| 日記 | 日記主簡介 |
|||||||||
2003 年 9 月 13 日 星期六 【晴】 終於買左我心愛0既"保拎"袋喇!!!! 係公雞牌最新款式~ 不過今個月0既儲錢大計就.............. 肴望仲有百幾蚊淨啦!!!!!! >>June 27, 2004 at 1:52:23 PM GMT+8 2003 年 9 月 12 日 星期五 【晴】 我九點倒到左R座, 上到八樓............. 好多人呀!!!!!!!!!!! 做咩又咁多人排隊架???? 我拎到三十號籌, 好彩點計都有得報, 不過就唔知就唔就到時間~ 最後我同茶茶成功佔左一席位!!!! 呢兩0既排隊, 令我明白到大學咩野都要靠自己 唔做主動果D 實聽死 就算0係網上搞都要同其他人鬥快 咩都要食自己架!!!!!!!!!! 報完名都係十點鬆D, 我地就去左唱K buffet 抵到爛!!!! 我地唱左六個鐘食埋野都係$39!!!!!!!!!!!!!! 之後返左大埔行行 搵到0岩心水0既"保拎"袋喇~~~ 不過貴左DD囉..... >>June 30, 2004 at 7:54:31 PM GMT+8 2003 年 9 月 12 日 星期五 【晴】 話說我今日放假留0係屋企休息 我睇睇下報紙, 忽然間覺得好眼訓 咁就走左入阿媽間房訓 當時係五點正 差不多七點就俾d 電視聲嘈醒左 矇矇矓矓之間我係想推開張被, 繼而起身 不過心想起, 身不想起, 唔知係咪呢幾日太累?? 當我面向天訓時, 有陣好強好大0既寒風吹埋黎 咁我下意識覺凍就當然想搵返張被啦~ 不過唔知點解成個人郁唔到, 成個人好似好重, 手都第唔起 連眼罩都撐唔開添 嘩~ 有d 唔妥喎 我死人都用盡力撐開隻眼, 再用力轉身 打側左個身, d 力就好似慢慢返番黎 我就拿拿聲起身走出廳...... 依家諗返都唔知點解會咁, 唔會係果d 掛?! 講9開又講, 禽日大佬返左黎 我同佢講話去左寶勒行唱K, 佢就大叫話我好大膽 原來果間就係曾經大火而燒死過人0既K 場 唔係化!!!!!!!!!!!!!!!! 咁0岩我同茶茶去果時, 成間野得我同佢兩個人咋 周圍都好靜, 職員都唔多個添 入到房, 我同茶茶都話好唔慣, 個FEEL好恐怖咁 不過我地最終都冇咩理照唱 不過就好怪囉～ 我地想唱果d 歌就會冇啦啦姪下姪下 d 歌都係幾0既新歌, 應該唔會係隻碟舊而播花掛 仲有0既係唱到咁上下, 我忽然間覺得好熱, 就問荼荼搞咩 佢話"熄左冷氣機好耐啦, 你feel 唔到咩?" 下!!!!!!!!!!!!!!!!!!!!! 我唔知喎!!!!!!!!!!!!!!!!!!!!! 之前我都唔覺熱, 仲係陰涼陰涼咁架 我諗.............唔會............係.................................. 呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 有冇咁巧合呀?! >>June 30, 2004 at 7:54:08 PM GMT+8 2003 年 9 月 10 日 星期三 【晴】 買書ja~ 做咩都搞到咁煩架?! 妖!!!!!!!!!!!!!!!!!!!! >>June 30, 2004 at 7:55:30 PM GMT+8 2003 年 9 月 10 日 星期三 【晴】 呵呵~~~ 我十一點二去到都俾我損到杠management喎 整定我係有啦~ 雖然係舊書, 不過佢都好新下, 冇咩畫花過, 係個面黑左DD囉~ 之後走左去銅鑼灣貢下, 搵下有冇0岩心水0既"保拎"袋 不過0岩款唔肯色...... 再搵過!!! 兩點幾走返黎上堂........................ 到左六點半先放, 累到死~ PS 今日搵到幾個又係癲癲地0既同學 好0岩KEY呀!!!!!!!!!!! >>June 30, 2004 at 7:55:01 PM GMT+8 2003 年 9 月 9 日 星期二 【晴】 四點場0既"飛龍再生" 未睇之前我睇過d 影評, 五粒星得兩粒半星咋 好唔好睇就呼之欲出啦!!! 不過d 飛又唔駛錢, 大佬俾我0既, 咪當去涼下冷氣囉 入左場, 眼見都係得五個人, 分別係我地, 一個西裝友, 兩個男仔 到左開場..........都係維持不變!!!!! 撞鬼囉~~ 跟住都有幾個學生妹入黎充撐下個場 不過齣戲都唔係咁悶, 都有好多個笑位 冇比想像悶到想走人, 點都好過"變型俠醫" 啦 其實人少少睇戲真係幾好架 鐘意坐邊就坐邊, 笑幾大聲都唔怕嘈到人 做咩都唔怕俾人見到添喎 呵呵~~~~~~~ >>June 30, 2004 at 7:55:48 PM GMT+8 2003 年 9 月 8 日 星期一 【晴】 做咩要0係大埔墟落車?!! 竟然係冇買到, 咁.......why?!! 激死人...... 仲買埋d 冇厘拿耍0既野, 差d 連張三十蚊現金卷都用唔到添~ 最後要步行回家, 好遠呀!!!!!!!!!!!!!!!!! 初時係因為一個人而開始, 依家亦因為另一個人而結束 就憑佢地0既一句說話?! 容易受人影響?! 真係我咩?!!! shit!!! 我變左喇........... >>June 30, 2004 at 7:56:08 PM GMT+8 2003 年 9 月 6 日 星期六 【乍寒還暖】 仲整左戶口d 野添 >>June 30, 2004 at 7:56:46 PM GMT+8 2003 年 9 月 5 日 星期五 【乍寒還暖】 連踩四堂, 飯都冇得食!! ENG都還好, IT 就..................我好想死囉!!! 都唔知佢講乜, 把聲又細又平, 搞到我好鬼想訓~ 不過始終都冇, 冇理由俾咁多錢學費而訓, 好蝕架嘛 識左兩個同學仔, 某某有某某0既影子囉~ 我同茶茶都有同一感覺, 非我地族類~ 另外果個呢..........應該會多左個癲0既同我地一齊 以前就係煮到黎就食, 而家都要自己親手整喇~ 我諗都要自己做下主動, 周圍聊下人先 男女都好, 擴大下個圈子嘛~ >>June 30, 2004 at 7:57:29 PM GMT+8 2003 年 9 月 4 日 星期四 【綿綿細雨】 得果兩條茂利打波都係會打死人, 兩日加埋打左三個鐘 打完之後, 衫褲都濕晒 ---------------------------------------------------------------------------------------------------------------------------- 我諗今次唔做主動唔得, 再係咁落去真係咩都唔知, 成舊飯咁 我唔要做舊飯呀!!!! 八萬七學費架~ 聽日一於踩上門問個明白!!!!! >>June 30, 2004 at 7:57:54 PM GMT+8
|
人氣: 43193 Design & Scripting by ShowHappy.Net |
Hey ~~~
<br>take