| 日記 | 日記主簡介 |
||||||||
2006 年 6 月 25 日 星期日 【晴】 
頭先掛住寫日記唔記得左晾衫添... 搞到差唔多無太陽先晾... 
去吧 沒什麼了不起 
欣!! 第一 :::: 今日一ONLINE你第一句係又嚇親的! 
未試過呢D情況! 完全唔識處理........... 勁驚........................ 唉 好灰! 第二 :::: 我越黎越愛你! 一矢中的!! 爆晒啦....愛死你! 
好眼訓... 死啦! 熊貓眼纏身呀! 
小豬+祖兒...
哭到微笑便痛快 =\ ... shit !! 點解我成日都可以唔小心咁將一個full既煙灰缸推落地下架?! 激死了! 
>>June 25, 2006 at 6:07:48 PM GMT+8 2006 年 6 月 24 日 星期六 【晴】
豬文係將我沙灘個篇日記接近原裝咁COPY落自己日架! =___=" 比同一隻蚊纏擾兩日... 最後佢係死係我手 
約左匡同jasmine... 因為好耐無見過賴~ 所以諗住叫埋佢出黎... 打比佢先知原來今日係佢生日喎! 時間啱啱好! 哈哈! 生日快樂 
11點出到旺角... 但係鄧匡志竟然打黎叫我行返去油麻地吉野家...! 勁熱... 
行去油麻地既途中...見到西熊!! 不過佢見唔到我! GOOD! 勁! 預感中唔晒! 不過都中一半! 中唔晒... 有幸有不幸。 去到吉野家見到嘉靜都係到~ 同佢地係到坐左一陣~ 繼續狂影相!! 跟住匡就同嘉靜去搵強食野~ 我同阿賴同JASMINE就上cafe等佢地~ 之後阿匡同埋強上黎 不過嘉靜就走左嚕.... 係到玩UNO~ 之後又係到玩"kum綿胎"~ 我同阿匡絕對係反應王!
之後就係到睇佢地繼續玩 哈哈 阿賴是慢的! =) 玩到CAFE收工...返家去了~ 係樓下7-11買左幾廿蚊野!! 有10個大口仔呀! 
雖然有D又重複左...不過都有好多我冇既特別版! 而家全部加埋特別版都係爭4個咋...! 普通版 ::: 阿根廷 & 英格蘭 特別版 ::: 法國 & 英格蘭 幾時開始我鍾意左草野??? ♥♥♥
烏拉圭的特別版 ::: 
照舊~ 趕得切睇半場VS墨西哥!! 阿根廷件波衫幾靚! 勁眼訓流晒眼水睇都抵的~ 
1:1 下半場臨尾個一分鐘阿根廷射入空門!! 明明無越位但係竟然比球證吹越位!!
好彩............. 加時賽7分鐘入返一球靚既! 無得追嚕... 2:1完場! 仲諗住有得睇12碼添... 睇完5點半!! 急不及待訓敎> <" 出街前在家自拍=]* 
瘦板匡.... 
令我諗起[我要做MODEL]**** 驚嚇度係十!! 
搞怪鄧匡豬!!! 
PHOTO WITH 嘉靜////JASMINE////匡* 
多風光的海島 一秒變廢土 長存在心底的傾慕 可會夠細數 每秒每晚彷似大盜 偷走的青春一天天變老... 夕陽無限好 天色已黃昏 本想去憑愛 去換最燦爛一生 想不到長吻 帶來更永恆傷感 夕陽無限好 卻是近黃昏 高峰的快感 剎那失陷 風花雪月不肯等人 要獻便獻吻。 活在當下!! 及時行樂!! 搞左咁耐! 我一真滿懷期待DOWNLOAD既全美模特兒! 竟然只係一早就係電影睇左既CYCLE 4!!!! 
知道之後狂搵CYCLE 6... 全都是沒有字幕的... 
如果英文好D就好了!!!!!!!!!!!!!!!!! >>June 25, 2006 at 6:03:23 PM GMT+8 2006 年 6 月 23 日 星期五 【酷熱】
勁熱!!! 萬里無雲既日子重臨!
靚靚日記 =]* 豬文話個日見到果個係水龍捲喎.... 
尋晚睇左半場巴西對日本... 點解日本入到1球既??? 
發左一個夢... 好恐怖 唔記得細節 但大部份情景仍在腦中 開頭我係到發晒癲咁搵介子 搵到... 唔係自己既介子。 跟住 唔知點解 我殺左三個人... 仲要 我鑿開幅牆 拎住d混凝土 想將比我殺死既個d人埋入牆。 好真實既夢 
夢入面有個男仔 一個好似civic既人 由頭到尾係到阻止我 我只係好似發左癲咁望住佢 最後 我訓係醫院 聽到係出面果個好似civic既人問佢 "究竟你心入面果個係邊個? 佢就黎癲架喇" 跟住講左幾個名佢都擰頭... 然後佢話 : 其實咁多個人都唔係 我個心入面個女仔叫海楠 有點兒好笑但又十分恐怖的夢。 第二次了... 係夢入面見到自己雙手都係血。 我若不癲 他朝還是會癲。 
唔好喊喇.... 眼腫了敷mask都難救呀。 喊得多係咪真係會盲? 我唔知。 但係 真係覺得好無意思 兩個人咁辛苦用時間建立既一切 信心 開心既回憶 屬於兩個人既野 原來 一下子就可以被破壞 消失得無影無蹤 可能係一個人既錯 可能係邊個都無做錯 點解唔可以小心d 唔好去破壞共同擁既野 被破壞左 可能永遠都彌補唔返 就算用幾多時間去build up 還是脆弱的 不過 講幾多喊幾多 還是愛吧 
god bless you baby* 沙堡壘 漫長夏季無聲告別去 影像記憶卻伴隨 海邊與他 愉快的似孩童鬧笑 去用細沙建起堡壘 為何無法讓美景暫停 為何無法避免掉眼淚 曾共有的快樂 純真感覺 瞬間竟沖散於人潮裡 放手的一剎 海都哭了 迴盪潮浪聲當中告吹 那天不知道 多麼堅固壯麗的 原來是個沙造的堡壘 秋季海濱潮聲遠去 只剩我足印伴隨 沙灘裡撿拾各色 貝殼和石塊 努力去點綴這堡壘 為何無法讓美景暫停 為何無法避免眼淚 曾共有的快樂 純真感覺 瞬間竟沖散於人潮裡 放手的一剎 終於哭了 迴盪潮浪聲當中告吹 那天他跟我 花光心血氣力的 同樣是個沙造的堡壘 連同夢也洗刷得粉碎 回頭沒法找半點根據 或者.... 哭乾眼淚都算是創舉。 無聊係屋企自拍 發覺個樣異常地殘!!!!!! >>June 23, 2006 at 7:43:15 PM GMT+8 2006 年 6 月 22 日 星期四 【晴】
久違了既日記
今日見到個日記可以load返勁開心! 即刻將呢兩日寫既日記post返上黎=]* 成個下晏就係到整個日記 開心***
唉...之前ppstream有得睇[人魚朵朵]個陣無睇到///* 好想睇呀! 震東媽咪死左佢竟然流出呢個真眼淚~ 唔 好可憐...! 海潮一拳打落震東到~ 震東一個轉身撻落地下~ 嘩! 至型係你啦! 繼續...電視去了~! >>June 22, 2006 at 7:57:22 PM GMT+8 2006 年 6 月 20 日 星期二 【乍寒還暖】
超級超級超級長既日記!! 尋晚打牌打到4點幾... 跟住又睇書睇到5點幾先訓... 今朝豬文9點幾嘈醒我! 跳上黎係咁叫我起身... 嘈醒我之後佢係繼續訓返!!
隔左陣又再訓著... 不過訓左一個hrs就起身嚕~! 即刻沖涼預備今日既沙灘之旅! =]* 沖完涼同豬欣傾電話既時候都覺得個天陰陰地... 不過係唔會更改行程架! 1點幾就同豬文搭車出旺角等欣仔~ 欣仔話深水埗勁大雨囉... 唔理!!
去到筲箕灣照舊係惠康買野搭車食~~!! 仲買左3寶添...! 一買完就即刻有車嚕... 入到去同欣仔買拖鞋同褲仔.. 初頭去第一間士多... 睇左好耐D拖鞋都唔啱... 見到一對ok不過$100 唔抵囉覺得~ 最後係個到租左locker同埋買左褲~ 同欣的一樣~ 不過我買左粉紅佢買粉藍 
去隔離既士多睇拖鞋~ $10而已!!! 唔靚都抵!
就係咁買左對豬仔拖~! 又係同欣的一樣不過我係粉藍佢係粉紅
換衫去玩~ 狂搽防曬! 嘻嘻*** 1年無掂過海無掂過沙! 個種興奮簡直係無得用言語黎形容 
係到玩緊個陣見到海面好遠有好似龍捲風既野! 欣就話係水龍捲! 但係如果係得水龍捲就好嚴重囉!!
仲係到研究緊個陣佢就愈吹愈遠嚕.... 隔左陣又見到彩虹!! 印象中咁大個都好似係第一次真係見到彩虹咋!! 初頭好曚不過愈黎愈現... 靚! 
呢個時候佢地就話見到出面白曚曚好似落雨咁... 我地諗住可以玩多陣...不過講完就落雨嚕即刻... 仲要係勁大雨.... 今日真係見到好多自然景觀! 好似係到上geog堂咁~ 哈哈* 見到d人跑黎跑去避雨覺得好好笑... 黎得沙灘落得水玩~ 都濕架啦~ 既然都濕左 , 點解仲要避黎避去呢~ 
諗住去租左locker間士多到沖身換衫~ 點知佢d態度係勁差囉! 又話我地整濕個地! 又話要比錢先可以沖涼! 明明沖緊都比佢拉左出黎! 勁嬲!! 玩完返黎梗係濕架啦! 比得d客係到沖身都濕啦! 要比錢又唔講! 又唔係貴! 好禮貌d都唔得既! 幫襯之前就勁好禮貌! 幫襯之後就勁鳩! 勁黑人憎!! 以前去個間都唔會咁! 以後都唔會去呢間!!! 
等緊欣仔沖涼期間同豬文係到喪連環拍!
之後諗住同欣仔出油麻地食野...文仔就上大陸搵eric~ 由於文仔趕時間我地就一改平時搭巴士既習慣~ 見到有小巴就上~! 竟然就係呢架小巴到發生左今日最嬲既野..!! 臨走時拍的! =]* 
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 係小巴到豬文暈陀陀咁訓左... 我同豬欣就係到玩電話~ 跟住差唔多到個時... 有d人落車... 但係擾攘左好耐都未開車~ 因為我坐係入面初時我都唔知咩事...[玩電話中///*] 跟住問欣佢話個女仔比完錢跌一跌左個紙袋落地~ 之後就話唔見左個銀包! 係呢個擾攘左好耐既時候司機已經好大聲咁講 "你地落到筲箕灣地?先搵 落到去我停低比你地慢慢搵!" 個女仔就同d fd就落左車... 留低兩個男仔係車到幫佢地搵... (其中一個是黑衣的!) 呢個時候後面有人係到講~ 頭先佢咪擺返個銀包落紙袋囉~ 個兩個男仔係咁搵~ 個司機就係咁講"我開緊車架 落到去你地慢慢搵啦" 唔知邊個嘈起... 個兩個男仔同我地d乘客係到嘈起上黎~! 豬文好燥底咁話搵唔到報警丫唔好係到嘈! 初時以為豬文係趕時間所以燥~ 後尾先知原來之前黑衣個男仔一野推開李慧文搵個銀包~! 到埋站個時佢地都未搵到~ 係咁係到叫d人 "唔好走呀你地!" 無人理佢地我地都落車啦~ 點知佢係咁叫住我地唔好走! 有粗口的! 呢個時候有兩個頭先係同車既男仔走過黎叫我地唔好理佢地快d走~ 轉個頭個兩個男仔就走過黎話係"我同欣"個位搵返個銀包! 但係入面唔見左錢~ 係$300囉! 跟住唔比我地走! 係到狂打電話叫d fd黎! 又係到話咩你地唔好走呀我d人落緊黎架喇個d~ 係到嘈左陣我地話懷疑既咪報警囉! 欣仔係呢個時候已經打緊999! 跟住佢地又打電話問人"佢地報警喎!" 之後好似驚蝕咁又即刻報警! 於是就企係MTR A2 出口到等d警察黎! 個兩個男仔d fd 同唔見銀包個女仔又黎埋! 唔知嘈咩跟住佢地就話 對話 :::: T=佢地 W=我地 W : 如果係我偷既我即刻落去禁返double比你都得呀! T : 咁個$300係咪你地做雞比返我地呀! W : 你無野呀 $300洗唔洗做雞搵呀 而家個身都唔止啦! 跟住... W : 如果係我地偷既話我地唔會報警囉! 唔見銀包個女仔 : 點知你地係咪偷慣偷熟扮無野呀! 吹雞囉! 從佢地既說話我完全唔覺得佢地有腦可言囉~! 講D野又難聽! 無腦的白痴仔! 之後d差人黎到~ 見到我地咁多人所以話要叫多d手足黎~ 唔係"我地"多人囉~ 我地就係得3條女~ 仆街"人地"講緊就6個人~ 唔知點解要咁那多囉~! 跟住又多左幾個軍裝同埋便衣~ 個便衣原來係反黑~ 佢一黎到就對住我勁惡咁講 "著牛仔褲果個過黎!" [啱啱同欣玩完電話///*] "拎過電話黎!" 跟住問我 "你頭先打比阿lee呀?" 呆晒囉~!! 跟住原來係有人話我自稱三合會會員~! 唔怪得之個反黑係勁惡囉對我~! 不過之後佢都話~ 其實我地做反黑 邊d係target心裡有數~ 最爆笑既係... 個反黑係到睇我個電話record... 見到"豬文"我指住文仔都無野... 見到"豬欣"既時候我指住欣仔... 佢係停一停 問 " 你就係"豬欣" ?? 無既~ 一聽到我同豬文做緊野, 都唔會貪你個$300啦下嘛~ 睇裝束 唔知邊會似三合會會員囉~ 佢地就似智慞人囉我覺得~
跟住搞左勁耐~! 我就由換衫個陣開始勁想去厠所! 諗住去到筲箕灣可以去又搞d咁既野! 一睇到佢地d身份證~ 智能身份證都未換~ 無腦既小朋友! 最白痴既係佢地竟然同d差人講話佢地係車個兩個fd見到我地偷~ 偷完放返個銀包落地~ 稍為有腦既一諗就知如果佢地係見到我地就斷正左啦! 仲會有機會拎完錢放返個銀包落地下既! 白痴!!! 之後d差人同我地同佢地講野既語氣都唔同晒~ 我地都無咩理佢地個邊搞成點淨係係到狂自己3個玩~ 
間唔中就聽到d差人同佢地講 "你地為$300搞咁大?" "你地知唔知報假案要坐幾耐~" "你地有證人可以無證據既? 有證人就當場捉住佢地啦~!" 見到佢地個樣係勁唔忿氣囉~! 隔左陣我地就攞返個身份證可以走~ 佢地就繼續慢慢唔忿氣囉~ 最無聊既係~ 屈我偷$3000 $30000 都好d $300 ??? 侮辱左囉~ ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 足足搞到9點~ 文子都返唔成大陸喇~ 於是我地就一齊出去食野! 叫左通菜! 炒蛽! 田螺! 仲有雞粥
勁開心
煲雞粥好好食啊.....回味無窮 
之後行左一陣廟街... 買左一人一條腳繩 買埋比豬芳添!
跟就行左去佐敦送欣仔搭車~ 我同豬文就唔知行行下行左去邊搭的士.... 返到屋企勁攰嚕..... 
>>June 22, 2006 at 5:57:28 PM GMT+8 2006 年 6 月 19 日 星期一 【晴】
明明打晒既日記無晒! 又要再打過! 仲要係趕住睇電視!
要快d打至得了! 尋日係爸爸日... 原本諗住返去飲茶.. 不過懶訓... 起唔到身! 一起身就返去吃飯了~ 果然...勁比人話無心肝! 竟然唔同佢地飲茶 > <" 食完飯之後陪daddy睇左場波~ 日本對克羅地亞~ 0:0 和波收場~ 無咩大驚喜....
日本是註定出局了~! 應承左決賽返去陪佢睇! 之後就落左樓下同匡仔傾計了~ 天南地北 無所不談~ 回復兩年前既光景! 勁開心! 滿足!
柒匡係將"支離破碎"講左做"破離支碎"的!! 仲有....."個炮台射爆d鑽石" 經典中既經典!! 非一般人可以明白! 哈哈!! 傾到3點幾!! 原本仲想傾落去的.. 不過我地比d蚊同埋甲曱包圍!! 勁驚....
撤退去了 哈哈~ 返到屋企仲趕得切睇半場南韓VS法國!! 臨尾10分鐘南韓一球追成1:1 型晒!!
匡仔叫我今日出去同佢同阿賴阿ling食飯! 其實都想去...因為太耐無見過阿賴了! 不過... 最後都係決定留守係屋企!! 留返d體力聽日!! 期待己久!! 希望唔好落雨唔好太晒啦....!! 1年了...... I AM COMING !!
終於打返呢兩日既日記嚕! 要繼續我既電視之旅喇!! 痛...........* >>June 22, 2006 at 1:31:02 PM GMT+8 2006 年 6 月 17 日 星期六 【晴】
５６件香港人做過的無聊事 豬文都有32樣啊!! 哈哈哈哈=]* 尋晚MSN完之後其實真係有d唔開心...
今日原本係約左晶... 不過佢竟然話要食飯!! 期待的蛋糕沒有了... 
唉! 你唔愛我了! 晶係講得啱! 我係要太陽落左山之後先活動...
夜晚約左久違了既大順同埋親愛既kina!! 叫埋芳仔同豬匡出黎打邊爐去了! 比鄧匡志呃左...! 原來"福星"已經執左...! 等我同豬芳仲係女人街不斷來來回回咁搵
原來佢一直話上個禮拜見過... 只不過係酒樓未拆既招牌囉.... 我渡過16歲生日既"福星"變左"皇雀會"... 唉... 物非人非~ 知道"福星"執左... 我地就去左金雞睇下有冇得打邊爐... 不過要9:30之後... 跟住就去左創興.. 又係4樓!! 約鄧匡志8點佢係準時9點到架!
SHIT! 原來我係唔識震"利"架..!! 陸續係到玩D低能遊戲哈哈~ 同大順頭撞頭囉係! 11點幾打完邊爐就同PERRY BOBBY KINA去左睇X-MEN! 勁型既暴風女神!! 我崇拜死你了!! 一反白眼跟住跳起~ WO COOL!!
不過狼人最後好慘....> <" 
今日真係勁開心... 見到KINA同大順!! 
你地永遠都係我心目中最好既一對。 >>June 22, 2006 at 1:30:48 PM GMT+8 2006 年 6 月 16 日 星期五 【晴】
５６件香港人做過的無聊事 呢56樣無聊事, 晶係做左42樣!!!! 而我..... 係有36樣! 我們都是無聊的
但我十分享受無聊
５６件香港人做過的無聊事******* １．玩米缸，將手插入米缸裡面o既米裡面篤下篤下。 ２．在百貨公司入面篤扶手電梯旁的吊牌。 ３．地下有階磚時，特登隔一格一格o黎行，不可踩界，要完全在格內。 ４．用錶面反射陽光，照o黎照去。 ５．跳樓梯(愈多級愈勁)。 ６．行路上高起左地方，例如高起左o既長條型石壆，好似玩平衡木咁行 法。 ７．鋪張紙在硬幣上面，然後用鉛筆係上面油，油返個形出o黎。 ８．食完瑞士糖之後，將糖紙包番個原本四四方方果個形出o黎。 ９．超級市場踩住架購物車o黎行。 １０．踩水”tum”，係好特登果隻。 １１．吹口水波。 １２．搣牆上的乳膠漆或牆紙。 １３．o係平滑o既地面上面”冼”下”冼”下咁行。 １４．整濕o的紙巾，掟上學校廁所天花頂。 １５．食完綠箭香口膠，一定摺返成張包裝紙，再放返入個大套入面。 １６．響課室玩俄羅斯輪盤，將玩粉刷霑滿粉筆粉，放係風扇上面， 等個風扇轉轉下，轉得快個時飛出o黎，睇下個粉刷中邊個。 １７．放膠袋(當風爭咁放)。 １８．去後梯執咸書睇，張睇完的咸書撕開飄落街。 １９．貼張龜仔紙嚮o的同學背脊。 ２０．踩人地個影。 ２１．狂踩人地對白飯魚，尤其是大肥仔果o的。 ２２．用幾條橡筋射。 ２３．掉人地門口的拖鞋落街。 ２４．拉消防喉，射水落下面個球場，睇下射到幾遠。 ２５．擲水彈。 ２６．用氣鎗射街上的途人。 ２７．玩千揪，”fing”到咁上下就飛出去鬥遠。 ２８．.落樓梯時坐係o的扶手上面”sir”落黎。 ２９．在自動梯行相反方向。 ３０．把”誤投信件”或沒有用的宣傳單張，胡亂放入其他的住宅信箱。 ３１．坐地鐵時，抓緊中間的扶手，地鐵一開動博命繞住轉。 ３２．在月台上鬥快跑。 ３３．帶玩具返學。 ３４．用圖釘弄穿學校壁佈板。 ３５．亂按人家的門鐘，然後鬆人。 ３６．明知過了三歲，仍然不買票，”捐”地鐵的入/出閘機。 ３７．用改錯水(很舊的有一個掃那種)附送的天拿水，搽在手上。 ３８．在井字型公屋中間的大天井中放紙飛機，或者放紙青蜒， 看看誰放的紙青蜒最慢由廿幾樓落到地面。 ３９．煲蠟。 ４０．把汽水罐靜雞雞放在校車的車輪下攝住，開車時把它壓扁。 ４１．圍閹 ４２．呵尿時出力射走 D 屎積 ４３．將紙碎或者紙飛機撒落街 ４４．將bubble紙氣泡逐粒”鏈”爆 ４５．o係屋企走廊玩壁虎功 ４６．走到開動緊電風扇面前:「呀~~~~~~~~!」 ４７．用間尺好似 “搖搖板”咁彈起舊擦膠 ４８．寶貼當泥膠，用間尺整ｐｉｚｚａ ４９．係屋企撩鼻屎然後抿落牆 ５０．將ｄ擦膠碎用尺切粒粒 ５１．膠水搽係手/筆盒上 , 等佢乾之後成塊撕出黎 ５２．洗手時用手頂住個出水位，用Ｄ水去射周圍Ｄ人 ５３．同隔離位鬥快開哂筆盒ｄ機關 ５４．飛拖鞋 ５５．特登將飲完的紙包飲品吹脹然後放在地上，大力地踩爆佢 ５６．用泥膠塞電制/電話插蘇 其實我覺得我地係到數咁多樣無聊野我地做左幾多樣已經係非常無聊既一樣野! 哈哈哈哈 XDDDDDDD ＊*＊*＊*＊* 我對眼就係最好睇既地方!! 知道未呀KENJI HONEY!!!!!! >>June 16, 2006 at 7:41:29 PM GMT+8 2006 年 6 月 15 日 星期四 【晴】
12點///* 未清醒地接到意外的一個電話 Macy打黎叫我過亨達跟佢..... 其實成日都心思思... 不過 總係有d心理障礙... 最近見左幾份工 都唔想做 Macy又係呢個時候打黎 真係好fit timing.. 但係又好多野要顧慮喎! 唉! 好煩! 好耐之前同cherie傾過... 如果係過亨達既話佢想我跟阿Ben... 但係我就唔係咁想跟阿Ben 何況Macy而家打黎.... 我知道 Macy會比到我想要既野 睇黎瑞士銀行個到我都唔會做架喇... 亨達... 又要認真諗下! 唉.... 
太多時候 我寧願比自己既唔甘心埋沒 點解我要甘心 係咪? 又係聽[外面]既時候... 闖出去我就可以活過來....? 尋晚同欣仔傾左幾個鍾電話! 好耐無嚕! 滿足
唉 估唔到... 連欣都ban我 真係估唔到!
醒晒啦! 好需要朋友們 coz i am so weak 謝!*
↓  ↓
晶 :::: i like this pic q and look seems nth to worry 嘻嘻 xDDDDDD* P.S 其實呢張相係影得個眼袋好大架! 哈哈 ↓ 勁驚嚇!! 一定要去睇下!!
按此連結!! 有d女人真係好識運用自己係身為一個女人既本錢 曾幾何時 我好羨慕呢種女人 任何時候都有利處既女人 然後 逐漸發現.... i want to be better............... than you and i must be >>June 15, 2006 at 6:39:44 PM GMT+8 2006 年 6 月 14 日 星期三 【晴】
WA...今日好似又開始熱返喇..... 今日miss tai msn既開場白係100分驚嚇!! 佢竟然問我係咪同阿匡拍拖! 佢講完之後又自己覺得呢個笑話好好笑係到笑喎! 哈哈哈哈!! 佢竟然睇錯係阿匡日記既阿ming係我! 又睇錯阿ling送比匡既公仔係我送! 張相咁細張睇錯都情有可原! 但係隻公仔匡已經寫到明係"玲豬"送! 佢點解會睇唔到個玲字而覺得係我呢???? 笑爆咀!!!! 嘩哈哈哈哈!! 佢以為呢個笑話好好笑! 不過又真係幾好笑既! 哈哈! 尋日見工個到打左黎... 做唔做好呢.... 同佢講左考慮兩日... 要認真諗下至得喇...! how come ???? 我既America's Next Top Model ! 完全停了... /___\ i want it very much !! 故作輕鬆? 哈! >>June 14, 2006 at 7:28:32 PM GMT+8
|
|
Mana, 生日快練先。
<br人氣: 28559
Design & Scripting by ShowHappy.Net