2004 年 3 月 7 日 星期日 【陰】

呢一個禮拜四五六日 , 我過左一個好充實同埋好 "充電" 既 weekend 呢 ......
每一件事都係心裡忽然間興起去做的 , 每一件事都可以話令我最近既生活 refresh 不少 , 希望自己之後可以有咁樣既 "諗頭" 同機會去過一個咁 enjoyable 既時間 ......

4/3 (Thu)
尋晚忽發奇想 , 希望可以去睇 "lost in translation" 迷失東京 (呢一齣戲可以話係我今年 oscar 裡唯一想睇既戲 (I am not a LOTR / fantasy fans at all, not even dare to watch any of it =)) ... 咁於是就係網上買飛啦 , aiya 只係剩番 film centre 跟 ifc 有得睇 tim, 剛剛好 ifc 7:55 有一個單丁位未有人買 , 於是就買左啦 ......
我係第一次去 ifc 睇啦, 非常之舒適既座位 , 加上戲院設計只係容納唔多既觀眾 , 一個字 ... "讚" !（以後睇戲都要考慮去 IFC 睇 ... my best pick of movie theatres in Hong Kong)
睇完齣戲 , 覺得呢都唔錯啦 ...... 諗起有幾樣野 : 1. 我好想去東京／日本呀 !! 2. 我之後有個咁既諗法 ... 自己依家既情況 , 有ｄ似片中主角既情況 (只係差在我唔係係一個我陌生既地方）3. 可能外國人對呢齣片既共鳴會大 d , 因為我唔覺得一個中國人去到會係咁 ......
之後 , 去到碼頭巴士站坐車番屋企 ...... 睇到夜晚既 IFC 非常之靚 , 好有時代感 (metallic color) + 企係佢好近好感受到佢既氣勢／宏偉 , 可惜冇 dc 係身...... 不愧係我最喜歡既香港建築物之一 ......

5/3 (Fri)
放工後 , 經過鵝頸橋 , 點解有咁多人呢 ? 原來係好多人係度打小人 (哈哈) 同埋圍觀, 哈哈, 嘩我覺得壯觀程度可以列做旅客要參觀既一項盛事呢 XDXD ...... 跟住諗起今日係 "驚蟄" 係專打小人既日子 ...... 哈哈

6/3 (Sat)
今日番左公司 , 計一計原來自己今個 N code 要做成 40 間公司...... -_- " 要好俾心機之得啦 (or I quit my job =P) ...... 晚上同一位仁兄食晚飯 , 我居然俾話我識食野 ?! （居然 !) 仲話多謝我介紹云云 ...... 哈 , 我諗我係咪要多 d 自己一個人去下食野 , 提升一下自己既生活品味 ?!?!

7/3 (Sun)
大約係上個月既時候 , 係巴士上睇到一個叫 <1.2.3 到你> 演唱會既廣告 , 忽然間好想好想睇 ... 可能係因為佢既感染啦 , 係搵到 fd 同我一齊去睇後 , 就買左起飛啦 ......
睇呢一個演唱會 , 完全係因為有林一峰既關係啦 , 其餘兩位 (the pancakes & ketchup) 老實講真係冇咩興趣 ...... 不過唔緊要啦都 ......
好 ...... 咁今日終於去睇啦 , 哈哈好彩有買到 $200 既飛啦 , 原來真係好前呢 !! (同埋之後先知 : 一峰一直都係企係我買飛個邊呢 =)) 哈哈 , 好開心 , 個 show 真係非常之好 , 幾位 performer 俾我最初既印象係 : pancakes 係一個咁樣樣既女仔 ?? (同心目中既印象差幾遠...) 好 cool 同埋唔笑 ...... 仲有 d d 似 roadshow 入面個主持 viann ...... 總之印象係唔多好 (不過之後又唔同左...) ketchup? 咪典型 brit-pop 人啦 ... 林一峰就真係點睇都唔似 27 歲 (同埋佢同佢隻 ernie 公仔好有趣啦) ......
咁個個音樂會真係好好啦 .... 氣氛好正 (可惜既係香港人始終無咩文化既 sense ... 都唔似去睇 concert...... 有幾個位想企起身 , 可惜無人會咁做 ...... ) 好多好多歌曲都好有味道 ...... (不能盡錄) ...... <舊日的足跡> , <相識非偶然>, the pancakes 既一首德文歌 (果然好有打字機 feel), <逝水長流>, <誰能明白我>, 佢地每人一首有 video 睇既歌 ... (我番到屋企後先知林一峰個一首係叫 "Lost in LA" - by At 17), 仲有一 d 我唔識個歌名既英文歌 ...... 個音樂會好多歌都令我起 "雞皮" 啦, 證明真係好聽 (起雞皮唔 = 唔好聽啦 , just the opposite ...) 到最後佢地大家玩 crossover 大家既作品唱 , the pancakes 唱 <十九> 既時候最尾喊呢 ! 真係好感動 , 個一刻自己都覺得非常感動 (我估我身邊個位朋友都係一樣) ...... 哈, 即刻覺得 the pancakes 又唔係咁差 ... 最後既 <三人行> 都非常之好......
總結既係 ...... 今日過左一個好愉快既下晝啦 ...... 同埋林一峰既歌聲真係好好, 同埋每次聽都可以好感染到我 ...... 哈, 佢已經成為我最喜愛既歌手啦 ......

********
哈哈, 我呢一個星期過左一個好有 "culture" 既 weekend 啦 ...... 同埋自己突然領悟到一 d 野 ...... 自己一個人的時間都係可以好 enjoyable 的, 可能仲係一件好事 ......

P.S. 係今日坐巴士去 <林一峰．the pancakes．ketchup> 演唱會時, 經過跑馬地既一棵大樹, 個度既白鴿全部都唔見哂啦 !! 唔通俾人捉哂??

P.P.S. 聽完 concert 後係屋企上網睇到呢個人既 online 日記都有寫呢個 concert, 非常之好, 借呢個 link 分享一下: (我係唔識呢個人的）
http://princessdiane.com/_diary2/_04diary.html
*********

<十九>
午飯前相聚 放學到公園去
喜愛狂追逐 同學笑我們登對
創世界之最 疼你永不減退
約定十九歲 可以到白頭 到老年去
搭膊頭 手牽手 愛字最怕說出口
信天長地久 別說曾經擁有
也許有天 一切都要變
身邊一切都要變
你我不見 總會發現
你在我背面 常在我心裡面
也許有天 一切都要變
身邊一切都會變
你我不見 街裡碰面
會令誰突發心軟
改天再遇見 (不想繼續變)
一切繼續變 你活在我心裡面
有試過恐懼 要如何親你的嘴
有試過恐懼 有一天你離開我
別要我面對 連偶像都引退
告別十九歲 世界總要我面對
我會不要臉 走到你面前
像一切 從未變

<三人行>
童年時逢開窗 便會望見會飛大象
但你問為何我這樣失常
而旁人仍黐黐 話我現已太深近視
但我任人胡說 只是堅持
飛象兒共我 常在那天上漫遊
要用笑做個大門口 打開天上月球
齊話聲 漫長漫長路間 我伴我閒談
漫長漫長夜晚 從未覺是冷

年齡如流水般 驟已十八 與星做伴
沒有別人來我心內敲門
而旁人從不知 亦懶靜聽我心內事
但我現能尋到解悶鎖匙
星與月兒共我 常在晚空內漫遊
笑著喊著結伴攜手 空中觀望地球
齊話聲 漫長漫長路間 我伴我閒談
漫長漫長夜晚 從未覺是冷

從前傻頭小子 現已大個更深近視
但已練成能往心內奔馳
而旁人仍不歡 罵我自滿以心做伴
但我任人胡說 只是旁觀
心就如密友 長路裡相伴漫遊
聽著我在說樂和憂 分擔心內石頭
齊話聲 漫長漫長路間 我伴我閒談
漫長漫長夜晚 從未覺是冷

>>March 7, 2004 at 11:48:53 PM GMT+8

2004 年 3 月 3 日 星期三 【颳風】

又有一段時間冇寫日記啦......
最近開始上呢個 trainer course 啦, 內容都 ok 啦, 有 d 都幾有趣味......
最近又發覺有好多野都變左 (仲變得好快) ..... 好似有一間舖我好鍾意既一款拉麵 (居然可以同名但成個麵換哂！都只係一兩個月既事... ）經過開某一個地方既廣告又換左.... 就算身邊好多個人都變左好多 ...... even 自己都好似有ｄ轉變... 係好事？定係壞事？

最近不斷咁有呢個諗法... 我實在要認真考慮自己份工要點啦...

>>March 4, 2004 at 12:12:55 AM GMT+8

2004 年 2 月 22 日 星期日 【炎熱】

又隔左成個星期冇寫日記 tim .... 咁依家就寫番今個禮拜發生過咩事啦 ......
星期二 - 我叫做第一次真正買股票呢 ... 因為之前我都係係股票 IPO 先抽的, 今次先真正叫做係市場上真金白銀咁去買一隻股票 ( 哈, 不過隻股票係我公司 client, 我係唔應該買的 =p ...... 我想死了) ...... 希望可以睇下我既眼光冇錯啦 ......

星期四 - 今日去左入境署既 interview...... 個地點都好偏僻下 ...... 咁個日係先去考體能 ...... 嘩...考完第一, 二項之後...... 真係以為自己會肥佬呢...... esp. 係第二項 (sit-up) 之後 ...... 因為考個時有太多下唔計 (佢一定要係好標準既動作呢), 考完個時個 madam 仲細細聲講左句 "唔緊要" ... aiya...... 以為真係會 fail ...... 不過好彩..... 之後個幾項意外地得到高分, 我諗拉勻後可以 pass 啦, 咁之後仲有 group interview.... 希望我可以有 final in 啦...... (hehe, 另外我真係要操好我d 體能先得啦) ......

星期六 - 係我公司既 annual dinner ...... 嘩...... 好多女同事今晚個樣完全同平日唔同呢 (好多人都真係打扮得好 "鬼" 靚啦 哈..... 但唔少都真係幾..... er ..... 哈哈哈) ...... 個晚我地公司 "真係" 請到陳奕迅做表演嘉賓呢 !!!!!! (估左好耐) wa.... 可以好近好近咁見到佢呀 !!!!!! 真人果然係肥, 但唱歌真係非常非常之好聽呀 !!!!!! 不過可惜既係我冇帶相機呀 @__@ (陰公!) 同埋我握唔到佢手呢......
咁之後我地有一年一度既 "大" 抽獎 ...... 頭獎係...... 旅遊禮券 + 現金 超過 $15000 !!!!!!!!!! 再另加 5日 annual leave !!!!!!!!! (我好想好想好想要呀......) 二獎係 21" LCD 電視 (超過 $10000) ... 三獎係現金 $8888 !!!!! 仲有 sony 最新款既 d-cam , 同埋澳門酒店連 "直昇機" 票........ 我全部都好想抽到呀 ............ 不過..... 結果我一樣都抽唔中啦 ...... (哈, 但大獎俾我地 dept. 一個女同事抽到啦 ! 真開心)

星期日 - 今晚做完野之後去左打機 ...... wa 俾我第一次食到役滿啦 ! (四暗刻) 係打左成 249 舖牌之後先食到呢 ...... ~^^ ...... 不過 ..... 食完之後, 一連出沖四舖牌 ...... !@#x$%^

>>February 23, 2004 at 12:39:02 AM GMT+8

2004 年 2 月 15 日 星期日 【晴】

冬日既陽光好多時都係我最鍾意的 (哈, 有語病, 但唔理啦) , 有陽光, 但係又唔熱, 如果間唔中有風吹過就更好 , 而且望住蔚藍既天氣 , 心情都特別好...... 今日咁既天氣就係我 favorite 既天氣啦 ...... (證明我真係一個"冬天" 命的人)
今日我插住 mp3 , 搭電車穿過天氣晴朗既鬧市 , 去左打機 (x_x ") , 同埋四圍行 , 嘆住我最喜愛既 starbucks 咖啡 , 到 Page One 睇下書 (個度有好多好靚既 architecture 書) , 享受一個好好天既星期日 , 嘩... 唔駛番工幾日係咁樣就最好 =)
發覺自己不其然受到影響 ...... 好似插 mp3 , 鍾意上聽林一峰既歌 , 經過某處依家一定會望 (真係好正, 哈哈) , 甚至依家寫緊日記 ...... 但我唔覺得仍然放不低, 反而依家令自己既生活更精采 , 有何不可 ?
林一峰既歌已經成為我其中一個 favorite ....... 佢唱既個一首 "上一次流淚" 更係我今期 strongly recommended (雖然已經好舊) ......

>>February 15, 2004 at 10:32:59 PM GMT+8

2004 年 2 月 14 日 星期六 【晴】

情人節唔需要一定有情人先快樂啦......
今日其實冇 d 好特別既節目 , 都係去下打機做下 gym 咁 , 唔同既係今日去左一間唔係自己去開既一間 gym , 個度係係中環既一橦高尚商業大廈裡面 (我公司 office 應該考慮一下搬去個度啦 唔該) , 同埋係同朋友 J 一齊去啦 ...... 個度既環境舒適度同乾淨度都比我平日去開個一間都要好啦 , 而且設施仲齊好多 tim (有埋泳池同 sauna) , 哈哈 ...... 不過 ...... 我似乎又要好認真咁去學番做 gym 正確既姿勢啦 , 真失禮 ^^" ......
跟住去左一間好耐冇去既餐廳去晚餐 ...... wa 個度變左做一間好攪笑既餐廳啦 ...... 不過應該係因為人太多啦 ...... 再之後我又同朋友 J 坐低睇相 , 哈...真係好似人地去完旅行團之後既睇相會咁呢 ...

P.S. 最近有一位朋友 K 遇到一 D 唔開心既事, 希望你可以快 D 可以再振作同開心咁生活啦

>>February 15, 2004 at 12:07:52 PM GMT+8

2004 年 2 月 8 日 星期日 【乍雨乍晴】

尋日去左考 CRE Part II ...... 回想去兩年前考個時 , 覺得好似錯失一個好好既機會 ...... 今次如果可以過關 , 一定要比心機呢 !!!　不過今次考完後，冇咩感覺．．．係好定唔好？

尋晚都過左一個好有趣既晚上，認識到一位新朋友，仲食左三餐 tim ．．．

最近覺得自己有好多野係開始番工後都未有／懶去做，曾經同自己講過既事都冇做．．．我諗現在係時候比心機去一一實現我呢ｄ”願望”啦．．．（排名不分先後：學日文，學識游水，去報 gym instructor course，旅行 =)，勤ｄ做gym ......)

聽日係一位朋友既生日，希望你會睇到呢篇日記，生日快樂！！

>>February 8, 2004 at 9:46:10 PM GMT+8

2004 年 2 月 6 日 星期五 【乍雨乍晴】

等咁耐先寫到日記呢 ......

今日約番好耐冇約既阿 Hess 係 California 做 gym, 做完後自己去食飯 ...... 唔知點解忽然覺得好寂寞 , 呢種感覺又番番呢 ...... 之後早番屋企, 睇 The Amazing Race, 之後聽音樂 , 心中又一陣難過 , 眼淚又再湧出呢 ...... 我以為自己已經冇事 , 不過原來都未係 ......

P.S.:
1. ai...... 我最近去打呢個麻雀game 比賽...... 由最高分個時既 34 分, 跌到依家得番 4 分呢..... 心淡......
2. fantasy golf 又開始左啦...... 今季好似個 site 好多 bugs......
3. 見到 6230 就快出啦 , 不過好似好貴
4. 朋友 L 希望你可以見到呢個 msg 啦, 我冇心令到你唔開心的 , 真的好唔好意思 ......

某次　某晚　生命中某人
臨分手也狠　說世界誰比我親
我信那兩秒的我　曾經是最開心的人
幸福純屬偶然　誰介意沒永生

還記得幸福的感覺　苦中可作樂　已堪稱快樂
誰為寂寞戀愛　將來也許更寂寞
能記得受苦的知覺　苦中總有樂　還祈求甚麼
若永久一起無方　我也懂得難過
已證明　曾發生的不算幻覺

你說每次見到我　良心便再得到試煉
熱戀容或偶然　朋友永遠發展

還記得幸福的感覺　苦中可作樂　已堪稱快樂
誰為寂寞戀愛　將來也許更寂寞
能記得受苦的知覺　苦中總有樂　還祈求甚麼
若永久一起無方　我也懂得難過
已證明　曾發生的不算幻覺

你能對我講　曾真心喜歡著我
亦已真心不喜歡我　還求甚麼

還記得幸福的感覺　苦中可作樂　已堪稱快樂
誰為寂寞戀愛　將來也許更寂寞
能記得受苦的知覺　苦中總有樂　還祈求甚麼
若永久一起無方　我也懂得難過
已證明　曾發生的不算幻覺

>>February 7, 2004 at 2:07:39 AM GMT+8

2004 年 1 月 28 日 星期三 【颳風】

最近經常到機舖幫襯 , 呢一排機舖有一隻麻雀 game 攪緊一個 "全港公開賽" ... 平時我都冇玩個一隻 game (因為覺得太貴啦) ... 咁不過見有個個比賽 , 於是我就係佢比賽既第一日就參加左啦 ......
嘩.... 個個 game 最開頭我覺得好難玩啦 , 打牌好容易出沖 , 成日都輸 tim ..... 我開頭又要入好多錢 con 機, 仲一直都係負分呢 >.<" .... 不過最近開始有 d 好轉啦 , 我由最低個時既 -8 分 , 一直到依家已經有 22 分啦 ~^^ ....... 唔知自己打牌既 "功力" 有幾 "高" 呢? 哈哈 :)

p.s. 今年係公司 "豆" 到唔少利是呢 , 不過總數都比去年少左d , 不過都好開心啦當然 哈哈 =)
p.p.s. 唔知我所估既事有冇錯呢......

>>January 28, 2004 at 11:39:27 PM GMT+8

2004 年 1 月 18 日 星期日 【雷雨】

我二十x 歲既生日就咁就過左啦 ...... 可能今年會係好難忘既一年生日 ?!
好多謝呢幾日有陪過我過生日既朋友啦...... 你地真係好有我心 , 我好多謝你地啦真係...
嘻.... 收到呢個邪流丸王子公仔 , 真係好鬼得意呢 =)
唔..... 心情仍然係起伏不定.....
今年未許生日願望呢.............

p.s. 朋友 k 唱歌好好好鬼似梅艷芳呢 !!!!! 讚 !!!
p.p.s. 最近行街聽到呢個鈴聲, 覺得好好聽 ......
在我指尖可以冒出火百合　然後你會雙眼望見綽綽櫻花
原來即使都是你的花言巧語　但我伸出手照樣接下
是我一生聽過太少好說話　還是跟本戀愛大到絕望太難
明明想得很硬接到花便心軟　難道你　能道歉便算嗎

我像所有天真女孩　寧願相信有一束玫瑰
誰受了　誰便愛到至死都美麗
我在跟你爭執那時　狂得可以逆插起一束玫瑰
沒有花樽可以養活約誓　但有荊棘可使我淒厲
仍在想　想一齊　想華貴

若再悉心栽種或會再萌芽　還是根本一夠時間浪漫會殘
為何始終都為百般花事兜轉　難道我　還未領受夠嗎

我像所有天真女孩　寧願相信有一束玫瑰
誰受了　誰便愛到至死都美麗
我在跟你爭執過後　靜得彷似逆掛的一束玫瑰
沒有花樽可以養活約誓　淡到似乾花卻不會誓
仍在等　等絢麗　一世

就算真的等到是愛再萌芽
然後我會不再迷信結果開花

>>January 19, 2004 at 12:19:49 AM GMT+8

2004 年 1 月 8 日 星期四 【晴】

叱吒十大, 專業推介 - 第十位
一步一生

童年是誰伴我走　挽我的手
望我踏上天梯　不可退後
曾經期望著我　前程和戀愛　甚麼都擁有

沿途就算跌　要跌得好看
才能不自責　報答別人厚望
然而誰明白我　沒你們所想的堅壯
我很想找個人　對我說別怯慌

回顧中彷彿一步一生
每一級一世都難忘　如何吸引
曾碰上每個過路人　跟我漸行漸遠
懸崖上我始終都企穩

誰伴我去走一步一生
每一位一個不留神　不再熱吻
還有沒有人　令我驚險又興奮
願我能　提示我這一雙腳　別震

前面是誰伴我走　挽我的手
但笑著吃苦的氣力　我沒有

>>January 9, 2004 at 12:22:46 AM GMT+8