2003 年 2 月 16 日 星期日 【晴】

haha~ 延續番個diary 先~~
咁我四點半倒就沖涼洗頭啦~
五點半出門口, 去華都搭車~ 去新世界中心等alvis~
去到華都都搵左一陣先知個站o係邊...haha~
又等左好耐車~ 結果六點先上車~
上左260x 定260p 我都唔係好清楚....and 我都唔知o係邊個站落車......
所以好緊張架..haha~ 我淨係知係新港中心下一個站囉...
但係我又唔知邊度係新港中心喎......haha~
所以呢....我成功咁o係新世界附近落車, 覺得自己好叻.....haha, 我呢個路盲~~
咁呢, 新世界中心原來都冇咩野o岩食..
咁我地就去左海港城.....去citysuper 食啦~
wahaha~ 幾好食bor......個海鮮炒飯~ 雖然碟菜好似d 草咁...
但碟飯就好好食~ 食完之後仲有少少時間~
行左page one 同埋香水店...haha, Tommy d 香水都幾香.....
同埋海港城都幾適合買禮物架囉.....(but for girls)
跟住就搭的起程去紅館啦~~~
haha, 原來..我地個位...o係山頂架喎!! 最高最高o個行...我地好似爬山咁..haha~
請問又邊有八十蚊飛呢~~!!?? 真係過份~~
佢ok 準時就開始喇~ 八點半倒啦~

唔知遠定係咩呢, 覺得個台真係幾細.....同埋幾特別架~ 整到好似一個地盆咁~~
又呢, 淨係得某一少地方可以握到手...不過都同我無關...haha~~~~~

我數唔出佢總共唱左邊幾首歌呀...
可能d 歌有d 好耐...所以都唔知叫乜名....
一唱到唔識既歌呢...真係好悶呀...悶到我地o係度講無聊野...
睇concert 都係第一次睇到咁~~
同埋呢...嗚, 我地o個邊d 氣氛真係好差呀!!!!!!!
對下o個十幾行呢.....有d 係情侶啦, 有d 係朋友啦, 有d 係一家大細啦...
佢地呢.....好似俾人迫去睇咁, 好似睇得好唔願意..一d 都唔投入...
一d 反應都冇...真係一碌木咁.....所以攪到我同alvis 都好冇mood...
我地拍下手, 唱下歌呢, 都攪到我地好另類咁...>_<

haha, 成晚既高潮就係o係encore 既時間喇...
佢未encore 之前例牌話最後一首啦...(係人來人往, 超正~)
跟住我同alvis 講...點會最後丫...明年今日都未唱~ (我期待已久...haha)
alvis 就話...未必一定唱架o者...
haha, 點知真係有唱bor~~~~~

我覺得成晚最正就係有苦榮同小苦妹呀...
真係super super 得意~~~ 好鐘意呀~~
跟住eason 就同芝see 菇bi 唱孤兒仔喇.....好正~
成晚eason 都唱得好好~ 我唔敢話佢冇走音或者唱錯~
at least 我覺得佢唱得好好... 盡晒力去唱...同埋依然好癲...haha~

佢都有玩少少樂器架...彈左dd intro, 彈左少少一首歌, 雖然我唔知個樂器係乜...
總之好勁啦...haha~~~

以我既記憶, 佢唱左：
第一類接觸 (一開始就唱, d 人完全未訓醒咁, haha~ 應該遲d 先唱丫嘛...)
king kong
lonely christmas
k 歌之王 (encore 時間唱~ 佢話冇呢首歌佢都唔知o係邊~)
shall we talk
太空漫遊
打得火熱 (少少)
大開眼戒
孤兒仔 (^0^ 苦榮小苦妹~)
孤獨探戈
給愛麗斯 (少少)
明年今日
我有我愛你
人來人往
隨意門
1874
謝謝儂
愛是懷疑
阿士匹靈
他一個人
黑夜不再來
當這地球沒有花
幸福摩天輪 (encore 時間唱, 好正~)
美麗有罪
活躍症
第五個現代化
與我常在 (估唔到佢會唱d 咁舊既歌, 所以特別正~)

下, 點解咁多首o既?!?!?!?! 唔數都唔知原來咁多首.....
maybe 有d 佢係唱左少少...因為佢有d 係remix 咁...唱少少~ 唔記得喇~
除左以上呢d, 仲有d 係譚詠麟呀, 張國榮呀, 羅文呀, 同埋唔識既人既歌架~
嘩~ 咁計埋咪好多~~~
佢唱到十一點半倒啦~
咁我地就坐火車去沙田再轉263 番屋企喇~
途中我打左電話俾佢傾電話喎.....haha~
佢話d 朱古力好好食喎..haha~~
其實我打俾佢呢, 係有諗過叫佢出黎接我架...haha, 好變態.....
危險丫嘛..haha~ 咁佢最後梗係冇咁做到啦...

訓到屋企訓得黎都點幾lu.....明天還要上學去.....

同alvis 出街好開心架.....haha, 可能太耐冇見~
佢...不嬲都多野講架啦...又攪笑~ 又照顧我~ haha~

>>February 17, 2003 at 5:13:05 PM GMT+8

2003 年 2 月 15 日 星期六 【晴】

今日又係情人節~~ 情人節快樂~~~

尋晚一點訓到今朝差唔多一點~~~
好似補番之前o個d 咁~ haha~
好舒服~ 訓咁耐~
醒左就online 睇報紙, dl 歌, 聽歌, icq~
跟住睇經濟日報~ 睇左兩份~ 好抵添~ haha~
平時我都唔會睇...得閒先睇咋~~
中途落街買野禁錢~
時間過得好快bor...好得閒~ 好舒服~

>>February 15, 2003 at 7:54:37 PM GMT+8

2003 年 2 月 15 日 星期六 【晴】

☆你就是我要的☆

每當身邊有你陪伴著　好像什麼夢想都變簡單了
你就是我要的　我唯一想要的　我不會再比此刻肯定了
才短短分離就覺得那麼不捨　這絕對是愛不容否認的
誰才是你要的　你唯一想要 的　我可不可以帶給你快樂
渴望能為你將幸福好好守著　我也許不能算最好的
卻一定會是最努力的

>>February 15, 2003 at 6:02:39 PM GMT+8

2003 年 2 月 14 日 星期五 【晴】

情人節快樂~~~ 有情人or 冇情人都快樂啦~~~~~

首先, 話說尋晚我咪話想十二點send sms 俾佢o既...
咁我地尋晚一路傾電話到一點喎...
咁我呢...就唔記得左send 喇~~~~~~~
但係呢......佢竟然有send 俾我喎...........................^0^
真係估唔到bor.....haha, 竟然做左d 我想做既事...而我又唔記得做....hehe.....

唔...今日呢...真係好唔順利呀.......
尋晚發覺自己"咩".....都心知不妙架喇.....驚聽日會肚痛.....
今日.....一起身本來都冇乜野.....
但一整朱古力呢....就......super 肚痛.....頭暈.....腳軟.....同埋想嘔呀.....
真係好好好好好辛苦......
咁我o個陣時就諗, 整埋朱古力先算啦...可能整完就冇事架啦...
咁我整啦.....整到我"mou"左o係度.....想暈低想暈低咁.....
開頭我煲左白朱古力先架...但係呢...個樣真係好衰...同埋又唔好味.....
咁我就放棄左佢啦, 齋整朱古力算lu.....
o個陣時已經好趕時間, 咁我就拿拿臨煲啦...
暈o個時根本連休息下既時間都冇...真係好辛苦......
由於時間既關係...我連寫張卡既時間都冇...諗住放學先寫啦...

如果今日唔係情人節.....我根本一定一定一定一定唔會返學.............
情人節唔可以唔返學...因為...廢事d 人懷疑我請假係做乜啦.....
況且我又覺得我出左門口, o係條街度會好返d.....所以決定都係返學.....

點知出左門口之後...就更加唔舒服.....o係架輕鐵度竟然"mou"左o係度.....
我都知係好瘀架喇.....但係.....
真係好想嘔呀............腳軟呀.......完全企唔到.......又冇位坐.......
咁mou 到落車啦.....嗚, 又行唔到路喎......
真係覺得自己好冇用......其實五分鐘都行完架喇.....我都行唔到........
咁跑倒去搵個位坐低啦.....Jo 叫我食d 野食藥......
咁佢就幫我買左燒賣食啦...食完之後我都好左少少.....
跟住食埋藥就行得喇.....但係.....o係呢個時候....已經遲到喇........
其實八點四o個時我已經知就黎遲到....諗住行架喇...
但係我真係有心無力!!!!!!
sorry 呀......攪到你都遲到我真係覺得你好無辜呀......>_<

今日仲要早會...咁我就冇咁做啦..去左cover playground 等醫療室開...
一開咁我就去左訓啦...ok 好訓啦...訓左一個鐘倒咋...
訓醒之後竟然冇晒事...除左有d 暈, 因為藥力發作...
真係太好喇...突然間冇事...咁我就被迫咁上左去上堂lu.....

咁今日上堂d 時間又唔知點解好快過喎...
咁到放學.......我就返屋企換衫啦.......
五點三約左o係凱都睇老鼠愛上貓~
嗚, 我返到去沖涼洗頭都四點半啦...
我仲要包朱古力同洗o個d 碗呀...
唔知做乜d 碗好難洗, 洗極都咁污糟o既, 咁就洗到搭八過d lu.....
咁呢.....即刻包朱古力啦.....包得頗核突架...但係趕時間, 算啦~
同埋我又要毀屍滅蹟, 扔晒所有關於整朱古力既野.....
絕對絕對唔可以留下痕蹟, 所以就更加麻煩喇.....
o係非常趕時間既情況之下, 我真係冇時間寫張卡喇.....
最後我係冇送到架 >_<"

去到凱都都已經五點五, 搭半開場喇, 咁就入去啦...
haha, o係入面送左野俾佢, 佢又送左俾我喇..
咁就睇戲啦~ em, 套戲...竟然麻麻咋bor..~~佢都覺~~
又麻麻o地好笑, 劇情又麻麻, 我又ok tired...
睇完出黎都七點, 搵野食啦~~
佢話食日本野~ 但係呢~ 等四十幾張檯呀...點等呀~~
元綠同pizza hut 更加唔洗講~
咁我地就去左置樂食啦~~ d 豆腐縮o既!!!
其他都ok...食完又睇完天子尋龍之後就走啦~
行左去市中心再行市鎮公園啦~
咁就例牌咁去左公園坐咁囉....
今次早左喇...坐到十二點零...驚佢冇輕鐵...咁就走啦~~~
好攪笑呀...咁我地坐左o係個亭度啦.....都冇做d 乜.....
有兩個男仔入左黎唔知攪d 乜...
咁其中一個男仔走左啦, 另一個男仔就話"唔好意思呀, 我...幫佢tum 佢女朋友呀...好快走架喇"
haha, 咁佢就話"唔洗咁趕o既"
跟住個男仔臨走就話"打攪晒呀下"
咁囉...haha, 好似個亭係我地屋企咁... 佢唔入得黎咁...haha~

actually 今日既節目係好簡單架咋...
但係我都ok 開心啦...^^
o係條街度見到勁多男仔拎住紮花, 同埋好多情侶~
佢送俾我既係一條手鍊, 開頭睇條鍊, 咁短o既, 我隻手o岩唔o岩架..~
好在都o岩~~ 長少少添~~ 我梗係覺得靚啦~~ haha~
仲有朱古力同埋髮夾...
haha, 髮夾係因為佢成日話我d 頭髮dum 住晒喎.....叫我夾起佢.....haha~
haha~ d 禮物都好實用呀~ 好好~~

番到去, 我阿爸都未訓~ 原來佢十二點已經打過俾我~
我冇較響所以唔知道~ 唔知佢有冇嬲呢~? 由他吧~~

但係今朝就真係唔知咩事...會唔會有d 咩病...
缺糖應該唔會咁暈法架喎...我都唔知...>_<
可能冇食早餐? 呀~ 唔知呀~ 如果今朝冇事既話就perfect 啦~~

仲有, 我阿媽終於都俾利是錢喇~~
姨媽一千啦...我阿媽就俾二千....
雖然我地會俾一千我阿爸...但都仲有二千bor...wahaha~~

>>February 27, 2003 at 8:04:53 PM GMT+8

2003 年 2 月 13 日 星期四 【晴】

Happy Birthday To KARRY~~~~
hehe, 今日放學去左梁銶琚搵karry 送禮物同埋順便一齊買情人節禮物啦~~
估唔到去完美門佢就趕住走...真係估唔到咁快bor.....
買得咁快...有d 求其bor.........
咁elaine 同karry 走左啦...
淨番我同Jo 同Jessica~ 去左好多間水晶鋪睇水晶啦...
最後終於買左條...好靚架.....雖然over 左budget...
但係...算啦, 好難再搵d 平d 同靚d 架喇.....
同埋買左紙袋啦....ha~ 又好靚架~~
最後就去惠康買白同普通既朱古力...and 鍚紙.....
haha, 好核突, 多一蚊都唔夠錢俾....
我已經破產了~ 仲爭人錢添~ hehe~ 千金散盡還復來......
karry 同alvis 都未還錢啊.....
好開心呀, 終於買齊野.....希望聽日順順利利啦...
我真係擔心包鍚紙我會包得好核突.....因為......太細粒呀.....

雖然尋晚我十一點就去訓...但係呢......今朝我都仍然係咁眼訓.....
超眼訓...但係呢, o係學校又真係訓唔著架bor.....
所以真係好辛苦...唔知點解咁眼訓都訓唔著........

今日我咁眼訓...但我真係想十二點send sms 俾佢呀......
唉, 今晚又要做功課...怎麼辦.............

>>February 27, 2003 at 8:06:43 PM GMT+8

2003 年 2 月 12 日 星期三 【陰】

忙左兩日..
今日.......終於.......得閒番一日喇........^0^
放學去寄完信之後就番屋企訓覺~
講起寄信, 真係嬲呀!! 依然耿耿於懷!!
今時今日, 咁既服務態度唔夠架!!!!!

但係訓得唔係好好...
一來嘈啦...o係度鑽野....我為左唔想聽o個d 聲, 就開歌聽...
咁就好嘈喇.....
臨訓前又食左豆腐花, 好飽.....又辛苦~
跟住又有電話響~ 搵我阿爸喎, 唔知乜水...仲打左黎兩次.....

點都好啦~~ 訓完都好好多~~~ ^^

但係...今日又好唔開心喇.....
因為..............唉, 我部電話壞左呀!!!!!!!!!!!!!!
部電話出面o個個mon 睇唔到字喇.......
即係cum 埋個電話...就乜都睇唔到...
嗚, 好唔開心呀.....未跌過, 未濕過架.....唔知點解會咁......
如果冇保養我就死喇.......
有都煩啦, 要出旺角整......>_< 嗚......

仲有呀.....尋晚人地辛辛苦苦整既powerpoint.....
佢竟然未洗present 住.....(幾時present 都仲未知!!)
唉...我...整到咁夜..嗚...side 晒我d 心機...乞人憎.....

>>February 12, 2003 at 8:10:57 PM GMT+8

2003 年 2 月 11 日 星期二 【晴】

今日第一日返學... 派卷....
econ 43
bs 38
acc 62
eng 78

英文我就ok 滿意啦...雖然係份卷淺...
econ 合格...我都ok 架喇...
bs.....唉.....點解會咁架......25 分既essay 我有...零分~~~~~~~
要好好反省下~
acc 就...都ok 啦, expect 都差唔多~ Jo 好勁呀~~~75~~~

今日lunch, 同佢去角落食飯~ hehe ^^

放學冇得同佢走...因為.....要買禮物俾karry~
買左.....咩囉~~~~~
今日我阿爸放假, 都趕住返屋企lu~
食完飯我就好忙喇.....
要prepare 中化個presentation~
搵圖同summarize 同icq, 攪到一點...
好似未試過咁夜先打diary 呢~~~

ISUZU 今晚又...chat...
又講埋晒d 好鬼掛住我既野 (嘔...)
佢都認佢係為拍拖而拍拖啦!!!
我頂佢唔順, 夠膽死同我講...
不如你同我講其實一路以黎你都冇鐘意過我~
見見見見見, 見你個死人頭...

TUE powerpoint+bs article (唉~咁多野做)
WED 整朱古力...?
THU LKKC+買禮物
FRI ^^
SAT bs presentation
SUN Eason (at night only)

忙夠了沒有...

>>February 27, 2003 at 8:10:49 PM GMT+8

2003 年 2 月 11 日 星期二 【晴】

今日其實十二號...打番尋日既diary...

今日派左文化啦~
haha, 21/72.......~
不過整體黎講都合格...58 咁囉...都差唔多啦...好過以前中文喇.....
派晒卷lu~
兩份卷唔合格囉~ 文化同埋bs~ 唔.....整體黎講.....
好明顯.....考得唔好啦......
係我未盡力? 定係呢個已經係我既水平~?

尋晚唔記得打diary....好似都係第一次~
打diary 係我生活既一部份~
我竟然唔記得~ 原因係...忙到唔記得左.....
今日番到屋企都五點啦, Jo 上左黎一齊研究下powerpoint 啦...要做文化project~
咁呢...同埋試整左朱古力喇...
唔, ok 易整, 不過呢.....要雪兩個幾鐘.....我都冇時間喇...
所以求其試左, 覺得d 味ok, 咁就算lu~
同埋我仲加左d 水...因為...點解咁傑o既...................

powerpoint, 都算識整喇.....其實幾好玩架......
不過呢~ 整得耐~ 乜都悶啦.....
食晚飯o個時真係唔知自己做緊乜架...
o個陣時其實我已經眼訓..同埋.....又好多野諗啦....因為好多野做...好煩架...
食完飯之後足足整左三個幾鐘.....non-stop......
又整到一點喇......how sleepy i am!!!!!!!
連續幾日捱夜我會死的.....眼袋跌到落地.....個樣真係殘左架.....
唔想好似我阿哥咁~~~!!!!!
一點我準備訓o個時....我阿爸.....竟然話我...............
「好多野做咩你而家？！」「做功課洗唔洗上網架？唔洗我搵日cut 左佢喇！！」
聽到之後.....真係好唔開心....
o係o個個moment, 我真係好支力喇.....你估我想咁夜訓......
你估我唔想早d 訓?! 你估我玩icq 玩到咁夜?!
咁大個人, 我知道自己做緊乜架!!!!!
何況我今晚真係真係因為整powerpoint 先咁夜訓!!
icq 雖然我有開, 但係invisible, 成晚都係同零至兩個人講野.....
講既都係urgent 既野.....關於powerpoint 既野.....
我唔係玩......絕對唔係......點解要咁話我...........
我話做功課, 你信嗎？！我覺得你唔信!!!
不過由得你, 事實就係咁, 清者自清！我對得住自己！

我決定左o係十四號朝頭早整朱古力, 雪住佢~
直到我放學, 咁我阿爸咪唔知囉....唔洗擔心點雪住佢~
好, 一於咁話~ ^^

>>February 12, 2003 at 5:11:52 PM GMT+8

2003 年 2 月 9 日 星期日 【晴】

唔~ 尋晚同佢傾icq 傾到點幾喇又...
haha, 佢竟然記得我地對上一次見係幾時喎......
真係好驚訝bor...冇diary 我都唔會記得......hahaha~
尋晚佢仲問我...會唔會覺得佢少時間陪我...............

咁洗完碗訓得黎就兩點喇...
但今朝九點幾就起身喇~
同哥哥食野~
唔...原來.....人地.....都係蜜運中喇.....haha~
終於等到喇 ...恭喜恭喜 ^^ 可喜可賀~~

番到黎...搵下d 靈感..
求其攪掂左個封面.....
四點幾就去左Jo 屋企...攪野喎...
haha, jessica o個個野.....唔得o既喂~~
Jo 個頭就攪掂啦~ acceptable~ 番得學啦~
仲睇左鬼眼.....woo~ 有度幾恐怖喎~~ 幾好睇~~

wahaha, 今日買左本好靚既schedule~~~
em, 究竟有咩用呢~? 我都唔知...

今晚我阿爸冇煮飯~ 出街食啦~
又話出街又冇出到...
咦~ 唔煮飯~ 我自己食咪得囉... 哼~~

>>February 9, 2003 at 10:35:07 PM GMT+8

2003 年 2 月 8 日 星期六 【晴】

今日, 本來較左鬧鐘九點起身架...
但又頭痛又唔想起身...咁就到十一點先起身...
起左身就即刻開電腦啦...今次唔係為左ICQ 呀...
而係...做讀書報告~~~
做..做..做.....做....non-stop 咁做到五點倒呢~
hehe, 就同Jo 去左市中心啦...
一來佢借粉彩and 木顏色俾我...二來搵佢陪我去買朱古力模~
唔...終於都買到喇~~ 唔知幾時試下整...時間趕急添~~
haha, 番黎o個時又撞到jessica 同karry~
真係橋~ 嗲左兩句就要番屋企啦~~ >_< 何時會再聚~~~?

今日終於都嘔左1688 個字出黎喇...
finished~~~yeah~~
聽日攪掂埋個cover 同書簽~~ yeah~~~ hehehe~

今日佢去左市中心個自修室呀...
我真係諗過去搵佢架...但又唔想唔理Jo 囉...
二來搵佢出黎又冇乜為...
但係...好耐冇見過佢喇.................................
大家都忙.......各有各忙......唉~~
要俾心機溫書呀~~~!!!!!

>>February 8, 2003 at 11:56:20 PM GMT+8