶敬拜～梗係要返去啦～^^ 本來想帶埋ｄ ｂａｎｎｅｒ去架～ 不過費事太誇張啦～哈哈～！ 完左，就傾去ｃａｍｐ ｄ野～ 諗左好多活動啦～^^到時去ｃａｍｐ肯定開心死！^^ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 今日ｍｉｓｓ ｌｉ敬拜好順利！ >>July 5, 2004 at 12:14:08 PM GMT+8 2004 年 6 月 25 日 星期五 【酷熱】 今日一早起左身～見未夠鐘出門口，就訓ｏ係張床度睇下加拉太啦～但都係睇唔哂．． 之後就出左門口ｌｕ～～今日去睇＜麥兜．菠蘿油王子＞～同我阿媽，阿妹＆ｔｔａ同娟～ 本來諗住好好睇啦～點知悶到痴線～又冇內容喎～好彩有ｐｉｚｚａ輝俾我睇姐～唔係我實訓著．．^^ 睇完，我同我阿媽＆妹就分開左ｌｕ～～之後就同ｔｔａ，娟會合～一齊陪欣去釘耳～ 跟住見釘完冇野做，就返左去亞斯理ｌｕ～～ 返到去，就即刻刨聖經！一人睇一章，每人記少少～但係未記得哂就要上去禮堂啦．．．＞＜、 上到去，超多人～但係我地雅團ｄ人都唔輸蝕，都有成約３０個人～^^之後就開始啦～ 其實一早就諗住輸架啦～班團友都冇乜點睇過，淨低ｄ大個既睇過～所以要迫住佢地上去比賽～ 真係超無奈～但點知玩下玩下，我地都拎到個第三～^^（有四個團契玩架～） 完左，就諗住同ｙｉｍ ｓｉｒ傾下去ｃａｍｐ ｄ野啦～點知．．．淨係食飯，都冇乜點傾過～ 食完見早，就同ｊｏｙｃｅ影下貼紙相啦～橫掂未影過～影到出黎，都幾靚～！^^之後就走左ｌｕ～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 聖經問答比賽贏到第三名！^^ >>July 5, 2004 at 12:01:14 PM GMT+8 2004 年 6 月 24 日 星期四 【酷熱】 今日畢業禮～唔駛返學～^^成日留ｏ係屋企訓覺～超無聊～諗住約人出街啦～ 但ｏ個陣已經成６點幾，諗住無人陪我出啦～點知ｔｔａ打黎，問我聽日睇唔睇戲， 咁我梗係話睇啦～之後就拿拿臨落葵芳搵佢地～仲要飛的ｏ個隻．．．－，－去到～ ｔｔａ就要走ｌｕ～淨返我同娟～之後就陪娟返葵盛換衫，又飛的．．．好似好趕時間咁．． 跟住又落返葵芳行～食下野，行下街，影下貼紙相～（仲影左成兩次添～^^） 雖然今日大半日都好無聊咁過，但係今日夜晚玩得咁開心，就已經令我好滿足ｌｕ～！ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 有個開心既晚上！ >>July 4, 2004 at 2:00:51 PM GMT+8 2004 年 6 月 23 日 星期三 【酷熱】 唉～～～無叮叮又要返學．．真係慘！繼續放假咪好囉～～不過我對今日既講座都幾有興趣～ 主題係＜性教育＞，原來ｏ係學生時期做阿媽，係有咁多壓力架～跟住又講解左好多關於性既野～ 原來性病都有好多種架～我而家先知咋．．．之後就有ｄ人地墜胎既ｂｂ相睇～ 有ｄ ｂｂ連一個一蚊銀都不如，真係超細！但係又見到ｄ手指仔喎，人真係好奇妙呀！ 有ｄ女仔覺得ｄ相好核突，唔敢睇～我就梗係唔係佢地既一份子啦～我都唔覺得ｄ相有咩問題喎～ 好似ｄ田雞咁．．．冇乜特別姐～不過我真係"鄧"ｄ ｂｂ可憐，佢地無辜架嘛，無端端又殺死人喎～ 我唔覺得ｄ阿媽係有權殺死ｄ ｂｂ囉！ｂｂ都冇話唔出世！你就一句唔該整死佢～ 都好衰姐．．你冇心理準備做阿媽就唔好亂搞野啦！（＼"／超激氣！） 不過最緊要都係《希望ｄ ｂｂ會得到安息～阿們～》 聽完個講座，就開始排球比賽ｌｕ～～我都唔知等左幾耐．．我ｏ個班出我，敏，波子， 玲＆鄭錦鴻（ｆ.４的）本來仲有個女仔架，但係冇返．．所以５個人打～第一場對２ｂ～我地贏左～ ２比０～^^之後休息左陣，又打過～今場對２ｅ～一早預左今場會輸～因為２ｅ ｄ人變態的．．． 不過呢場真係勁好彩，因為ｄ觀眾走哂，淨返幾個～所以輸左都冇乜人知輸成點～^^打完， 就拿拿臨換衫走佬．．．飛的去九龍同排球隊ｄ人食壽司ｂｕｆｆｅｔ～話就話唔駛俾錢， 但間接性我地都已經俾左，之前比賽ｏ個ｄ車馬費全部冇拎到，用左去食ｂｕｆｆｅｔ， 所以今次唔食就蝕哂啦～跟住食都咁上下，就抽獎同派禮物ｌｕ～～我拎左條大口仔手巾， 但抽獎就抽唔中我ｌｕ．．．＞＜、之後食到飽飽，就走左ｌｕ～～ 返到屋企勁累，不斷訓覺訓覺訓覺～～～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 打排球贏左一場呀～雖然又輸左場，但已經好開心架啦～^^ >>June 27, 2004 at 12:25:57 PM GMT+8
|
|
笑多d... 笑多d...笑多d人氣: 9169
Design & Scripting by ShowHappy.Net