2003 年 4 月 13 日 星期日 【陰】

開心嘅時間過得特別快 , 又係時候講拜拜......

唔開心嘅時間真係咁多? 或者可以用相反嘅角度去諗...... 可能會好ｄ。

哈哈...... 好開心, 今晚多咗個傻細佬 :P

尋日我講嘅巴士其實係 18 號 , 可以經過我所講嘅地方......

>>April 14, 2003 at 2:19:02 AM GMT+8

2003 年 4 月 12 日 星期六 【陰】

不喜歡最近的天氣 , 潮濕 + 翳焗...... 人都容易心情煩躁 or 唔開心咁......

我喜歡坐巴士 , 因為可以望出窗外嘅景色 , 尤其是經過由銅鑼灣到中環海傍個一段 , 當唔塞車嘅時候 (注意, 要satisfy 呢個條件) , 一邊係沿海望過去嘅九龍 , 另一邊高樓大廈林立 , and 好多好靚嘅建築物 (e.g. 中環廣場 , 長江中心大廈 , 國金三期) 向上 or 向遠望呢 d 景色係會令我覺得好舒服的。

我都喜歡坐地鐵 (尤其外國個 d ) 因為睇住個 d 複雜嘅路線圖 , 就好似可以帶你去到唔同嘅地方咁 , 仲有大部分行路軌嘅時候, 個 d卡擦卡擦聲我覺得好有趣 ......

******

因相識而結合 , 因了解而分開 ...... 咁樣係咪唔係咁好同可惜咗 d 呢?

>>April 13, 2003 at 3:52:24 AM GMT+8

2003 年 4 月 11 日 星期五 【陰】

的確...... 係工作繁重嘅時候同朋友仔出來玩係有助抒緩壓力 :)

嘩...... 我係 8 號個日曾經寫過話阿先生 J 咁遠到入蟑僎�...... 唔通...... (個日post 唔到篇日記呀)點知竟然係真 ga wor, 都咪話唔奇 :) 唔唔...... 但係我就覺得...... 嘿嘿 :) 幾位朋友所講嘅野果然冇錯 , 呢 D 事果然好快 (仲有 D surprise :))

我嘅年紀好似應該係另一枱, 但係我嘅心境 (a.k.a. 精神年齡 :)) 卻係係呢一枱, 朋友 K 話我, 我只係覺得我自己 "玩得" jei 哈哈。

有時我真係覺得 , 我係唔係有 D 野 miss 咗 , 所以我依家都仲係咁呢?

尋日我收到我考 IELTS 嘅成績...... 雖然比我預期 8 分嘅成績差些少...... 但應該都唔錯啦 (仲被寸)
以下係我嘅成績: Listening 7.5 Reading 7.5 Writing 8 (8!!) Oral 6 (!!!!!!) Overall 7.5

都唔係推介: 我最近成日聽 Juno 嘅新碟, 雖然佢真係唔受歡迎 , 但我真係覺得佢嘅歌其實都算唔錯呀(係新人裏面) , 可能除咗個首歌之外, 我都喜歡聽有 beat 嘅快歌啦 (隻碟有幾首我覺得似 danso D 歌咁)

P.S. 今個星期係 The Masters (大師賽...... 個名好好笑呢) ....... Woods 同 Love 第一 round 都唔係太好呢...... 但我 pick Darren Clarke n Price score well lei ! :)

>>April 12, 2003 at 2:11:30 PM GMT+8

2003 年 4 月 9 日 星期三 【雨】

尋晚唔知點解寫唔到日記...... 唯有今日補番數啦!

今朝搭地鐵時攞咗份都市日報, 頭條係張國榮嘅喪禮...... 張相影住阿唐唐喊到要人扶住...... 睇見都覺得真係慘...... 另外好多人都為佢而好傷心。報紙嘅內文形容咗喪禮嘅情況, 我當時都睇到有d 感動, 我仲係車上見到有幾位女士睇個段新聞睇到喊呢...... 可見佢真係一位天王巨星 , 而且仲好受大家歡迎, 如果唔係佢嘅死都唔會令咁多人咁難過...... 香港人仲可能患上 " 集體抑鬱" 呢......

唉 , 我今日已經番咗工第九個月啦 , 但我覺得我唔鍾意份工嘅程度越褻V大 ...... 今日仲要開始做我個二十五隻comp 啦...... 雖然做咁多, 但係最令人討厭嘅係間公司嘅system 令我覺得好鬼 ineffective 同煩 , 就好似點解借一隻 file 都要咁辛苦? 好似要特登為難你咁 ( 我真係咁諗 ga! ) , 另外影印本同電腦 print 嘅根本就冇分別 ! 好小嘅 mistake 都要印過, 我真係覺得好唔環保。噢...... 我諗我呢個四月都係死緊啦......

哈哈..... 我個日記人氣已經超過 100 啦, 真係開心, 希望可以多多支持下我個 site 同留言呀 :)

緊急消息! 我屋企附近有 "懷疑" 非典型呀!!!!!! 點算 ???

>>April 9, 2003 at 11:59:58 PM GMT+8

2003 年 4 月 7 日 星期一 【雨】

尋晚同一大班朋友仔過0左好愉快嘅一晚, 結果仲攪到我今日唔想番工自己放自己一日假 tim 呢 :) ...... 可能正如阿朋友F 話, 我份工帶俾我嘅滿足感細過我嘅不滿...... 希望我可以快d 搵到份我鍾意嘅好工啦。

講起尋晚嘅聚會, 如果我冇攪錯嘅話, 我應該係唯一一個已經番緊工嘅人 (aiya 我唔通真係已經開始老餅?) ......同埋最近識呢一大班朋友裏面 , 令我覺得我好似浪費0左我細個嘅時間 , 點解我細個個時乜都冇去學過ga ? 好多人都有自己唔同嘅才能 , 好似打波、游水、彈琴等 (even 另一d 例如著衫咁) 我寧願細個個時讀書冇咁好 (其實已經唔係好) , 但係係運動或其他方面有d 野叻 , 咁我可能會開心好多...... 我好想我自己可以有d 野叻呀 (好似好傻仔嘅諗法) , 或者我可以追番個d 人地有學到野嘅時候 (e.g. 我可以依家細番幾年...... 但絕對冇可能啦傻仔), 同埋我覺得我依家畢業後咁樣嘅生活好冇意義呀!!!!!! 我唔想好似而家咁樣呀!!!!!!

唔唔...... 今日嘅推介係: http://input.foruto.com/compare/dl/hknames.htm
【香港芳名譜】— 統計了三萬個香港人的名字，得出這個結果，代表著香港最常見的名字，在這 3927 個名字之中，一定有你認識的人。
好有趣, 會搵到好多 friend 嘅名 , 同埋唔好叫做d 咩 "志偉強明" 哈哈 ......

Another thing: 唔算係推介, 但最近一聽到 Boy'Z 嘅 La La 世界, 就令我好想放假呢 :) 仲有人都精神 d ......哈......
"做我喜愛事幹怎麼會慢　怎麼會難
可給我豁出去隨便玩　都有權不玩　才是嘆"

>>April 7, 2003 at 9:26:23 PM GMT+8

2003 年 4 月 5 日 星期六 【晴】

今日係清明節...... 但係我第一次冇同屋企人去掃墓 (或者係最起碼好幾年來第一次）

我覺得自己讀完三年大學之後, 其中一樣變化 (連我自己都覺得奇怪) 就係我同屋企人0既關係明顯變差0左。其實對屋企人0既不滿係大學之前都已經有, 但唔知點解係畢業後由宿舍搬番屋企, 我就越0黎越唔可以接受佢地0既缺點, 同埋我經常都有想自己搬出0黎往0既念頭 (最可惜嘅係我經濟上暫時支持唔到咁樣做)。 我成日都好希望可以自己搬出來住，係因為我可以有好大嘅自由，做自己鍾意嘅野...... 有時我一ｄ fd 會覺得點解要搬出來住，有人照顧你日常起居咪仲好？我自己都唔知點講好......

尋晚同一個fd 慶祝生日...... 今日先係個度番屋企，其中一位 K 陪我去巴士站，就只係短短幾句說話，令我寫0左今日上面個段野。 有時原來自己搬出來住係有原因唔係話玩玩下...... hm...... 但係我都仲係想搬呀 :) 點算?

hm...... 既然呢個diary 係俾人睇嘅...... 我諗我要同時share 一ｄ我覺得值得分享嘅野...... 今晚睇電視，轉台個時無意中睇到亞視做緊一個港台節目，裡面講到〔快樂王子〕呢個寓言故事，我聽完個故事之後內心覺得好感動，我覺得呢個真係一個好嘅寓言故事，我咁大個人聽完之後仲會覺得感動呢 :) ...... 我覺得依家我地嘅社會就最需要有ｄ好似快樂王子咁嘅人，肯無私地去幫助別人，咁就最好啦。

今日嘅另一推介..... 就係呢個測試自己精神年齡嘅website lei :) 我覺得真係好準同好有趣 la...... 個網址係: http://yeyuju.nease.net/age.htm

以下係我嘅"鑑定結果"
鑑定結果
您的精神年齡18歲
與您實際年齡差-5歲
幼稚度56％
成熟度39％
老化度11％

>>April 5, 2003 at 10:23:28 PM GMT+8

2003 年 4 月 3 日 星期四 【陰】

今日過0左好繁忙0既一日......
係公司忙到死0左... 0黎緊仲有一十八間公司要做!!! 可唔可以唔要呀??!

之後去0左cali做gym... 其實阿Hess教練都好關心我 :)

再之後有0左飲starbucks, 好高興識到幾位新朋友仔, 大家都好友善...

好晏la.... 一定要訓la zzzzz......



>>April 5, 2003 at 4:03:05 PM GMT+8

2003 年 4 月 2 日 星期三 【雨】

我第一次係網上寫日記呀!!!!! XD 好開心, 希望可以好似個網址名showhappy 一樣將我d 開心事分享俾大家呀!
hm..... 仲有有0左呢個日記site... 要好好地打中文la... 要試一下練習中文打字先 :)

好... 第一日寫日記...... 但我覺得最近香港好似就快玩完咁...... 非典型, 尋日百佳擠提&張國榮之死 ... 真係好似愚人節0厄人咁樣, 但全部都係事實wor ... 都咪話唔得人驚 ......

>>April 2, 2003 at 9:39:23 PM GMT+8