2009 年 1 月 6 日 星期二 【陰晴不定】

本來新一年新開始，充滿期盼的好開始
可是......噩夢已經為我的零九年打響頭炮！ =(
琴晚大細孖........唉.......起初她們慌死我會因為結婚而飛係佢地
仲一早講定唔可以臨時走所以我估先局我做"業主"
依家....佢地..................我真的太蠢太蠢太蠢......一次又一次又一次再一次不止息的信錯人
很辛苦了呀 :T﹏T:
父啊～哪兒是我的棲息所？哪兒是我的藏身處？何時才能過著安穩既生活？
很累了．．．真的很累每年頻撲的搵住處，很累的執拾，很辛勞的搬運
不想依靠人，不想成了別人的包袱，可是，我一個人的力量..........
煩擾我的事好像永不休止.......

婆婆既事我已打算用半年時間去回味跟她相處過的一點一滴.......半年後，希望我會平伏下來；
工作方面，一月裡既工作忙得我死死下，上廁所飲啖水既時間都覺得係"車齒".....
唯有見步行步，快快手手，腦筋清醒ｄ....不停OT......
感情方面，我真的再冇能力去應付，唯有keep住依家既情況都好感恩～
住處方面，唉～根本有佢地講冇我講，依家都冇得我揀.........

父啊～女兒很累很累很累喇.......煩憂會生病，我這叫慢性自殺嗎？求您一步步帶領及保守，阿們

>>January 6, 2009 at 12:58:42 AM GMT+8

2009 年 1 月 3 日 星期六 【乍雨乍晴】

又新一年，又老一年ｌｕ～
零八年真的過得很快脆！真的要講多一千遍.....地球ｆｉｎｇ快左呀）））））
回顧零八年咩感覺都有齊晒！辛辛苦苦的零八年，唔開心多過開心的零八年～
還記得零七年十二月三十一日，ｊ神 Hellokitty佢地黎左我家ｂｂ燒～
第二日，一月一日就一團人去左樓下牧師家ｂｂ燒～
丫～千禧年，仲上左藍田山睇千禧日出～真係好興奮的！
今次，去左一達多年都未再去過ｃｏｕｎｔｄｏｗｎ既地方～
好凍好凍好凍～～～～係赤赤凍～～～～～凍到頭都甩，大風到人都散既扯旗山！＊v＊
真的至愛香港既夜景～今年倒數仲加插噴煙花！真係好興奮呀！！！真係高處不勝寒～～
岩喇岩喇！越凍越有節日ｆｅｅｌ！農曆年都ｋｅｅｐ住凍丫唔該～ｈｅｈｅｈｅｅｅ
我有一件暖笠笠軟綿綿既溫暖羽絨！上到山頂得果十度都係暖的～勁呀！抵著抵買啊！
婆婆呀，年年既呢個時候，你都多數係舅公家ｍｊ的～
婆婆呀，好掛妳啊～好想再見到妳....:T﹏T:
有時候.....掛一個人.......就算平時佢憫憫憎憎既聲，呢一刻都會想繼續聽......
婆婆呀，妳給我的二人電飯煲......會一直陪伴我下去..........
婆婆呀，妳給我的果皮.....我捨不得用.........
婆婆呀，妳多次的問我點搭車到我家，到現在已成了我的遺憾

新一年，我希望人人都身體健康，開開心心，快快樂樂，豐衣足食
我就希望自己都身體健康；家庭方面，希望各人都安好，尤其係公公同媽咪；事業方面，希望自己能醒目一ｄ，智慧多一ｄ；感情方面，希望少50%交拗，多50%既愛。

父啊～我將零八年的唔開心同苦惱都交上，將零九年的一切交到您手中安排～阿們

>>January 3, 2009 at 1:00:19 AM GMT+8

2008 年 12 月 30 日 星期二 【暴雨】

為何每一次我都有用腦去想過的事情，覺得有問題的事情時
卻不知何解都有阻攔，都有理據去嗌停我？
卻換來老闆覺得我計劃不周？覺得我沒有去想過而做？
被老闆溫和的插到一面屁，一ｄ都唔好受，心中很辛苦
打去搵人呻呻自己的愚蠢同唔開心.......
結果給人發洩甚至"咳"線的對待，真的很難受！
後悔打出的這一個電話，令自己苦上加痛
～醒了～更知道自己地位～不要再沉迷下去～
一個開開心心一家人既buffet當然比我的愚蠢事更為重要吧

>>December 30, 2008 at 7:03:09 PM GMT+8

2008 年 12 月 28 日 星期日 【暴雨】

整個十二月裡，第一日能夠由早到晚都"痴"在家裡"達"在床上～
身心累氣全都發了出來．．．但仍感到很累～

2008年12月24日 (WED)
一放工就回府更衣～鬼咩．．．米比天文台騙了囉～＝.＝" (早上13度,下午至晚上都廿度)
之後我就漫無目的咁比人"的"左出街去尋surprise喇～
～哈～呢個"鬼"地方都有幾年冇踏足過了～我覺得應該有棵超高超大既聖誕樹先似樣～
食過飯行左個插滿心型蠟燭既浪漫沙灘 (別誤會，係"鬼"地方的搞作，並不是豆豉的安排)
仲有三隻小"鬼"走埋黎對住我唱左首唔知咩既聖誕快歌 n say Merry Christmas to me～ (都係d小"鬼"開心而搵目標，都並唔係豆豉既安排）
係"鬼"地方影左好多好多相之後就向海出發～影左好多好多好多相～
還記得零四年的海運第一次咁誇張咁令
不過....都係覺得零五年既海運大廈既decoration係最教我難忘....因有我至愛既色調～
好豐富好滿足的零八年平安夜～

2008年12月25日 (THUS)
原本一早打算去晒各地Shopping Mall影影影影影.........只可是整個人都感到累累的.....
到了又一城.........都係覺得幾年前果棵水晶聖誕樹又閃又令又高貴～
之後打道回府租左隻"Butterfly"睇～頂～
以為有好戲之人阿SA加令仔尊龍會係浪漫無敵片啦～把鬼鬼鬼鬼鬼鬼........
我只可以講俞澄慶係最好ｌｏｒ～

2008年12月26日 (FRI)
比原定時間遲了半個中到.....因我係家不停me me mor mor........
一到步，急不及待去睇下"婆婆"先....... :T﹏T: 她...變了樣.....縮晒水......
忘了提媽咪舅父佢地準備一個假髮給愛美的婆婆......讓大家可以看到婆婆最後最美的一刻
因我信天父，亦明白知道人死後已經什麼意思都沒有，所以不會作任何儀式，只是悼念吧了
所以我揀選了坐在門口位做接待～
感恩，感恩我有個開通明白事理既家，不會強迫我們做一些有違背天父意思既事～
http://hk.knowledge.yahoo.com/question/question?qid=7008120600911
當他們的法事開始，我的淚又不停的流下來，知道婆婆的身軀就像靈魂一樣要離開要在世上消失.......很不捨得..........
到現在我仍在想..仍是一個謎...當年母親節我送了兩件襯衣比婆婆.....
是否就是常常穿在身的那件淡粉紅玫瑰衫？
因我有印象是花型，一件粉紅色，另一件係藍色.......

2008年12月27日 (SAT)
九時許到達世界，為婆婆的身後事在最後的儀式
要排排坐回家屬位置，好深刻的一個shot，公公側著身望向各親友，而婆婆的相則高高掛在堂中
婆婆呀，妳的十兄弟姊妹都由順德趕來了，仲有好多表舅父表姨都齊了
婆婆呀，遇妳相識近60年的好朋友姨婆都來了
婆婆呀，整個堂都好多人好熱鬧，因為人多關係，佢地好快摺左好多好多果ｄ金銀衣紙
婆婆呀，大殮的時候，我真係好想望多妳幾眼，真的好唔捨得妳 :T﹏T:
婆婆呀，我地一行五十人送你到火化場，只是要排隊，所以我地睇唔到就走了
婆婆呀，我地一行五十人回到媽咪果度食午飯啊，ｄ齋送樣樣都好好味，仲有果碗花生糊.......係超好味架
婆婆呀，細舅父超低能，佢問家姐究竟係逸倫大定嘉琪大ｄ喎～
婆婆呀，妳永遠都是我們的婆婆，永遠永遠永遠懷念妳

由於我深信我死後會到天父那裡去，所以我不怕死亡，只是不捨得各人吧了
我希望悼念我既地方係開心係熱鬧的，會播好多好多相，聽著一首首的詩歌
um........有我喜歡既顏色同鮮花....um.....但我喜歡既顏色比較高貴，而我喜歡既鮮花比較活潑，襯ma？
應該都match....高貴中帶點活潑又或者....活潑中帶點高貴啦～
當然唔洗放我鐘意食既野比我啦，你地食我鐘意食既野米得囉～因我鐘意share ma～
臭豆腐丫！！！哈哈哈！熱杏霜丫！！！哈哈哈！！！！！九王丫！！！哈哈哈哈哈！！！
以上食品都有好獨特既味道.....真係......唔多人鐘意～哈哈哈

要收拾心情同養好精神，為未來既工作繼續加油！
未來一年好多事都好想計劃同去實行 .\ ～/.　
1/ 返教會；有基督在內既生活
2/ 去下旅行；唔知仲有冇ｄ平雪旅行，如上海 / 韓國 / 日本............
3/ 好想養下小動物；金魚 / 小狗 / 倉鼠 .........
4/ 中六合彩！

>>December 28, 2008 at 10:35:43 PM GMT+8

2008 年 12 月 24 日 星期三 【乍雨乍晴】

聖誕了！
明明幾日前都冇咩高漲既聖誕情緒症狀出現
係自從開始陸陸續續收家人同朋友既尿壺開始......開始有feel了～ｙｏ～！
在我死迫難迫底下，隻衰鬼終於ｕｐ左句：
"唔洗同人迫，又勁有聖誕feel，真係無人估到，一定唔會撞到熟人，不過又有好多人同你興祝！"
就憑呢句說話，我心中既火就好似camp fire咁高咁熊咁大同咁猛！呵呵呵～～
快ｄ收工，快ｄ收工啦～好心急好緊張好期待啊～～～～～～

咁多節日，從小開始只會鐘意聖誕節～對我黎講係好濃烈既開心溫馨氣氛～
由小到大，都係我佈置屋企，掛到鬼５馬６，我就開開心心叫婆婆公公，同學黎玩～
幼稚園就係坐台聖誕樹 (mummy佈置)
小學就係四呎聖誕樹 (高過我)
到了中學就六呎聖誕樹 (唔夠高插星星）
唔知我第時既家裡可以容下幾大棵聖誕樹呢～？！
到了出來做事，先開始喜歡埋中國既新年，因為有得去澳門聽炮仗聲～
我真的真的好喜歡熱鬧！

終於捨棄左有６年厚dup dup既羽絨了～
買左件軟綿綿漲卜卜暖lup lup既溫暖牌羽絨～
真係好掂～１２度既今天，我一ｄ都唔覺冷～^v^～

父啊～我誠心希望您既福音能傳遍天下，亦給予我力量去為你工作～阿們

>>December 24, 2008 at 10:48:50 AM GMT+8

2008 年 12 月 22 日 星期一 【炎熱】

大家都知今日係中國既冬至，亦即係中國人傳統要做冬，冬大過年喎～
因近三個都行唔開，唯有"的"起心肝，今日晨咁早貢出去搞搞頭髮
又染又拉直.......九百九十個大洋！＠﹏＠" 搞足五個鐘～抵卦？！
真的係喎，又真係咁岩啦，每次有大事唔開心事都會大搞個頭喎～
今日發生個小插曲，令我無名火起，爆晒粗口，頭都痛埋
(真係想快ｄ頭痛暈左去上天家........ .＼～／. ＠"
事源又係老媽子ｄ高章說話把戲！由細到大聽佢講野把口真係好犀利的！
由我小學開始本日記都係咁講佢！雖然我真的好唔滿意佢既手段，把戲，說話既技巧，但我都仍然係鍚佢的～
不過，當我對午間件事冷靜時，到了晚上，佢又黎料！！！
今次仲係擺公公上台，我聽完佢既說話，我當堂打個突
公公...當然勞氣激動啦～當一件事人人暗地裡都知 (仲係佢把口傳出來)，何解到左今時今日仍搵件事出黎講？仲要係晒ｄ仔女ｄ孫面前說多一遍？
好喇～公公聽左當然唔開心，係唔係要公公好自責？係米要公公好內疚？
當公公發晦氣時，佢又扮晒大方冇野仲笑笑口話唔講當冇事？！
當冇事又講既？都唔知依家老媽子搞咩鬼～唔通跟得"果條友"多變得發花癲？
我一定忍唔住，搵人問下佢點解佢要咁做！離譜！

今晚....感覺好奇怪..........明明少了一個人.......感覺....好似....好快平伏.....何解既？
去到酒樓，"婆婆"安排坐係我同家姐中間，每黎一道送都要夾比"佢".......
上到"婆婆"家，大家都開開心心熱熱鬧鬧的交換尿壺～
而"果條友"又發花癲！又係度扮晒大佬，叫我地唔可以咁高興～
till～"婆婆"喜歡熱鬧的，唔會喜歡我地唔開心
又要問人地幾時食新年飯，"果條友"自己講邊度都唔可以去拜年，大舅母都唔敢返深圳探爹娘，又話年初二更加唔可以去舅公家～
till～公公講完年三十食，果條死粉旦又嗌唔得～你話晒事啦，你自己返去同阿媽拜年就得？人地唔得？都痴九線既！飲大左就返龜早ｄ抖！
其實好多人都會知婆婆心意～婆婆可能會講....自己人派返比自己人利是唔緊要.....對外就唔好～
今日公公月黎月老....月黎月一舊舊........
今日公公好cute....忍不住讚佢："公公你月黎月Q 啊 ^v^ "
公公的回應竟然係..........："你地走晒我米又扮返"look"樹囉～"
哈哈哈哈哈哈哈哈哈哈哈哈 XD
今日係LIFT口同公公玩龜波氣功同波動拳）））波動拳）））波動拳）））
今日我唔小心粗魯得滯整爛左個袋.....爹阿公幫我搞 (結果都係自己搞返掂)....但見佢好開心，好落力的幫我搞～嘻嘻～

父啊～我地跟婆婆一起禱告的時候，唔知您又同婆婆傾左ｄ咩呢～
可以婆婆都一起上了天家．．．．．
依家我都將公公交上，保守帶領佢，叫佢唔會感到孤獨～阿們

>>December 22, 2008 at 1:17:52 AM GMT+8

2008 年 12 月 17 日 星期三 【晴】

一星期了...........
婆婆離開世間一星期了...........妳到了哪裡？天家？
現在回想這三個月裡，每日放工都趕往醫院陪婆婆的日子
每晚都跟婆婆去梳洗後我地才離開
很想繼續聽婆婆每一句說話
很想繼續跟婆婆一起的禱告
很想吃她親手造的家鄉小吃 - 炸排骨
很想請教她一d中國既禮節
最想.....:T﹏T:　飲她煲的薑醋......戴她買給我們的龍鳳金鈪.....
很想聽到ｄ小朋友嗌佢一聲"太婆"..........

現在的我，更加想留在媽咪身邊
真的很不想錯過跟媽咪的相處時間
可是.......我知道我不能再跟"果條友"同住一個地方
忍了那麼多年，走了出去半年再回去又如何？換來一句:"你死能左我同你收屍！"
就憑他的一句及其他日後不正常行為，我已無法再跟他相處下去！
亦不想我媽咪做中間人難做

星期日問過主人家後，所以都決定去 + Yee既婚禮同婚宴
+ Yee既丈夫外表薯頭muc咁，原來好鬼玩得又正氣又係文武全材！
真係個個都讚到誇啦啦，連比較要求高果家人都讚不絕口！
係婚禮上，以往新人都比較含蓄，但新郎哥一ｄ都唔怯場，仲好鬼真性情！
係婚宴上，仲顯盡新郎哥又鬼馬又浪漫又玩得既本性！氣氛係帶動全場！係全場！
真係去過咁多次婚宴，呢一個真係全場個個都能全情投入，同埋真係屬於新人既PARTY！
十分滿分我比九分了！

父啊～再一次急切的將未信的家人，朋友及伴侶交上，求父神帶領，阿們

>>December 17, 2008 at 11:52:02 PM GMT+8

2008 年 12 月 14 日 星期日 【晴】

今晚各人都集結在"婆婆"家......～作反行動～
就系倒空各個抽屜＆衣櫃........
老人家真系老人家，好多金銀玉器，仲有好多收藏品.....
眼見婆婆一直著住既睡袍掛在窗前，個心都酸酸地，唔敢多望幾眼～
到收了下來準備棄置時，卻又依依不捨..........

題外話，各人都對"某so周"人都微言；而我，乃是從當日"某so周"人在醫院裡九唔搭八的豬腦行動開始！
完全表露曬冇教養，唔大體既劣質操行出黎
尤其今晚，竟當正自己系女主人家，呼喝公公！簡直豈有此理！
可是我有自知知明，知道自己身份，不會冇禮貌直斥呢個"某so周"長輩ｌｏｒ～

>>December 14, 2008 at 2:13:41 AM GMT+8

2008 年 12 月 11 日 星期四 【晴】

2008-12-9 (Tue) 12:00 接過媽媽電話，放下手上東西去醫院
2008-12-10 (Wed)
00:30 離開醫院
01:30 打完日記上床睡
03:58 接到家姐來電，叫我趕往醫院，邊說邊聽到婆婆痛苦的呼吸聲
04:11 出門從馬鞍山飛的去法國
04:25 到房....嚇見婆婆辛苦氣促透不到氣的樣子
04:30 心急如焚....心中不停禱告...
媽咪老豆到 --> 公公細舅父細舅母峻傑到 --> ｅｅ逸倫到 --> 等了很久.............很久..............大舅父大舅母智衝到 --> 舅公到...........人齊了
眼見婆婆很痛苦，又聽見婆婆痛苦的嗌"我好暈....我好暈...."
已經冇晒力氣，眼睛半開，但仍然用盡用力去問:"點解.....點解會係咁"
大概仲係清晨時分，天仍是黑媽媽的，四兄弟姊妹商議後打了第一次"醉"針......
隔了半小時多她仍未入睡.....仍是痛苦爭扎.......可怕的呼吸聲......已經不再捨不得婆婆走......禱告求天父拖帶婆婆手離開...... :T﹏T:
人人輪流跟婆婆道別，媽咪已長女大家姐身份叫婆婆唔好再撐，我地個個都大喇，安心啦，可以訓喇...........
婆婆卻仍是爭扎.....不肯睡..........再打第二支"醉"針.................仍是很頑強的意志力....她抗藥力很強.......
到了朝早七時許，各人都很疲累..........輪流分批出去食早點.........
婆婆訓下又醒下.......訓下又爭扎下.............
到了九時許......開始有藥物反應了......婆婆發生的現象就像飲醉酒，做了很多唔知做緊咩冇意識既事......
全身變白，雙腳發藍發紫，手腳冰凍，含氧量唔夠５０，.她不斷的爭扎.....很痛苦.....很像吸毒般典床典席......不停起身要落床....
看見婆婆的辛苦痛苦掙扎，人人都落淚......其後連婆婆最好朋友的阿ｅ也來了........
婆婆發狂，全身灰白，個頭呈紫色，雙腳是黑色......真的很驚...驚到大家都不知所措.......
各人都不再發聲，不想有任何舉動令婆婆再次醒來，由頭受痛苦.....
到了中午一時許，開始又分批輪流出去午飯........
只留下我，家姐，阿妹，大舅父同大舅母睇住婆婆
到了大概一時半，細舅父細舅母都回來了
婆婆突然又"醉"醒又要落床......
到了大概二時.......本來發出"嘻哈"痛苦的呼吸聲變得靜了起來，各人都定睛觀看婆婆既變化....
看見婆婆皮包骨的身體，頸項的大動脈仍有跳動，個咀很明顯不同呼吸的型態，很弱........
大家都定睛看著婆婆的大動脈跳動，跳........停............................跳.......停............................................跳.......停................................................................大舅父催促媽咪各人回來，而我抱緊家姐掩實自己個咀.......:T﹏T:
14:05 最後一口，停了跳動，停了呼吸，即叫護士通知醫生
14:15 各人趕回來，醫生護士檢驗
14:25 醫生正式宣佈婆婆走了 :T﹏T:
各人跟婆婆說最後一句話～我說:"婆婆，早抖喇～" 公公依依不捨的在婆婆面額上錫了一啖～

婆婆，原來你很勁，你的意志原來咁強，只是你不知道自己的情況才受著痛苦撐下去......
婆婆，護士幫你沖身後，我地挑選一套由ｅｅ買來我地讚令而你自己又鐘意果件旦黃色毛巾睡衣喇～好令～你放心啦，仲幫你舒舒服服換埋入面果ｄ喇～知你鐘意乾淨ｍａ～
婆婆，幫你沖身果個護士呢，仲係你話肥肥地成日笑開開心心走黎同你講考試pass左果個呀；
婆婆，打包得你好令呀～綁左三個蝴蝶仔～係訓左係木既棺木，唔似公立醫院果ｄ鐵既箱；仲有木棺木上有一塊真皮蓋住，好令好高貴啊～
婆婆，我地一齊搭LIFT....送到你去殮房門口......同你講左句"BYEBYE"，睇埋四個嬸嬸送你入房我地先走啊～
婆婆，我地走果時仲係門口見到周潤發同及發嫂啊～
婆婆，將來天家見啦～

我哭，因看見婆婆很痛苦的掙扎
我哭，因看見婆婆最後一下心跳呼吸
我哭，因看見婆婆睡在大大隻字"殮房"門口處
我哭，因再叫婆婆呢個稱呼，冇人再有回應
我哭，因跟婆婆有廿八年的感情
我哭，因永遠都不會再見到婆婆，不能再請她到澳門各大賭場
我哭，真的很不捨得

我開始為到家人未相信天父，未得救而緊張
我知道我死後一定去天父度，所以我不怕，心裡相信口裡承認就是得救既確據！
父啊～求您加添我力量，叫到各人有機會去認識您；
父啊～看見他們痛苦的離開就是因為他們未曾認識您；
父啊～真的很急切，我為到我家人，身邊朋友，伴侶交上，真的希望他們有您從中得到快樂同愛，阿們

>>December 11, 2008 at 2:55:09 PM GMT+8

2008 年 12 月 10 日 星期三 【炎熱】

收到電話後什麼也不能集中精神去做
只有一路心跳手震震的趕忙做埋少少事務
見到婆婆才安心下來.............很多高濃度氧氣儀器.........
只見她的意志很強！完全看見她心全盼望！
每當她小休一陣子，就會扎醒嗌要食藥，可見她仍全心相信藥物能幫助她；
每當她感到氣管有ｄｄ順暢時，她便立即拿開，嚷著飲水食野，可見她努力為自己身體吸取多一點點營養；
可是，平常人的小動作，如蓋被或整理衣履，卻能使她氣促缺氧，含氧量立時下降；
最可怕的是......婆婆已經唔肯比人幫........每次她都堅持自己要做........什麼動作都能使她缺氧........
更甚的是.....飲一啖水既一秒......亦是辛苦........
救佢？或是拖延她的痛苦？
我們看到她辛苦，她卻努力求存！很矛盾............................
今日婆婆很激動發晒紫的罵我和姐姐，因受家人所託，希望得知婆婆心願......
委派了我同家姐辦.......很惡很惡.....頭都發紫激動邊說邊哭:"係唔係想我早ｄ走呀！！！"
婆婆即時氣咳，不敢了．．．不敢了．．．．

>>December 10, 2008 at 1:21:11 AM GMT+8