2003 年 2 月 26 日 星期三 【晴】

今日Jo 請假睇醫生~
咁就同佢食飯啦.....hehe~

今日放學去左Jo 屋企聽佢地表演...haha~
跟住返屋企就做讀書咭同acc 喇~

夜晚同佢傾左陣電話.....
haha~ 佢話好唔捨得南官喎......咁話晒都讀左七年......
唔.......聽日係佢地最尾一日返學喇......
我都有d 唔捨得添......hehe~

>>February 27, 2003 at 8:11:57 PM GMT+8

2003 年 2 月 25 日 星期二 【晴】

Happy Birthday To Wutlun~~ hehe...

今日o係學校有一個突破~
就係竟然o係acc 堂訓左兩堂~ 真係第一次~
今日真係好支力...好眼訓啊...

可能係因為尋晚十二點幾訓 (打俾佢同send sms), 今朝六點幾起身整蛋糕....
仲要落街買牛油....好在惠康咁鬼早開咋.....如果唔係個蛋糕都唔知點~
Jessica 一早就起身, 過左黎協助我喇......^^
好趕時間之下漏左一個step......攪到個蛋糕一忽忽咁...美中不足......
整完o個下都幾有滿足感架.....haha~ 都幾香架...雖然未必好食....

放左學返去換衫就出黎喇~
hehe~ 去蝴蝶灣食蛋糕...
我地...竟然...食晒喎...
我個人覺得ok...幾好食架...
唔知佢夾硬食定咩呢...haha~

佢講既每一句.....鐘意我.....好開心...好感動...多謝我.....我都完全feel 到...係真心架...
唔似有d 人講到鬼咁死假....
佢仲話...想二十歲既生日都同我一齊過....
o個下真係有d 想喊.....
我真係好開心呀.......................................
無論到時係咪真係可以...我都...好滿足架喇...
至少佢真心講過呢句野...兌唔兌現到, 係另一回事....
始終呢d 野都係雙方面o既...

>>February 26, 2003 at 7:57:54 AM GMT+8

2003 年 2 月 24 日 星期一 【晴】

尋晚突然間好唔開心添...
因為....em....聽到d 野啦.....
em......不過.....Ｉ　ＭＵＳＴ　ＴＲＵＳＴ　ＹＯＵ....

今日返學頭o個三堂都唔洗上~ 因為drama 既關係~
ha~ 時間過得好快, 貶下眼就lunch 喇~
今日o係學校狂見到佢 ^^ hehe~

唔.....佢今次mock, geo 考得唔係幾好........
唔......唔好唔開心啦.......
再努力d 就得架喇......
我唔想見到你唔開心架.......
我唔知可以點樣幫到你.....只係想你唔好放棄呀......ok?
無論點我都一定會支持你架~~

今日放學去左買禮物~ 終於買左喇~ hehe~
呀~ 條裙真係好抵~~~ 可惜冇錢......haha~
我又冇晒錢喇...........haha~~
千金散盡.....還復來......~~~ hehe~

聽日econ test~ 都冇乜時間溫添~~~

>>February 24, 2003 at 8:23:14 PM GMT+8

2003 年 2 月 23 日 星期日 【晴】

haha~ 今日....咩日子呀?? haha~
就係我地一個月既日子~

wahaha~ 尋晚...同佢由十點九開始傾電話.....傾到.....haha~ 四點三~
唔.....講左好多野.....
我知道左好多以前唔知既野...佢又知道d 佢以前唔知既野...
總之好多野講~ 雖然間中都會dead air~ 但係...都冇乜野~
d 時間過得超快囉...每問一次而家幾多點都係過左一個鐘.....
真係唔敢想像....我只係覺得過左半個鐘倒~
仲要我地都唔眼訓架bor.....
四點三收線都係因為我地覺得如果再唔定一個時間收線我地將會唔洗訓~~
haha~ 破左我既紀錄喇~ 四點三~

咁今朝梗係有幾晏訓到幾晏啦~
十二點半起身...攪掂晒野就出門口~ 去o個個咩就業及教育博覽~
去之前就經旺角囉番部電話先啦...
唉~ 終於囉返~ 唉~ 不過壞既~ 唉~

o個度真係好多野睇bor~ haha~ 佢仲得償所願咁申請做警察~
好勁呀.....haha~ 申請o者.....haha~
如果做到都幾勁~~~ haha~~~ 好有大志呀~~ haha~~
佢仲申請埋做保險添....真係諗住唔讀書架喇喎~~ haha~~
去到o個度我都有d 局外人既feel.....我根本未有心理準備要出黎做野....
問我想做d 乜...我真係唔知~ 所以我都冇乜囉到資料~
但係去完o個度我就覺得.....其實都好多工可以做~~~

睇完就去Delifrance 食野~ 碎蛋牛角飽~ 好好味啊~~~ 好耐冇食過~
食完就搭車返黎lu~

覺得今日好有意義~ 好充實bor~
至少做d 有用既野~ 唔係行街咁簡單~ 又可以同佢一齊~ haha~
好開心呀~~ 今日有七八分開心~~ ^o^

>>February 23, 2003 at 9:49:22 PM GMT+8

2003 年 2 月 22 日 星期六 【晴】

尋晚同isuzu 傾左一陣...
佢仍然話想同返我一齊囉....唉~
佢仲過份到話"如果你想同返我一齊 我而家應承你"
講到好似我好想同佢一齊咁!!! 哼.....我求你呀而家?!

跟住尋晚亦都同"佢"講返我地大家以前既事...
唔...好明顯佢係好唔願意提返佢以前既事.....
唔知點解呢~? 可能佢之前曾經好唔開心過~
雖然我想知~ 但係我都唔會迫佢講d 佢唔想講既事o既...
我只係覺得坦白d 好似好d...但佢又覺得會傷感情...
而家咁樣我會仍住佢仲諗住以前既事.....放唔低.......
我唔想做substitues........>_<"

今朝九點幾就起身同我阿哥食早餐啦~
難得地今朝起身超精神~ 係訓夠既feel~ 好難得~

本來前日shera 同我傾左陣電話~ 約左今日出旺角架.....
不過冇約實.....嘿......
今朝佢要補課, 我冇左佢個電話.....因為save 左o係部電話度~ 部電話未囉返~
又搵唔到佢.....佢又冇搵我!!!
唉, 好無奈~ 有d 嬲囉~

咁我食完早餐返到黎icq 左一陣...就溫econ 喇....monopoly~ tuesday test 喇~
但唔知做乜好快就溫完.....好短o既課書~ 不過我估佢會問到好深囉~
好似cost o個課咁~
我仲溫埋perfect competitive market 添~ 不過未溫書~
我仲做左題account 添....
中途一路睇番「三十六小時和平示愛　我們要世界和平」~

今日突然間諗返起...以前個個禮拜六day off.....
真係side 左好多時間...
睇下我今日幾充實~ d 時間過得好慢喎~
其實可以做到更加多野~ 只係我想休息下... 亦都冇必要咁搏~
夜晚我仲睇埋standard 添...
多一日真係做多好多野架.....以前真係......唉~

聽日可以見到佢喇...好開心...haha~

>>February 22, 2003 at 10:02:28 PM GMT+8

2003 年 2 月 21 日 星期五 【晴】

尋晚十一點半俾阿爸迫去訓覺~ 超憤怒~
我同佢icq 緊架嘛...我仲同佢講緊我以前同isuzu 既事架嘛...
唔.....我覺得同佢講左會好d 囉...都冇必要隱瞞~

唉, 今日有個壞消息...
就係...我個電話竟然係人為整壞...冇保養...承惠六百五丫~
咁梗係唔整啦~ 痴線~
咁點算呢~ 乜都冇喇......嗚.........
我對個電話咁好.....點會人為......都冇跌過冇壓過.....哼!!

今日放學同jessica o係市中心hea~ 睇下禮物啦~
波褲我諗都唔買架喇.....唔識買.....
銀包啦~~ 今日睇到都ok 靚.....^^

>>February 21, 2003 at 8:22:39 PM GMT+8

2003 年 2 月 20 日 星期四 【晴】

呢排成日都訓得唔好..>_<
無論早訓同夜訓呢, 都係唔夠訓~~

今日知道考第幾喇...
未知之前...我勁驚會考廿幾...十到尾都唔好啦......
點知...一睇...竟然考第七喎.....
surprise o既...不過.... 我又覺得...
都係d 人渣左咋......我得五十六分平均分咋......咁都考第七......
所以根本一d 都唔值得開心.....
不過....hehe, 我下次會再努力d~~~
bs 咁都唔加兩分俾我.....唔合格喇 >.<

今日放學要去中央還書~ 一個人~
去得市中心~ 冇理由還完就走o架.....
咁我就一個人行下啦.....睇下有咩頭緒買野俾佢~
行均成個市中心, 點知係咩頭緒都冇...唉.......

間中一個人行街真係幾好架... 好free~~~

>>February 20, 2003 at 10:22:35 PM GMT+8

2003 年 2 月 19 日 星期三 【晴】

尋晚我又唔係幾舒服...
其實呢排keep 住我都成日頭暈、頭痛同想嘔.....自從情人節o個日開始就係咁...
唔知做乜呀..唉...總之唔舒服啦...間竭性地~
尋晚佢知道左就即刻打俾我喇......跟住傾到十二點幾......
又冇唔舒服喇bor~~ haha~ 佢就係藥喇.....

到左今日...上晝都冇乜特別.....
Jo 下晝去覆診請左假....lunch 番屋企食...
咁我就同"佢"食啦~~~都冇乜野~
到左放學, 佢又特登o係屋企出黎陪我走.....呀~真係太好喇.....
跟住咪去左大家樂食tea, then 佢送我番屋企~
但我又堅持要送佢搭車喎~ 咁就送佢搭車啦.....就係咁~
番到黎六點倒~ 我阿爸今日放假~
佢幫我拎左部電話出去整~ hehe~
不過要三四日先有得囉番~ 咁我就用住我阿爸o個部先~
thank you~~~~~ 咁我又煩少樣野~

haha~ 今日d 時間好用左...因為我阿爸放假...早食飯...我又唔洗煮飯~
結果今日做完bs hw 就做account~
都掙扎左好耐架.....不過咁辛苦拎到番黎唔做咪蝕晒~
咁梗係做啦...做左一題半倒啦~ 經已好滿足 ^o^

尋晚佢叫過我send 呢個diary 俾佢睇...
唔...我都諗左好耐...
但係最後我拒絕左~ 我話遲d 先send 俾佢睇~

>>February 27, 2003 at 7:56:19 PM GMT+8

2003 年 2 月 18 日 星期二 【晴】

其實呢兩日冇乜特別野發生...
上堂望落堂, 落堂望小息, 小息望lunch, lunch 望放學, 放學望訓覺.....日日都係咁~

發覺自己有好多野都好想...
好想剪頭髮...
好想多d 時間用....
好想拎部電話出去整...
好想訓多d 覺...
好想諗到買咩送俾佢....
好想多d 同佢一齊...
好想返學唔洗咁悶....(especially 英文堂...)
好想做多d account.....
好想準時交到econ...

當然當中有d 係冇乜可能可以實現到~~ 唉~~ 想下o者.....

>>February 18, 2003 at 7:42:47 PM GMT+8

2003 年 2 月 16 日 星期日 【晴】

尋晚十一點就offline 喇...
我都唔知點解.....我唔係太眼訓架咋.....
本來想等佢on 架...但係...直覺話俾我知...我唔會等到~~~
所以我就off 左喇.....點解成日都要我等喎.......>_<
但我今朝發現...佢改左info.....係尋晚? 定今朝? 唉~~~
麻目晒喇...最憎就係等人....佢行縱又飄忽...唔知佢做乜....
有friend 生日喎......可能去慶祝呱.....唉......唔知~

今朝又痴左線...十點知道哥哥又病.....唔返工......
咁唔洗同佢食早餐...我就繼續訓啦~~~
訓訓訓~~~ 中途醒過下架...到十二點以為都訓唔返架喇....
點知又訓到一點.....呀~ 好似訓極都仲可以訓咁....痴線...
咁起身幫哥哥請假啦~~~ 跟住想做econ hw...但又唔鬼識做.....
今日除左econ, 我仲諗住睇SCMP 架.....(if i have time)
今日應該五點零就出去尖沙咀等alvis 啦...
所以根本冇乜時間用.....
鬼叫我咁晏起身....唉.......
不過訓耐左呢...皮膚真係好明顯好左好多架.....haha
牙肉都冇咁痛喇.....不過隻眼都係好腫.....
都唔知咩眼黎架, 唔夠訓又腫, 訓得多又腫!!!

尋晚知道Jo 都唔舒服...我阿哥又唔舒服..
呀, 好慘呀.....希望你地快d 好返啦......保重身體呀......

alvis 聽到我話唔想去睇concert (because of my dad) 佢竟然超嬲囉....想殺左我咁濟.....
話我重色輕友呀...又超串咁.....嗚~
咁尋晚我唯有超驚咁同我阿爸講啦....
真係十級驚.....我知佢一定勁鬧........
但係, 令我surprised 既係, 佢竟然冇乜鬧喎.....
佢問返我十四號o個晚做乜咁夜返...我話食蛋糕...
佢話下次唔好咁夜.....十一點好返黎喇...
勁強調叫我唔好講大話....一次不忠百次不容咁話喎.....
又話佢已經俾左好多自由我地.....乜都俾架喇.....
anyway, 佢竟然冇鬧, 我都好滿足架喇.....^^
可以放心咁去睇concert~~ ^^

>>February 27, 2003 at 7:59:48 PM GMT+8