2003 年 1 月 3 日 星期五 【晴】

打工之苦 (原曲：女人之苦)

作曲：陳輝陽
主唱：許志安

糧 其實怎麼都要付
法庭相見淚眼模糊
大家都感到痛苦 何必何苦
但別那麼可惡
一拖再拖 全家等我照顧

捱生 捱死 時間全無剩
誰蒙蔽過你眼睛
屈我有失職事情
莫須有罪名 怎可 為扣糧做證
如有人性 請你趕快清醒

無恥 難忍 你無理號令
難望你稱讚一聲
面黑到嚇走熱誠
打份工極難 盡責 也會找到罪證
這應該講中了我們打工心聲

糧 仍是七天內要付
拖欠一天我也在乎
心知打工會吃苦 白做更苦
想要我 揹罪責 想得美
善惡有報 蒼天看顧

>>January 3, 2003 at 2:45:57 PM GMT+8

2003 年 1 月 3 日 星期五 【晴】

也許在茫茫人海
相遇只是一瞬間的事
但它留給人們的卻是一份難以泯滅的回味

也許這就是冥冥之中的一種緣份吧...

有緣相遇，無份相依....
緣份，是悲是喜
有誰會知曉.....

你我相隔多麼遠
哪年哪天可相見

可會有甚麼改變....
你又是誰...

>>January 3, 2003 at 12:12:46 AM GMT+8

2003 年 1 月 2 日 星期四 【晴】

o岩o岩呀媽教女
兜巴車埋去...

我知道唔應該插嘴....
相反覺得呀媽咁樣總好過我細佬今時今日咁惡霸=_____=

唉～何苦

>>January 2, 2003 at 10:14:13 PM GMT+8

2003 年 1 月 2 日 星期四 【晴】

上次未打完既一周年大事回顧我諗到依家都係時候打埋咯=____=~

轉眼間應該係到左開左學
因為上左一堂由盜寶強教既堂...
所以個個都買左本細細地既lay-out薄...

係過左好多個月之後我先發覺原來身邊有本薄對我黎講係咁重要...
我寫左好多同畫左好多我係學校同埋係街外既所見所聞落去...

但係我其實不嬲都唔係太鍾意寫字...
通常都係打字多...如果唔係我根本唔會開呢個網上公開日記黎打...
有人覺得我打公開日記會將心事開開埋埋唔比人睇同知...
其實知唔知又有咩關係...
如果係響我身邊識得我奈既人,知我唔係一個太胡思亂想既人的話
胡思亂想對我黎講只係會響無人時展開...新一頁
不必隱瞞...因為我會覺得無人比自己更加重要...
在我個人價值觀中....釋放是最好既形容詞了

不竟我也會有忽冷忽熱,忽起忽落之時...
亦因某d事令心情變得仆街
唔係不佳，係絕對地仆街...
仆到直一直果隻....

有d人會將自己既健康放係第一位,但係其實係咩時候將咩放係第一位
根本就連自己都唔會有個定案,你可以猜得透身邊下一秒發生甚麼?
又可以救到你唔識既人...甚至係幾時達到自己目標...

腦海近年不停的轉著...
想念著已經變成左星星既小夜...
雖然我同佢唔係講過好多句野......

但係我好記得佢係我身邊(forum)既人裡面留底既野...
過多幾個年頭,或許我也會忘記她的回憶...
雖然佢無同過我講過任何野...只不過係響icq傾過一兩句罷了
我只係響一個大家有交流既地方感受過佢既存在...
總覺得佢教識我既係...

點樣可以係生命中找到自己真正應該得到既得著

從大病中大徹大悟...真的可以得道成仙麼...(笑)
也許佢已經成為了我們身邊的守護神了
活在我們心入面...
是活著的...只是化成另一個媒介罷了
回憶

講起成仙,最近睇左果套咁既雙瞳
唔知點解對我黎講好深刻...

首先係裡面扮演得到大病擁有雙瞳既女仔...(因為佢好靚)
仲有蠻高深既故事...每一套電影都有深刻既一幕...
而每個人對每出戲都擁有熟於自己最深刻既一幕...

過左一排我睇到既係一個悲劇...
一個癲佬周圍亂殺d十幾歲o靚妹仔要得道成仙...
........一見到呢單新聞我頓時心感無奈...
世界上除左拉登之外仲有d咁既心理偏激者...

變態得過份麼?
其實只是跟一般大路既人想法不同罷了....
鑽牛角尖前,請先顧及對方感受...

自己的而且確係重要,可惜世界不一定會圍繞著你走...
你只是很普通而平凡的人
每當我諗到呢一點
我就知道人人要得到平等

可惜得到平等係正常社會中始終都仲係有一定程度既階級觀念...
要係危險既地方/情形下人先會係排得到平等
無有錢同窮之分...還是弱肉強食的世界...

睇番自己頭先一開波好似係講緊打字既....
繼續....唔記得左由幾時開始我打字唔洗再查果本爛鬼電腦詞典...
大概係因為由上forum開始啦...

初頭用電腦既時候...
本身自己係識識地打字既,但係因為天生既惰性所怪...
我無好好咁學落去...

直到我上左forum之後...
唔知為乜...見到一大群人打字打得一頁又一頁...
自己偏偏仲係打緊d英文...
我一見到有人打英文既topic就會好自然咁睇都唔睇下,快飛左佢...
正如我咁黎講,我出d post都好自然無人會睇...

所以就下左個唔知算唔算係o岩既決定
突然間係果下好有恆心咁練打字...

瘋狂咁查果本爛鬼電腦詞典...
本野係老豆買比我既...都唔記得係咩時候喇...
差唔多學識打字喇...應該係12月12號gpf就收左皮...

果時就好自然咁轉左去cardforum...
一去就玩到依家...
用左一年時間同依家呢一班朋友建立到既友誼,甚至係愛情...
同樣地大家都有付出過....
我愛卡林....竹日末子,牛什,中間,天佑,杉原........熟果d唔鬼寫咯XDDD

琴晚本來等緊比人炮轟...
講左又唔打....定還是係一諗到某d人既時候...欲語無言呢...

由九月開學之後我就一直到仲係好沈淪於一時間既回憶之中...
直到做左斑長
識左一班同學....一個月搞一次活動咁...
都仲係好沈...

讀左咁多年書
第一次響學校識女仔...做埋女朋友
第一次去camp...

再一次得到歡樂...一大班人一齊hea一齊玩
記得一次唱k時一位朋友對我說我一番話...

"我地仲可以咁樣玩多幾多年..."

係囉...我地又仲有幾多年...兩年...
至少呢兩年既我都仲讀緊書...

到底結果...無錢真係難搞v___v...
想當年我經濟仲未出現問題之前...
我仲響呀龍度話呀鮑魚...

到今時今日到自己有事喇...
到底幫你既係幫緊定係害緊你...又或者係我呢...

從十月開始...繼續四圍睇女仔
決意唔做一個諗埋一邊既人
雖然果時仲做緊

自從add左依家既女朋友之後
汽水機頂一次又一次收到呀碗碗既禮物

有人關心自己之後,心態再一次變了
也許愛不是佔有...曾經是被愛的我,現在的我可是相愛了...

(好鬼骨痺=______=''')

十一月中既時候...去左學校旅行
曾經我見到佢好開心...
而我係依家...身邊又識左一d身體有毛病既人....
好想有能力可以醫好佢地既病....

儘管我唔係醫生
但讓身邊既人快樂點已經係一件好好既事喇...

在者係呢兩個月識到既人原來都好深
深不見底...

我亦都學懂如何做人見步行步,縮骨
仲有呃人呃得開心...<-這個對我影響得蠻多...
要做人做得唔假,要真要直...依家有時我竟然做唔到....
要坦白對女朋友,因為我要尊重佢...
朋友....同學等等....我都唔知點好咯...

目前最想搞掂既反而係錢銀問題...
好似愈來愈欠得人更多...
不是錢,是人情...

飲食方面
上一年好似係由點心王開舖就多番食野
一班酒家既鼓東因生意失敗下仲可以咸魚番生開間咁既野出黎
捉著依家社會既人唔捨得洗錢既慨念而開一間對我黎講好似發緊光既野咁...
雖然我覺得野一定要食得好...但係都係身邊有人果時先會咁...
自己一個食野向來都仲係唔會一條冷殺入食店...
頂多都係外賣...

由星期一開始再要接呀妹放學既我
打算好麥當勞計劃,食到厭為止...(笑)

家庭方面
o岩o岩打算發呀爸爛渣
下次見佢炒佢大擭
忍夠喇=________=

其他一切如常...
最近好似睇多左好多戲咁=____='''
都唔知搞咩...呢d先係一般青少年既日常生活麼....

可不可能，還我自由...

唔記得左幾月換左個枕頭...除左訓得舒服左之外...
就係起身唔洗拖頭XDDDD

新一年咯,到底我仲會唔會KEEP著D壞習慣=____=
一如以往...唔刷牙

身體一日比一日差
是天氣影響了心情嗎
MD機快打柴了
可以買到我想得到的麼?

其實在我而言
爸欠我的正是因為別人得到而我沒有的...

我想好簡單咁
右手拖著呀媽，左手拖著呀爸
再次回到最初
開開心心咁得回童真
我仲好記得唯一一次咁樣拖著既時候係響太古城好細個既時候...

也許我跟身邊既人一早已經響街上見過
只係我地唔相識罷了

令人懷念的日子啊...

還是待續...
未打完的...

>>January 2, 2003 at 10:08:18 PM GMT+8

2003 年 1 月 2 日 星期四 【晴】

頭先睇叱吒...
我係電視機面前睇...
楊千燁話...

如果紅館有檔期的話...
佢會請番第一場有去睇既人....

我正正係第一場買左$380飛兩張既人....
無奈...(笑)

2002叱吒樂壇流行榜頒獎典禮

專業推介叱吒十大
叱吒樂壇至尊歌曲大獎: 盧巧音~ 好心分手
第二位: 陳奕迅~ 人來人往
第三位: 許志安~ 女人之苦
第四位: 容祖兒~ 爭氣
第五位: 張學友/林憶蓮~ 日與夜
第六位: 陳曉東~ 劃火柴
第七位: 陳小春~ 不歡而散
第八位: 周杰倫~ 回到過去
第九位: 何韻詩~ 再見露絲瑪莉
第十位: 梁詠琪~ 高妹正傳

雷霆樂壇班霸: EEG 英皇娛樂集團
叱吒樂壇生力軍男歌手: (金獎)胡彥斌(銀獎)余文樂(銅獎)蕭正楠

叱吒樂壇生力軍女歌手: (金獎)關心妍(銀獎)許哲珮(銅獎)鄭希兒

叱吒樂壇生力軍組合: (金獎)Shine(銀獎)AT17(銅獎)Cookies

叱吒至尊唱片大獎: The Line-Up 歌手: 陳奕迅 監製: 黃雙駿/陳輝陽

叱吒樂壇作曲人大獎: 陳輝陽
叱吒樂壇填詞人大獎: 林夕
叱吒樂壇編曲人大獎: 陳輝陽
叱吒樂壇監製大獎: 陳輝陽
叱吒樂壇唱作人大獎: (金獎)黃貫中(銀獎)周杰倫(銅獎)梁詠琪

叱吒樂壇組合: (金獎)Shine(銀獎)AT17(銅獎)TWINS
叱吒樂壇女歌手: (金獎)楊千嬅(銀獎)容祖兒(銅獎)何韻詩
叱吒樂壇男歌手: (金獎)陳奕迅(銀獎)許志安(銅獎)陳小春

叱吒樂壇我最喜愛的歌曲大獎: 好心分手 主唱:盧巧音
作曲:雷頌德 作詞:黃偉文 編曲:雷頌德/TED LO 監製:雷頌德

叱吒樂壇我最喜愛的組合: TWINS
叱吒樂壇我最喜愛的女歌手: 楊千嬅
叱吒樂壇我最喜愛的男歌手: 許志安
四台聯頒音樂大獎-大碟獎: 劉德華~ 美麗的一天

>>January 2, 2003 at 2:18:14 AM GMT+8

2003 年 1 月 2 日 星期四 【晴】

生活有時陰差陽錯，你錯過了一時，就似乎錯過了一生。

有個男孩，在學校的新生聯歡會上認識了一個女孩。女孩笑容入春花，聰明活潑，男孩對她幾乎是一見鍾情，卻沒有表露。因為男孩剛經過高中階段循規蹈矩式教育，對男女感情小心翼翼得令人難以置信，他想：「再等等吧，等一切成熟些，再向她說。」

一年多後的一個夜晚，男孩終於鼓足勇氣約女孩出來，向她表達了心中的愛意。沒想到，平時口齒伶俐的女孩結.結巴巴地說：「我......我想我不能接受......你的好意，一個星期之前......我已經......接受了另一個......男孩......我真得......不知道你......會喜歡我......」女孩說完就跑掉了，沒有讓男孩看到她濕潤的眼睛。

後來，有人看到男孩同學校的校花經常出雙入對，大家都以為他看中了校花的美貌，誰也沒有注意，校花有著和女孩一樣的春花般的笑容，非常相似，所以誰都沒有發現男孩的苦心。但是沒多久，男孩與校花的愛情就以分手告吹。

大學生活很快就結束了。畢業後，女孩披上了嫁衣成了別人的新娘，而男孩再沒有戀愛過。因為他清楚，只有這個女孩才是他今生唯一的至愛。

男孩從朋友那裡輾轉打聽到女孩的生日和地址，每到女孩生日時，他就會叫人送去九朵鬱金香，但他卻不知道女孩最喜歡什麼花，他自己最喜歡鬱金香。男孩知道女孩已為人婦，所以他從來不在卡片裡留下姓名和聯絡好號碼，他不想因為自己的感情而影響女孩的生活。

幾年時間轉眼就過去了，男孩依然是形單影隻，依然記得每年都送花給女孩。就在女孩生日的前兩天，男孩參加了一個同學聚會，他聽說女孩在這幾年裡經歷了兩次離婚，如今也是獨身，心裡又是心疼又是高興。他為女孩遭遇了感情的不幸而心疼，又為自己再次有了機會而高興......

終於等到女孩的生日！男孩在卡片裡寫下幾個字：「你知道我在愛你嗎？！」男孩英俊的臉上灑滿了笑意與希望，逕直向街心走去......

就在那時，一輛逆行的貨車撞倒了他......

女孩在收到鬱金香的同時也收到了男孩的死訊。

女孩明白了一切，她把自己鎖在房間裡哭了整整一夜。疋回想起多年前的那個夜晚，男孩對她表白。她一直不知道，這近十年來，男孩是如此執著而痴心地愛著她！想到這裡，她就哭得更傷心，奔瀉的淚水將鬱金香浸染得無限淒美。女孩知道，她失去了今生難遇難求的至愛。

然而，長眠的男孩永遠也不知道，女孩最喜歡的，正是鬱金香啊......

>>January 2, 2003 at 2:16:40 AM GMT+8

2002 年 12 月 31 日 星期二 【晴】

nan geudaeyeoyaman hajyo.........

我只要你........

>>December 31, 2002 at 3:19:25 AM GMT+8

2002 年 12 月 31 日 星期二 【晴】

愛的故事(上集)

作曲: George Takahash
作詞: 潘偉源
編曲: 唐奕聰

星的光點點灑于午夜 人人開開心心說說故事
偏偏今宵所想講不太易 遲疑地望你想說又複遲疑
秋風將湧起的某夜 遺留她的窗邊有個故事
孤單單的小夥子不顧寂寞 徘徊樹下直至天際露月兒
冬風吹走幾多個月夜 爲何窗邊的她欠缺注視
刻於窗扉小子寫的愛慕字 完全沒用像個飄散夢兒
今宵的小夥子傾吐憾事 誰人癡癡的要再聽故事
偏偏癡心小子只知道上集 祈求下集是個可愛夢兒

知不知對你牽上萬縷愛意 每晚也痛心空費盡心思
這小子欲斷難斷這故事 全爲我愛上你偏偏你不知
(全爲我愛上你偏偏你不知)
春風輕吹點點火花襯月夜 人人開開心心說說故事
終於傾出這小子的往事 長年累月爲你怎再自持
今宵知否對你的暗示 爲何真的將它當故事

☆知不知每晚想你十次百次 每晚也去等 因爲極心癡
可不可合力延續這故事 延續這片愛意一生兩相依

>>December 31, 2002 at 3:17:47 AM GMT+8

2002 年 12 月 31 日 星期二 【晴】

其實我唔係唔記得
只係將一d我認為更加重要既野記著

一時間唔記得可能因為真係無發生過....
好多好多野
一切盡在不言中...
想念的，記憶猶新的一一可以細訴出來

如果我真係有一日唔見得
可能係我已經唔想再諗番起喇....

就當我真的老人痴呆吧
我活了幸運的十八年零七個月...(唔計係呀媽肚度果幾個月)

>>December 31, 2002 at 3:07:52 AM GMT+8

2002 年 12 月 31 日 星期二 【晴】

愛情中的經歷
就有如兩個人一起題起一面鏡子
一不小心
鏡子如有任何破損
決不可能作出補救
已經發生就是發生了

否則就只有買一面新的了吧...
或許有奇蹟吧...

也許...凡事也沒有絕對的...

>>December 31, 2002 at 2:56:55 AM GMT+8