| 日記 | 日記主簡介 |
||||||||
2005 年 2 月 13 日 星期日 【晴】 我地去到第一時間就參觀佢地既"禮堂"。呢度既禮堂好特別架，同一般教會既禮堂不一樣， 佢係好中國化架！外形有少少似廟，內面仲掛住好多"詩句"～真係第一次見！^^ 之後我地就行到呢度既藝術部，入到去，好多好特別既野買，但呢ｄ野，出面都係冇得買架！ 真係超ｓｐｅｃｉａｌ！ 跟住我地又去到呢度既"祈禱室"，入面超煙！因為入面係裝香去敬奉神架～ 猶如我地點蠟燭咁～而且ｏ個度仲有個牌，係畫左耶穌著住唐服架～都幾靚～ 到後來先知道，呢度咁中國化，都係想向中國人傳福音，但中國人大部份都係信佛， 所以要迎合返佢地既口味～所有野都變為中國化！ 最後我地就去到大十字架影相同默想～呢度真係好舒服同埋風景好靚，最岩我地呢ｄ咁忙碌， 咁生活緊張既人去退修喇～！希望大家都可以去ｏ個度坐下，睇下啦！ >>February 20, 2005 at 4:50:15 AM GMT+8 2005 年 2 月 3 日 星期四 【晴】 真係唱得好差～但之後合唱ｏ個陣就超輕鬆，超開心，完全冇壓力咁～ｈａｐｐｙ死！！ 到頒獎ｏ個陣，琪拎獨唱冠軍既時候，嚇到呆左，笑爆！不過佢真係唱得好好聽呀！佢應得既！ 而阿ｍｉｃ都係，年紀小小就敢上堂唱歌，都係ｆｏｒｍ３先敢唱咋～勁！難怪佢拎獨唱亞軍啦！！ 到頒合唱啦～真係我同琪拎冠軍呀！！^^好開心～咁大個女都未試過第一次比賽就可以有獎～ 最後，我同琪就可以一人拎一個獎返屋企啦～^^ 多謝各位支持！ >>February 13, 2005 at 12:01:43 PM GMT+8 2005 年 2 月 2 日 星期三 【乍雨乍晴】 真係心都散埋！但唔知係咪就黎放假啦，心情特別興奮，完全冇想訓覺既感覺！！感謝主！^^ 亦都有樣野感恩既～就係我竟然對山脈，地勢，板塊．．．（總括黎講姐係地理科）有興趣呀！超神奇！^^ －－－－－－－－－－－－－－－－－－－－－－－－－－－－－－－－－－－－－ 聽日就係歌唱比賽決賽啦～真係好驚，好驚走音！希望大家做支持我啦～願主保守！ >>February 3, 2005 at 12:48:46 PM GMT+8 2005 年 1 月 16 日 星期日 【微冷】 終於俾我等到歌唱比賽啦～（初賽）朝頭早超放心，連歌都唔肯去練．．． 我自己都唔知想點！時間好快就過去喇，好快就到左放學，今日係合唱唱先，我同琪一齊唱，但佢超驚！ （難度我俾唔到安全感佢？）我ｏ個陣都仲未識驚，到行去後台，隻腳先開始震．．超驚呀！ 仲要臨出場前５秒，琪無啦啦話要祈禱，之後以急口令形式祈禱，祈之後真係唔驚，敢放膽唱！ 一ｄ都唔似第一年上台唱咁，仲要唱出超水準添！正呀！落到台個個都話唱得好，真係超ｈａｐｐｙ！^^ 過左一陣，到獨唱啦，估唔到自己係第五個唱！唔知係驚得濟定係未開聲啦， 竟然有一個字走左音，超樣衰呀！！完全係討厭！！本來唱得好好架嘛．．．＞３＜、 但能夠ｏ係呢次比賽入面，可以令到我更加大膽，都係一件好事黎既，感謝主！！ >>January 18, 2005 at 12:38:22 PM GMT+8 2005 年 1 月 1 日 星期六 【乍雨乍晴】 而講到o係個ｃａｍｐ最深刻既事，我諗應該係咁大個女第一次o係車度訓覺喇！本來我可以好暖咁o係個睡袋度訓覺，但係好多女仔都話好凍，講野把聲都震埋，我自己都唔忍心見到佢地咁，唯有除低暖粒粒既睡袋，放棄軟"淋淋"既床，去到ｋ明架車度訓，因為我唔去佢架車度訓，我諗我會凍死左，因為佢地好有人性地淨低一張被俾我，ｋｉｔｔｙ同ｃａｒｍａｎ分．．真係好難忘！ 去完個ｃａｍｐ，唔知大家對個ｃａｍｐ既感受係咩啦，但我諗冇人既感受可以離開個"凍"字。最凍既時候，好多人都可能躲o係間房入面取暖，但有冇發現到我地背後有好多人為我地做緊野呢？我地團契真係好好！能夠有親愛既導師們，團長同loretta，o係冇人肯做野既時候，日日為我地洗碗，煮飯，煲水，清理場地。真係辛苦哂啦！為表謝意，就一人一隻kinder出奇蛋啦～有得玩，有得食～幾好？（星期六先好問我拎！） 感謝神俾我一個難忘既ｃａｍｐ！ >>January 2, 2005 at 3:01:12 PM GMT+8 2004 年 12 月 14 日 星期二 【微冷】 2004 年 11 月 28 日 星期日 【颳風】 終於有時間寫返日記啦...^^不過ｅ排好多朋友都唔舒服呀，包括我自己在內.... 上個禮拜真係多野做到我死，好似已經唔係屬於自己既生活咁....我唔想再係咁呀， 次次都係某幾個做野，其他人主動ｄ幫下手唔得既咩？ 唉．．．搞到ｅ排心情都唔係幾好，搞到今日一返到屋企就發阿媽脾氣．．ｓｏｒｒｙ呀～冇心架．． 代禱事項： 為身體不適及身心疲累既人祈禱，願他們的重擔交給上帝！ 因為上帝說過："凡勞苦擔重擔的人可以到我這裏來！" >>November 29, 2004 at 1:34:15 PM GMT+8 2004 年 11 月 18 日 星期四 【颳風】 2004 年 11 月 9 日 星期二 【炎熱】 2004 年 10 月 26 日 星期二 【颳風】
|
|
好累呀．．．．
笑多d... 笑多d...笑多d人氣: 9171
Design & Scripting by ShowHappy.Net