2003 年 4 月 28 日 星期一 【晴】

一返到屋企就莫名其妙咁被阿媽攞薔X氣 , 都癲嘅 ! 講謠縞h都係一個錢字作怪 ...... 好煩呀 !!! 我真係好想搬出薯菑v住呀 !

係地球上天氣最好 or日照最長嘅地方 , 應該係一ｄ熱帶 , 令人諗起陽光與海灘嘅地方 , 例如東南亞 , 南洋小島 or sunshine state 等 ...... 但好可惜, 我偏偏唔係太鍾意去呢 D 地方 ; 反而我覺得我喜歡去一ｄ出名冇乜陽光嘅地方 , like英國 or 北歐咁 ...... 我係幾多朋友眼中, 係一個心境好似個 D 好有陽光嘅地方 ; 但其實我覺得我好多時都唔係係呢 D 地方啦 ...... 唔 ...... 但我又算係一個好容易出太陽嘅人 wor...... 真係有 d 矛盾 :)

最近所識到嘅朋友仔 , 佢地最近都同樣發生咗同一個問題 ...... 點解會咁 ga ? 仲要大家都幾快就咁 tim , 唔通真係避免唔到嘅??

神奇小子傅家俊終於再發揮出佢 ' 神奇 ' 嘅 ' 本領 ' 啦 ! 繼日前以 10 - 6 擊敗 '火箭' O' Sullvian 後 , 佢大有機會可以再擊敗McManus 入到 QF呢 !! 我好想睇呀 !!!

P.S. 細佬佬聽日要考最後一科啦 , 俾 D 心機加油呢 !!! :D

>>April 28, 2003 at 9:53:47 PM GMT+8

2003 年 4 月 27 日 星期日 【晴】

今日全日任何野都冇做過 , 留咗係屋企 ...... '赫然' 發現自己原來已經好耐冇試過係屋企咁樣 '發毛' 啦......成日都出街 , 哈哈 ...... 今日就當幫自己荷包慳下啦 !

今晚睇電視 , 有個節目《宇宙未來報告》我覺得非常之好 , 係一個真正嘅天文節目 , 仲有佢所講嘅題目都好有趣。就好似今日個集咁 , 就從人類好希望得到嘅黃金開始 , 講解宇宙點樣可以形成到好似黃金咁重 density嘅原素。下一集仲會講宇宙有冇好似地球一樣嘅生命存在 tim ......

以下係一 d 我覺得好睇嘅電視節目 (我而家都真係好少睇電視呢 ! )
《宇宙未來報告》-- (P.S. produced by NHK ga) 逢星期日 7:00 - 8:00 @ TVB
《Mr. Bean Cartoon - with Rowan Aktinson》-- 有真人 Mr. Bean 配音 , 同佢真人一樣攪笑啦 ...... 逢星期日 7:00 - 8:00 @ Pearl
《The Amazing Race III》-- 一個我好鍾意嘅節目 , 係好似一個 Orientation 嘅遊戲啦 , 仲可以環遊世界 tim , 我都想參加呢 d 節目呢 :) 逢星期二 8:30 - 9:30 @ Pearl
《Survivor》-- US 現時經典嘅真人遊戲節目 , 依家已經係 Series V 啦 , 不過都做咗一半 lu ...... 逢星期六 8:00 - 9:00 @ World

>>April 27, 2003 at 10:13:20 PM GMT+8

2003 年 4 月 26 日 星期六 【晴】

有一段時間冇好似今日咁可以咁悠閒啦 , 完全唔需要去諗工作嘅野 :D 可以一個人行街唔需要睇住時間 ; 同朋友去下飯 ...... 咁樣就過咗一日啦 , 真係 GOOD ! :D :D

唔 ...... 希望細佬佢唔好唔開心 , 俾心機考埋個試去 (同埋朋友 P & R 啦)

有成兩三個禮拜冇去做gym 啦 , 今日去番 , 真係好唔掂 , 要定期去番之得啦 ......

>>April 27, 2003 at 1:24:20 AM GMT+8

2003 年 4 月 24 日 星期四 【晴】

好唔想每次日記嘅開頭都係講我份工 ...... 但我覺得份工最近俾我嘅精神壓力實在太大啦 , 我實在覺得我承受唔到呢 ......

尋日知道咗一 D 野 , 點解真係可以咁快嘅 , 仲有我覺得我細佬真係都幾堅強 (唔想用呢個詞語 , 不如話係天真呀 ? 但又好似唔"� ......)希望佢真係冇野就最好啦。

最近聽同睇到身邊嘅朋友同同事嘅『體驗』, 令到我好想去下海灘 , 同埋曬黑 D 呀...... 唔知幾時之會咁呢 ......

>>April 25, 2003 at 12:59:17 AM GMT+8

2003 年 4 月 22 日 星期二 【晴】

又開始一個星期漫長嘅工作 ...... 真係發現繁重嘅工作可以令人麻木 , 嚴重到可以連攰都唔記得 , 真係恐怖 ...... 再加上每日刻板嘅生活 , 真係可以完全消磨哂一個人嘅理想 or鬥志 , 變咗刻板嘅工作機器 , 我唔想好似幾米嘅《地下鐵》咁樣啦 !

最近幾位好友都上咗薨O度寫日記呢 ...... 好有趣 。

講起要擺脫刻板嘅工作生活 , 其中一個條件係要財政上可以無擔心嘅問題 , 但呢個條件就真係極之困難啦 ...... 講起自從我番工之後 , 以為好容易可以儲到 d 錢 , 但係其實真係好鬼難 ...... 每個月都總有一 d 大額嘅洗費 , 唔好話要儲錢呀 , 就連收支平衡有時都成問題 ...... 唉 , 我幾時先可以買到 d 例如和黃咁嘅價錢嘅股票呢 ?

今日番工有幾位同事都曬黑咗, 我都想呀 ......

香港如果再咁樣落去 , 就可以 certified ga la (但其實而家已經係情況危殆) , 唔該可唔可以成個政府換一換人呀 ......

>>April 22, 2003 at 11:59:43 PM GMT+8

2003 年 4 月 21 日 星期一 【晴】

終於放完四日復活節假期啦...... 聽日又要返工啦...... 慘......

有時發現自己比好多身邊嘅人幸福 , 但我又唔係好識去珍惜咁...

朋友仔 C send 咗叮噹嘅結局俾我 , 我覺得真係好, 仲有 d 感人:
... 某天，大雄如往常般，忘了做作業在學校被老師罵，也如往常般被技安、阿福他們欺負。連未來的老婆靜宜也答應要先嫁給別人。總之，對大雄來講，生活就是一連串類似事件的反覆。今天跟昨天沒什麼兩樣。唯一的變化是，小叮噹突然變成植物機器。無論大雄怎麼踢、打、罵，小叮噹都沒有反應。大雄不知道小叮噹到底發生了什麼事，只傷心得哭了整晚。可是，無論大雄再傷心透頂，小叮噹也只是紋風不動地坐在柱子前。
大雄也伸手到口袋內試試，但口袋也豪無任何動靜。然後大雄想起抽屜裡的時間飛行機，就穿著睡衣飛到22世紀去找小叮噹的妹妹小叮鈴。小叮鈴還沒完全聽完說明，就被大雄催著坐上飛行機飛回20世紀。小叮鈴一看哥哥動也不動，馬上知道是電池用完了。正想換電池時，小叮鈴想起一個非常重大的事。沒有備用電源…… 大雄不懂得其中意思，只在一旁催。小叮鈴只好問大雄： 你願意讓哥哥跟你的回憶都消失嗎？原來舊型的貓機器人的耳朵裡，裝有備用電源，以便充電時能保持至今為止的記憶。可是…… 小叮噹沒有耳朵！（這是眾所皆知的吧。）大雄終於裡解了事情的困難。種種回憶在大雄的腦海裡奔騰大雄跟小叮噹曾飛到過去、未來，也曾到恐龍世界，海底世界，更在宇宙打過仗…… 小叮鈴拼命解釋給大雄聽。若要裝新電池，小叮噹醒來時會失去一切與大雄曾有過的回憶。若保持現狀，記憶不會消失。結果，大雄選擇保持現狀。此時，大雄還是小學六年級。
十數年後……
從海外歸國的大雄，已成長為英俊迷人的青年，並就職於某家尖端科技的企業。他身邊的新娘，正是宜靜。當年，小叮鈴回到22世紀後，大雄只跟身邊的人們說，小叮噹回到未來的世界去了。時日一久，也就沒人再提小叮噹的事。不過，小叮噹其實一直被保管在大雄家的壁櫥裡。大雄為了修好小叮噹，拼命用功讀書，然後國中、高中、 大學，成績逐年昇騰。最後出國到著名的大學留學。現在，大雄身在他自己的研究室中。他叫來平日嚴禁其出入研究室的妻子宜靜。對她說：妳看好，我要按開關了。說完，大雄頰上情不自禁流下兩串淚珠。他就是為了這一刻，苦學了十幾年…… 為了這一刻，從一個老是忘了做作業、成績從倒數起算比較快的笨學生，爬到今天的地位…… 開關按下後，久久一陣靜寂，靜寂……

終於，小叮噹開口了：『大雄，我等你很久了。』-- The End

******
另一個推介:
http://www.et-express.com/psychology/iqtest2/IQ1b.htm

係一個 typical 嘅 IQ Test 啦 , 我有 156 分 ga 嘻嘻......


>>April 22, 2003 at 12:22:33 AM GMT+8

2003 年 4 月 20 日 星期日 【晴】

今晚真係開心 , 可以難得幾個人不知不覺地就傾到三點 , 仲要大家都交心出來傾 , 唔...... 總之好開心 :)

...... 由筲箕灣行到炮台山 ( 有 d 押韻 yeah) ,明記糖水 , 太大碗西米露 , 蕭邦冰粒 XD , QOO 贈品 , 星光大道 (a.k.a. 電影資料館), 香港島嘅尖東海傍 , 第一次係公園就地...嘻嘻... 鬼故 , 飲西茶定普洱 (削胃呀 XD) , 茶杯等 ......

每當好天嘅時候 , 就會諗起一首叫 O Sole Mio 嘅歌 , 英文: (O Sunshine) ......

知道得越多 , 有時會有問題產生 (因為自己身處其中, 抽身唔到) , 希望唔會發生係我身上。

我係一個好怕好怕 hurt 到人嘅人 , 見到人地唔開心, 我會好唔安樂 ......

尋日都好開心 , 特務戇 J 好鬼好笑 , 但 Mr. Bean 做電視劇唔出聲好似重好笑 D ......

>>April 21, 2003 at 2:28:22 PM GMT+8

2003 年 4 月 18 日 星期五 【晴】

秘密知道得太多真係唔係幾好...... 好容易令人胡思亂想 ....... 同埋 ...... 嘿嘿 ....... 秘密 :)

好耐好似冇今日咁咁好天啦 , 見到藍色嘅天空令人心情愉快。

最近經常留係公司 , 成日聽我部 MP3 機裏面 d 歌 , 呢首歌我覺得好好聽 :-

《我找到了》 詞：黃偉文

我揹負著寂寥　鞋底走穿不算少
眼看大路行盡　絕處偏偏碰見吊橋

連同昨天所失(輸)的　都(一起)找到了
即使晚了(哭泣夠了)　卻也遇上了(我以後要笑)
這一個是我的　碰見(上)即刻知道　不必揭曉
連最想得到的　我都得(找)到了
穿梭人潮　引誘幾多　不再動搖
無謂恨昨日每段苦戀　得到愛太少
(從未像這樣確定　一伸手抱你　已經抱到最實了)

唔...... 我幾時先找到了呢?

仲有以下呢首嘅歌詞......

難得 有人待我這麼好
如此照料週到
何事我又要讓人 最苦惱
明明知 有人待我這麼好
如沒有信心接受到
難道詐不知道比較好

@__@ ......

好耐冇去做 gym 啦 , 我覺得要搵番 ar Hess 同我操番......

>>April 19, 2003 at 3:00:27 AM GMT+8

2003 年 4 月 16 日 星期三 【陰】

呢一個星期每晚都好遲先走, 好眼訓...... 但終於見到盡頭啦 , 剩低五隻啦!!!!!

一返到屋企都未坐暖 , 就即刻俾我阿媽同家姐吹我要去沖涼, 唔好阻住佢地之後用廁所 ! 有冇攪錯呀！抖一抖下都要啦 , 我真係覺得我ｄ屋企人一ｄ都唔會關心我......但...... 唉......

尋晚朋友 X 令我知道 , 有ｄ野我有時係太幸福啦 , 完全唔識得去諗......我覺得真係唔識得幫佢。但有時人生就好似一列火車咁 , 當穿過黑暗嘅隧道之後 , 就會重新見到光明 (節錄自一位朋友的 ICQ Info) ...... 希望佢都可以係咁 , 唔好咁樣咁唔開心 .......

最近我經常用心聆聽 , 真係可以去做保險 lei XD (講笑)

諗起張震嶽嘅《秘密》, 但其實無"啦能" ...... (笑)

真係希望朋友 X 唔好咁樣......

Michael Jordan 咁樣完結自己嘅籃球生命 , 真係覺得好可惜同有 D 唔光彩 ...... 點解要打多薇潀~呢?

今日推介: http://ashbone.taishuo.com/tonychen631220
一個有非常多舊 game 嘅 site, 如果屋企曾經有 APPLE II 嘅電腦遊戲 , 呢個 site 一定俾到好多回憶...... 我仲搵得番我好想搵到嘅股票佬呀 !! 仲有居然都有巫術 7代 ! 相信而家好難可以再搵到咁有耐玩性嘅 game 啦......

P.S. 俾個傻細佬嚇死 , 而家肺炎咁緊要話自己發燒唔緊張就假 !

>>April 17, 2003 at 1:11:02 AM GMT+8

2003 年 4 月 14 日 星期一 【陰】

今日番工好辛苦呢...... 攰到死 , 仲好鬼頭痛 ...... 快 D 捱過四月啦......

細個聽過一個故事 : 話說有個人講咗好多大話 , 每次佢講咗一個大話 , 佢就會掘一個窿 , 講出自己剛才所講嘅大話 , 然後用泥土埋番好個窿佢。咁有一次 , 0個個人就放咗一粒種子落個窿度 , 然後仲種埋佢 tim , 點知當個棵植物開花結果嘅時候 , D 花居然將個人嘅大話傳開去呢!! 結果所有人都知佢係個大話精 , 仲比人打 tim (呢段誇張咗 , 哈哈...... 加上我個人嘅創作)

但呢個故事 apply 係其他野 ga wor , 就例如......唔講得...... 所以我都要小心 d 啦......嘿嘿......

哈哈, 好開心...... 有人一直有睇我嘅日記呢 , 可以同人分享我嘅感受我都覺得好開心 ga !

P.S. Mike Weir 奪得個人首個大師賽錦標 , 仲超越 Tiger Woods 暫時成為今年獎金首位呢 ! 勁!!!

>>April 14, 2003 at 11:59:33 PM GMT+8