2004 年 12 月 20 日 星期一 【晴】

HBV04-1216H

又海南島，真係要跟老豆所教咁，走去天涯海角大叫一聲『WHY ME！』
好彩今次係豪華團，食好住好，團帶得又舒服，又有機會游熱水池，好彩今次有帶泳衣，不過係康樂園玩唔到煙花真係有少少SIN左囉~

同團有個新人意為H41係D新人，點知係美麗華D老領，師兄黎。不過都好，叫一聲『師兄』又多過個人錫，出團有人照顧下，有人夾下餸，唔駛自己動手真係幾好，HAHA，不迥俾張咭片我得閒打俾佢？？真係SIN我電話費啦！！我悶既話都打左係 16 先啦，起碼值得先！

原來機場個ALAN遲我一日生日，即係廿三號，佢話如果到時我同其他同事興祝既話，叫埋佢出黎喎！！HAHA~

>>December 21, 2004 at 9:52:54 PM GMT+8

2004 年 12 月 15 日 星期三 【晴】

今日都唔知做乜，由朝到黑都俾老豆話，唉....好無癮......

食飯時返公司，竟然遇到謝培生，放工時又同一部LEFT喎！真係有緣呀！！太耐無見，真係有少少唔認得呀~HAHAH

依排真係無乜係屋企食過飯，次次都係出左街食，諗著都好耐無上過男友屋企食飯添~

>>December 16, 2004 at 12:24:37 AM GMT+8

2004 年 12 月 14 日 星期二 【晴】

今日同男友兩個人一齊返晏，約左食早餐，食完後本來男友諗著各有各走，但人地難得咁早起身一齊食早餐，行一陣街都得掛，之後只係過TM攞袋，一入到去就見到HURBURT，又見到BILLY HO，傾左一陣就走，但最後男友都係變左...........遲到，而我呢？就早左返到自己分行，俾個CONNIE WONG話我做乜咁早返到.....

晏晝同CHRISTY兩個人去左老豬食飯，話題離唔開狗竇依個問題。唉......

放左工，男友話TM燒野食，咪一齊去囉！男友都好耐無同佢地一齊玩過，但我最怕就係男友掛住去玩唔理我，最後得我一個人係到燒野食，係好耐之前，最憎就係依仲感覺。

燒完野食都成點鐘，同男友兩個人竟然由青山灣行左一個鐘返屋企呀！而且我地仲去左公園睇流星，好彩我地最後都好似見到一粒，但都好過無囉！！今晚好開心呀！！

>>December 16, 2004 at 12:18:26 AM GMT+8

2004 年 12 月 13 日 星期一 【晴】

經過一日喊到差d收唔到聲既日子，瞓左一覺，第二朝又係美好既一日，人始終都係要向前望，日子向前走，無論點都好，有d事情總算要去面對。

daddy今日不斷咁同我講『黎笑多d』，而且阿姐好溫柔咁同我傾左一陣，個個都好錫我，可能佢地怕我承受唔到掛。

>>December 14, 2004 at 12:13:06 AM GMT+8

2004 年 12 月 12 日 星期日 【晴】

喊左一日....將所有既眼淚都喊晒佢，個人會舒服d，多謝mil mil出黎陪我，真係好姊妹。而且又聽到班長既話，心情都總算平復d，但無諗過亦有冷言冷語聽到，好失望...

終於都鼓起勇氣走去mtr customer service到問佢地月台播緊果隻碟係咩名，點知個站長同我講起classical music，最後都係問唔到...

今日同mil 行左朗豪坊，去左試香水，原來咖啡豆可以有效去除鼻入面既香水味度，真係厲害，試完之後，先至發覺原來，其中一隻係師兄秋哥用緊架！
rush既味道好甜，好香，試果時又唔覺喎，但留係手上面既味道好好。

我覺得我男友唔識合用香水，因為我聞慣左佢身上彿牌既香味，屬於男友既味道

>>December 13, 2004 at 1:22:30 AM GMT+8

2004 年 12 月 11 日 星期六 【晴】

終於都去到第三日啦！感覺都唔同d，其實屯門分行d同事真係幾好人，不過對於經理黎既壓力就好大囉唔知點解...不過唔緊要啦！！都係最後一日啫，聽日又放假啦~

d同事日日都對住我講『2 x 3』『2 + 3』......佢地當左我係老虎仔樂園入面既.....
咁佢地應該加多一句啦！『xx，唔好食啦！快d計數啦！』

好！放工，過奧海城接男友放工，嘩！車錢好貴呀！不過係等車途中聽到首歌，好鐘意呀！唔知叫咩名呢？好耐無試過同男友食完飯之後仲有咁多時間行街街，真係行到腳痛...不過就好開心....想日日都可以咁開心(亦都希望我既心情可以日日都咁開心)

聖誕既日子係我同男友相識既季節呀！所以好鐘意聖誕呀~

>>December 11, 2004 at 11:49:56 PM GMT+8

2004 年 12 月 10 日 星期五 【晴】

又一日返晏，真係唔鐘意依d time table，以前做sale時就好憎返得咁晏！時間又難過，又夜收工喎！！好容易餓死架嘛！真係吖~

今日係分行終於都見識到十哥既利害，明明個客係搵李生...都未見過d人可以改名換姓咁主動搶生意，依d咁既同事真係....

『你好，永安旅遊，姓楊既有咩可以幫到你？』.....『你好呀！楊小姐，你派左團喎.....海南島四天』....點解又係海南既？？

點算好呢？聖誕又到啦....今年送咩好呢？？好頭痛....

屈臣氏門口隻鹿仔搬左...好掛住添....

放工時同 v v係到講係晚飯，v v話想食雞脾，仲話要搵到一個可以隨時都肯為自己去買雞脾俾自己既男友，呵呵，等我又試下先，向男友講『我想食雞脾呀！你買俾我食吖~』....答覆係咩？哈哈，『依家呀？』，.....『係呀！你買唔買呀？』.....『好呀！我買俾你吖！』...點解會咁既...

>>December 10, 2004 at 11:52:22 PM GMT+8

2004 年 12 月 9 日 星期四 【晴】

今朝一早起身，因為要同男友去食早餐，搞掂晒所有野打個電話俾佢，點知人地仲未訓醒囉...真係有少少失望呀！！乜d人唔係自動起身同我去食早餐既咩...打到過去仲訓緊，真係吖...唔理呀！自己出左去買麥噹噹食早晨全餐，自己食飽飽先~

早少少食完早餐，同男友一齊行街，依個情況又係好少好少出現lu~

今日係返屯門既第一日，好彩今日唔算話大忙

就黎到放工既時候，望到男友係出面，果一刻真係好開心....錫晒佢~錫錫~

>>December 10, 2004 at 1:06:26 AM GMT+8

2004 年 12 月 8 日 星期三 【晴】

今朝過左灣仔traning，仙台加大板，一早出去同chris，仲小茹食飯...三個人真係未試過一齊食早餐架！！而且連午餐都食埋先至企分行。

今晚我又去左我第二個屋企——機場接人啦！！究竟我去過機場接過幾多次人呢？真係無去數過添...其實唔掛住佢，又點會走到咁遠去接佢喎...不過身體真係有d唔舒服...無乜精神呀！

>>December 10, 2004 at 12:50:00 AM GMT+8

2004 年 12 月 7 日 星期二 【晴】

嘩~今日同班長仲有alan siu去左食車仔面，又真係幾好食喎....即刻諗到下次一定要拉埋男友過黎食先~回程既時候班長買左好多零食，唔係橡皮糖就係d咸濕野，真係有排食呀！！

班長九號生日，諗唔到買咩俾佢，唯有同佢食餐飯啦！！班長收早，去左行街，仲一早去左田中排隊，我去到既時候就岩岩好，等左幾分鐘就有位食飯，兩個人叫左好大野食，三文魚剌生，壽司，炸蝦天婦羅，炸生蠔，蟹子沙律，份量好大，食到好飽呀！埋單都只係二百蚊。真係好抵食呀！！下次又要拉埋男友黎食先~食完仲要過左去狗舖，班長，旦姐三個人係條街到吹水....

>>December 10, 2004 at 12:56:46 AM GMT+8