2007 年 10 月 5 日 星期五 【晴】

因為前兩日情緒波幅太大～又缺提又思想過度～
所以身心都疲累得很，今日任性地比自己訓多幾粒鐘先返工～
一起身....感覺非常之舒服.....訓飽覺既真係好滿足啊 ＊v＊
今日心情指數都幾唔錯.......都比人話我個樣精神左好多～ｙｏ～
呢幾日比大陸妹跣，煩公事既野，煩＄既問題，煩住既問題
天父今日好似知我撐不了，給我美好既一天
跳跳虎講我知佢妹幾日前出嫁了....我真心由心替佢高興，我想佢媽媽一定開心到喊
跳跳虎更充當埋爸爸既角色．．．
八八卦卦睇左ｄ野，先知道先發現冇左我會更開心，更自由
原來已經放低了．．．．
我也要好好重新過我既每一天
向"羅浮交椅"出發！！！ｋａｋａｋａｋａｋａａ）））

>>October 5, 2007 at 12:48:32 AM GMT+8

2007 年 10 月 2 日 星期二 【酷熱】

搞咩呀）））都十月啦～都仲係鬼死咁熱！
呢幾日出街我都成個水人咁既款！周身"lup"痴痴～真係討厭夏天啊！
今日又出動搵地方．．．去左睇村屋～
三樓連天台，舊裝修，冇傢電，冇爐頭，冇廚櫃，沖沖下變凍水既熱水爐，我至討厭既綠色磚TOILET，講完．
不過勝在有天台，可以隨時擔高個頭睇阿ｍｏｏｎ＊v＊
又可以week week有我至愛既ｂｂｑ～
同埋樓下成幢都係女仔住，安全感大好多 (SHIT！姑婆之舍 ＝.＝" )
唉～我真係可能有ｄ潔PIG病，我真係對果個綠色又黃金金既TOILET冇咩好感
好想極想自資換鬼左去算鬼數～話晒都要用成年ｗｏｒ！！

今晚貢左過去灣仔睇煙花
好耐冇睇過ｌｉｖｅ lu...............好震撼既砰砰聲～
震到個心同對腳都震震下～
希望個包租婆肯加ｄ窗簾布比我，肯幫我痴埋個地下，肯換埋toilet度門去啦～～
最好扑走埋中間幅牆～～

>>October 2, 2007 at 12:59:33 AM GMT+8

2007 年 10 月 1 日 星期一 【晴】

琴日一日時間又係搞公司活動野～
因為輸左波所以可以早ｄ到酒樓ｍｊ先～
日落後.....六圈牌內輸掉左四百蚊～激鬼死～！！
同主子打，頭幾圈佢不停出沖．佢黑面了．．．唯有整舖包既比佢，唉～１２８了

我依家開始被發現我並唔係一個稱職既好女友．．．
要我改變近三十年既性格，真係很有難度，改了亦不是我
野蠻 - 從三歲入讀ＢＢ班時已經出現了，掃lum人地d積木然後再"oun"lum自己張台
mummy冇鬧我，反而不停問我係米唔開心呀？！
唔細心 - 可能我有個全面細心照顧我既mummy，而令我不懂細心事物忽略很多東西
不懂溫柔粗魯 - 人地兩歲岩岩識跑我就已經表露晒我係馬騮既突性，"琴"黎"琴"去，"琴"鋼架去到頂峰mummy都十萬個放心，學柔道，更係我至愛．
冇記性 - 我個腦永遠都只會記埋ｄ無聊事，
在公事上真係好蝕底，人地講既事自己做過既事我都會冇印象，真係佩服我主子能夠將每件事都scan入腦，凡經佢手的，佢都能一一記下
至於感情....................
就好似瓜皮咁講："你唔同ｃｃ講佢唔會知架，佢仲以為自好醒，其實就烏sir sir...."
上次主席對我講，我都一直只視為誇大既戲言
到左琴日，文書很惡很惡咁對我分析過後，我才明白
如果我一早視果位為朋友既話我就好易冇晒介心.....
當我成日話人之時，原來不懂避忌果個係我
我不是好女友，我已經傷了兩位男孩既心
受到懲罰是應該的，所以幸福的事我不會擁有，更不配去擁有

>>October 1, 2007 at 12:35:52 PM GMT+8

2007 年 9 月 30 日 星期日 【晴】

今日開始又要努力搵居所了..........
搵地方真係好辛苦的一件事......整個人都很累很累.............
為何每年總要搵地方一次既？多得廢柴吧！
回想果晚佢講果句話.....我就決心一出不回頭了！:～﹏～:
那晚好凍得１１，１２度，腦海亦一片空白，
因為果日係同蘇眉嗌分手的所以自己去邊好都唔知，
結果都係打左比蘇眉求救，再打比同事ZOE幫手
得三日時間搵地方．．．第一日反轉土瓜灣紅磡，
第二日反轉埋北角QUARRYBAY，第二晚就收到阿ｔｗｏ既電話美孚有地方
當時好感恩，萬分之感恩～租金合宜，地方環境好，包租婆更好！
一年後，想找找村屋住，結果一睇呢度既裝修就愛上了，即日落訂
一份好好既聖誕尿壺．．．
到了今日.............因為自己既............咩.....自己承受了.........
堂家姐結婚又未買尿壺，又未買衫，好忙呀）））
又要天父幫我了.....................

有幾多個女仔可以做到真心容許自己既男友跟前度聯絡見面？
難道咁都要大方？
有幾多對情侶或夫妻能做到完完全全既坦誠雙對毫無秘密？
現在呢個時代應該不合適我生活卦？！
我知道我錯在冇包容別人短處既心，亦唔懂溫柔同細心.....我再不配指摘別人了

>>September 30, 2007 at 1:24:39 AM GMT+8

2007 年 9 月 28 日 星期五 【晴】

哭夠了沒有？！兩個月了.....已經死了好多細胞 Lu......
今日情緒忽 DOWN......吽吽豆豆.......好辛苦.........
受了詛咒？！一定係！"睇你好得幾耐"........."唔睇好".....詛咒已經塞滿了我冇晒RAM既腦袋了
我都討厭自己既情緒病！何時先做到"環境不變，心境變"呢？！
開始要物色地方了，好旁惶......每日都增加一倍既不安感（（呀））））
某人心底必定說：自作"葉"，不可活

今日很想找個人陪陪走走逛逛．．．
打比阿ｃ，她約了朋友了；
打比家姐，令我火起，發了她一頓脾氣！次次找她，她都一定叫埋佢果個自大冇用既男友！
討厭死！！下下次次都只係識串埋我ｄ無聊野！係家姐面前又死晒汪咁！！
下下都淨係識踩我！！自大冇用既大頭死龜旦！！！
唯有自己一個行行逛逛，都係冇心情，什麼都看不上買不下．．．
好憎好憎好憎好憎好憎人地聽唔到我電話！！好燥！！！

夠了．．．很累了．．．．

>>September 29, 2007 at 12:05:02 AM GMT+8

2007 年 9 月 27 日 星期四 【晴】

好辛苦好依稀先記得上年中秋係去完婆婆家做節就入左西貢睇阿moon lor～
今年亦一樣去完婆婆家做節後先出去"反"～
去左TSUEN WAN～玩到癲左玩到"lum"左～最緊要"正"字！！！
ｋａｋａｋａａ）））貢大個女都未試過呀！
天公仍造美～放左阿ｍｏｏｎ出黎玩～ｇｅｅｇｅｅ見到好光好圓好白既阿ｍｏｏｎ～
唉～老了～連玩都捱不起，面上出現多個"烙印"！
抵打！我冇交代我通頂不回來讓家中心急既人擔心了我一整晚
我變了......我想我真的變了.............我亦真的討厭自己...............
一個人變了，真的好恐怖，好可怕．．．甚至連自己都討厭自己
曾經，我都好討厭好憎恨呢類型既人，可是....我做了
我深知道從此以後，真的什麼事都一個人擔起來
搵地方，一個人住，真真正正感受照顧自己既起居飲食
變了，為何一定係負面呢？！？唔可以變得更好嗎？ (我是在找藉口還是逃避？)
我深信他會變得更成熟，變得更懂得照顧別人，不再小朋友性格呢？！
．．．．．．．．．．．．．．．．．．．．．．．．．．．．．．
何ｃｃ首歌，概唱得好好聽卻又唔想聽

如果 一手鋸開枯樹 木不會發現痛
不過 日日澆水的我 覺得被挖空
如果 必須結束關係 難扮成從未栽種
讓我 數著年輪 這些年輪 我的心會痛 wo~

畢竟那段如沐春風
早刻進百年長的信
在信中 圈圈緊扣 情感多深厚
前因 非因 錯種

分開簡單 抹去往事極難
幾多溫馨 燭光晚餐
難以用 斧頭一劈 叫畫面飛散
伴侶沒了 記憶會為患
倚星細語 抱月夜談
歷歷在目 錄下年鑑
來年樹倒 身影孤 煙花散
年輪未可推翻 化不~淡
（情長未可推翻 化不~淡 ）

緣慳 但是人非草木 並不會太易慣
刻個 木造的心給我 痛苦未會減
情願 舊事連根一拔 忘滅如燃盡的炭
但我 數著年輪 幾圈年輪 已經濕了眼 wo~

分手與又平復之間
少不過百年零一晚
就怕翻風的一晚 回首貪一眼
回憶急速擴散

就怕新婚的一晚 臨終貪一眼
徒添幾分慨嘆

>>September 27, 2007 at 1:12:35 PM GMT+8

2007 年 9 月 23 日 星期日 【驟雨】

．一號風球．
自己心情也跟著天氣一樣，差得交關
一早起身懶洋洋～一心打算睇完亞視及無線新聞後就去食野去行下買野比堂家姐
結果dump....dump.......dump............dump到做＜２０．３０．４０＞
我一直都想看看這套我錯過既電影～
果然，好好睇．係ｓａｄ既好睇～
睇完後，我心情真係好down....好唔開胃....好灰....好想喊......
我最開心係中四中五YR 1 YR2既時候....呢六年我只係癲住咁過～～
２０歲既我係嘻嘻哈哈，每一個在我身邊既人都會感染得到
就快３０了，一事無成，所有既理想夢想都逐年逐年幻滅
從前對很多事物都感興趣，攀石、wakeboard、Squash、Tennis、Karoke、游水水、打wargame等等
現在.....很懶很懶，身心都累透得很，毫無大志了
只渴望係極度渴望回家抖抖訓訓吧了～
４０時，就好似套劇咁，離婚
我相信幸運既事不會發生係我身上，加上我冇幸福線，我已經預料自己離婚既結局
開始好怕結婚了，亦開始好討厭自己
沖涼時又想起ｍｕｍｍｙ，真的好怕失去埋我至親至愛
每次一想起ｍｕｍｍｙ我都哭個不停
如果萬一ｍｕｕｍｙ有咩事，我怕我真的承受不了
搬回去跟他們住？！
我係公司已經好辛苦，回到去睇住廢柴一定唔埋兩日就嗌大交！
同埋，慣性唔開心時都找ｍｕｍｍｙ發埋ｄ死人大脾氣，唔想ｍｕｍｍｙ受了
我愛ｍｕｍｍｙ比我o爹,比我發脾氣,比我呻,做我一個聆聽者,比好多意見我,會全面細心既照顧我
我又哭了...........真的好掛住ｍｕｍｍｙ
這令我更加憎恨條死廢柴！令我同ｍｕｍｍｙ分開了！！

************************************************************************
如何調校 相識相愛 的次序
今天碰上 愛上你 便有罪
毫無邪惡 真心的愛 都顧慮
光陰錯過 我與你 沒法追
難道 我愛你 你愛我 都不會成事
難道 你愛我 我愛你 要下輩子
沒法掌握戀愛是個 宿命的主義
我最終 不敢放任至此
在倒數的戀愛是個 生命的諷刺
很可能 天意 誰人談到
三者戀愛 的故事 總很介意
更控訴 是錯事 誰明了我 思想爭斗
的對峙 總批判我 錯愛了 沒法子
深信不可置信 我愛得極痛
我如何難受天不會懂

>>September 23, 2007 at 11:20:57 PM GMT+8

2007 年 9 月 21 日 星期五 【晴】

今日比一個係深圳office同dept既同事跣！
真係好嬲好火好chok！真係越黎越討厭班大陸人！！完完全全冇好感！！
只係吃喝玩樂嫖吹黑＄既擦鞋人！！！
我同主子既關係真係裂到爆，冇得救了！
我跟本完完全全唔認同佢既做事手法！痴線架！
好想唔做！真係想唔做！激級唔想做呀）））））
又好似我主子今日同ＣＦＯ爭車用！都痴線既！佢真係當間公司係佢自己ga wor！！唔分庄閒既！
仲要同人嘈！ＣＦＯ個秘書一心想主子好落台
預早打左比佢同佢傾下先啦，點之噴到人地一面屁！
外表柔弱溫柔眼大大既秘書令女竟然佛都有火，"你做咩咁憫姐～我都係想解決件事....."
薯不知身為一個長輩，身為一個高層，身為有教養既人竟然"cup"個後仔女既線！
哇）））真係頂呱呱）））一個人有冇品真係可以從lee d 地方睇出黎！
我真係接受唔到自己既主子咁樣處事，做佢下屬都覺得好核突呀）））
不過．．．．今日放工．．．．係同事身上八到ｄ野
先知原來主子好耐之前都比人累鑊勁金既～
所以我成日都講，一個人變一定有ｄ經歷一ｄ陰影先會變
唉～～～～～～明既明既～～個心都冇咁chok...................
依家咩都做唔到.....真係只有靠天父幫幫手ga ja..........

係公司真係最最最最開心莫過於同R-club班癲仔癲女一齊嘻嘻哈哈
係公司我ｄ笑聲全都黎自R-club........仲次次都笑到標晒眼水
R-club真係唯一返工既動力～～～

明天又係ＣＯＯ既ＳＯ周屎大作！！荷蘭的煩！！
仲有六個月！！俾心機捱埋去呀！！！
我都未試過返工返成咁既死款．．．

今日抽起條筋心思思好心急想知ＨＲ既成績
ＰＡＳＳ左～～～～～～～～
從前我一定會勁開心WE哇鬼叫 pok pok pok開香檳切燒豬放煙花慶祝
今日....真的冇晒MOOD了，感覺只係覺得少左一樣憂慮而已
竟然一ｄｄ興奮感都冇～～～終於畢業了～～呼～～～～～

>>September 21, 2007 at 11:25:15 PM GMT+8

2007 年 9 月 20 日 星期四 【晴】

琴日放工被瓜皮召左去佢屋企～ｗｏｗ～好大～
傾左陣計，原來係九個月前有段肺腑之言佢同左家姐講轉告我知，不過係冇既最後
依家聽返發現瓜皮入世真係好深，而且仲好高明！！
果段肺腑之言我完全認同啊！！
不過．．．咩都係假，我冇一個基本既家就係真！

呢幾個月同ＨＲ同事玩得好鬼ｆｒｄ
可惜各家既主子都唔妥大家
搞到我地做細既成日都偷偷摸摸咁傾計同ｌｕｎｃｈ
唔知係唔係因為啤梨都係同一個"大佬"，感覺好開心好舒服
見啤梨既感覺似見到阿TWO同雀屎咁～
好感恩天父永遠都派個小天使係我身邊睇住我

堂家姐既大婚就到ｌｕ～有ｄ期待感～
話晒個家族第一個結婚ｍａ～（家姐．．．．唉～比人爬頭了 heheheheee.....）
未買衫，未買鞋，未買手袋，未搵set頭，唔識化妝
好忙啊～～～～

I LOVE 秋意 I LOVE 阿ｍｏｏｎ

>>September 21, 2007 at 12:03:10 AM GMT+8

2007 年 9 月 19 日 星期三 【晴】

呢兩日天氣都好有秋意～
一早起身又涼浸浸～放工時又涼浸浸～
仲有秋意既味道～我好喜歡真係好喜歡～好喜歡秋意好喜歡阿ｍｏｏｎ～
呢排日日都好累～一達上床即刻昏迷左過去～
個腦依家日日都轉快左轉多左轉深左．．．真係好辛苦 =(
我主子唔係要一個工作辦事能力高既人
佢只係要一個識得奉承佢，識得擦佢鞋既線人而已
唉～～我真係唔識做人喇）））））
問左我好多次，迫左我好多次．．我都唔知點 =(
究竟係我冇主見定係我唔識做而已？！？
每一步都係.....................................

>>September 19, 2007 at 12:23:22 AM GMT+8