2005 年 9 月 12 日 星期一 【晴】

漫天煙霞……
一起身，看到整個市區濛濛瀧瀧，
我便知道，天氣不大好。

對我來說，我只關心雪妍，
因為這樣代表她的身體會很差，
感覺很辛苦。

最令我擔心的事情，是她的感冒再次嚴重了，
我不在她身邊，這令我有些擔心……

回到公司，
或許是星期一吧？
工作效率非常低，
有趣的是，感覺上時間也在打呵欠，前進得比以前慢。

雪妍呼吸不暢順，我唯有叫她不要來找我，
其實我很想……

同事問我會如何處置這個月的超時工作，
會拿錢還是補假？
我腦海裏第一時間便在想補假了，
因為可以去找雪妍嘛。

時間緩慢，身體也緩慢。

整天懶洋洋，連到茶水間沖茶也要花上幾分鐘，
平時會步行上樓到餐廳，
現在只會等著電梯。

夜晚，一邊看「七號差館」一邊吃著37大元的蛋牛飯。
37大元有什麼特別？
我最初也不知道，
當我一打開飯盒，
我便明白了……大概有三碗飯的份量吧？

吃完後，整個肚腩變了一個「大波波」，
我也樂得躺在一角了。

>>September 12, 2005 at 10:12:54 PM GMT+8

2005 年 9 月 10 日 星期六 【晴】

正式開學喇！
比我既印象係……超忙咯！
一開波就有group project，搞到我又要用多一晚去開會。

時間真係唔係好夠用呀，
所以連日記都即刻打少左，連雪妍果邊都係。
我最擔心既，係怕老婆唔開心果陣我會唔o係佢身邊唷…

工作方面，我開始要跟6個project喇，
同一時間咁樣做法，唔知會唔會跟唔到？

以前逢星期四都會同Zadia佢地去打羽毛球，
而家唔得喇……

連運動都無埋=.=……唉……

雪妍都開始忙喇，我好希望佢唔會勉強自己，
希望佢唔會掛住做唔食野，
希望佢身體健康。

最重要，係有佢呀。

>>September 10, 2005 at 9:14:44 PM GMT+8

2005 年 9 月 4 日 星期日 【晴】

有多久…？
我突然再次打開思考的回路，
探聽自己封閉了的空間。

這次的空間是清爽的，
沒有另一個空間的懼怕和掙扎，
彷彿那一個空間已經縮小了。

我正在廳中，坐在椅子上休閒地看電視，
感覺這個長廳……擴大了。

看到了什麼……
將來的可能性。
我感到有我想要做的事情，
是與雪妍一起做的事情，
或許只是一件看起來很平凡的事，
但是在我的感覺完全不一樣。

同一時間，我透過房門看一看那部菲林相機，
用我的菲林相機好，還是她的數碼相機好？
菲林相機好。

學習帶來時間的迫切性，
這時都變得渺小了。
學習令我花費了不少時間，這是確定的，
只是現在我不會被時間壓迫得混亂起來；
我腦子裏好像明白要怎樣運用時間了，
只是我表達不來……
很接近……
很接近解決方法……
或許時間一到，方法便會出來了。

久不久我便會有需要打通思考回路，
不曉得為何，我總覺得每隔一段時間便要為自己的腦袋清理塵埃，
這些時候總會有一些東西同時被掏出來。

我長久地有一種感覺，
隨時間流逝，體內總會有一些東西在慢慢增長，
在某一時候，這些東西便會走出來成為我的經驗或解決方法。
是知識嗎？我也不知道……
看見自己時常有忘記的習慣，
我不禁有些懷疑。

>>September 4, 2005 at 11:01:32 PM GMT+8

2005 年 9 月 4 日 星期日 【晴】

雪妍今日發燒呀……
我相信佢係感冒，
唉…前果排天氣突然又熱返，
我就知道佢有可能感冒，
只係我唔知道會咁快o者。

我相信有我o係度陪雪妍，
佢會更加快好返，
因為雪妍好需要有人比力量比佢，
呢樣職責就梗係由我做喇~

最慘係佢今日比佢爸爸睇實，
我根本無可能去到陪佢……

結果就開始左無聊既今日……

>>September 4, 2005 at 10:10:35 PM GMT+8

2005 年 8 月 26 日 星期五 【晴】

一大早接到老婆豬既電話，
聽一聽佢講幾句，
我就感覺到佢心情唔好喇…

我好想知佢乜事，
結果我足足大半日好煩咁不停咁問佢有無事，
而佢就只係答我：「無事」

後來我終於聽到佢講返佢內心既野，
我先知道老婆豬因乜野唔開心……

其實我好想話比佢爸爸聽，
「有我雪妍就會開心架喇~
你如果真係佢爸爸，真係想個女開心既話，
就比我陪o係佢身邊喇~我會盡我能力解開佢既心結~
甚至等佢更開心~」
但係呢招好似唔多得……

無論點，真係好好彩今日我幾個老闆都唔o係度，
等我可以用msn傾計咋，唔係我都唔知點可以陪老婆喇……

放工果陣，我去搭電梯，
每逢呢個時候，由於公司車會o係十分鐘內開出既關係，
每層樓既人都會爭搭電梯。
公司既電梯成日懶醒咁，只要有一部上，另一部就唔會上；
而部電梯上緊既話，按下層既樓係唔會有反應架，因為部電梯上緊嘛。
由於太多人爭，而我又身處中層，所以我只能夠搭到向上既電梯。
今次我好辛苦迫左入電梯度，而身處控制按鈕面前，
所以我好自然咁負責不停咁按「關門」……
一路按呀按，終於到左頂樓，
但係我竟然只係記得按「關門」，唔記得左按「地下」！
後來由於下層有人按電梯，架電梯就一路向下落……仲要係逐層開門……
落到一樓，突然發現架電梯開左門兩次！
全部人都奇怪果陣，有人大叫：「唔記得按地下果層呀！」
可惜部電梯已經變成向上，
結果又要遊電梯河……
好明顯，好多人都覺得係我既問題喇……其實連我自己都係咁諗……
最慘既係，逐層開門太花費時間，個個都好驚趕唔切搭唔到公司巴士走……
如果真係既話，咁我就做左大瘟神喇……
遊第二次電梯河期間，我不停咁聽到好多人o係度話「今次慘喇」之類既說話，
好無奈咯……
唔知點解o係呢個時候，總會覺得時間係過得好漫長……

電梯終於到左地下……
一開門………
仲見到好多公司巴士呀！
呼~~~~~~~
鬆晒~~~~~
我不知幾驚成為中銀IT罪人……
可能仲會比人釘十字架添……

>>August 26, 2005 at 9:46:22 PM GMT+8

2005 年 8 月 21 日 星期日 【晴】

雪妍話左一個秘方我知~
飲完之後我d牙肉真係無咁痛~
我都話~有老婆豬真係好架喇~~~

+++++++++++++++++++++++++++++++++++++++++++++

近排我見到有Michael Jackson既dvd賣返，
價錢都ok，所以就買左返屋企睇，
真係好好睇咯！
雖然以前睇過，但係隔左咁耐再睇返，
Michael Jackson既歌舞都係咁正！
以前細個我唔識欣賞佢，
而家我先發現，佢可以紅成咁，
唔係單單因為跳舞~
係因為佢係好幾方面都好掂！

可惜……而家搞成咁。

++++++++++++++++++++++++++++++++++

去旺角除左買Michael Jackson既碟，
我仲去左一間商場~
睇下有冇適合我用黎送比老婆豬既野~
點知真係有呀~
雖然有d美中不足~
但係都唔錯~
仲有另外一隻~
不過可惜老婆豬有同系列既耳環，
我怕佢會唔鍾意~所以買左之前果隻~

>>August 21, 2005 at 10:42:23 PM GMT+8

2005 年 8 月 20 日 星期六 【晴】

有一樣金魚既秘密係無人知既~~
就係……金魚係未生第三隻臼齒架~

今晚，金魚呢隻第三隻臼齒就作反呀，
我睇睇下波果陣先黎料，
仲越黎越痛，越黎越癢，
後來我口多，
輕輕咬左一下果度d牙肉，
結果痛到我叫出黎！
即刻去雪櫃拎d冰出黎含住，
但係都係好痛咯……

結果我連利物浦打成點都無理，
躺o係廳果張長椅度，
右邊面痛到我出唔到聲咁濟，
連頭都痛埋=.=

最後我連牙都唔敢擦就訓，
好彩訓得著咋……呼~

>>August 21, 2005 at 10:31:14 PM GMT+8

2005 年 8 月 18 日 星期四 【晴】

哇…琴日無端端走隻三級病毒出黎，
搞到我成隊人要即刻幫全幢中銀IT裝更新。
原本呢件事係支援組負責，但係因為太急唔夠人手所以要我地幫手，
點知果班咁既阿伯，5點40分準時就走左！
真係賤！

全數近500百部機，點整呀？！
我無得去上堂已經條氣唔係咁順架喇，
點知仲要比人放飛機………
原本我諗住做到今朝都走唔到，
好彩組長話唔好做晒，應該要支援果班自己搞掂，
最後我先可以o係12點45分走……否則……真係唔知點好喇……

我地電召的士返屋企~原來有八折的士架~
開張單就全數~咁我要返津貼果陣咪有賺咯~~^o^v~

今日要快d溫返d書喇，唔係我追唔切d進度唷~~

同埋~~我特登調左長短週~等我可以去陪老婆豬~~~^oo^~~
老婆豬近排情緒唔係咁穩定，我好想全日都陪住佢……

>>August 18, 2005 at 7:48:51 PM GMT+8

2005 年 8 月 13 日 星期六 【晴】

今日係我短週~所以我全日都抽左出黎比老婆豬~

一大早我就要入中大拎返張學生證~
唔係又要等兩個星期之後喇…
老婆豬佢話~不如陪我一齊去~
我諗~都好既~有老婆豬就會好開心~

去到中大之後~我同老婆豬拎左張學生證~
然後就去左食早餐~
哈~要養到佢肥肥白白嘛~~
食完之後就去搭車返屋企~
點知……其實我地係識黎唔識走……
仲亂咁搭車~最後搭左一架上山既……
後來聽個司機同一個準備上車既乘客講野~
先知道原來我地搭錯車=.=
結果我地就傻傻咁比個司機載我地上山……
差唔多去到聯合先落車再等回程車=o=
大概……無人好似我地咁笨lu~
不過我都唔怕~因為有老婆豬同我一齊笨~哈哈~~~

返到屋企，老婆豬講左樣野比我聽，
我果陣真係好驚訝，因為原來有事發生左，
但係個傻老婆一直都唔話我知……
佢仲要今晚入醫院添……
我好清楚~自己係雪妍老公~
我好想可以o係老婆豬渡過難關果陣陪住佢，
比安慰佢、比關心佢、同佢分擔、同佢一齊面對。
但係老婆豬唔比，
我其實真係好想罵自己……
點解自己唔可以o係咁既時候留o係老婆豬身邊？
後來到左夜晚~我都盡量透過sms陪住老婆豬~
同佢玩心理測驗~比IQ題佢玩~
即使咁樣~我都好開心~
而且~仲可以話佢知有我O係度陪住佢~~

老婆豬今日講左一句：「金魚係我架」
係架！我都係咁話~點樣都好~老婆豬都有金魚~

講返之前~
我送左老婆豬返屋企之後~
就去左旺角同朋友O係金太郎食下午茶~
大喇叭丫！我叫左兩件吞拿魚，結果變左兩件三文魚！
果度既添水掣呢，出水慢到丫！
我要等成分鐘先添到成杯水咯！

不過成得好飽飽~
因為我食左十二件壽司、煎餃子、八瓜魚丸~
返到屋企之後仲食埋飯添~
今次實變超級肥金比喇……
個肚會彈下彈下既……

>>August 14, 2005 at 2:46:12 PM GMT+8

2005 年 8 月 3 日 星期三 【晴】

就快開學喇~
我為左可以隨時列印筆記~
特別平平地買左一部鐳射打印機~
係samsung架~
原本諗住買部有埋掃描同影印既打印機，
但係實在太貴喇，我負擔唔起~
唯有買住部幾百蚊既先喇~

諗住上堂前印左出黎睇晒先~
咁上堂可以事半功倍~
點知到而家我只係睇左十幾頁……
近排實在比較累，
我無乜心機睇住……

其實有咩方法可以唔洗用左我個星期六又可以識晒d野呀？
我想同我老婆豬一齊呀！
佢仲重要過好多好多野架…我唔想佢一個人咁悶呀……

講返讀書，
我有好多同事都覺得我好奇怪，
點解唔讀電腦碩士，走去讀金融=.=
仲有好多話我係咪諗住轉去做金融，完完全全放棄IT……
聽到之後，我唯有講句：Well.........
咁我都唔排除自己會有放棄電腦既一日既，
只係，暫時無咁既諗法咯~

無論將來條路好唔好，總之保障到一家人既衣食住行就無問題喇。
不過要保障衣食住行好似都唔容易=.=

「越窮越見鬼」，我有咁深刻既感受，唔會再比自己同身邊人再感受到……

>>August 3, 2005 at 10:52:14 PM GMT+8