2004 年 8 月 27 日 星期五 【陰】

又是寫日記的時候.
今天天氣很灰, 就如藝墟reg的會員人數一樣, 那麼灰.
今日會員人數有四十多個jar, 比起往年八十幾人真係差好遠...
不過好彩0係招收會員的時候, 我運用我的美色, 最後都招到好多狂風浪蝴, 拍得住kevin 0個屆. 哈~
不過唔緊要啦, 最緊要係我都知道大家盡左力既, 國是係點, 大家都好明白. 有咁既成績都唔錯架啦, 其他學會都係招得上年的一半, 所以我地都不算差. 尤其係當地理位置不佳的時候, 有咁既成績, 我都知道大家都盡力. 可能係我地面皮唔夠厚啦, 所以唔會硬拉人入會.

夜晚到旺角同fannie慶祝生日...又影貼紙相, c0 好灰囉, 俾d野獸遮住左...唉

今日好開心

>>August 28, 2004 at 12:03:45 AM GMT+8

2004 年 8 月 25 日 星期三 【晴】

又寫日記了.
well. jambon同barry是什麼意思呀~哼! 都怪你地唔黎留意, 搞到我呢個日記website就黎倒閉咁濟.
好吧. 讓我說說這幾天又做過什麼啦.
教仔女reg科、買東西、行街、教琴、整國是野、收到向真的名信片、復見我可愛的家姐sabrina、約見中同…
藝墟又快到了，又是頭痛的時候了，都不知道自己的攤檔搞成點先好，又白忙了一番…不過今次唔理得咁多啦，盡力就可以了，目標係一百個會員。喂，仔女呀，如果你地孝順的，藝墟那天返黎做我地國是學會的會員啦~你阿爸阿媽為左個藝墟都放左好多心機落去架啦~俾面啦下~哈~~
to fannie和jambon，無論情況有多壞都好，你地不嬲都係咁堅強，所以你們都要撐著，因為你們是家中靈魂之柱，不可以輕言倒下的，尤其是jambon呀，你好渣，咁就病左，哼！
to jerry，忘了跟你道別，對不起。隻身去外國讀書是需要很大的毅力同決心，為左自己的理想，努力！
to bobo，add oil together!
anyway，everybody，cheer up!

>>August 25, 2004 at 8:58:11 AM GMT+8

2004 年 8 月 20 日 星期五 【晴】

終於有返d 精神打日記. 篇幅不會很長, 但句句都是心底話.
今年政政系班freshmen條件不差, 我所指的條件絕不是外貌方面, 而是入學的分數, 不是兩條a 就是兩條b... 比起去年實在太厲害了.
不過高考考得好並不代表思想發達, 一個二個看上去都很academic, 一點朝氣都沒有, 把本來充滿活力的政政系變成一潭死水, 我真是有點心痛. 幸好, 我組的仔女並不是這一類人, 他們一個二個都是很有活力, 很主動, 很critical的一班癲人, 比起我更有過之而無不及, 而且更把阿wing媽拋離十萬丈遠, 可想而知, 我班仔女係幾咁突出的一群, 所以我真係為呢班仔女感到驕傲架~ 日後係點, 真係要靠佢地自己食糊先知啦.
講左咁耐, 我都未介紹自己d仔女係點樣樣, 我地有很健碩的風帆港隊阿文、也有外貌似楊千嬅的阿文、玩得飲得又跳得的朱咪咪peggie、拍過時興隆廣告的top sales jacky、個樣很似日本陶瓷娃娃的Cirkie、外貌似我契妹monmon的Katrina、仲有兩個好乖的仔仔ck 同埋魚皮, 雖然佢地比較靜, 但佢地都好斯文大方咁體諒我地的癲, 同埋佢地兩個0係camp入面都好孝順爸爸媽媽, 所以佢地絕對係一等一的乖仔!!!! 最令我感動的係第三日, 其實那天早上我同fannie都發生左好多事, 所以0個日成朝的心情都唔係咁好, 好易發脾氣. 但係班仔女都take care 我地, 到食宵後買酒飲的時候, 又好體諒我的處境, 唔買返hall 飲, 大家去左mmw 吹水, 其實0個時我真係好感動...成班仔女雖然癲, 但佢地都好有分寸, 好乖.
不過今次的o camp我有d失望, 因為自己未好好同d 仔女傾計, 未同佢地分享讀大學的感受, 讀政政的感受, 未盡好做媽媽的責任, 實在令我過意不去.
第一日同班仔女玩的時候, 我都唔係好習慣, 因為佢地實在太deep啦. 我本身份人好矛盾, 我俾人的感覺好似好玩得, 但實際上我係好斯文. 所以第一晚我未係好適應. 身為大組長都唔出聲...唉...失敗. 之後幾晚, 我個喉嚨開始唔舒服, 把聲開始沙左, 所以唔無乜點講自己野lu, 變左少左機會同自己組仔女傾計, 未有機會等佢地了解我, 所以0係呢度我有d失望. 不過唔緊要啦, 以後仲有兩年的時間同佢地交流, 而家最緊要係呢班仔女收到我地幾個俾佢地的message, 以後條路點行, 真係要靠佢地自己啦, 我地幾個擔心都無用.
anyway, add oil!

>>August 20, 2004 at 3:10:28 PM GMT+8

2004 年 8 月 12 日 星期四 【晴】

本來今日嚴重聲明大家有乜事, 呢半日都唔好搵我, 俾我抖下.
跟住頭先jester打電話, 本想頹頹地回答, 但見佢好有energy咁趕起張國是會員咭設計, 唉... 一方面我好感動, 好似都俾埋energy我咁去起身做野, 另一方面我又好慚愧, 自己又渣灘...
嗚...但係都係唔得, 我要訓覺.
今日未開會前, 都唔好黎打擾我! 嚴重聲明呀!!!

>>August 12, 2004 at 1:54:52 PM GMT+8

2004 年 8 月 12 日 星期四 【晴】

成日練舞搞到成身腰酸骨痛...
終於都有半日時間停下來抖抖
十點先訓醒....已經好過分
今日要渣半日灘
有咩唔好黎搵我....過埋呢半日先...

>>August 12, 2004 at 10:28:50 AM GMT+8

2004 年 8 月 4 日 星期三 【晴】

尋晚練舞, 今日起身周身腰酸骨痛.
仲遲起身添...唉....好累啊

>>August 4, 2004 at 9:58:24 AM GMT+8

2004 年 7 月 30 日 星期五 【晴】

這幾日的生活就是差不多日日在中大打滾…
一個學會有很多的行政東西要做，那些東西不複雜，卻需要付出很多的心機、時間，而莊員卻是不能察覺的…
藝墟、相展、書展、交流團、聯校內研、會刊…自己雖然所做的不多，不過心理壓力卻是不少，很擔心愚笨的自己未能把活動搞到最好，很多時有心而無力，最後意興闌珊…更何況我還要顧及國是生存之道的問題，傳統與變革之間，很難抉擇，令人煩惱…
還有迎生營事宜，雖自己付出不多，心理壓力都很大，很擔心自己大組長這個角色會做得不好，很擔心自己不能做到一個好媽，還有很多很多的擔心…
很想每天專心讀書、很想能抽空陪家人、很想能抽空與好友相聚…但每一次都是以"你家住在中大"理由被人扼殺私人空間，我想說我自己也有自己的事要做，難道不是嗎﹖
不過我知道還有人更願意無怨無悔去做，不捨不棄地do，那就是…偉大的…神
哈哈~~~~

>>July 30, 2004 at 9:02:53 AM GMT+8

2004 年 7 月 29 日 星期四 【晴】

"中國共產黨之能得一黨專政"，其中之理據何在？身為中國最大黨派，亦是惟一之執政黨，何以其黨紀未見完善，黨內貪污舞弊情況屢見不鮮？為了讓各同學加深對中國共產黨之認識，國是學會特為各位準備一聯校研討會(包括港大、城大、浸大與理大)，並邀請廣東社會科學院教授與各位作一詳細討論。

是次活動將於二零零四年七月三十一日(星期六)下午二時至五時三十分於香港城市大學舉行。各有興趣之同學請於該日下午一時四十五分於城大圖書館門前集合，屆時將有專人帶領前往會場

邀請嘉賓對象： 廣東省社會科學研究院教授

主題 ：中國共產黨

內容 ：
中共執政的合理性
一黨專政的原因
民主集中制的時代意義(在民主全球化的趨勢下，民主集中制還合時宜?) 中國黨政不分的原因
中國民主改革的進程
黨員腐敗的成因與反腐敗機制的成效

>>July 29, 2004 at 12:27:27 PM GMT+8

2004 年 7 月 24 日 星期六 【晴】

在這個世界上，大多數人每天渾渾噩噩過日子，對周遭的事物一點也不感到好奇，你知道為什麼嗎﹖
對這些人來說，世界已經變成了一種習慣呀!

>>July 24, 2004 at 12:02:29 AM GMT+8

2004 年 7 月 23 日 星期五 【晴】

"一個小孩坐在沙上建築沙堡。每建成一座城堡，他就會坐在那兒觀賞一會兒，然後舉手將它敲掉，重新建立一座新的。同樣的，時間之神也有一個玩物，那就是我們的地球。……時間如同一陣大風吹襲我們，把我們捲走，跟我們融合在一起，然後又扔下我們。就像變戲法一樣，我們人類被變出來，然後又不見。我們周遭總是有著某種東西潛伏著，伺機取代我們。你知道為什麼嗎﹖因為我們並不是站在堅實的地面上—我們甚至不是站在上—我們自己就是一團法。"

>>July 23, 2004 at 11:05:48 PM GMT+8