| 日記 | 日記主簡介 |
|||||||||
2004 年 7 月 16 日 星期五 【驟雨】 圓規襲港, 搞到我返唔到大埔 又要cancel 個meeting 又拎唔返份正本 又鬧唔到果個不知所謂0既人 成個下晏都好嬲呀!!!!!!!!!!! 到左晚上同大佬, 阿霞, 肥姨攻打四方城 打三番起糊, 最大十番, 一蚊番, 全寵俾晒 哇哈哈~~~~第一鋪我就出寵, 一隻九萬兩家叫食 對家阿姨食混一色正花四番, 大佬食十三么滿糊十番 由於之前冇講話打唔打截糊, 所以就嘈起上黎 阿姨就話佢係上家梗係食先~ 大佬就話食十三么大晒冇得截糊~ 當然我梗係唔會俾晒兩家錢啦, $16+$40, 大拿拿$56喂~~ 最後我都係俾十三么錢 嘿嘿..... 一個食十三么咁邪, 一個食出冇錢收 0係咁0既環境之下仲唔係我贏 果然係!!!! 打左四圈, 贏左七十二蚊 唔係好識打牌0既阿霞都有斬獲, 贏晒廿幾蚊 其實........ 究竟我應該俾邊家錢, 定還是要俾晒兩家錢呢??? >>July 18, 2004 at 9:51:53 AM GMT+8 2004 年 7 月 14 日 星期三 【酷熱】 好一個 7, 14, 21, 呢d 都係同七有關0既倍數 對我黎講亦代表左生日月份, 日子, 歲數 以我上年0既作風, 唔會點大肆慶祝, 淡淡的過了今日就算 不過今年比以往果幾年有d 唔同, 就係一家人圍埋食兩個生日蛋糕 因為我同老豆0既生日相差只不過係一日, 佢先我後, 所以大多都係做埋一齊 以前就會擺返幾圍慶祝慶祝, 不過今年就冇左呢個"指定動作" 所以得返自己一家自己人慶祝 零晨果陣已經收到各界好友0既短訊, 都係多謝晒喔~ 之後下晏同左阿媽行街買野, 仲去左食元綠 我覺得生日最好就係有乜乜物物特別優惠, 就好似元綠有半價呀!!!! 食左十幾碟一百蚊都唔駛, 爽到震~~~ 到左夜晚就出街食飯, 仲叫埋肥姨黎一齊慶祝 因為佢又係住將軍澳, 同埋佢0既生日都係同我相差一日 (七月真係多人生日, 姑姐, 堂妹都係呢幾日) 餐晚飯都幾好食, 不過就貴左d 囉 仲發生左0既好笑事, "番屎"="蕃薯", 真係聽死人~~ 阿霞真係好喇~ 佢專登走左去 ITALIAN TOMATO買左CAKE俾我 係藍莓芝士餅撻, 非常之大個, 價值$220 估唔到佢會寫0岩我個名, 好多人都會寫錯為呢個"欣", 唔係呢個"恩" 雖然我唔係好食chesse cake, 不過我點都要格硬食返件 因為係人地一番心意, 真係好多謝佢 另一個係芒果乳酪夾心蛋糕, 賣相好靚, 價值$140 成個藝術品咁, 一層層唔同成份 同一家人食飯點講都係最好, 鐘意點就點 嘿嘿~~~~ >>July 18, 2004 at 9:42:00 AM GMT+8 2004 年 7 月 13 日 星期二 【酷熱】 哈哈~~~~~ 我唔係得十一分咁少果個喎 事原係上次去唱K果陣, 冇啦啦有個侍應走入黎問 "有冇興趣參加 K FUN 抽獎呀??" 我梗話好啦~ 之後佢又問我知唔知有幾多K FUN, 我梗係唔知啦~ 不過就知道實唔會好多囉~ 佢又話幫我check下有幾多, 所以就拎左張card 出左去喇 果時就0係度諗........ 死啦~ 一陣實好瘀, 瘀到爆!!!! 
以我估計有三分都偷笑啦~ 皆因近期冇咩點唱過，又唔知唱果ｄ時段計唔計喎～ 唉．．．得果幾分咁樣衰, 仲要煩人地去check 哎呀~~~~真係唔想認card 主係我呀!!!! 如我所料，果個人拎住兩張ｃａｒｄ入返黎 話佢ｃｈｅｃｋ左一張就係十一分，另一張就就係二百幾分 一聽之下．．．． 嘩～～～～ 乜有咁幾分咁多呀！？真係好喇～至少都有兩位數 扣除十分抽獎仲有一分在手呀～ 真抵死！！ 
果個人問我係咪之前換過ｄ禮品 我都唔知點答佢至好～當聽唔到佢講咩就算 連佢都唔信點會有人得十一分咁少！！ 唔答好過答 點知俾我今日無聊上網果陣 俾我ｃｈｅｃｋ到原來我先至係有二百幾分０既人 早知果日就唔駛搞到咁核突 依家點都有ｄ野可以換下，真好喔～～ >>July 13, 2004 at 4:49:02 PM GMT+8 2004 年 7 月 11 日 星期日 【乍寒還暖】 今日去左寶琳逛逛 估唔到呢度有咁多商店架 仲有我至鐘意０既”玩具反斗城”ｓｏ ｇｏｏｄ！！！ 唔知點解覺得依家果ｄ玩具，冇以前果ｄ咁好玩咁 之後去行”千色店” 遲ｄ會上電影”加菲貓”，所以又出左好多佢０既公仔 好野～出左”阿的”公仔呀！！！超靚呀！！！ 不過就貴左ｄ，所以都冇買到 ０係我睇睇下ｄ公仔果陣 唔小心同個ｐｒｏｍｏｔｅｒ撞埋 同佢講ｓｏｒｒｙ之後，佢居然同我講”ｉｔ’ｓ ｏｋ” 下！！！英文回應都係第一次喇～ 真係有ｄ ｓｕｒｐｒｉｓｅ 唔通我以鬼妹咩？？雖則我個頭有ｄ啡．．． ｐｓ終於俾我抽到毛仔鎖匙扣喇！！ 
>>July 13, 2004 at 5:22:51 PM GMT+8 2004 年 7 月 10 日 星期六 【酷熱】 今日真係成個人散晒...... 首先去左睇樓, 之後就同埋d 阿姨去飲茶 我真係老喇~ 居然俾兩個塞豆窿搞到頭都痛埋!!! 兇人係一對兄弟, 分別係四歲同歲半 四歲個樣好靚仔架, 成個張智霖咁0既樣 不過真係好慢熱, 聊極佢都講唔到三句野 至於歲半果個...........精力 超 超 超 旺盛 由屋頭行到屋尾都冇喘過氣, 一路行就一路依依呀呀, 嘈到不得之了 不過好搞笑, 成日學人做野, 仲好為食添 心急之下佢一隻手差落碟炒河粉度, 搞到淥到隻手,即刻開喉大喊 見到乜野都擲, 咩都摸, 擲左落地又要你執返俾佢 又冇時停, 玩左成日都未見佢有訓過 煩到死呀~~~~~~ 行街果陣差d 唔見左佢, 佢行得真係好快 成日好似趕時間咁, 好似鴨仔咁行行下就會冇啦啦加速 睇少眼都唔見鬼左 對左佢地一日都有想死0既感覺 因為真係好嘈好煩 真係辛苦晒天下0既父母 >>July 12, 2004 at 12:52:46 PM GMT+8 2004 年 7 月 9 日 星期五 【酷熱】 d 人真係癲架!!!! 排最前果個係兩日前就開始排 fans果然係唔同 d !!! 華仔魅力果然係非同凡響呀~~~~ 而我呢個小人物.... 九點鬆 d 就落樓去買飛, 因為都幾想睇 vision tour 上次夏日Fiesta果個我都好想睇架喇, 有拉丁舞睇丫嘛 好多人都話好好睇呀!!!! 今次一定唔再錯失啦~ 點知一去到一睇, 就有一大條好長好長好長.........0既人龍 好多師奶阿太排呀~ 佢地都係好迷華仔~ 真係冇得頂!! 仲要派籌添呀~~ 我就係106號 我終於知道上次歌神係有幾利害, 一定比呢個更誇~~ 初時諗住唔排架喇~ 大佬~ 我唔係買四百果 d 人呀~ 我唔駛要握手位架~ 我純粹係想參與架咋~ 再唔係等佢出VCD買返屋企睇, 果個成本一定低過NOW!!! SAVE $$$ & TIME!!!! 不過得知果個死"發fall"又係去睇華仔演唱會 人去睇, 佢又去睇, 我梗唔輸俾佢啦!!!!! 為左啖氣!!! 我排兩粒鐘 又如何!!!! 二佬之前仲要我幫佢買飛, 乞嚏啦~ 明知我爆爆爆唔妥佢架啦~ 不過睇在你份上, 我都會幫你買既 我實幫佢幫0格~ 一張0係東, 一張0係西囉~ 都不知幾好!!! 哼~ 都算佢知機, 唔靠我佢自己死去買!!! 不過佢就好cheap囉~ 叫二佬打黎試探軍情~ 冇啦啦同我講佢係101籌喎~ SO WHAT!!!! 你唔係想如果我拎到前 d 0既籌叫我幫你買下話~ 睇死你都係做內奸架啦~ 果個死"發fall", 你方佢拎到前籌會咁好心幫我買呀!!!??? 又做埋 d 小動作, 睇四百好巴閉咩??? 有得你買四百都唔方係好位啦~ 係人都知好野一早俾人內部認購晒啦~ 哈哈~ 抵死啦~ 排左冇耐就知你實冇得睇啦~ 一路排就見到 d 工作人員係咁給印, 尾果四場同前三場四百都賣都得返單丁位 都話左你實一個東, 一個西架啦!!! 嘩哈哈~~~ 
睇住d 四百係咁續場續場給晒"單位置", 個心都不知 幾~~~ 涼!!!真係涼到不得之了啵~ 估唔到一百蚊飛都好搶手呀!!! 居然都賣到得返 d 單丁位咋 好彩最後都俾我買到尾場好位, at least 唔係轉彎位啦!!! 唔前唔後0係中間, 嘿~ 
>>July 9, 2004 at 4:55:02 PM GMT+8 2004 年 7 月 8 日 星期四 【酷熱】 聽日係高考放榜 雖然已經唔關我事 不過好奇怪 我有d 緊張喎~ 
>>July 9, 2004 at 3:49:22 PM GMT+8 2004 年 7 月 6 日 星期二 【酷熱】 唔知點解.....呢首歌好似........似曾相識咁....... 究竟0係邊度聽過呢?? Lydia F.I.R. 飛兒樂團 Por los momentos dificiles, ya entendi que laflor mas bella seria siempre para mi Lydia 迷離的眼眶 為何流浪 心碎的海洋 受了傷 連微笑都徬徨 Gypsy女郎 為誰而唱 你會看見霧 看見雲 看見太陽 龜裂的大地重複著悲傷 他走了帶不走你的天堂 風乾後會留下彩虹淚光 他走了你可以把夢留下 總會有個地方 等待愛飛翔 Lydia 幸福不在遠方 開一扇窗 許下願望 你會感受愛 感受恨 感受原諒 生命總不會只充滿悲傷 彩虹淚光 >>July 6, 2004 at 1:36:04 PM GMT+8 2004 年 7 月 5 日 星期一 【清涼】 你想賺多d 都唔駛咁0架~ 何況想0係我身上搵錢, 你慳d 把啦~ 最後你咪又要俾返錢我~ 咁又何必呢~~~~ >>July 5, 2004 at 5:12:16 PM GMT+8 2004 年 7 月 3 日 星期六 【乍寒還暖】 不過真係估唔到佢會穿左主角0既真正身份!!! 同埋有幾個係笑位, 都幾好笑~ 1.aunt等救果陣, 齋拿住碌"姐"係咁0係度嗌救命救命 2.蜘蛛俠走去搭 lift 3.蜘蛛俠俾成架車d 人舉高搬入車架 4.果個乞薄0既老總 哈哈~ 真係好好笑!!!!!! ps 咁都話我屈你?! 邊有人好似你咁有心約martin睇戲去慶祝生日至得0架??? 先前自己又話星期二, 三,五先得閒, 點知0係martin生日當日, 即星期四果日 你又咁0岩得閒約martin 去睇戲, 真係咁巧合?? 搵人評下理啦~~ >>July 4, 2004 at 4:07:36 PM GMT+8
|
人氣: 43193 Design & Scripting by ShowHappy.Net |
Hey ~~~
<br>take