| 日記 | 日記主簡介 |
||||||||
2006 年 8 月 7 日 星期一 【晴】 
今日macy開會話年尾會升一個senior或者經理... 當然 如果有其中兩個成績都好既話 有機會升兩個 但係 先當佢得一個位。 唔係志在必得 不過 我唔會容許自己失敗。 黎緊既日子 真係要好博好博至得...... 雖然 儘管如此都係有機會會失敗... 但係點都要博左先.... 同豬文去了燒野... 見到係路邊既灰燼.... 我好唔捨得"你地"。 收唔收到啊...? 點解? 呢個稱呼已經唔應該係我.............。 >>August 7, 2006 at 9:58:15 PM GMT+8 2006 年 8 月 6 日 星期日 【晴】
天光先訓/// 但係11點就比ERIC嘈醒左...! 再訓.... 原本今日同MACY去踩單車... 不過睇黎大家都去唔到架喇! 呢兩日既假期係到諗個客會唔會入$$$...!! 還未去看魔盜皇......> <" >>August 6, 2006 at 8:05:06 PM GMT+8 2006 年 8 月 5 日 星期六 【雷雨】
原本尋日去成班同事去MACY屋企+去流浮山食海鮮的~ 不過改左下個星期.... MACY4點多打黎問我有咩做.... 原來佢同RAY吵了.... RAY又唔肯哄返佢 
開頭諗住出去飲野... 點知傾傾傾傾電話傾到9點....! RAY已經死死氣地狂哄返MACY嚕~~ 最後同左MACY RAY PERRY出去食飯~ 去左打邊爐好出名既"力奇火鍋"~! 一入到間野已經聞到D湯真係勁香////* D材料都好新鮮~! 4個人係到傾傾傾~ 都無咩食到野
傾到點幾~ 之後又去左TST飲野.... 170任飲! 抵啊! 不過無芝華士個d~ 淨係得whisky... 都ok啦! 開頭大家都在玩骰盅~ 不過玩下玩下我同MACY都係變返講公司D野... RAY同PERRY就唔理我地唱K嚕.... 5點... 醉醺醺地回家了.... 今日同MACY真係傾左好多野... 其實都好開心..! 唉 呢個世界邊有話"一定"架... 做好自己.... 如果生意OK既話 希望半年至一年可以升到senior或者經理..... >>August 6, 2006 at 8:04:53 PM GMT+8 2006 年 8 月 4 日 星期五 【晴】
今日收到電話說電腦無得整 一定要放棄所有資料 真的超想喊 是用再多錢也買不到的"過去" 逼著要放手的也輪唔到你來話唔放 晚上8點半從公司出發到荃灣見客 在地鐡上忍唔住哭了.... 10個月了.... 沒有再踏足過荃灣 剛出地鐡站 以為係好陌生既感覺 連路都好似唔係太認得 之前幾多安慰自己既說話都係自欺欺人 一步一步行 先發覺我面對唔到 好驚好驚會見到佢 好驚 每一步 都覺得你會係前兩日 什至可能係岩岩經過 而我地 以前有一段好長既時間每日都會一齊行過呢每一步 我知道要見客 以為可以控制到 抖唔到氣 窒息既感覺.... 在街上就狂哭了起來。 打比豬文 同時亦隨住就黎到見客既地方逐漸冷靜下來.... 個客竟然約我係一間我地以前成日去 影左好多已經無晒既相既餐廳等 我以為好大機會會放我飛機既客竟然無放我飛機 就坐係以前我地坐個張枱隔離 見完。簽左。15萬。說星期一入錢。 竟然真係 係一個有佢回憶既地方搵到我既客 可惜 未入錢 入左先真係叫做客。 係訊匯 我第一個見既客都係係荃灣 無簽到 然後九秒九跑過去搵佢 今次係享達第一個"正式"見既客 簽左 只想立刻走出荃灣。 超越累 沒有選擇回家 今日實在無辦法若無其事仲要扮好朋友傾計 留係荃灣只係一個多hrs 已經夠痛苦.... 不過.... I really proud of 豬文叫我走 回家 我真係好想走 想搵個地方呢埋喊 喊喊喊喊喊 喊完就算 返去訓 不過我選擇左去見一個好大機會放我飛機既客 最後仲好冷靜咁簽埋返黎 對自己 對macy 亦算有交待。 我真係覺得自己好叻。 逃離荃灣既時候撞到利家聲~ 好慶幸係見客前用5min既時間強迫自己冷靜下來 不致係認識既人面前失禮 工作上 情緒係要不得 一年前做唔到 而家做到了 要得到我想要既野 我只可以一直咁樣落去... 無得逃避... 你係我心入面最大無辦法面對既一個傷口... 但係其實 "謝家文"呢個人係咪真係出現過? 係咪真係存在過? 定係全部都係我自己憑空想像既幻覺。
2006 年 8 月 3 日 星期四 【乍寒還暖】
隔著門聽到豬文既喊聲 好心痛 亦覺得好悲涼... 因為曾幾何時 自己都試過 >>August 5, 2006 at 3:40:02 PM GMT+8 2006 年 8 月 1 日 星期二 【晴】
尋日返工個陣見到ROSEMARY! 跟住今日係美孚街訪見到伍晃榮!! 
真人係完全唔認得...真人老好多! 走過去諗住叫佢幫我做訪問佢係咁擰頭喎 跟住突然就話 : 我唔知架我退左休架喇~ 我 : 哦! 我認得喇! 佢 : 你認得喇(微笑) 我 : 係啊一出聲就認得喇! 不過之後佢就走左嚕....始終都係無幫我訪問! 如果唔係... 唔知佢會唔會幫我做投資呢! 哈哈~ WO~ 佢把聲真係由細聽到大! 
腳斷....超攰呀~! 喂....幾時先返客啊???? 壓力一窩蜂湧埋黎啊.....!! 呢兩個肚都好似有D唔舒服咁.... 
周圍都係同你既回憶///* 我邊到避到咁多啊...? 可能我唔避 就係係呢D有你回憶既地方搵到我既客呢..! 咁都幾好丫! 哈哈 一千蚊.... 去KEEP返我地影既所有相 錢 我可以搵 但係以前所有既相係影唔返... $1000 赤赤地.... 都抵既! >>August 1, 2006 at 10:46:41 PM GMT+8 2006 年 7 月 31 日 星期一 【晴】
嘻嘻! 今日終於簽返"果個"客喇!! 
叫做搞點左一半啦! 雖然仲有d問題比較煩....不過我一定會盡快settle晒佢! 嘻嘻! 可惜個客聽日就會去大陸做野.... 要月中先返! 即係最快都要月中先搞得掂啦... 
如果今個月唔計呢個都可以返多個客就好喇...!! 唔關我事啦...做好工作就夠.... 至少 我有用錢買得到既快樂.... 狗男女! 我驚你地再大d會餓死啊! 
攰! 沖涼訓教! 聽日繼續努力! >>July 31, 2006 at 11:04:25 PM GMT+8 2006 年 7 月 29 日 星期六 【乍寒還暖】
anyone既朋友/朋友既朋友想進身金融界無任歡迎請打比我! WO同豬欣傾到早上6點!! 幾耐都未試過!! 
夜晚去左睇"龍虎門" 無可避免地係同漫畫有點兒出入...
甄子丹個頭真係... 有點兒那個.... 成日都見唔到佢同余文樂對眼!! 不過都ok既d功夫片段~!!  2000多元電費! 嘩真係有點兒那利囉....>>July 30, 2006 at 8:01:11 PM GMT+8 2006 年 7 月 28 日 星期五 【乍寒還暖】
今朝同豬文起身第一件事就係睇下會唔會係黑雨!!!!
車..... 黃雨而已 
仲要隔一陣就陽光普照.... 可以第一步改變我以後既客... 會唔會係你呢其實... 真係好想開到你... 1 年喇..! 之前費盡心思開到 d單錢我一張都無攞過。 還我個心願啦 ...! 前幾日打比其中一個客 佢個ringtone係"老鼠愛大米" d眼淚即刻浮上黎.... 爭d喊出黎..... 我愛你 愛著你 就像老鼠愛大米 不管有多少風雨我都會依然陪著你 我想你想著你 不管有多麼的苦 只要能讓你開心 我甚麼都願意 這樣愛你 "我記得有一個人 永遠留在我心中 哪怕只能夠這樣的想你" 工作真好.... 大部分時間都忘了想你 而家... 你係一d調劑 一個甜品 keep 住咁就好了...唔好有咩衝擊嚕... 以前短頭髮的豬芳和豬文現在都是長髮了 始終都係女仔=]* 很lady的豬芳....! 旁邊那個可愛的同事-----jason的字 :::: 吳生=吾生 范生=飯生 李生=梨生 朱小姐=豬小姐 深水埗=深水寶 哈哈! 得與失 我看得比什麼都重 很怕 很怕很怕失敗。 "明白我尚記得 甜蜜時盟誓 其實從未背棄" =]* >>July 29, 2006 at 12:50:49 AM GMT+8 2006 年 7 月 27 日 星期四 【乍寒還暖】
wo...今日要做街訪.. perry勁賤...知道要街訪就專登溜左去...
不過我都無心機做...於是偷懶了
同Perry阿Ben Mandy Tim 佢地去飯~ 首先由金鐘開始過去尖沙咀拎阿Tim架車! 點知佢架車係海運! 行左勁耐先到...我同Mandy著住對鞋勁痛
點解架車要泊咁遠呢!!! 之後我地就去左九龍城"黃珍珍"食飯~ 豬文放工過左黎搵我~ 不過佢盪失左路! 勁耐先黎到~ 初時豬文未到個陣阿ben佢地唔夠膽食野驚會食晒d野! 豬文一黎到佢地就狂食! 其實個時已經係食左一半...<
豬文話阿ben好似林敏聰.....哈哈 阿tim全程比人串///////!!!* 豬文係勁了解我囉!! mandy叫我食蕃茄 豬文同我同一時間講 ::::: 佢/我唔食蕃茄架 之後mandy叫我青瓜 豬文同我同一時間講 ::::: 佢/我唔食青瓜架 食到10點到我地就走嚕... 返到屋企勁眼訓.... >>July 30, 2006 at 3:29:40 PM GMT+8
|
|
Mana, 生日快練先。
<br人氣: 28559
Design & Scripting by ShowHappy.Net