| 日記 | 日記主簡介 |
||||||||
2008 年 5 月 28 日 星期三 【晴】 Day 2 尋晚 babe 好早就訓左 ~ 但今日的行程又未 plan bor。咁我就用左 2 hours 熟讀本旅遊書 ~ list 出今日的行程 la ^^ 以下 video 係我地搭 lift 出發的時候影 ge ~
搭捷運去到市政府站 ~ 步行去第一站 : 誠品信義店
天氣好好 ( 其實姐係勁曬 ! 所以我又戴超，又搭遮 ) 不過 babe 就勁開心，因為有得晒黑 ( 其實 babe 本身想去 thailand 多過台灣，不過因為我好怕晒黑所以就我去 d 唔貴又唔會太晒的地方 ) 誠品入面有 agnes b, Comme des Garcons
本身打算搵一間好出名，叫做「小林煎餅」 ge 野 for 早餐，點知已經執左 ( 旅遊書話係 2008 最新 update 嫁啵 >.<" ) babe 好努力咁幫我搵，但當然搵唔到 la ~ 最後求其係 food court 食左個九層焿
同埋蟹肉羹
俾個蟹肉羹熱到條利 >.<" 好痛 ! babe 見我有 d 失望，又麻麻地 d 食物，就慫恿我去食雪糕
$ 80 for 2 ~ 我叫左芝麻味，babe 就要 green tea~! 搭捷運去 B2 by Breeze outlet
好失望! 有 miss sixty, G-star, CK ... 不過最平都只係 30% off! 一 d 都唔抵! 諗住途經出名的「茶街」。點知搵左好耐都搵唔到 ~ 行到又熱又累 ! 最後終於搵到啦 ~ 但原來係有冷氣，好大間 for 人坐低飲果種。我 expect 係成條街都係一間間 open，又平又好飲的細舖 ! 由於太貴，所以無到去任何一間 ~ instead，係附近果左野食 ~
臭豆腐 ~ babe 話好難食，hk 仲好食 d! 唉 ~ waste 左 $ 50 !
魷魚鬚 ~ 超難食 ! 又「un」 ~ 咬都咬唔開 ! 最後食左少少就掉左 ! 唉 ~ waste 左 $ 40 ! 當所有野都大失預算的時候，腳又累，天氣又熱，我就開始炆起上黎。仲要一發不可收拾添 ! babe 都知道我好努力去 supress 自己的 anger，所以佢帶我去 starbucks 坐低飲杯 iced cappuchion ~
以下 video 解釋左點解我會咁 mad at myself ! 因為今日的 schedule 係我 plan ~ 我覺得我 plan 既野樣樣都唔 work out ! 所以勁嬲自己 ! 覺得自己好無用 ! 抖夠之後，就去另一個 outlet ~ 有 miss sixty， vivian westwood，同埋其他雜牌子。不過 d 野好娘，揀唔落手。
超熱 ! 熱到個人都熔左 ~ 頭髮又亂‥‥‥ 出左個 outlet 之後，求其入左去對面一間小店果度睇下野 ~ 點知‥‥‥當我揀緊一條條掛係度的褲的時候，無啦啦出現左一隻直徑有 5 cm 長的蜘蛛。嚇到我當唐尖叫 + 彈開，然後逃跑出門口。個 sales 都俾我嚇到呆左，唔知好唔好去揭開條褲，研究下隻蜘蛛去左邊。 驚魂未定就錄左以下一段 video ~
去度小月食野 ~
地下果層
係 2 樓影落一樓 ( taken by babe )
第 2 層 ~ 每層都裝修得好有味道。
meun
擔仔麵 ~ $ 50 。超好味 ! 雖然有我一向都唔鐘意食的蔥，但配搭之下竟然好好味 ! 仲要好抵食添 ~
babe 即時話有機會要再 visit 多次，專誠食擔仔麵 !
龍蝦卵河粉卷 ! 有龍蝦卵， salad dressings，生菜，mango ~ 味道十分新鮮 ~ 可惜 d 肉鬆係辣的 ~ 挑走晒之後都食到辣味，令到我食得唔多 >.<"
肉圓。今次終於無 d 難食的生渣汁係面 ~ babe 食得好開心 ! 我就一般 la ~ 因為一向都唔鐘意食有糯米 / 有粉皮 ge 野。
炸花枝丸 ~ $ 130 五粒。唔算平，不過都幾有水準 ^^
兩個人食左 $ 410 ~ 咁 ge 質素 ~抵 ar ! 臨走前買左 3 罐「肉燥」 ( $ 130 each ) 做手信 ^^
係門口留倩影 ~ ( 哈哈 ! 請留意後面果 2 位搞鬼服務生 )
係門口將部相機放係 table 上 set timer 影
想再影多張的時候，因為相機掉了下來，我笑到傻左 @@
最後店員見到我地咁搞笑，係門口擾攘左咁耐，忍唔住主動走出黎幫我地影。( 我地叫佢打直影，唔知佢係聽唔明我地 d 唔咸唔淡的國語，定係佢唔理我地，佢死都要打橫影 >.<" 唔知係唔係例牌都係咁影嫁呢 ? ) 係捷運，由忠考敦化站，步行去忠考復興站。中間由「東區地下街」相連 ~
去到忠孝復興站，諗住行 Sogo 同埋去「阿默蛋糕」買手信。但係 babe 行到腳痛，所以話要番酒店。我話不如坐捷運 ( save some money ) 但佢話要坐 taxi。咁我地就差 d 嘈起上黎 ~ 最後當然係無去搵「阿默蛋糕」。落左車之後，babe 仲發緊脾氣，對住我講「使唔使俾番的士錢你 ar ! 」 上到房，換左鞋之後。babe 無咁累 & 痛，就同我講 sorry ~ 抖左陣，出發去食 dinner。
係 lift 果度睇地圖 「肥前屋」 close 9 pm。我地搭 taxi 去 ~ 俾 taxi 司機兜路 ! 又 hard sell 我地，話車我地去一間「好出名的手信舖」買野 ~ 我地唔彩佢 ! 最後好彩搵到肥前屋
雞肉串燒
個鰻魚飯名過其實 ~ 反而下面果個炸蠔就好好味 !
babe 仲叫左個味噌湯，佢以為我鐘意飲。因為佢見我平時去吉野家，都會揀味噌湯 instead of soft drinks。我見到佢都 tick 味噌湯，but 我以為係佢想飲，所以我無出聲。當碗湯黎到的時候，佢推俾我，我先知道佢係為我而叫的。then 我 explain 俾佢聽，我其實係唔特別喜歡飲，因為覺得我飲緊 d 味精落肚，只不過我更加唔鐘意飲汽水，所以兩者要我揀一樣既時間，我先會揀味噌湯。babe 聽完之後有 d 唔高興，不過最後佢都明白，現在知道好過我唔出聲，到日後等這個小誤會繼續落去 ~ babe 話想去西門町睇下佢尋日有 d 喜歡但係無買到的灰色 vest ( 類似我新買黑色果 2 件咁 ge )。不過最後都無買到 ~ 我地係 50 嵐買左 2 杯奶茶 ~ 因為尋日試過覺得好好飲 ^^
我有少少埋怨 babe 無啦啦去一趟西門町但係又唔買野，覺得有少少無謂 ~ 我地又因為咁樣而嘈交。
係酒店對面間「萊爾富」買野飲 ~ 我當左果個籃係垃圾筒，我完全察覺唔到唔係咁用 >.<" 我掉左之後 babe 先 point out 俾我聽 ‥‥‥
2008 年 5 月 27 日 星期二 【晴】 Day 1 7 am 起身，沖完涼就出門口 囉「頭條日報」。babe 上報唷 ~ 不過唔知點解個 editor 揀左張 babe 講緊野的時候影的相 post ><" Anyways，我會好好 keep 好份報紙 !
等機場巴士，等左好耐都無車 終於上左車 ~
D 時間好趕，我地 check in 左之後就飛奔入去。 到左閘口，babe 話要買 buger king ! 我心內微慍，點解咁趕都仲要扭計去食 buger king?! 我好怕自己一個人，拎住一袋二袋，人地就一雙一對，我就孤伶伶咁企係度，好不安 ! babe 上左機之後，解釋俾我聽，話佢胃痛，所以咁堅持要買野食。佢叫左個 woppers + onion rings。佢用 tissue 將 d onion rings 索走 d 油先俾我食 ^^ 我地一人一半個 Woppers ^^
飛機餐，預左 China airline d 野會好難食 ~ 哈哈 ! 無估計錯。兩粒蝦餃，我咬左其中一粒一啖就放棄左 ~ 食左 2 粒 so-called 蟹粉丸，腸粉都放棄左。留肚去台灣食 ^^ 最得意係果杯 100 ml 的水 ~ 落左機之後，係機場買飛狗巴士的車票 ( 每人 $ 140 ) 架巴士好得意，但好舊。有兩層 ( 但其實只係一層半，因為下層唔係坐人，只係放行李 only )
inside the bus babe 不斷話台灣好似大陸。我有少少唔知點反應好 ~ 因為我覺得佢的意思係，台灣比佢的 expectation 差好遠，好似好失望咁。而我自己呢 ~ 都認同 babe 所講，台灣真係好似大陸。一來要講國語，二來 d 地方都幾舊 and dirty。不過無大陸 d 空氣咁差 ( 都係差，只不過無咁差 ! )。我未去台灣之前都無咩太大期望，所以無失望過 ~ 係台北車站落車，再轉另一架 bus 去酒店。同行有另一對香港 couple 都係住我地果間酒店。哈哈 ! 我同 babe d 國語都麻麻，所以個司機聽左好多次都唔知我地想講邊間酒店。 大概 1 hr 車程 ~
前面就係果對 couple check in 左之後，unpack d 野，換套衫，影下相‥‥出發去西門町 lu ! 其實我地都無咩係 HK plan 定我地的旅程 >.<"
坐 taxi 去西門町，因為落大雨 !!
落左車無耐就停左雨，真係俾佢激死 ! 四圍 shop 下 ~ 見到屈臣市有得賣日本 sheshido 的副線 -- MJ 的化妝品 ! ( 我估 Annie 實會開心到飛起 ^^ 不過我唔知應該買咩俾佢 ><" 以免買錯，寧願等佢番 HK 的時候先係 hk 買水貨 la ) 我買左一支 mascara ( $ 290 ) 同埋一個睫毛夾 ( $ 150 )
一到步緊係試下 d 珍珠奶茶係唔係真係咁正先 ! 我唔鐘意珍珠，所以我試左杯薄荷奶茶 ~ 味道一般姐 ~ 不過 $ 25 一杯係幾抵 ge ^^ 大家都想食下野，去左「謝謝魷魚羹」~ 叫左一個魷魚羹，肉圓，魯肉飯。 魷魚羹 ( $ 45 ) 有木魚味，好香 ! 不過有少少胡椒粉，所以我一般鐘意食 la。
個肉圓 ($ 30 ) 有 d 好難食的生渣汁係面，本身 babe 好鐘意食，不過加左果 d 汁就唔想食 lu。
本身只係叫左這兩味野 ~ 不過 babe 覺得唔夠飽，所以就叫左以下果 2 樣野 魯肉飯 ($ 20 )，ok 唔錯 ! 比 HK 食到的好 ~ 同埋平過 HK 好多 ^^
唔記得左下面果樣野叫咩野名。總之唔多好食 ~
食飽飽就四圍逛 ^^
途經一間廟宇 ~ 入去參觀左一陣
天仁茗茶 ~ $ 40 一杯珍珠奶茶，不過無試到。
係西門町的小街四處逛逛 ~
西門紅樓。one of the landmarks of 西門町 阿宗麵線。我同 babe share 左碗細 ge ( $ 40 )。babe 讚口不絕，我就一般 la ~ 始終台灣果 d 「羹」 ge 味道，我一般姐 ~ 以下 video 見證左 d 人真係超快手ar !
夜晚的時候，有好多流動小販賣小食。以下係「涼圓」的製作過程。
買左涼圓之後，係 starbucks 坐左陣。$ 70 一杯 tall 的 coffee ! 抵過 HK ^^ 不過其他 coffee 就同 HK 差不多價錢。間 starbucks 有 4 層嫁 ! 好靚 ^^
見到有人噴壁畫。 西門町有 d 似 HK 的旺角，有好多「奇哩」人扮鬼扮馬 ( 佢地好似 promote 緊一間鬼屋 )
我唔敢行近影 ~ d 相係 babe 幫我影 ge ^^
西門町的夜景
臨走前，babe 買左一份「繼光香香雞」( $ 50 ) 好好味嫁 ! 不過有好重胡椒粉 ~ 我咬左一小啖之後就辣到面容扭曲 ~ babe 即刻帶我去買杯雪梨汁飲 ( $ 40 / 500 cc，好抵飲 ^^ )
搭捷運 ( 即 HK 的 MTR ) ，由西門站搭去中山站。每人 $ 20 ~ 佢地用 token ( 大陸都係 ) or 優悠卡 ( 好似 HK 的八達通咁 ~ 不過我地無買到 )
我地出左捷運之後步行番酒店 ~ 估唔到原來咁遠 >.<" 途經一間類似 HK 的 10 蚊店 ge 野 ~ 買左零食，落妝綿，飲品。 番到酒店 ~ 超累 ! 行左大半日，對腳勁痛 ! 影完 video 之後即刻同 babe 去用熱水浸腳。
今日的戰利品。買左 2 件黑色背心 ( $ 390 一件，俾我講到 $ 700 兩件。其實都唔係好過份姐 ~ 我成日都想係 HK 買，但覺得貴，所以一直無買 ) 3 對棉襪 ( $ 100 三對 ) babe 都買左三對。
訓唔著，但係 babe 就訓得好 lum ~ 無論我點樣叫佢，佢都唔起身除 cons。 我見佢臨 hup 著之前話想諗定聽日的行程，所以我就囉住本旅遊天書同埋地圖係度砌聽日的行程。
最後用左 2 hours ( 由 1 am - 3 am ) 寫左一張咁 ge 野出黎 ~ >>June 13, 2008 at 7:51:02 PM GMT+8 2008 年 5 月 25 日 星期日 【晴】
個 model 做緊 color 的時候，babe 就借左我個頭黎練吹頭。佢要吹 d arm 呀太既 ge，所以我就變左咁 ge 樣 la ~ 哈哈 !
拆左 d 卷卷之後變成咁
>>May 26, 2008 at 12:20:22 AM GMT+8 2008 年 5 月 20 日 星期二 【晴】 2008 年 5 月 14 日 星期三 【晴】 2008 年 5 月 8 日 星期四 【晴】 去 IFC 睇 Iron man ~ 好好睇 ^^
我同 babe 一齊 finish 左 1 個 big popcorn ~ 真係好 crazy!
IFC d toilet 好得意 ^^ 一隔細細地，好似飛機上面 d toilet 咁，有埋洗手盤 ~ 出左 IFC 之後，係出面果度影左好多相 ^^
Fat Angelo's 
P>同 babe 去左 cwb 北海道 888 食拉麵，重溫番之前的回憶。個湯依然係咁好味 ^^ 我叫左我喜歡的豬骨湯底，babe 就試面豉湯底。
>>May 8, 2008 at 7:23:20 AM GMT+8 2008 年 5 月 5 日 星期一 【晴】
絲質黎嫁 ~ 好飄好舒服，不過....唯一係怕佢太易飄，一有風就 >.<"
個 design 特別得黎又唔暴露
呢件野有少少 see through ~ ^^ ~ 又全件銀色閃閃咁， i like it! >>May 5, 2008 at 12:19:04 AM GMT+8 2008 年 4 月 29 日 星期二 【晴】
白色果件 top 係問果度 d 人借，因為我無理由用黑色果件背心打底.....so strange.....
Bought 2 tops @ TST ( LCX Bauhaus ) total $ 654
>>April 29, 2008 at 11:45:21 AM GMT+8 2008 年 4 月 15 日 星期二 【晴】 2008 年 3 月 31 日 星期一 【晴】
|
|
哨牙大粒墨癦袁佩婷人氣: 414431
Design & Scripting by ShowHappy.Net