2004 年 12 月 9 日 星期四 【晴】

笨貓貓最愛既老公豬：
睇完你之前給我的「私日記」原本一些心中鬱結~亦已解開……
一年了…時間過得真快…由一句「hihi」開始了我和你的交往…
我的過去…你很清楚…我對身邊所有的人與事已經完全失去信心~
對住電腦…亦只想打發時間…不會讓自己腦袋想得太多…
但當認識了你這條大頭蝦金魚後…有些東西…原來在不知不覺間改變…
在認識你不久~我要跟隨我的家人回英國過聖誕…那時候…笨貓貓依然不知…
原來在金魚仔身上…放下了些東西…
我與你的媒人~就是表姐夫…是他提醒了我…叫我有些東西~他來了…就不要去逃避…
當然被他這樣一說…笨貓貓就…方寸大亂了…！
在英國這段時間…我一點也不好受…何解？因為…我不知道…應不應該說給你知…
我這隻又傻又笨的貓貓…對你這條又傻又大頭蝦的金魚有了感覺…
說了…怕你會拒絕…怕會罵自己出爾反爾…因為…我怕再有受傷的機會…
不說…貓貓一定被屈死……
終於…我選擇~拍拍心口…大膽的話你知…我的所有感覺…
1月28日…就是「貓貓的表白日」
後來才知…你這條金魚…一點也不笨的！=.=你早已發現…但你想我親口說出來…
貓貓又笨一次了……！我呀！不甘心的！哼！
你知嗎？那天我差點兒連心也嚇到停了…很想知你的答案…但又怕你拒絕…
笨貓貓從未有過這種感覺…當…你也說出你的感覺後…我的世界…就有了你…
**************************************************************************************
在認識你不久~你就知道…我有個幾乎無法治癒的病…
你不單沒有介意…而且…更常給我打氣…叫我不要放棄…
每次我痛…想放棄時…你就會不停的叫我：「撐住！」
今年年初…我得知收到一份「新年禮物」…在倒數我的時間時…你叫我不要想得太多…
未必…會如期的…開始倒數…你好肯定…我和你的時間…會更多更長…
你知嗎？聽你這樣一說…貓貓真的多了不少信心…
**************************************************************************************
你這個傻瓜…常掛在口邊…說將來…貓貓要為你…把十隻貓貓和十條小金魚帶來這個世界
每次聽到你這麼說…我心…其實…是又苦又甜…
我真的希望…可以做得到…自小就十分喜愛小朋友的我…這個亦是我夢想…
**************************************************************************************
在某些事情上…我很想和你去分享…很想聽你的意見…
但有些…到現時…我仍未可以…如實的話你知……
和以前相比…我的心…為你打開了很多很多…
為我貼上「貓貓膠布」去治理傷口的…就是你…
**************************************************************************************
我身上…有了一個很大的重擔…這個重擔…令我透不過氣來…每當我捱不住…哭了…
你會用很多的時間去安慰開解我…你的耐性…真的令我很吃驚…！
笨貓貓係一個「喊包」~任何事情…都可以流下眼淚…你不單沒有嫌棄…
更讓我不停的哭個夠…哭夠了…你就會不斷的哄我笑…唱你的「金魚之歌」逗我發笑
**************************************************************************************
你更不介意…自小就圓碌碌的貓貓…你更渴望…我做你的「大母豬」一.一…
我瘦了…你會心痛…不停的叮囑我吃多些東西…當我…向你訴苦…我肥了…
你這個傻瓜…竟然笑過不停…很無奈呢？
不過…除了貓貓是圓碌碌之外…這條傻金魚…亦開始發胖了！
大家見過金魚的…都奇怪…為何他現在變胖了？！這是貓貓一手造成的！卡卡^o^v~
**************************************************************************************
「天使的鱗粉」這個靚到不得了的名字…把我送給你的星星…變得漂亮極了！！
這些鱗粉…會一直…用笨貓貓肥肥圓圓的手…為你灑下去^^~
「四葉草介指」就是我和你的＊Love Ring＊~看見介指時…就感覺…你在我身邊…
**************************************************************************************
我知道…你很努力的為我們將來工作…而我…亦會努力…完成手頭上的工作…
在你身邊陪伴你…
我會…努力的撐下去…和你過未來的每一天…
我要「人生拼圖」中…最重要的部份…全是你！
當然~我要煮很多很多的食物~把你~變成一條似波波的金魚！卡卡^o^v~
*************************************************************************************
＊心…只有你…＊
雪妍

>>December 12, 2004 at 12:00:05 PM GMT+8

2004 年 12 月 5 日 星期日 【晴】

不知為何，我感覺到像很久沒有寫這個日記似的。

一直以來，我在預備某一份禮物送給貓貓，
只是金魚動作太慢，有時候也太懶了，
弄得至現在才進入最後階段……

今天貓貓問了我一個問題，我有一點兒驚訝，
因為巧合地，我近幾日正在寫的文章，就是這個……

不需多久，我們便相識一年了……

貓貓說我們是看不到將來的，
我當然明白她的說話……
但是，我不計較這一樣事情，
除了因為我當初想得頗深入才有決定之餘，
也是因為即使很多人看得到某個將來，最後他們仍然到達不了。
對於將來，我擁有一個絕不客觀的定義……
卻也相信能令將來的自己擁有什麼。

或許這些思考模式，是只有「一舊雲」的金魚才能應用的吧。

對於「一舊雲」的金魚，
即使沒有事發生，仍然會擔心…
即使沒有先兆，卻也會害怕…
即使沒有在身旁，依舊會想妳…
這是因為，金魚與貓貓一起啊！

>>December 5, 2004 at 7:10:05 PM GMT+8

2004 年 11 月 26 日 星期五 【晴】

老婆豬送左一個手電屏幕圖案比我，好正好正架！
我一見到個圖案就覺得好正喇！
多謝妳呀！

仲有~上次我o係提款機唔記得拎既四百蚊，
聽日有得拎喇！
今日恒生銀行打電話黎，話我果四百蚊比個提款機吞左！
所以聽日去返果間銀行就可以拎得返架喇！

恒生呢個電話~係o係我見到果個屏幕圖案果一刻打黎~
喜上喜唷！

>>November 26, 2004 at 10:00:03 PM GMT+8

2004 年 11 月 23 日 星期二 【晴】

又收到一封培正校友既信喇！信題：「培正到底弄了什麼？」筆者：陳健君
這封信好明顯係想將兩年黎既爭拗告一段落~
希望真係可以如筆者所願喇~

呢幾日有少少感冒，我即刻買左幾粒藥食，
呢兩個星期會有好多大事要處理，如果養唔好身子，我就做唔晒d野架喇。
希望可以好番喇~

仲有~希望老婆所擔心事只係短暫發生喇。

>>November 23, 2004 at 8:23:53 PM GMT+8

2004 年 11 月 21 日 星期日 【晴】

今日係培正「告別大禮堂晚會」既日子，
阿鋒好耐之前已經問過我去。
我無去，感覺有d可惜……

今日去旺角買手提電話既免提，發現左一個秘密！
Sony Ericsson K500i原來係無blue tooth架！=.=

然後去女人街度打算買返我對拖鞋，
發現臨近冬天，全部都賣晒毛毛拖鞋或者照舊賣塑膠拖鞋，
我果種拖鞋已經無賣……
好辛苦先買左一對近似我果類既拖鞋。

行行下，見到有一個小女孩~肥o者o者~圓圓地~~
我即刻諗起今朝貓貓同我講既野~~
哎唷~~好得意唷~~~~~！

>>November 22, 2004 at 12:06:14 AM GMT+8

2004 年 11 月 20 日 星期六 【晴】

原本約左幾個朋友飲茶，點知原來今日係培正115週年紀念開放日，
所以我地就改變主意~返培正逛一逛先再算~

今年d宣傳真係差，唔係d朋友講我根本唔知道今日係115週年開放日，我差d錯過左……

培正而家變左好多，以前成個校舍好有傳統氣息，
由外面望入去校舍，會見到一個好舒服好寛敞既環境。
有幾棵5層樓高既杉樹，隔鄰有一個大斜路，通向恍惚坐在山上既G座同宗教館。
正門附近有一個露天操場，而操場後面就係一坐小小既童軍山。
成個校園係充滿陽光氣息，亦都散發住傳統既氣氛。

可惜而家改左好多，成個培正校園混入左唔少商業既元素，
身處裏面，覺得非常局促……
我既感覺係，培正一向實實在在擁有既傳統，好明顯被放置在一角。
至於取而代之既情況，我都唔想多講……

有種解釋唔到既感覺……
連繫住我同母校既情意結有唔少都已經被打散左，似乎搵唔番喇。
好似而家既培正無咩值得我留戀咁。
可能~我唔係有錢校友~學校唔洗照顧我既感受掛~
唔知，有幾多人同我一樣…？

我可以講既說話係，有咁多種唔同既改革，絕對係「有種」！

講番返到培正，我見到第一個受教過既老師已經叫錯名！
真係瘀皮……同行果D又唔醒水！提下我丫嘛！搞到我無法子糾正番唷！
其實係振忠老師丫嘛！

後來見到朱東，佢話：「快D去電腦室睇下喇~~你張相放左O係果度比人當神咁拜呀~」
聽到真係差D暈低……講到我好似升左仙咁……
去到電腦室，佢仲要介紹我添！
有D唔好意思~~所以我都無乜理過D人~~自己有自己逛lu~
哇……張相……原來係拎左奬O係機場比蘋果日報影果張，
仲貼住個Label寫住「金魚」=.=
佢地真係神通廣大，果張相連我都無，佢地竟然有。
我只係記得，我o係飛機度訓到個頭扁晒黎影相，個人都矇下矇下咁，好核突。+_+"

o係校園裏面遇返好多好耐無見既人~
廖詩揚~~洪卓筠~~劉漢榮~~man哥~~余炳鵬~~

搵左好耐~~先搵到文傑~~
點知佢第一句係：「金魚！哇~~~乜你圓左咁多既？塊面好似比人打腫左咁既？」=.=
其實佢都肥左喇！d胸肌仲勁過以前！郭富城已經無得同佢比喇！
佢係另一個跑完馬拉松之後肥左好多既例子……

中午果陣同葉天健一齊去飲茶~
傾到差d阻住佢做野添~~
今餐係我地請佢食既~始終咁耐以黎都無好好請過佢食一餐~~
結果埋單果陣佢同我地講：「好~我比面你地~~比你地請我！見係你地咋！」
嘻嘻~~~~佢講得好搞笑~~

行到5點左右就離開培正，臨走果陣買左件115週年既風褸，
打算o係公司凍果陣拎黎著下都好~~
雖然~~著住~`衫西褲再著風褸會同其他同事好唔同~~
但係都無所謂既~~~

返左培正聚左一日，好開心~~
見得番ms lo就更好lu……

>>November 21, 2004 at 11:55:07 PM GMT+8

2004 年 11 月 14 日 星期日 【晴】

金魚再一次參加渣打馬拉松！
今次出戰全馬拉松賽事~會有d辛苦喇~
畢竟上次完成既只係半馬拉松~
今次就多左成倍！
距離多左20公里，我既體重就同樣多左20磅=.=

唔知我今次完唔完成到呢~~？
最緊要係唔好太過勉強自己搞到出事~唔係貓貓就會擔心架喇~

唉~~好想大會批准貓貓幫我托肚腩~~咁我會跑得舒服d~~哈哈哈~~~~！

>>November 14, 2004 at 11:47:10 PM GMT+8

2004 年 11 月 11 日 星期四 【晴】

大發現！！！
原來……

朝早起身先沖涼係一定會遲到架！
朝早睇左早晨新聞係唔會遲到添！
朝早如果可以食埋早餐先返工就實準時喇！

返工果陣搭上「唔經中環、唔停修頓、金鐘總站」既111號巴士，係必定遲到架！
返工如果有幸搭到「唔停紅隧」既101號巴士，就唔洗怕遲到喇！

仲有呀……

原來不經不覺我遲到左好多分鐘喇！

>>November 11, 2004 at 9:17:24 PM GMT+8

2004 年 11 月 7 日 星期日 【晴】

近來我的頭不太妥，頭痛頭暈也有一些。
我懷疑是我的飲食包含了太多油煙，
所以看來我要控制一下自己進食的食物了。

近來好像不太有心情，不寫太多了。

>>November 8, 2004 at 12:01:27 AM GMT+8

2004 年 11 月 5 日 星期五 【晴】

回應有關培正風波既事情先~

o係果幾封信裏面，我留意到係d校友自己寫既文章黎，而唔係代表任何機構，
我估計，我既地址係佢地經由培正同學會既名冊度拎既，
因為我曾經參加過一年。
我諗收唔收到信，同你係咪培正人無關既~

至於o係校內都唔清楚風波既情況，我覺得都唔出奇丫，
始終呢d係校外事務，而且做教師既應該一向都唔會收到同學會既資訊掛，
所以唔清楚都正常既。

我問過某d舊同學，佢地都曾經收過一至兩封，
我諗每個發信人對收集培正校友地址既能力都唔同，
所以會出現咁既情況~~

雖然~事情與我無關~但係自從上次果封有人串一位校友讀左十年培正先畢業，
我就覺得成件事應該係一件鬧劇~~
間唔中睇睇都可能幾過癮~~哈哈~~

>>November 5, 2004 at 10:47:02 AM GMT+8