2008 年 4 月 29 日 星期二 【陰】

呢兩日太多太多太多野要寫喇～都唔知由邊打起好～
係公司．．．因為自己既無都能，無知，無經驗，搞到日日一鑊粥，鑊鑊都有咁燶得咁燶 =(
日日都被人鬧到耳都爛，頭甩，腦袋都爆裂 =(
唉..........極度灰.......I'm reli a stupid loser ..........
but I know I need to learn！ I know I'm fresh n green ！I need to train up myself ！

今日派彩，我已經冇預期那種興奮感，只係一直好期待好心急等豆屎仔既announcement
一直都同HR keep 住曖曖昧昧既問答方式.......果然係朋友！
派彩一出，心中真的尖叫大哇一聲））））真的榜上有名啊！！！＊v＊V
果種開心，興奮，真係唔知點形容，真的由心開心興奮到出黎！真的好HIGH！
比自己升職加薪還要開心興奮高漲十倍！
一打開個email announcement .......即highlight 豆屎仔個大名，不停睇呀睇，睇呀睇，好耐都唔捨得close 個email......Ｍ.Ｅ Ｍ.Ｅ Ｍ.Ｅ Ｍ.Ｅ Ｍ.Ｅ Ｍ.Ｅ Ｍ.Ｅ Ｍ.Ｅ Ｍ.Ｅ Ｍ.Ｅ Ｍ.Ｅ勁秋！
真的好好睇～哈哈哈哈哈哈）））））
連 KIT 妹都榜上有名．．．不過KIT妹個朵好似仲.....衰......左......＠﹏＠? 呀～點解會咁既．．．

因為果日mi mi lu lu 而發現左海旁既令景令地方～可以散散心，睇汪汪既勝地～
我食我既杏仁豆腐花，佢有佢隊佢既啤，大家暢所欲言，心靈交流，非常之唔錯
每句說話都好支持都好感安慰，坦白大方既盡訴心中情
天父安排我去呢間公司工作，真的是要我學習世事有好多陰險既一面
學習面對，學習更快去成熟，學習處理，幸而身邊有個智者幫助我每一事每一物
我怕．．．我怕天父要我學晒所有既事之後就係要我一個人過埋冇人陪既下半生...........

呢兩日太chi sin 地有磁場！咩事呀？最討厭就是那隻"扮王子既死仆街"！
呢兩日好多朋友找，好開心，感到自己既存在
琴日竟然係msn見到家姐，拿拿林叫佢，大嗌大叫我發狂掛佢，佢都係冷冷淡淡回應："see u on mother's day" 我chur................＝.＝" side"冷氣"～
之後健力士call me BBQ....瓜皮call me dinner with 胃滋，塵形佢地.......妹妹仲打比我講我知"你喪打"佢有折頭，唔係丫馬～我買左冇耐ja wor！！

TOMORROW IS ANOTHER DAY ～ A ZA A ZA FIGHTING！

>>April 29, 2008 at 11:28:12 PM GMT+8

2008 年 4 月 27 日 星期日 【陰】

lee 個weekend 心情，情緒好似過山車咁
首先滿有期待，再而累爆，跟著新奇，再而失望，唔開心，又有新鮮，再有期待，極度憤怒，而超爽暈佗佗感覺
簡直令自己既腦筋腦袋腦汁充滿混亂，簡直精神分裂
亦從未試連氣兩日過北上骨遊～ CRAZY C ～
去左一個 A 貨又一城！勁正！有冰場，有嘉禾戲院，有味千，有和民，有"你喪打"，有CK，都有"dull巴星"，連ESPRIT SALON do有！！！＊.＊"
連個design...concept....都跟埋....掂呀！我真的大鄉里！仲要留倩影ｗｏｒ～HaaHaaaHaaaaa～
完全"吸"左個又一城過去，只欠H&M....LOGON.....真的令我大開眼界～ｗｏｗ～ｗｏｗ～ｗｏｗ～
第一次由大學站行返屋企，真係行到腳仔bike！
幸好有個大隻男幫我行左四分一既路程～懲罰是也～
如果下次踩單車，一定勁ｃ服啊～
今日再如願以償，北上骨骨ｄａｙ～ｗｏｗ～真的錯有錯著架～啦啦啦～
個按摩ｃ竟然送左一張一年既ｖｉｐ咭比我）））哇））哈哈哈））））哇））哈哈哈））））哇））哈哈哈））））哇））哈哈哈））））
發大達囉））））＊v＊V 真係要call齊班老死闊太，用盡呢一年！KAAKAKAAaaKAakakaaa...
唔係因為個按摩ｃ送左張ｖｉｐ比我而讚佢，而佢的而且確 dup 得我十級ｃ服～
個個穴位都中！仲下下夠晒細心同比心機！！由佢第一下落手按肩膀時.....係有一種ｃ服到上天堂既感覺～多麼多麼多麼之爽啊～～～～～
為何個個大六女人都讚港男令仔既？？？
最可怕有次．．．有人讚"保娒"既男友杜生令仔＊.＊" 可想言之，佢地係出口術，係港男都嗌令仔
可惜又大把人受，因為男人係自大的，係要優越感的笨旦！大六女人！係奸的！
如果唔係我自己唔夠暖，唔係肚餓到十八樂坊出晒黎，我一定比一百分，今次九十四分啦～
有待下月再黎評評分～呵呵呵～呵呵呵～呵呵呵～～

呢一輪想想都掛住身邊好多既人．．．
家姐，mummy，表弟，公公婆婆，朋友，舊同事．．．
唔知家姐發生咩事，全世界人都找不到她，我真的好想同家姐傾下兩句，開始感到比家姐串兩句頂撞兩句，都仲好過沒了他聲音，真的很掛～
mummy.....最怕失去，不知何解還沒有勇氣請佢黎我家食我親手下廚，可能我太怕佢會咋咋弟弟叫埋果條友黎啦～muummy...I LOVE U
公公婆婆....每次見他們都老了許多.....我都好怕.....好怕.......
我真的不想等到大時大節，父母親節，生日才見面．．．
父啊～求你督促我，不要懶

我亦好掛我既朋友，某日提起Form one去神學院既往事......Baby當晚就了長途給我......
真的心靈感應？！
有日我忍不住口在msn跟TAZD講我好掛佢地每一個人，真的不想等到每年既生日時才見面
點知佢答我："Sor Po.....我同hellokitty都提開你，都話好掛你想搵你"
WaW 佢一句話，真的令我在公司眼濕濕......心入面好震動.......

>>April 28, 2008 at 10:05:24 AM GMT+8

2008 年 4 月 23 日 星期三 【暴雨】

唉～灰爆死我 :T﹏T:
我都知金牛係妄想左ｄ，"人情"都叫有ｄ期望，啡牛都係大路盤
真係嚇左自己一跳囉依家，真係好冇心好灰爆，咩都唔係，真係好失望到谷底
依家心情，情緒真的真的難以言喻！
最嚇到我魂飛魄散，六神無主既事係"皇后"竟然有大陸黎講叫高薪既待遇
仲有雙位數既加幅！而個B獎都居然多過我之餘仲接近佢既高薪！
真係摺埋心水走人 xyz#@c%zyu&#@

星期一冇跳求陽舞，阿SUN哥都自動自覺放陽！仲熱力四射！
搞到我由頭唔ｃ服到落腳指may！！！
首先星期日晚嚴重大失眠，等天光等鬧鐘響！
之後一起身悶悶熱熱頭暈暈．．．仲要入廚房dirt dirt洗洗切切抄抄，搞到好似picnic咁，抄百搭wu冬 + 雞翼
～唉～一出門騎呢事一一發生了．．．
醒唔起原來平日架巴士唔會去到門口，搞到過左兩個站姐，好在自己醒目，醒起唔係去到門口落車姐，總算都唔係行到死死下既回頭路！
落左車，公公婆婆問點行返去門口，我就扮勁，一拖三咁行......
行下行下....唔對路？.....車路黎既.....左dull dull右dull dull.....終於搵到出路了....可惜公公婆婆不見了....哈哈哈.....
一入去，第一時間又扮勁，衝去玩"你帶我飛呀飛呀飛...."＊.＊出事～真的好驚～
又岩岩撞上大風．．．我騰騰震，不停叫阿RaiN安撫我，卻一句："係唔係太大風，所以轉左個senior d 既技術人，唔知會唔會吹到甩左".....唔係咁玩野丫馬～我大叫大喊先tum我咋～嗚～蝦人～
上到去好似冇咩享受，只係驚．．．好快就返回地面～呼～
跟手cable car 去隔離山，不嬲fing賊船都冇事．．．第一次嘔！
我既wu冬～我既豬頸肉，我既雞翼出返晒黎 woo woo woo！～～
好辛苦好辛苦先平伏到自己，曾經玩過既木頭過山車，唔知其實我仲玩唔玩到呢～？！

食左"阿甘蝦"～ｗｏｗ～都好唔錯ｂｏｒ～
環境，氣氛，服務都好好，水準就冇咩驚喜～

琴日同TAZD msn....真的好掛住佢地幾個癲婆～
講講下又到大家排山倒海既B-day 癲拿ｌｕ！首先係"健力士"先，之後到我，再係"HelloKitty"，最尾係TAZD．．．

>>April 23, 2008 at 12:41:15 PM GMT+8

2008 年 4 月 21 日 星期一 【微雨】

今日天氣好悶熱....琴日下了一場黑雨.....地上蒸發....搞到今日悶悶熱熱....
頂唔順個ＴＯＩＬＥＴ太污ｊｏｅ，我唔理就冇人理，唯有大汗搭細汗洗呀洗，擦呀擦
撞鬼～一個ｔｏｉｌｅｔ溝左ｄ潔廁DUCK味，再有滴露味，仲有萬潔靈味，作嘔作悶起來
又爬地擦地，又烏身擦浴缸，見暈起來．．．
抖～～～～～～都係暈～～～諗住訓左去，一個鐘多ｄ又唔ｃ服醒了．．．
焗親～？！總之一整日就悶悶不樂，心口閹閹悶，想作嘔，難呼吸
岩岩開左個冷氣．．．ｃ服左好多．．．唔通天氣真係太焗？！

突然好掛住ｄ朋友．．．
睇佢地既blog.....佢地各有各忙．．．個個生活都唔同晒．．．
見到佢地日日都好開心日日都好充實
而我．．．個個星期唔係屈係家冇所事事就係唔開心咁過．．．
日子好像．．．好廢似的
好想郊遊，好想周圍貢，好想好充實，好想好開心

希望明日唔好下大魚．．．我冇力跳求陽舞喇～～～
希望明天是開心的，是愉快的，是難忘的
阿Rain～生日快樂～

>>April 21, 2008 at 1:20:59 AM GMT+8

2008 年 4 月 20 日 星期日 【驟雨】

～三號波～
今日終於比我"lur"左去睇古仔～＊v＊V "lur"足大半個月架．．．
WOW）））真的近期港產片最突出既一部！正！九十五分！
人物角色已經頂呱呱夠晒吸引死我
有靚仔古天樂，靚女劉若英仲有個超級可愛既ｂｂ女同非常靚女又得意既細路女！
演技方面，古仔都係來來去去咁，不過進步左好多，內心果ｄ．．．有感覺
而劉若英，由後生拍到老，每個位都發揮得好稱職
故事方面，真係一ｄ悶場都冇，個個位都好豐富，原來係張艾嘉之作
同埋起碼都唔係講拜神野，講天父wor.....仲澄清講到天父係信的唔係拜的，心中真係拍爛手掌！
續喊到我死死下既<生日快樂>之後，真的再一次支持佢！
文藝溫情+抵死搞笑．．．
．．．我想大概心智未成熟既人睇左會唔多明又或者未必太有直接既感受
不過，想學習成熟既人，睇左都會考慮lee d 問題，都會想去了解lee d 道理
唯一扣５分就係為左入名校所以受洗lee 一幕，雖然的確有人係咁做，但我怕令人誤解固中道理
古仔加油！張艾嘉加油！！

食左貴到飛起既扒王之王．．．
憑咩咁貴呀 .＼#／. ＠ 　因為係龍蝦湯？(龍蝦變左大蝦既？)
因為煙三文魚沙律？ (一塊煙三文魚刺身既厚度，真的薄到晶瑩剔透！)
因為個焦糖什果布甸？ (都唔係面層燒到卜卜脆既．．．)
下次我一定唔會再比lee 間野呃我＄！口古月！

>>April 20, 2008 at 1:01:38 AM GMT+8

2008 年 4 月 17 日 星期四 【驟雨】

一號戒備信號
個天氣都跟足我心情情緒，我都要戒備明天既大災難
今日一早又被果隻肥野上司由朝無理取鬧到收工，ＯＴ =(
我真的死蠢，又被那隻小人臭八婆大陸妹有機會 ZIP 位中傷我＞＜
真的不想再受那些無理取鬧既屈氣................
自知冇能力再搵另一間，想返工但唔想受委屈既氣．．．

今日雨田美冇啦啦ｍｓｎ我，唔知點解我無形地唔太想再睬佢
可能果次佢既態度同語氣令我覺得佢唔似一個我既朋友
即係佢自己做過既事就大條道理，當我有問題唔知點唔開心時，佢卻不近人情
當佢講到佛頭有事時，我心入面真的好緊張，但當佢ｕｐ左ｄ人名出黎時，我又反覆地燥了起來
我都態度極唔好地fu hin了事了佢，但隨即我都打過比佛頭，可惜電話唔通
到了放工，終於找到佛頭喇～～～傾左一大輪～～～
竟然....傾到......大家交換心得......點死好........＝.＝"
其實真的好懷念從前大家都嘻嘻哈哈開開心心，一大班人熱熱鬧鬧既時光．．．
一行八人浩浩蕩蕩去東涌，一齊上山頂，一齊打邊爐，一齊食壽司，一齊睇戲．．．
越想越唔開心tim.....

唉～～訓過一覺又要受死返工了．．．十億個不願意對住那隻不講理既怪物！！！
一想起明天返工，我就怕了，怕到心跳．．．真的好怕．．．
真的受不了他的無理

>>April 18, 2008 at 12:14:27 AM GMT+8

2008 年 4 月 16 日 星期三 【晴】

～哈～今日著左對"你喪打"～果然不同凡響！！！
一出火車站係紅綠燈位眼見兩架狗巴好似地鐵咁兩卡痴住到．．．
已經心冇希望，過左馬路已經開走左一架，仲有少數人上後面果架
我就急步，急急下追埋．．．點之追到去車尾，佢"扮"門開車走左．．．
岩岩有個不顧儀態既麻甩佬係車頭大字型截停左架巴士
WOW～本來放下腳步既我再次追上～哈～追上了～
如果係果對平鞋，我一定已經拗柴or甩鞋or跣襯，跟本追唔到巴士
原來貴鞋功能多多．．．哈哈哈哈哈．．．．
可追巴，落斜路時免人扶，下雨天時又防滑，行路仲有靜音功能唔會發出"guk guk"聲 ＊0＊ 勁啊
真係物超所值！
呢幾日同DIN婆KIT一齊出去食lunch....日日都早出遲歸 XD XD XD 仲日日有新鮮奇事發生
真係日日都笑爛老娘個咀！！！

前幾日發現左個會笑甩我個咀既YouTube XD XD XD

http://www.youtube.com/watch?v=rISipIz1iJs&feature=related

http://www.youtube.com/watch?v=egArIqQ7LyQ&feature=related



>>April 16, 2008 at 11:19:53 PM GMT+8

2008 年 4 月 14 日 星期一 【暴雨】

十萬個不知點算好．．．腦裡充滿爭扎．．．
"你總是心太軟，第二日又嘻嘻哈哈，但第三日又發生同樣事情"；
"你是咎由自取，因為你已把他寵壞，每次的機會，只成了他的理所當然"；
"現在他所作的事都只是一殺那，只是彌補自己既過失，令自己感到比較好過點而已"；
"你老豆都對你侮辱而且ｘｘｘｘ，你都不能容忍不能接受，辛辛苦苦都要搬離那個家，但你卻可接受一個跟你冇血緣關係的人"；
"你的電話，你的手錶，就是要這樣換取回來"；
"你自己都曾經錯過，還很錯很錯，很內疚很後悔的事，你都想求人原諒，你也明白這真切的感受"；
"你的底線在哪兒，你樽鹽在哪兒，如果不能接受的，你還需要考慮什麼"；
"你不是說過愛能勝過一切嗎"；
"一而再，再而三bor，江山易改，品性難易，難道有日要見血先醒"；
"有的東西，一次也嫌多"；
"心中有數，只是希望找到個跟你共同聲音既人，等自己安慰ｄ"；
"你只是逃避，你只係幻想希望冇發生過，比理由自己去接受，你不接受事實"

今日去左做"facial"......果個跟左我５年既Ｆ姐姐唔做了，唔知點解我衝口而出跟佢講:"我唔捨得佢"....
佢幾令女幾叻外表都幾硬淨的，我開心，唔開心，疲累時候佢總開解得到我
我幾開心，幾自豪自己好易識到交心既朋友
雖然一季先見一次面，但每次都暢談好耐，有次做完treatment佢仲坐定定同我傾計
今次係佢最後一次幫我，臨尾佢仲叫我留底email...大家keep住contact......果刻都幾感動.....
最尾我太大頭蝦，忘了祝福佢．．．只聽見佢叫我開心ｄ．．．

>>April 15, 2008 at 12:06:17 AM GMT+8

2008 年 4 月 12 日 星期六 【陰】

無情情.....無情情...........
一心想找關於自己既blog.....消失了......連同其他人都消失了.......
唯有看東看西......眼見一個從未見過既icon....真的神推鬼oun(已經不是第一次有這神奇力量).......
嚇見我想找的東西就在那兒..........
再嚇見一大堆野..............
出於什麼動機???什麼心態?????行為是什麼????????
我比信心自己....拿拿林走去沖涼........可惜...我越想越唔開心........
為何出現那種行為?????對我既不信任??????有背住太陽伯伯既事?????????
我不做不道德既事.....只好問........
結果.........................我知道有誤會...我追.......卻dull心口受了狠狠的一拳.....
那一拳......我都醒了...............好痛好痛好痛.........
永遠彌補不了....................................

>>April 12, 2008 at 1:41:37 AM GMT+8

2008 年 4 月 11 日 星期五 【陰】

岩岩食完個快快手既ｌｕｎｃｈ之後．．．ShoppING魔 x ２出動了
一直以黎(都有成年了) 都想買返對令少少，唔會著到腳板底痛,腳爭痛既HIGH HEELS
成日心思思想去人人都話好既～"你喪打"～睇下．．．.
睇下，睇岩左＊.＊" ｗoｗ 試下，試岩埋＊0＊"
真係著得我好鬼舒服～突然感到對腳好似上左天堂咁～
真係平貴之別！七十蚊既會著到爆鞋底，飛爭，甩粒"的"，腳痛咩都出齊！
七百個大洋．．．唔腳痛但激級肉痛 >﹏< 爭扎了良久.....良良久.......良良良久..........
不停買平鞋又不停爛更腳痛，不如買對正正經經啦～
～咔嚓～ ＊.＊ 耳朵隨即聽到："多謝晒"
生平第一次咁貴既鞋．．．(Boots 除外) 我會錫晒你！放係鞋櫃高高在上！
嘩）））兩點三！兩隻SHOPPING魔一仆一碌滾返公司．．．
依家收左係台底．．．好似．．．有ｄ．．．罪疚感
個心到依家仲卜卜跳 X﹏﹏﹏X

>>April 11, 2008 at 3:40:00 PM GMT+8