2003 年 2 月 23 日 星期日 【晴】

啊媽今日番大陸 屋企乜人都冇...雖然空虛D 不過我更加懷念冇人管既感覺
呢兩日放假都只係玩FFTA 冇做功課又冇溫書...真係唔得 今晚做番哂
每一件事我都能夠持之以行 因為我有極強既信念
要話俾人聽 我絕對唔會輸俾人
每日都聽到唔夠分既下場 自己害怕同擔心會有同一樣既下場 所以絕唔會懶懶閒
人就係得一世 點行都係自己揀 何不努力一D 盡力一D
而家同其他人既差距仍然好大 不過我如果因為咁就放棄 就實在係樣衰喇
唔想後悔就要做好現在

尋日繼續去補英文 一上去二樓就入錯課室...樣衰了....
不過覺得兩個鐘既時間易過左
因為真係俾心機去睇去做
覺得我好悶既話 我只好講聲抱歉
覺得學到野係件好事黎

如果我同人既差距只係努力同勤力既話 我絕對有信心去戰勝他們

屋企既雪糕係最難食既櫻桃味 食落就係藥水味 可惡
不過好彩仲有旺旺同鳳凰卷同朱古力陪我

為自己既將來努力吧

>>February 23, 2003 at 5:44:31 PM GMT+8

2003 年 2 月 16 日 星期日 【晴】

<<<=================一睇到呢個樣就知放下心頭大石兼眼有淚光
哼 ! ! !如果唔係我肥有科EngComp 又點會考41剛剛輸左俾o個個儒少ai 真係唔甘心
不過有D科考6x同7x分都係得個C 又或者D.......真係頂佢ai.....
全級o個張仲樣衰 頭四十名得第四十名係我地o個班 真係要檢討下自己
啊正sir話下次要考35以內喎 都好既呢個目標對於我呢個考過全級第八既人黎講一定會達得到
咁自己都俾個目標自己啦...唔...全部科6字頭啦 呢D野要慢慢黎既......
如果一世都俾人睇唔起就唔好啦
妖 諗番起o個個伍國朝成日老屈我傾偈真係唔鬼滿意佢
唉 個keyboard又壞喇...頂
好 等我今日溫哂D Bio先 實得既
o個個林廣發又篤我背脊....好彩老豆唔為意咋....相比D訓覺既人黎講 我既表演都ok啦
交換日記好似好有趣...搵個人黎一齊玩先
影相係好好玩架 我又拎番學校去玩先~
收筆兼收皮

>>February 16, 2003 at 3:12:17 PM GMT+8

2003 年 2 月 14 日 星期五 【晴】

今日既心情好怪 成日過後好累 但係無人體諒過我 我都唔知可以點喇
都係逐樣講啦 朝早晨咁早起身買早餐 結果都係差些少遲到
今日係結業禮 都係例牌咁架啦 聽完呢個訓話就o個個訓話 不過最驚就話咩唔番學7次成績表就poor咁上下 佢開頭話咩一年 咁我咪剛好?! 不過其他人都一致話係一個學期姐 咁先冇咁驚(其實一D都唔驚...)
跟著今日情人節收到唔少朱古力...正啊 不過黃嘉慧俾左勁多我...多謝lu/
今晚家姐就咁走左 開頭佢D野太重 不過實在太多親戚做機場喇 呢D野我地哂個冷就得啦
不過感覺真係好怪 算啦
原來我既病仲未好 仍然唔舒服....
禮拜日係家長日 希望成績唔會太樣衰啦
張敬軒隻My Way太正喇 大推介
情人節冇情人咁過...
而家先發覺有咁多情人
一架地鐵幾廿人拎紮花...哂命
個keyboard狂壞 打呢篇野都不知short左幾多次
唉

>>February 15, 2003 at 2:17:25 AM GMT+8

2003 年 2 月 12 日 星期三 【晴】

尋晚食左碗粥 諗會好D啦
點知就嘔番成碗出黎....
結果o係空肚同發燒既情況下訓覺
諗番下尋日既訓覺時間係極多既
12am~11:45am 1:00pm~5:30pm 10:00pm~12:00am(以一日計)

今日其實已經好番好多
不過仍然係休市既.....
則係放假一天
呢日除左o係屋企無聊一番
打打機 同人chat下之外都冇咩野做
係連續第二日無出街
而家都係時候做下D應該今日交既功課架喇...

>>February 12, 2003 at 3:13:33 PM GMT+8

2003 年 2 月 11 日 星期二 【晴】

今日病左 極之辛苦 冇心情寫野
想嘔啊...頭暈啊
訓左好多個鐘.....
仍然唔舒服......

>>February 11, 2003 at 7:54:36 PM GMT+8

2003 年 2 月 9 日 星期日 【晴】

今日好開心啊 首先尋日玩電腦到兩點啦 同人chat左陣 其實都諗緊好冇跟埋去燒烤 因為又要用錢 對於我呢個儲錢計劃有好大阻礙 不過難得一齊玩 而第二日差傳我又唔會去...所以都想去
跟著今朝11點左右醒左 啊媽問你今日得唔得閒 我就話約左同學去燒野食啦 跟著佢都俾...問我話做哂功課未 咁我實答做哂架啦~

不過因為執野遲左少少出門口 去到既時候又搵個九號巴士站(唔係成日去bbq ma)搵到既時候見到架車上面meimei同我揮手 因為我初頭唔知去唔去 所以同lok話唔駛等 到就到 唔到就唔出現...好彩仲趕得似~~~

去到就凍喇 得16度 又大風喎 之後去搵爐又冇啦 最後係去左租爐囉 不過有班遲過我地黎既人又搵到爐 真係冇解...

燒燒下D人o係度開始燎狗玩(隔離爐) 跟著又有另一班人o係度燒 好大班 十幾人 見到佢地o係度燒D咩燒賣啊咁 真係得意 而我地o係最後基本上得番啊天同kenson燒雞翼 仲有meimei叉舊炭o係度燒啦(=_=)其他人都飽哂(我食左野先去 所以基本上食勁少野) 最後有好多野都食唔哂 跟著就俾隔離好大堆既人啦 佢地好大聲咁講多謝 我地又好大聲咁講唔駛 情況簡直就好似o個D江湖既人咁(則係白痴)

跟著o係沙灘步行其間見到一名欣怡身形之女子被佢既朋友o係度掟落水 其後又俾人"糟則" 我地就真係睇到笑囉

後黎我地買左個芒果黑森林蛋糕預祝啊雞既生日啦 咁o係大家食哂D芒果同三分一個糕之後 個蛋糕係出現左o係啊雞個面度架 我地都o拿起蛋糕整啊雞架 佢係極之慘架 除左頭髮同衫之外 包括佢眼鏡既外 同 內都係沾滿蛋糕架 而其他人都有若干受污(而我就非常安全 感動T_T) 總之今日就好玩啦~!

回程既途中大家都討論究竟禮拜一唔番定禮拜二唔番...跟著係冇定案既 不過我地班人番既一向都好少 陸運會有成十個唔番 講真真係冇野做. . .不過有人要我同佢打下氣. . .睇下點啦

p.s 啊樂副眼鏡真係好似林海峰 ...聽日林廣發堂就搞野喇 ~~~

>>February 9, 2003 at 9:18:51 PM GMT+8

2003 年 2 月 8 日 星期六 【晴】

今日係怪同繼續慘架:
一食完午餐就去左剪頭髮啦 點知俾佢剪左個薯出黎
咁耐都未試過留咁長頭髮 都未試過剪到咁短....
俾人話我受咩刺激搞成咁....(無言.....)

跟著下午狂俾人鬧囉...但係又唔算好關我事
都係家姐囉
搞到D野咁亂....

不過最近犯左好多錯
睇黎要改進下喇

收筆

>>February 9, 2003 at 2:00:31 AM GMT+8

2003 年 2 月 7 日 星期五 【晴】

好喇~終於抵港喇 感動啊

好既 而家講番三日黎既行程 我就係5號出發 跟著拎D野就出發啦 跟著就開始上大陸既黑仔連環第一擊 去到巴士站 跟著個站就冇左啦(整路) 跟著就行到死去下一個站啦 之後上車張發達lone冇錢 跟著又要搵散紙 幾乎將啊媽個散紙包掟左落去 跟著坐坐下o係我隔離個gand carry行李因為剎車而碌左落地(我地坐下層)再向前碌...跟著去番前面拎番個行李就坐附近啦 (其實係最前) 點知又頂腳喎 之後坐o係家姐隔離啦 架車就開始唔知做咩飛下飛下 搞到我想嘔 ...

坐完火車之後就係黑仔既延續篇...過關既時候竟然張回鄉證剛過左期 跟著即刻happy new year啦 同啊媽去做個臨時visa 就咁就三百六 仲要只係一次來回...排隊過關又要同我地既中國同胞一齊...耐到爆...

不過都好彩見到老豆又買波鞋 正~

之後就由啊爸drive the car去呢個長隆夜間動物世界玩 D show都ok啦 不過勁多哈碌野 算啦 係咁架喇 不過o係坐呢個類似觀光車排隊既途中見到姑媽們...又會俾啊媽講中既......

因為o個度好凍既關係 我隻中指係幾個鐘都冇感覺...到差唔多10點幾出番去食飯先有番知覺...不過o個間野係極呃錢 好似叫咩美景既野 總之以後都唔會去食

之後訓酒店啦 個廁所俾家姐用完就水浸咁濟...個暖氣又唔知點開喎 結果成晚都好凍咁過...

第二朝就晨早九點俾人吵醒 去左溫泉區 不過發現係冇溫泉feel既 個個都係浸落D水度...唔係溫泉黎 結果只係影相就算
之後同人食飯之後就去左食糖水 D雙皮奶勁正 又平 4.5蚊咋 正正

>>February 7, 2003 at 3:53:38 PM GMT+8

2003 年 2 月 2 日 星期日 【晴】

唉 尋日慘到爆 年初一又唔見左個電話 睇黎今次都係搵番無望架喇 不過又冇咩好擔心 唔知點解反而加左我對神既信心 相信永遠都係咁有用 對任何野都係咁有用...

年初一平時都有四位數字既利是 不過今年劇減 花蟹狂多 ...
不過都冇咩好介意啦 呢D野 都係講意頭架姐 都唔知點解突然睇得咁化...大個左掛

今日都有收到三封 不過就唔係好知點解啊ken俾一封咁得意 不過都好過D唔俾既人啦(=_=)

個keyboard好似壞壞地 用電腦既頻率劇減 而個mon已經到左我睇唔過眼既程度....激死我喇 ! ! !

自從家姐番左黎之後 容忍度大減 唔係好忍到有人突然侵入自己既生活 睇黎鐘意人都係一樣 要容忍好多野....自問未有呢個程度...

記得上年既今日同同學去左睇戲 係2002年2月2日20點20分既票 我覺得好有記念價值 如果做人都有咁2就好喇

羊年到 送舊迎新 希望咩都有一個好開始啦~

今日學到既係祈禱既時候 要求神寬恕別人既罪

今年想做到既野係要有容人之量 識多D人 學識打鼓 開心D 成績勁D 全部有6字頭 ! ! !

S.H.E既Always on my mind好好聽 開始鐘意上佢地tim 不過係唔會代替到千嬅既地位既

當鐘意上一樣野 就唔會輕易放手 當要放手時 就不會再輕易愛上
當開始整理唔到自己既頭髮時 就係要剪頭髮既時候 當我想剪頭髮既時候 佢竟然唔開...死...

今日有人黎拜年 如果可以去溜冰就好喇
聽日要去人度拜年 如果都可以有500蚊既利是就好喇
如果佢地唔係live in東涌就更好
仲有o個兩個表哥...都幾掂既 起碼靚仔過我 (不過我唔係靚仔喎)

冇記錯我係有功課要做架 不過好明顯係未做

今次爹D番黎又去買左對波鞋 計落我掉左兩對波鞋 買番四對...都抵喎...不過對佢地既保養係無既 希望佢番親黎我都有新波鞋啦

遲D要上大陸 勁唔想 不過睇黎都係冇得唔去架喇

而家儲緊錢買新袋 應該已經夠錢 爭時間姐
另外又睇中左對波鞋 239蚊 都ok la...我會儲錢買既
計下計下 咁咪好快冇哂錢...都係算喇...如果唔係買唔到GC同PS2

賤人任天堂又出新版既GBA 我armarm先出機咋

初二係開年既日子 祝各位睇到呢篇日記既朋友新年快樂 羊年進步

第一次寫咁長既日記 本身係唔開心既 不過而家都ok啦

仲有差D唔記得今日係婆婆生日 我祝佢年年有今日 歲歲有今朝~
Love u so much

>>February 2, 2003 at 4:44:10 PM GMT+8

2003 年 1 月 31 日 星期五 【晴】

唉 今朝晨咁早就出左去打波喇 我都好耐冇打過波喇 今次又俾人挑起我D打波癮 之後射左陣波之後就對戰囉 跟著D不幸既事就發生勒 話說mingming san正持球時 我就想去搶個波啦 正當我以一個好怪既姿勢想拍走他的球時 竟然陰差陽錯 變成手指篤魚蛋 跟著我就...T_T
之後隻中指就腫到啊媽都唔認得 個臼位黑哂...真係慘 另外一樣白痴既野就係我唔知有熱野賣架喎 正當我去呢個飲水機度按左罐雀檸出黎之後竟然熱到我死...搞到我連隻右手都差D熱親...不過又真係幾好飲喎

>>January 31, 2003 at 3:55:29 PM GMT+8