2004 年 11 月 3 日 星期三 【晴】

生活圈子不同，有時令我覺得與某些朋友一起時總覺得怪怪。
看他們不停地圍繞著不同的話題，但是總是不能搭上咀，
有很多時候，甚至會發覺好像被人忽略了。
然後便會好像大家不認識大家似的，恍如陌生人。

那種感覺，真的不好受。
那些生活圈子，並不是我的經濟能力可以涉及的，
我也不打算因為無謂的原因而死撐著要涉及，
只是，如果說因為生活圈子的問題而決定了這一切，
那我可以擁有的，是無奈嗎？

又記得，有時候我會感覺自己是一面鏡子，
看到別人對我的某些感想，令我覺得反而是對方有問題。
我不知是否自己的藉口，只是，我從多方面想都只得出這一個答案，
而通常對方都不見得明白自己的事情，
但是如此下去，對方只會慢慢增加負面的感覺……
對我來說，就像別人對我的誤會。
可以擁有的，是無奈嗎？

今天和某人談到孤獨的感覺，令我回憶起這些事情……

感覺是無奈，然後是孤獨，
那麼我自己應該身處在什麼地方？

這些感覺和問題，雖然是回憶，但是並不陌生。

>>November 4, 2004 at 1:11:11 AM GMT+8

2004 年 11 月 1 日 星期一 【晴】

近幾個月好奇怪，
間唔中都會收到由培正校友寄黎既信，
內容大致係因為利用培正商標而引發既血統爭論，
期間亦收過一封係指罵某校友為左一筆捐款而打官司。

今日我又收到一封，
講緊既係一大幫培正校友自認為純正血統，其實都有一部份人係「野種」、「雜種」。
更諷刺其中一個校友既血統只所以係最純正，係因為佢用左十年先畢業@_@~
似乎，培正好快就會黎一個六國大封相lu~~

收到好幾封類似既信件，令我唔係咁開心，因為我最唔鍾意大庭廣眾講是非，
所以計返最頭既為禍者，就係果班無所不用其極，用各種渠道去指摘對方既校友，
成件是非就因為佢地而升級，令到校外人都留意得到，
如果再鬧大d，我諗一定會有好多人諦笑皆飛。

有法律途徑利用之餘，都仲要好似做大戲咁不停張揚，
真係過左火。
咁樣落去，就算比佢地邊一方爭嬴左，都一定會影響校譽，到時真係喊都無謂。

我肯定，佢地有得爭果陣實會爭，
但係當爭完造成一大堆蘇州屎果陣，實無人肯負責任。

我諗自豪為培正人係無問題既，
但係如果為左邊個先係培正人而爭拗既話，就一定理虧。

呢場爭拗，睇黎最少會拖成年先會完結lu~~
等我呢個培正人坐定定睇下呢班培正人點樣收科先~~

>>November 1, 2004 at 8:25:19 PM GMT+8

2004 年 10 月 31 日 星期日 【晴】

今日全日留o係屋企。
我最初仲以為自己會做到好多要做既野，
原來，左又搞下，右又掂下，可以用左好多時間架喎！
呢d好似叫做「He」~~~
真係做足一個港大培養出黎既學生既本份唷~~~

原定去溫GMAT、搵工、跑步之類既野，
只係做左「跑步」一樣咋。
仲要係跑左2km就無動力去跑喇，
遲d要跑42km既馬拉松，
再咁落去實等搭城巴都得喇…
鬼咩……一路跑，一路感覺到個肚o係度上下咁郁咯……
都唔慌跑得快喇~~
不過~~我鍾意~~~

>>October 31, 2004 at 10:18:20 PM GMT+8

2004 年 10 月 28 日 星期四 【晴】

爸爸好奇怪咁o係屋企整左一條鐵柱，橫插o係兩幅牆度。
我諗左好耐，估計應該係佢整黎玩引體上升~
其實我都想練引體上升好耐架喇~而家終於有得玩~
點知……我一下都整唔到呀……唔通係……我既地心吸力大左…？
以前我可以整到5下以上架！而家……我連用個頭去掂條柱都掂唔到唷……

我爸爸……可以好多下……點解？佢年紀已經係好大架喇喎……
比較一下，原來佢手瓜大我好多好多！

>>October 28, 2004 at 8:08:09 PM GMT+8

2004 年 10 月 24 日 星期日 【晴】

突然間~諗起最近既一個留言~

有人話個背景好得意~
多謝你~

呢一幅圖畫係我用其他圖合成既~
o係好幾個月前我已經o係用黎同老婆豬溝通既私家日記度送左比佢，
我之所以會拎返出黎，係因為我覺得，呢個係其中一個回憶~
一條傻傻既金魚同一隻又笨又懶既貓既回憶~
有時會無端端諗起呢隻好得意既貓~然後就會諗起老婆豬~
會心微笑~

回憶有好多，
某一日，我會整理一下~
等我可以創造同容納更加多既回憶~

>>October 24, 2004 at 10:48:34 PM GMT+8

2004 年 10 月 22 日 星期五 【晴】

今日去左金魚街！

睇住咁多得意既魚同龜，我忽發奇想，
要買一個魚缸放o係自己張書桌上。
當我o係書桌上做野做到悶果陣，
我就可以望下d魚~

行左成條街，我覺得最適合自己既魚缸係9吋長6吋闊9吋深既魚缸，
唔太細亦唔算大~好適合養細細條既魚~

其實我有諗過養龜架~
如果我買左d假山，等d山浮o係水面度，
d龜一定會爬上去晒太陽o者~
而且可以望到龜疊龜既情境！

不過~我屋企已經有兩隻超大龜~
成日o係我屋企行黎行去~
可惜一入冬就走左去冬眠~要夏天先見得返佢地~
我諗都係養下其他動物好d~
要唔會冬眠既至得！
哈~屋企會好似動物園！

我好想養下接吻魚架，因為睇佢地接吻好得意咯~
但係~老婆豬一個問題就搞到我頭都大喇~
佢問：「如果買左兩條公既，咁點算？」

咁又係喎！我又唔識分公a𡘾A點買喎！
有d老闆仲會用其他魚黎呃客人既，
如果咁唔好彩遇到，就慘喇！
而且，買左兩條公既話，我就寧願佢地唔接吻喇！
好核突……

我諗緊好唔好養黑牡丹~~~

>>October 24, 2004 at 10:31:57 PM GMT+8

2004 年 10 月 18 日 星期一 【晴】

今日個人呆下呆下，做錯好多野。
一朝就遲起身，當然跟住就遲大到；
去飲水就拎埋去廁所條鎖匙；
成日個人好似搖下搖下仲o係架船度咁，係咪等於琴日暈船浪……？

唔單止我，連阿雪都怪怪。
佢成日都無乜心機咁，寫唔出日記；
仲要做錯左公司既野，搞到星期三可能要去人地公司……希望佢補得返隻鑊喇。

今日仲要發覺左一樣野，就係公司之前既兩位technician一早知道個server有問題都唔理，
就咁走左去就算，仲要唔話我同另一位同事知，要我今日清理佢地既蘇州屎先發現到！
超級唔負責任！哇……突然手頭有好多野要做……

>>October 18, 2004 at 8:49:03 PM GMT+8

2004 年 10 月 17 日 星期日 【晴】

今日四人組成「少林弟子團」去南丫島放風箏~

一出發已經出現問題~
阿偉約定o係環球大廈等，準備食早餐~
點知醒起星期日係「菲傭嘉年華」，
佢地一定會o係中環出沒~
行左好幾條街~
d菲傭好似螞蟻咁出現o係任何一個角落~包括所有食店~
所以我地根本無啖好食！
我地唯有頂住肚餓入南丫島食早餐喇~
Wilson就即刻串阿偉~~
「係咁就應該約o係碼頭等喇！
我架車總站就係碼頭，無端端仲約o係呢度等，
要我o係總站落車行過黎，又傻傻地咁行番過去~~！」
哈哈~~我都覺得我地四個好似傻仔~~

原本今日仲有阿棋架，點知佢又無尾飛陀，
成日搵唔到佢，又留唔到言，話唔到時間地點比佢聽~~
唔知係咪又去左食C餐呢~~~唉~~生活真係糜爛~~~

佢地不停咁話「搵埋d女黎玩喇！」
可惜~~我識既女仔~~唔係周末好唔得閒就已經一對對~~
佢地想搵d又正又單丁黎玩既~~我都無計~~~
雖然~~我既諗法同佢地一樣~~~哈哈~~

去到榕樹灣，我地食完早餐就行向索罟灣，
打算o係途中有涼亭既山果度放風箏~
佢地唔鍾意買d小童款式既塑膠風箏~行左一陣先買到d外形平淡既紙鳶~~
好彩~我地買左四個~~
原本jason帶左一個私家既黎放~點知o係途中買釣魚用具既阿伯果度整爛左~
真係慘~~帶到黎南丫島先黎爛~~

終於到左涼亭既山頭~
我地爬左上去一個無人上既山頂放風箏~
四個二話不說即刻整好隻風箏去放~~
點知一放………
只係聽到~
「呀~~~~唔好埋黎呀！」
「搞錯呀！阻住晒！」
「慘喇慘喇！」
原來係我地d風箏既線疊埋一齊~~~

最先糟秧既係我！
比佢地界斷左條線！我個風箏直落山腰……
然後就到jason~佢果隻同阿偉糾纏完之後斷左線~~同我果隻一樣落左山腰~
阿偉果隻就比較好彩~無斷到線跌左落山腰~~佢不停咁拉下拉下救返隻風箏返黎~~
Wilson就懶得戚，因為佢個風箏逃出生天放到好遠lu~~~~

後來我同jason唯有返去買風箏喇~~
最近都要行番去洪聖爺灘……實累死…
點知~~行行下~~見到有隻風箏o係頭頂果度跌左落附近山既斜坡~~
我同jason就知道~~係Wilson果隻！哈哈~~~~抵死~~~！

洪聖爺灘只有塑膠風箏，我地唯有行去大灣果頭買，
來回到山頂足足用左一個鐘頭呀！累死我！
o係好遠見到佢地兩個o係度放風箏，真係羨慕死我喇……

返到佢之後放得順好多，至少無再線疊線，
而且試過放到好遠好遠！
去到第二個山頭添呀！不過後來收唔返~~跌左落去對面山腳度lu。
jason就最勁！放足500碼！個紙箏去到好高好遠，有時根本望唔到~
佢仲要收得番隻風箏添！
阿偉同Wilson呢兩隻野~~~嘿！勉強都放到150碼既~~
以逸代勞丫喇~~今次證明~~無付出就無收獲~~~哇哈哈~~~~

玩到咁上下，我地收拾完d野就行番去榕樹灣，
食左阿婆豆腐花~~又滑又爽！連埋去山頂果次~~總共食左兩次~~
每次都見到阿偉同Wilson黎一招「喪落黃糖」！
甜到死左都似……@_@"~~
食完豆腐花~~我地再每一捐獻出所有現金~~買左d魚蛋、魷魚、燒買黎食~~
後來好笨咁最尾先食勁辣魚蛋！搞到要將僅餘既錢買左一杯豆漿四個人分@.@…
最後結算…四人唔計跟住落黎搭船既錢，剩番3.5元。
一日清袋~~~~真係有咩事事都唔知點算~~

順風順水~~返到中環已經七點~~
佢地話~~可以既~~下星期要去露營~~
唔知借唔借到營具呢~~？

>>October 18, 2004 at 8:41:25 PM GMT+8

2004 年 10 月 10 日 星期日 【晴】

今日同朋友去踩單車~~
由大圍踩到去大尾篤~
去到大尾篤果陣，
只係有少少累~
所以貪得意踩埋上去條堤霸度，
點知上呢條堤霸好似打仗咁！
返到黎我已經無晒力喇……

今次踩單車見到幾隻「癲馬」！
o係度表演d單轆行車，
一時舉起前面個轆，
時不時又舉下後面個轆，
好似d臭馬咁。

其實都幾得意既~
只係佢地擺到明演野，
有種好無聊既感覺……
何況，真係好似「癲馬」~~~

>>October 10, 2004 at 10:20:00 PM GMT+8

2004 年 10 月 9 日 星期六 【晴】

前幾日中左六合彩！有廿蚊！
雖然唔係好開心~但係都叫有賺嘛~
都唔錯~

但係！我今日好激氣咯！
我去左提款機按錢，點知拎左張卡就唔記得拎錢！
初頭都唔知架…係去到超級市場比錢果陣先發覺。
人地話破財擋災，我就未有災先破財！

我第一次咁失暈架咋……
可能係今日唔係咁舒服，
行路都有種頭暈暈既感覺，
額頭都不停流汗。

唉……5蚊買條六合彩，賺左4倍，然後無左80倍！

哇！還我錢來呀！
我出糧無耐咋！

>>October 9, 2004 at 9:59:40 PM GMT+8