2004 年 7 月 1 日 星期四 【晴】

近期讀一本好書－"往事並不如煙"－是一本關於1957-58反右時期，被毛澤東打壓成"反黨反人民反社會主義的資產階級"的知識份子故事。
唉…讀過之後，發現現在好像回到了1957年的夏天了。

>>July 1, 2004 at 10:29:11 PM GMT+8

2004 年 6 月 28 日 星期一 【晴】

偉大的reg書工作到今日已經完成啦
soc房d 書排列得好整齊
地方很整潔
以後希望soc房唔好咁凌亂啦
因為我地真係執得好辛苦
最辛苦可能係老遠由香港島0個兩個, jerry 同jambon, 好多謝你地的堅持. I love u guys.
仲要多謝永遠的戰友Fannie同Jester, 兩位好拍檔.
當然仲要多謝偉大的c0 黎幫手, 你每一次的到來, 都為我地帶黎歡樂, 因為整古c0 係我地的habbit 啦...
真係好開心能夠同你地做到朋友.

休息過後, 可能係新工作的開始, 三十周年紀念特刊...
漫長的路呀....
心力交瘁...

>>June 28, 2004 at 7:19:32 PM GMT+8

2004 年 6 月 27 日 星期日 【晴】

2月15日的日記.
而家睇返....唉....
唔知呀....

"今日係我小學多感官圖書館的開幕典禮，
我唔忍心睇住雪妖獨自一人探小學老師，所以決定都去參加這個盛事。
已經有五年無返到小學啦，變化真的很大。
而家呢個多感官圖書館係一個俾小朋友午膳空餘時間去玩的地方。裡面分為視，聽，嗅，觸，味五個感官地帶，小朋友可以在每個不同感官的地方玩無聊野。跟住就有一個減壓房，裡面可以俾小朋友彈琴同埋玩ParaPara電腦遊戲，而且音響設施十分完善添。
我當時不禁有個慨嘆，使唔使咁多野玩呀？而家Ｄ小朋友真係有太多物質享受啦，搞到一個二個寵壞哂。而且Ｄ人都好老積咁，有Ｄ仲著住校服講粗口。
聽以前的老師講，而家Ｄ小朋友俾大人寵壞哂，因為大人俾好多物質享受俾佢地。你唔要咩？都要排山倒海咁俾你地，Ｄ小朋友得來太多，所以都唔識得珍惜。
聽聞而家學校Ｄ交通安全隊差哂，原因咪因為唔捱得，得來太易唔識珍惜，咪變得一個唔負責任的人。
物質文明可以使一個人自甘墬落。

跟住同Ｄ小學老師影下相，講下近況。其中一位老師身形比以前瘦，原來佢前些日子患上重病，而且還要接受手術去延續生命，佢仲俾左四字珍言，叫我地：珍惜生命。佢講呢四個字對我來說真係好大震撼，平時都知道呢個道理的重要性，但無呢句說話來得咁深刻，可能今次係一個活生生而又我咁近的例子啦。我見到佢咁辛苦，真係好驚出年見唔到佢，真心叫佢保重身體。"

>>June 27, 2004 at 11:57:24 PM GMT+8

2004 年 6 月 27 日 星期日 【晴】

星期五晚收到一個壞消息, 小學時負責交通安全隊的勞sir 過身了.
星期六朝早九點三走去教琴, 沒精打采的捱到六點三(因為有兩個學生調時間), 然後就出去香港殡儀館參加勞sir的喪禮. 入門口之前, 我的心情還是很沉重, 差點哭了出來, 也沒有勇氣走進靈堂拜勞sir, 幸得有人陪著我, 我才敢舉步進內見見他.
星期日朝早十點再去出席勞sir的出殡儀式, 聽了他的生平事蹟, 見過他最後一面, 勞sir就在沉重的音樂聲中步出靈堂.
唉...
人真是化學, 勞sir只不過61歲, 就已經與世長辭.
上年返小學探老師的時候, 都見到勞sir 成個人消瘦左好多. 當時仲口輕輕話會再返去探佢, 仲眼濕濕咁同佢講我下次要見到一個健康的勞sir. 當時佢回答話: 我一睇你的眼神, 就知道你呢句說話係發自內心. 你同當年一樣, 無乜點變過.
點知一年過去, 我呢個無心肝的學生就無見過佢, 再見返面的時候, 就已經係咁...真係幾無奈.
還記得當年他操練我們這支交通安全隊時雄壯的聲音, 亦記得當年他對我們的關懷. 小六的時候, 是他推薦我去拿獎學金的, 雖然那只不過是少少的800元, 但這對我來說是一個鼓舞. 不過當年我又唔生性, 記得小六的時候, 有一次游水比賽和步操比賽clash左時間(只不過是一個是星期六舉行, 另一個是星期日), 我竟然衰仔到同勞sir講我不去步操比賽, 當時勞sir好嬲, 仲鬧左我一大餐. 自此之後, 我就不敢再和勞sir講說話, 我亦淡然離開交通安全隊, 整支team排列, 就少左我一個人而留底左一個lon lon 0係度. 而家真係好後悔呀. 呢個係一個責任黎架嘛, 點可以話自己辛苦, 就可以放棄成team人的心血呢? 責任感同服從性, 是我0係交通安全隊裡面學到既野, 亦都係我好cherish的virture, 我諗呢個係勞sir 留俾我最好的禮物. 所以今朝早即使我幾眼訓都好, 我都要送他最後一程, 這是我對勞sir 履行的promise.
勞sir, 你是天主教徒, 我相信, 你在主的懷胞內定必得到安息.
謝謝你對我的教誨.

>>June 27, 2004 at 11:33:23 PM GMT+8

2004 年 6 月 27 日 星期日 【晴】

星期五晚收到一個壞消息, 小學時負責交通安全隊的勞sir 過身了.
星期六朝早九點三走去教琴, 沒精打采的捱到六點三(因為有兩個學生調時間), 然後就出去香港殡儀館參加勞sir的喪禮. 入門口之前, 我的心情還是很沉重, 差點哭了出來, 也沒有勇氣走進靈堂拜勞sir, 幸得有人陪著我, 我才敢舉步進內見見他.
星期日朝早十點再去出席勞sir的出殡儀式, 聽了他的生平事蹟, 見過他最後一面, 勞sir就在沉重的音樂聲中步出靈堂.
唉...
人真是化學, 勞sir只不過61歲, 就已經與世長辭.
上年返小學探老師的時候, 都見到勞sir 成個人消瘦左好多. 當時仲口輕輕話會再返去探佢, 仲眼濕濕咁同佢講我下次要見到一個健康的勞sir. 當時佢回答話: 我一睇你的眼神, 就知道你呢句說話係發自內心. 你同當年一樣, 無乜點變過.
點知一年過去, 我呢個無心肝的學生就無見過佢, 再見返面的時候, 就已經係咁...真係幾無奈.
還記得當年他操練我們這支交通安全隊時雄壯的聲音, 亦記得當年他對我們的關懷. 小六的時候, 是他推薦我去拿獎學金的, 雖然那只不過是少少的800元, 但這對我來說是一個鼓舞. 不過當年我又唔生性, 記得小六的時候, 有一次游水比賽和步操比賽clash左時間(只不過是一個是星期六舉行, 另一個是星期日), 我竟然衰仔到同勞sir講我不去步操比賽, 當時勞sir好嬲, 仲鬧左我一大餐. 自此之後, 我就不敢再和勞sir講說話, 我亦淡然離開交通安全隊, 整支team排列, 就少左我一個人而留底左一個lon lon 0係度. 而家真係好後悔呀. 呢個係一個責任黎架嘛, 點可以話自己辛苦, 就可以放棄成team人的心血呢? 責任感同服從性, 是我0係交通安全隊裡面學到既野, 亦都係我好cherish的virture, 我諗呢個係勞sir 留俾我最好的禮物. 所以今朝早即使我幾眼訓都好, 我都要送他最後一程, 這是我對勞sir 履行的promise.
勞sir, 你是天主教徒, 我相信, 你在主的懷胞內定必得到安息.
謝謝你對我的教誨.

>>June 27, 2004 at 11:31:31 PM GMT+8

2004 年 6 月 24 日 星期四 【晴】

大家好, 是否很想念我呢？
呢幾日我做過乜呢？
星期六那日全天教琴
星期日妹妹生日＋父親節，飲茶慶祝，夜晚出去買左部ALcetak(唔識串）的手提電話俾我妹妹做生日禮物啦，成2388蚊架，超貴...然後再買埋c0份禮物, 就返屋企啦....bobo呢排大出血, 銀行批資金使突左, 無錢....唉
星期一至星期三去左Jambon長州的屋企，第一次去長州的感覺...很熱, 但好舒服, d人都幾nice, 民風幾純樸...最鍾意就係陽光加海灘, 最鍾意同陽光玩遊戲, 最鍾意玩海水, 最鍾意享受海風...阿心, 今次到我掛住你啦, 我地幾時去海灘玩好呢? 仲有leeann呀, 你唔好得個講字呀, 我都想同你去beach度玩...不過今次唔好去d 要行45分鐘先到的beach呀下...反面架
第一日下午兩點左右去到, 幫jam爸jam媽手報屋(實際上是倒亂), 然後食埋個lunch, 就去買d 日常用品同埋食物返屋企, 打牌、玩ps2、練歌仔...等等.
到左七點左右, fannie又入埋黎, 大家玩左一陣, 就走去食大排檔...熱啦啦...食到出哂汗....
之後0係長洲行左一陣, 就走去食糖水, $13 一碗楊枝甘露, 又抵又好食, 好食過許留山0個d...唉
吃喝玩樂到十一點九, 我地又返去jam家玩啦...打牌、玩ps、練歌仔...等等
玩到四點先去訓覺.

第二日訓到十二點黎一點先起身, raymond呢隻大懶蟲仲未肯起身, 但我地幾個忍唔住, 終於走左出去食lunch. 去馳名魚旦檔－"張記"－食魚旦麵. 之後買lunch 返去俾raymond 食, 大家又繼續打牌、玩ps、練歌仔...等等
到左六點左右, 我地去租單車踩...期間tami落斜的時候, 唔小心飛左出單車, 擦損左手腳. 我又發現學急救的重要性啦...fannie幫tami 洗傷口, 我同jambon就去買藥物....點解次次同fannie去親旅行, 都會有事發生既? 咀咒呀.....
七點c0入到黎長州, 返到屋企, tami佢地先0係屋企休息下, 我同raymond, fannie, jambon 踩多陣單車之後, 到八點左右, 就買外賣返黎開大餐...多謝c0整左d 雞翼同0者喱俾我地食啦, 好好食呀!!!!
捱捱下, 到左十一點四十分, c0 走去沖涼...正以為佢會沖廿分鐘涼, 點知用左五分鐘就沖完...搞到我地為佢準備的生日party 陣腳大亂...尤其以jambon的所謂"停電"尤甚啦....話停電, 但廁所的燈未熄囉....haahhaha.......好在有fannie阻住c0唔俾佢出黎.............
我地0係大廳放了一個生日"種", jester 吹佢小學既口風琴, 我就玩我學左兩日的蕭(定唔知係笛呢??), 合奏左幾首歌送俾c0, 大家就跟住d 音樂唱歌...幾開心咁架...
等c0許埋願, 我地就每人送一份禮物俾佢. 有音樂丁丁、pingu風扇、pingu釣魚機、震震蘿蔔、自己打自己的鼓等等....以玩具居多......哈哈....
之後就食0者喱...同埋玩pre camp 遊戲既....
跟住玩埋killer...睇埋vcd...四點左右就去訓覺lu....

第三日大家都係十二點先上起身, 跟住就去飲茶....然後返屋企打牌、玩ps等等...
三點幾c0 走返出去同人食tea, 我就同jambon and fannie 去踩單車, 遊覽一下長洲風光.
經過海灘既時候, 我地就落水玩左一陣, 搞到成身濕哂...成腳都係沙...不過, 呢個係我最enjoy的時刻, 因為我實在太愛海灘啦!!!!!!!!! 好鍾意同海水玩遊戲...
跟住就返家沖身, 然後繼續踩單車...之後就返家沖涼....執屋....搞到七點幾, 食埋晚飯, 搭九點半班船出黎....
夜晚十一點返到屋企....

sorry barry仔....下次我地一定預埋你...........唔好唔記得我的手信呀!!!

>>June 24, 2004 at 6:15:01 PM GMT+8

2004 年 6 月 19 日 星期六 【晴】

究竟我呢排做緊乜野呢? 我成日都0係度諗野.
我成日諗究竟我係乜野人
我成日諗點解我會係咁
我成日諗點解我要堅持,點解我唔放棄,點解我要放棄
我成日諗究竟我係咪真係咁諗
我成日諗神給我的啟示
我成日諗我點樣去接觸神
我成日諗點解我一方面接觸神的時候, 我又一方面去踐踏祂給我的愛
我成日諗點樣可以靈修自己
我成日諗點樣可以令自己好過d
我成日諗點樣心靈上的修養永遠同世俗的需求衝突
我成日諗點解神會安排咁既道路給我,又唔教我點行,要我自己諗點行
我成日諗點解呢d所謂神斆我地點行的說法,不可以是一些後設的自己安慰的說話
我成日諗點解我係一個信神的無神論者
我成日諗究竟我的信仰係乜野
我成日諗既然我信神只有一個的時候,點解世間上會有咁多奇異的方法可以與不知名的力量存在
我成日諗點解"此"神不是"彼"神,點解聖經講既就岩,係聖言,而塔羅牌、占卜、黃大仙講既野就係邪惡的力量、迷信
我成日諗點解一定要把自己抬得高高的,然後以置高無上的姿態去打押別人
我成日諗點解呢個世界唔可以包容
我成日諗點解包容咁重要
我成日諗究竟乜野先係"神"
我成日諗神係咪真係咁重要
我成日諗既然我地係人,我地無辦法知道神諗乜,點解我地仲要用我地的智慧去去猜度神諗乜
我成日諗既然人唔可以解讀神,咁邊個可以解讀神.如果解讀神的只有神的自己,咁點解人仲0係度懶醒咁去解讀神並相信佢自己的解讀係真理
我成日諗點解如果接觸神之後,可以得到神給我地的智慧,但點解呢d所謂的智慧,唔係自己human point of view出發的個人主義
我成日諗點樣可以解讀神,點樣可以解讀真理,點樣可以判斷對與錯,點解既要我地去愛的同時,又要我地擁有自我保護的私心

我好puzzled...今日同我鋼琴miss 傾計, 佢向我解釋了聖經上的看法,和一些做人的道理.
她說靈修是重要的,要不然會令自己人生迷失方向.
靈修到底是什麼.那是否指向善的追求
為什麼一定要用讀聖讀的方法去靈修,我不可以讀可蘭經,或支簽去predict我將來的路點行咩
我為此感到很難過
近日帶給我的衝擊實在太大了,我都唔清楚自己到底想要乜,自己想點.
或許我亦需要冷靜一下
靜心聽聽神的說話
我...等待...
但答案幾時先到?

如果大家有興趣(尤其是jester和c0), 我想你們跟我討論這個. 我不是太懂...你知道我幾愚昧無知架啦....小朋友出城咁...唉.....多謝你地呀.

>>June 19, 2004 at 6:34:52 PM GMT+8

2004 年 6 月 19 日 星期六 【晴】

well...last night...drama ..."Inherit the wind"....iluminating....love this.....think think....
well...I wanna say I have to think about it deeply too...I dun know what it's right and what it's wrong. I just wanna clear my mind...relativism...

>>June 19, 2004 at 8:19:32 AM GMT+8

2004 年 6 月 10 日 星期四 【晴】

6月7日星期一　
我同一班國是人到深圳書城買書，名義上是買書給國是，實際上書本多是以政治學為主。
其實我都不是太明白為什麼每年都要買書，不過既然這是老規矩，就由它去吧！最後買了千多元的書本，辛苦一眾朋友擔當苦力的工作，搬書回中大去了，謝謝你們。
到了五點半，我們才回到羅湖關口。其他人先回香港，我與Fannie、Sabrina則留在深圳過夜吃飯、傾計、訓覺。
本來打算那天晚上吃火煱的，不過我擔心Fannie喉嚨不舒服，我們最後便到酒樓吃小菜，真可惜呀！
那天晚上，我們談到了一些宗教問題和人生哲理的話題，我只覺得自己實在是井底之蛙，我實在需要增進自己的知道。
當晚我實際只睡了一小時左右，皆因我要和肥Fannie、Sabrina孖舖，兩人已經佔去床位大部分位置，可憐瘦瘦的Bobo睡在中間，迫得一點位置都沒有，最後迫於無奈離「床」出走到另一間房間去。
那天一早十點鍾起程出發，我們在深圳逛了一圈。


6月8日　星期二
我們首先乘搭觀光巴士，到了福田的農業批發市場。我們都是信步而行，原因是大家都沒特別地方想去，所以在車上坐在終點站才下車。
我們在農批市場逛了一圈，然後轉折地回到深圳福田的購物區去。到了三點半，我們才送Sabrina過關，然後我和Fannie在我家附近又逛了一圈，便回家睡覺了。
起來的時候大概八九點吧，我們便出外覓食。本來打算今晚清淡一點，吃一頓便宜的快餐作晚飯。不過當Fannie看見快餐店旁有間食肆人流不多，便嚷著說她要「鋤強扶弱」，所以二話不說，便一個箭步跑進店內。
當我們坐下之後，才發現這間什麼"鈣骨店"是一間打邊爐的地方。看見他們為我們上了一鍋，我當堂咋舌了一會兒。就這樣，那天晚上，我們吃了一頓很豐富的晚飯。當Fannie很高興地吃火煱時，bobo卻努力地在一旁滴汗。
果然，好一個"鋤強扶弱"的Fannie呀！不吃不吃還須吃，我們終歸還是要吃一餐火煱。
晚飯後，我們便很努力地看書至夜深。


6月9日　星期三　
我們今天遲了起床，午飯(實際上是我們這一天的第一餐)在M記解決，吃了一個很辣的炸雞腿。然後我們又在家附近的街市逛了一圈，買了8蚊7隻的香蕉(就算你覺得我吝嗇我亦要說的，不是為了錢的問題，而是原則問題，那位老闆真是一位奸商！有什麼理由在深圳買水果可以那麼貴！哼！)，我們便回家裡看「Good will hunting」這部電影。
到了八時許，我們便吃了蘭州拉麵，味道雖然很好，但實在辣得要緊。
晚飯後，我們又回家讀書了。



6月10日　星期三
我和fannie又講秘密，不是c0說的那種秘密，而是bobo說的那種秘密。哈哈~~~~~
其實也說不上是什麼，我只是說出我對神的看法而已。
就像Good will hunting那部戲的內容一樣，戲裡講述一個自我保護主義很強的男仔，如何釋放自己，讓別人走進他的心窩裡。最感動的位置不是結局，而是當sean跟一連說了幾句「it’s not your fault, my son」的時候。當sean對說damon第一句「it’s not your fault, my son」的時候，damon回應「I know」，sean接著說「it’s not your fault, my son」，damon繼續回應「I know」。如是者，sean一連幾次對damon說「it’s not your fault, my son」，最後damon終於哭了。我想當damon回應第一句「I know」的時候，他心裡還是不肯接受sean的關懷，他亦不願承認自己有問題。直到damon哭了出來的那一刻，他內心才獲得完全釋放。內心獲得安祥是十分幸福的事。其實我也是一個自己保護意識很強的人，我不喜歡向別人表達我內心的感覺。不過，現在我正在努力的尋找中可以讓我獲得安祥的東西，只不過我並不知道我應該向「人」尋找，還是向「主」尋找，或者兩方面都需要。

>>June 13, 2004 at 12:35:23 PM GMT+8

2004 年 6 月 5 日 星期六 【晴】

extremely tired.
nothing more to say.
couldn't sleep well tonight.

>>June 6, 2004 at 12:36:42 PM GMT+8