| 日記 | 日記主簡介 |
||||||||
2004 年 6 月 11 日 星期五 【晴】 今日雅各休團唔駛返，咁就諗住可以休息返一日啦～但係我要陪ｔｔａ返去睇住班ｆｏｒｍ１溫習， 所以今日都係有返亞斯理～今日一早就同ｔｔａ去葵芳行，其實係要買禮物俾阿家， 因為佢今日生日呀～所以今日順便幫佢慶埋祝生日啦～^^之後行左好多間鋪，都未諗到買咩好～ 終於因為時間緊迫，就買左本好靚靚既簿俾佢啦～跟住我地就追巴士返亞斯理啦～ （真係好耐未試過追巴士追得咁搞笑啦^^哈哈～）返到去，佢地都未返黎，咁我同ｔｔａ就傾下野先啦～ 過左陣，佢地都返齊黎ｌｕ～咁細昌就幫佢地溫啦～佢地真係好留心～超乖呀！唔錯唔錯～ 跟住佢地溫完，就走左ｌｕ～之後敏，娟，怡＆雞都返左黎～諗住一齊慶祝阿家生日啦， 點知佢今日有事黎唔到，所以就變左幫我慶祝啦～因為我聽日就生日啦～^^ （其實本來係我同阿家一齊慶祝架～）我地一齊食蛋糕，一齊玩汽水～超搞笑～個個都差ｄ中招～ 哈哈～阿娟就最慘．．ｗａｋａｋａｋａｋａ～～～之後我地又鬥快飲汽水，飲到我差ｄ噴野～呵呵 食完野，我，ｔｔａ，娟怡就落左去搵牧師～請佢食蛋糕啦～點知傾傾下就開始玩返ｏ個個橡筋魔術～ 玩左好耐，都未破解到～＞＜、之後玩玩下，先至記得阿敏同雞ｏ係上面執緊野．．．． 跟住佢地執完野都落左黎～但係我地ｏ個陣都冇乜理會佢地．．．（ｓｏｒｒｙ呀～） 因為我地ｏ個陣已經破解左個魔術啦～哈哈～我地狂ｏ係度練，我隻手指仲傷埋添呀～超慘～ 玩左陣，ｔｔａ＆怡就去左挪亞買野破冰遊戲既書～過左陣，我地就走左ｌｕ～我同娟就去荃灣行， 敏同雞就返屋企～我地都係落左挪亞，咁岩見到美鳳～哈哈～行左陣，我家姐就打俾我叫我出葵芳， 佢話陪我ｓｈｏｐｐｉｎｇ～佢俾錢～因為慶祝我生日～^^咁我就同娟落左葵芳啦～但各有各行～ （ｓｏｒｒｙ呀娟娟～～聽日陪返你呀～）之後我好似陪我家姐行街咁，佢買野仲多過我買野．．． 我都係買左兩件衫，但佢買既野，已經係我既兩倍．．（傻的～）買完野，我家姐就去搵佢ｂｆ， 我就要幫佢拎哂ｄ野返屋企，超無奈．．－，－ 返到去，食完飯，沖埋涼，玩陣電腦，傾下電話～就訓左ｌｕ～！ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 佢地幫我慶祝生日呀～雖然人少少，但係已經好好架啦～^^哈哈～ 仲有多謝你地送俾我既大口仔ｆｉｌｅ呀～～！ >>June 15, 2004 at 11:22:14 AM GMT+8 2004 年 6 月 10 日 星期四 【晴】 嘩～又考試啦～今日係第一日考試，始終都係驚ｄ既～又加上今次考試會影響到出年讀咩班， 我又聽人講我ｏ個班ｄ人好似會發力，搞到我勁驚．．．所以我尋晚出奇地去溫書～真係好神奇！^^ 其實係因為我由ｍｉｓｓ ｌｉ走左之後，都冇再聽過書，堂堂唔係訓，就係玩～完全唔知課文講ｄ乜～ 所以我唔溫都唔得～但係尋晚時間有限，６課我先溫得３課～搞到我今朝要早ｄ起身溫書～ 但係早起身都幾好！易ｄ記野入腦～唔錯～但都係溫唔哂，仲有一課冇溫到， 淨係望左張ｎｏｔｅｓ兩眼，就出左門口ｌｕ～～ 返到去，我又食我既茄蛋治走茄啦～超好味！^^之後就開始考試ｌｕ～第一份卷考作文， 超易！之後就小息啦～勁溫書，跟住又考啦～原來份卷都冇我想像中咁難，可能我溫書啦～^^ 不過我答唔答得岩又係另一回事喇．．．－，－考完，就同娟去左街市買飯盒，跟住就返左屋企ｌｕ～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 今次份中文卷好易，我好多都識得答～希望今次會合格啦～^^ >>June 15, 2004 at 9:59:46 AM GMT+8 2004 年 6 月 9 日 星期三 【晴】 今日係最後一日返學上堂啦～諗住會好俾心機上堂啦～點知ｍｉｓｓ，阿ｓｉｒ唔教書，俾我地自修， 搞到我頭兩堂已經訓到成隻豬咁啦～（≧(00)≦）訓完兩堂真係精神左好多！所以考英文ｏｒａｌ ｏ個陣講野都清楚ｄ～但其實我係驚到死死下～因為ｄ英文１０個有６個我都唔識讀架．．．＞＜、 唔多唔少都扣左唔少分～可憐！考完ｏｒａｌ，仲有時間淨，阿ｓｉｒ就繼續幫我地溫考試範圍啦～ 我好專心架～不過狂打喊路之嘛．．．^^終於落堂ｌｕ～跟住就上ＨｏｍｅＥ啦～今次整曲奇餅呀～ 可能因為今堂係最後一堂，所以特別俾心機整！每一步都跟到足！超乖～整完之後，我ｏ個組每人４塊半， 因為唔夠分．．．＞＜我食左一塊半～之後拎左塊俾ｐａｕｌ ｓｉｒ食～^^ 淨返ｏ個兩塊就留俾阿媽同家姐～跟住就上最後最後既中文堂啦～但係我都冇因為係最後兩堂而冇訓覺， 仲訓到唔知醒添．．．哈哈～連佢地派薄荷朱古力我都唔知醒．．不過好彩冇人偷左我ｄ朱古力姐～^^ ｔｖ同ｅｍｉｌｙ都將ｄ朱古力俾埋我，因為佢地唔食薄荷．．．哈哈～最後一日都咁大收獲， 真係開心啦～^^ So Happy~~~~ 放左學，就返屋企啦～拿拿臨拎ｄ曲奇餅阿媽食，佢都話好味呀～哈哈～本來我家姐都有份食架， 但係佢訓左覺，無謂嘈醒佢啦～所以最後一塊都係由我食左～^^ 完 └最後一塊曲奇，代表左今個學期既所有野，全都完了～再見啦～２Ａ┐ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 識到成班咁好既同學仔，希望出年都會同佢地同班啦～^^ 今次考試目標： 主科要全部合格，其他科目唔可以低過４０分！仲有最重要既，要留返ｏ係Ａ班～ 我要一定要俾心機溫書～考好佢！ >>June 15, 2004 at 8:54:33 AM GMT+8 2004 年 6 月 8 日 星期二 【晴】 仲有二日就要考試啦～亦姐係淨返兩日可以同佢地一齊上堂～真係真係要好好珍惜．．． 今日係ｄａｙ ｂ～頭ｏ個兩堂係英文堂，我勁俾心機聽書，因為 Fu Sir 幫我地溫返考試範圍， 所以我勁留心呀！上完英文，就上今年最後一次既ｐｅ堂啦～諗返上次ｐｅ堂～真係失敗．．． 所以今堂我勁投入喎～不過今日要跑９分鐘呀～跑完之後真係有ｄ想死～完全冇哂氣．．． 但ｏ係跑之前，又再一次打返排球，我真係勁ｈｉｇｈ喎～好似成十年冇掂過個排球咁～超興奮！ 玩完一輪～真係熱到痴線～之後敏話想沖涼，我都有ｄ想，但驚唔夠時間，所以淨係洗頭～ ｏ係學校洗頭真係超麻煩～開個水喉都要淋濕個身．．．超無奈～但係可以ｏ係今年同佢地一齊洗頭， 都係一個美好既回憶～～我真係愈黎愈唔捨得２ａ啦～＞＜、 洗完頭，就拿拿臨吹乾個頭啦～但係唔可以吹咁耐，始終小息既時間都唔係咁長～吹完之後去野飲啦～ 跟住我同敏不斷問人，"我似唔似洗左頭？"點知個個都話唔似～仲問返我轉頭～"乜你有洗頭咩？" 就係咁，就証明左我洗左頭＝冇洗頭啦～都唔知係成功定係失敗．．． 之後就繼續上堂啦～但係可能頭先ｏ個兩堂玩得勁得濟，搞到勁累，勁想訓覺，最後， 我都係抵受唔住周公既急ｃａｌｌ令～所以就訓左兩堂ｌｕ～^^之後就ｌｕｎｃｈ啦～完左， 就上最後一次既ＩＳ啦～最後兩堂，真係有ｄ唔捨得ｍｉｓｓ趙～其實佢都幾好架～ 所以臨走ｏ個陣我都特登問佢拎ｅ－ｍａｉｌ～^^唔知ｍｉｓｓ出年會去邊個學校教呢？ 本來放學之後要補課架～但咁岩阿ｓｉｒ唔得閒～我地又避過一劫啦～^^ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： ｏ係２ａ裏認識左好多朋友，留下美好回憶！ >>June 11, 2004 at 11:05:15 AM GMT+8 2004 年 6 月 6 日 星期日 【晴】 返埋呢四日學，就考試啦～～再冇得同成班同學仔一齊上堂啦～要好好珍惜呢幾日既上堂時間ｌｕ～～ 所以我ｅ排上堂都特別有心機ｄ架～^^今日宗教考試，臨考前溫左ｄ主要題目～真係差唔多全部記哂入腦～ 所以份卷好多都識，岩唔岩就另一回事啦～^^跟住上中文堂，超無聊～今日ｌｕｎｃｈ食雞翼呀～超正！ 之後上ｅｐａ堂啦，無端端話要小測喎，ｍｉｓｓ話上一堂已經講左話要測驗～但我咩都唔知， 上一堂又冇返，乜都冇溫過，測鬼咩？我望左本作業兩眼，之後佢就派測驗卷啦．．．． 唉～呢份測驗卷都係凶多吉少架啦．．．．＞＜、測完就上普通話堂，ｍｉｓｓ唔教書， 咁我就成堂訓覺～超舒服，因為今日我帶左件長冷返去～一早預左今日ｏ係課室一定好凍～^^ 訓訓下～ｍｉｓｓ無端端發脾氣喎，話我地嘈～不知幾靜呀～傻傻地架～搞到遲左成個字放學呀～～ 激死～！一放學，就同敏搭車返屋企～超乖女～！^^返到屋企又玩電腦，傾電話，睇電視～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩／代禱既事： 好平安咁過左日～但ｔｔａ仲未拎返部手提呀～希望佢快ｄ拎得返啦～ 亦願主醫治我既傷風＋咳～因為已經持續左好幾日啦～仲未好返．．．＞＜、 ｐａｕｌ ｓｉｒ都去左ｃａｍｐ幾日啦～希望佢冇受傷啦～ 請為以上各事情代禱～ｔｈｘ～！ >>June 8, 2004 at 11:44:19 AM GMT+8 2004 年 6 月 5 日 星期六 【晴】 今朝做左乖乖女，陪ｄａｄｄｙ同媽咪去飲茶～本來諗住飲完茶就返崇拜啦～ 所以我就好準時１０點就打ｔｔａ啦～佢本身都應承左～但因為佢舅父唔俾佢去， 所以冇去返到去ｌｕ～～佢打黎同我講完之後，我都想繼續返去，但阿媽同我講，「今日唔好再出街啦， 唔係你老豆又鬧你成日出街唔溫書架啦～」咁我費事唔聽阿媽講啦～因為佢會封鎖我ｄ＄＄架～～ 遲ｄ真係想出去都唔得啦～～＞＜、就係因為咁，所以我就留ｏ係屋企，扮乖乖女啦～^^ 不過我咪又係ｏ係屋企玩電腦．．．．係冇玩咁耐之嘛．．．^^跟住傾下電話，之後就訓晏覺ｌｕ～～～ 真係好舒服，好耐冇試過星期６、日會留ｏ係屋企訓覺啦～～今日真係好難得～～！^^ 就係咁，就過左一日啦～～^^ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 好平安咁過左一日～ >>June 8, 2004 at 11:08:44 AM GMT+8 2004 年 6 月 4 日 星期五 【晴】 終於到星期六啦～～^^可以放假啦～～今日一早起身，就出左荃灣同欣睇"野蠻師姐"， 本來諗住一齊食早餐架～點知我地兩個都遲到，冇時間食，因為就開場，所以我地又偷運ｄ早餐入去啦～ 今次我偷運左碗通粉入去～超勁～不過入到去，ｄ湯倒瀉哂．．．但係通粉冇事～^^ 照食可也～但ｄ薯餅就難逃一劫．．．濕哂．．．冇得食．．．咁我同欣就一路睇，一路食啦～～ 人地個個勁專心睇戲，我就拎住隻匙羹食通粉，真係超怪雞．．．咁我就拿拿臨食哂佢啦～ 點知呢套都唔係笑片黎既．．．尾段ｏ個度，我同欣勁喊，但我周圍望下其他人，個個都冇喊， 得我同欣最突出．．．．我仲要用哂成包紙巾．．．．死唔死？仲有每張紙巾都係滴哂水架～ 你諗下我地喊得幾勁～～^^不過好彩最尾ｏ個幕係超搞笑既，唔係既話，我同欣一定喊住咁出去～^^ 出到去，隻眼紅哂，勁大個眼袋現哂出黎．．之後拿拿臨去ｔｏｉｌｅｔ執下個樣先～^^ 之後就去左公園傾計～傾完又去食野，之後叫埋文傑，但佢落一落黎就走左．．． 之後欣本來都想返亞斯理架，但．．．．．所以就冇返啦～我都無謂迫佢～之後搭車返去啦～ 但見時間尚早，咁我就去百佳行左陣，之後先行返去亞斯理～ｂｕｔ行返去ｏ個陣， 個肚勁痛～搞到我行得勁慢，仲慢過隻龜．．．我一路行，就一路有幾個阿伯望住我， 佢地仲行得快過我呀！！激死～～幾經辛苦先返到去，ｏ個陣幾想暈低呀～～就死就死咁～ 返到去，本來係溫書既，但我地ｆｏｒｍ２冇人幫我地溫，所以就超無聊咁ｏ係度玩玩具～～ 之後我又變左工人～～因為有２把風扇都有ｄ"皺"紙捲左入去，所以我就企上張檯度整下啦～ 原來都幾好玩架～^^之後佢地溫完書，團契就開始ｌｕ～～^^今次係ｊｏｅｙ帶領詩＋領禱～ 都唔錯架～不過大聲ｄ祈禱會好少少～繼續努力呀！本來今次係組會架～但組長冇準備到， 所以就變左敬拜啦～但都係敬拜左一陣．．．因為驚佢地唔慣．．．之後就要設計自己個網頁啦～ 我畫作好耐，但都係畫左個背景．．．ｓｏ，我冇交到，因為遲ｄ交都冇所謂～～^^ 跟住團契完左，就同ｔｔａ傾左陣去ｃａｍｐ ｄ野～之後就陪ｔｔａ等ｋ明拎回條， 點知佢又話有得ｂｂｑ，但我同ｔｔａ唔去，因為我要返屋企～～唔係媽媽就鬧我架啦．．． 返到屋企就玩下電腦，傾下電話～就係咁，就過左一日啦～^^ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 團契第一次敬拜呀～如果可以繼續就好啦～仲有希望佢地會再投入ｄ ｏ係團契入面！ >>June 8, 2004 at 10:53:53 AM GMT+8 2004 年 6 月 3 日 星期四 【晴】 今日超開心～因為今日學校勁多笑料喎～但實在太多啦～所以我就講最搞笑既事啦～～ 今日ｌｕｎｃｈ既時候，奶媽發，奶媽惇，肥狗＆ｋｉｄ揚ｏ係度玩粉刷，點知玩到連個粉刷都玩爛埋， 跟住玩到冇野玩，就拎隻"趴地公仔"黎當粉刷黎玩～搞到隻趴地變左紅色．．． 之後個個件衫都勁多粉刷印，跟住波子＆文詩就叫奶媽惇同肥狗除件衫俾佢地洗， 開頭佢地都唔肯除架，但俾波子威迫之下，佢地唔除唔得～～佢地一除衫，ｔｖ就去影相～～哈哈～～ （遲ｄ ｓｅｎｄ俾你地睇～！）但洗完衫返黎，佢地都係難逃落紅紙既厄運．．．． 有份玩既人，每人兩個缺點～可憐可憐～～ 完左之後，就上ｍｕｓｉｃ堂～今堂考筆試，但我冇帶筆記，搞到冇得溫書，所以好多題都唔識．．＞＜、 之後落左堂，就返團契ｌｕ～今次係終極約會～諗返起上年既終極約會，我真係．．．． 算啦～唔好提啦～^^今次團契都唔錯架～雖然冇上年咁好玩．．．^^完左之後，就同ｔｔａ＆ ｃａｒｍａｎ落葵芳食飯，食完飯就食雪糕～～ｄ雪糕真係幾好食～～^^食完就返屋企ｌｕ～～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事： 今日團契ｏ個陣，佢地分享得好好呀～希望佢地會繼續事奉落去啦～ >>June 8, 2004 at 9:58:36 AM GMT+8 2004 年 6 月 1 日 星期二 【晴】 今日一朝早起身，成身就好似俾火燒咁熱．．．之後同阿媽講，原來仲未退燒， 今日仲燒得勁ｄ～３８．５度～～跟住阿媽叫我食埋早餐＋藥先至好訓， 點知我等到７點半ｏ個陣都未有野食．．．＞＜、可憐～不過算～因為阿媽煲粥俾我食， 等耐ｄ都冇所謂啦～食完野，就食藥啦～本來要睇ｅ生架～但我腳軟＋眼訓～ 所以就冇睇到ｌｕ～～^^跟住就訓下醒下～間中玩下電腦～但都係好辛苦～～ 就係咁，就過左一日啦～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ >>June 8, 2004 at 8:55:09 AM GMT+8 2004 年 5 月 31 日 星期一 【陰】 今朝一起身就火燒喉嚨～超痛～可能近排狂去"日之出"食雞翼啦～搞到而家咁．．．＞＜、 返到學校，都冇乜點講野～因為好痛，吞口水就仲痛，都唔知佢想點．．．之後呆坐左兩堂， 就上ｐｅ堂啦，ｂｕｔ我冇帶衫．．．所以要罰作文～～要作成４篇１５０字既文呀～真係想死～ 點知我作作下作到頭暈，跟住同ｍｉｓｓ講，佢叫我休息下～哈哈～就係咁，我就避過左作文既厄運啦～^^ 落左堂，就去食野啦～食完就上堂，上堂ｏ個陣都冇乜心機，因為勁舒服呀～仲開始發冷添．．． 跟住上ｈｉｓｔ啦，都冇聽過ｍｉｓｓ講野，我狂抄書，因為我尋日冇帶ｉｓ作業， 所以俾ｍｉｓｓ罰抄書～～慘～不過算！我當幫我自己溫書～^^但係抄到我手軟．．． 跟住就ｌｕｎｃｈ啦，始終陽光ｄ ｌｕｎｃｈ好食得有限．．．希望快ｄ轉飯商啦～ 食完ｌｕｎｃｈ，就同班ｆｄｆｄ傾下計啦～傾完就上堂ｌｕ～次次上ｉｓ堂，就唔會點聽書， 因為一定同星星傾勁多野，今次都唔例外～不過今次傾少左好多，因為今日有ｅｔｖ睇呀～ 真係好耐都冇睇過ｅｔｖ啦～對呢個名仲有ｄ陌生添～～－，－點知睇睇下，星星訓著左， 之後ｍｉｓｓ叫佢起身，佢聽唔到，之後再叫多次，佢都仲係聽唔到，咁我見形勢不妙， 咁我咪用腳踢佢囉～跟住就即刻彈左起身，佢ｏ個陣個樣超搞笑，全班都ｏ係度笑佢～～ ｗａｋａｋａｋａ～～過左陣，就落堂ｌｕ～ 本來諗住今日去睇戲既，但我唔舒服，所以冇去到～咁唔去睇戲，咪留ｏ係學校睇班際足球囉～ 今次係２ａ對２ｄ呀～～決賽黎架啦～但ｔｔａ話要落葵芳，咁我咪陪佢囉～所以就冇得睇啦～～ 唔知邊對ｗｉｎ呢？臨走ｏ個陣見到貓貓～原來佢肚痛，佢痛到面青口唇白，個樣超嚇人．． 之後就陪左佢一陣，因為要等阿ｓｉｒ車佢返屋企～送左佢上車，咁我地都就左ｌｕ～～ 落到葵芳，又發冷．．．＞＜之後陪佢地行左陣，就各有各返屋企ｌｕ～～行去搭車ｏ個陣勁暈＋腳軟～ 我幾驚我當街暈低左呀～好彩冇事姐～返到屋企，即刻沖涼訓覺，因為勁唔舒服呀～ 之後就探熱啦～燒到３８．３度～就後食左幾啖飯，食埋粒藥～連電腦都唔玩就訓左ｌｕ～～ 完～ ◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇◆◇ 今日感恩既事：平安咁過左一日，亦希望神會醫治我既病～ >>June 2, 2004 at 12:34:16 PM GMT+8
|
|
笑多d... 笑多d...笑多d人氣: 9165
Design & Scripting by ShowHappy.Net