2009 年 6 月 5 日 星期五 【晴】

淚．．．

>>June 5, 2009 at 11:24:30 PM GMT+8

2009 年 6 月 2 日 星期二 【晴】

想死，透唔到氣，心跳手震！
個個都咁對我！由我死！我係垃圾咩？
騙我回來後拍拍屁股走！
個個男人都係咁對我！！！
一開始開口埋口一生一世！又話比最幸福我！屁話！
玩殘我呢個老女人之後就講誠心祝福我！
傷盡我！！！！
如果我上左天家，請告訴我mummy同我家姐，我係愛佢地的
只是依家我太憎我自己了
我亦接受唔到自己
我唔想迫任何人，我受夠了呢一種痛苦！

>>June 2, 2009 at 10:03:12 PM GMT+8

2009 年 6 月 1 日 星期一 【晴】

本來心情叫做冷靜左ｄ，可是佢既說話.....令我再一次受傷.....好痛......好痛.........
最傷最盡最絕的說話，每年我都飽受過喇！
第一個人說完最盡的說話後的三星期，有個好索好有米既竹星女友
第二個人玩完後不出一星期，同返佢舊女友一齊
第三個人玩完後不出兩日，同左個卡哇衣妹一齊
第四個，不出兩個月，同左佢同事一齊
今次，我相信已經發生左ｄ野我唔知了
我唔想亂估，可是我心爛晒喇，好痛
我唔想又喊，我雙眼好痛喇，好辛苦
詩詩乖啦，唔好喊啦，雙眼好腫好痛架喇～
父啊～我心好痛，好爛呀～好辛苦呀～我唔想再喊～求你幫我，求你愛我

>>June 1, 2009 at 11:08:43 PM GMT+8

2009 年 6 月 1 日 星期一 【晴】

今日一早發左個小巴司機爛渣凸一.一凸 因為....我的心情真的極之非常不好～
尋晚崩潰缺堤.....一床都係鹽田.........好辛苦........
仲聽埋ｄ會死得人既歌..............
係公司，就差ｄ比人跣左 xyz@#%$！呢啖氣本來都"骨"左去算數，當睇清一個人既底牌
點之原來呢條死八婆o係我星期六DAY OFF時四圍唱 凸.＼／. 凸丫！
公道自在人心架！八婆！你周圍唱，米比緊機會人地更加替我不值ｊａ！ｏｎｄｏｇｄｏｇ！！！
其實我自問真的醒了少許，比著從前既我，我可能真的會聽呢個本來係傾得埋既同事講唔會回去CHECK，但可是我本身責任心強既底，你吹得我脹跣我唔倒咩！
上次人地講佢係度搞屎棍，我半信半疑，但我都仲係人面幫佢講好話，我當時仲覺得人地離間我同佢
依家咩都睇清楚晒啦！日久見人心！正八婆！有兩個銅錢係身，有個好老公錫好巴幣？！
我睇你冇左你老公時你點扇！！！你米繼續瞞你老公出去勾三搭四囉！我睇下仲有咩ｏｎ９既男人比百幾萬你亂咁ｆｉｎｇ！！！！！
唉......我仲想有個高人指點我迷津.....我真的唔想再比人蝦.......
好在上次多得高人講我知呢條友已經有問題...我仲好想高人講我知我可以點應對呢d人..............
腦海一整日都反反覆覆在想.......
「無人完美　無人如己　何妨容納雙方對比.......」
今晚我打算狂聽SAMMI，聽死自己為止！
好辛苦 :T﹏T:
不想再哭了.....很想......很想.....................

>>June 1, 2009 at 10:15:04 PM GMT+8

2009 年 5 月 31 日 星期日 【晴】

痛

>>May 31, 2009 at 10:11:24 PM GMT+8

2009 年 5 月 31 日 星期日 【晴】

呢幾日天氣唔錯，可是我既心情卻非常之麻麻
好多晚都已經劣質睡眠...........
岩岩過左既星期，其中有兩日都係出去左上training coures，感覺很好，因為真的又大開眼界，又學左好多野，又有得著 ^v^
由於公司係從事飲食業，而我既職位亦需要對食品安全衛生有一定既知識，所以上個FOOD & SAFETY - HACCP既course
哇）））我平時平嬲都有少少潔ＰＩＧ架啦，聽完個course即時打晒冷震 ＠﹏＠"
睇果ｄ從食具到食物上既細菌、真菌、寄生蟲...etc......真係嚇到我唔敢再食ｄ唔標準既野.....
同埋洗手既嚴重性～！
另一個course係講處理客人既投訴，果個講師好POWERFUL.....我聽得好入神！我仲嫌唔夠時間tim bor！
其中佢講到："掌握自己既情緒，無謂挑戰自己既免疫力"，"唔好執著對錯、要跳出對錯既框框"，"「岩+岩聽」即係對既事+岩用詞既說話先會有人願意聽你講"
～哈～好似有ｄ野要叮一聲咁囉～

上星期祟光大減價，被喪傑奉命一齊出去出血．．．結果．．．．
一ｄ都冇大量出血，感覺仲打勝仗！ｋａｋａｋａ．．．因為執到抵到爛！！！
一套保濕BIOTHEM都只係三百幾！有媽屎，有洗面，有潤唇膏、仲有強力保濕GEL！ｗｏｗ！！！平時一dull保濕GEL都要三百幾啦～ｇｅｅｅｇｅｅ
之後又買左件睡衣～嘻嘻～好似買上癮～

婆婆呀～今年好似係第一年端午節圍埋一齊食飯啊～
婆婆啊～我上左黎摸門釘ｗｏｒ，個心不停諗，你會唔會開門比我～
婆婆...........跟你最後的日子，真的很難忘

今早打敗左魔鬼，感恩，得著了很多
一路聽個心好多雜念，不停想為何我要辛辛苦苦一個人搬出黎住？為何我同男人好似世仇咁？只因多得一個廢柴！呢個結我都唔知點先會打得開，可能要佢信左主，真心係天父面前悔過我先能夠打開這個多年來的心結？！他令我有好多心理唔平衡；我記得中一某日轉堂的時候，坐我前面既男同學唔知講左咩說話令我好火滾，我二話不說立起台頭幾吋厚既MATHS書就咁dull頭拍落佢個頭度，當時全班鴉雀無聲，個個都睇到呆了，而果個男同學唔敢放聲的喊了出來，我是內疚唔開心的，後來我跟我老師講左件事，老師叫我私下向佢say sorry，我當然冇啦～到了中二，好想學壞，專登講粗口，去睇人打交，可是卻壞唔起，反而返左教會...........從始開始了教會既生活，亦除了教會裡的男生外，我都謝絕所有男生埋身，係好憎！到左YR 1仍然未放開，經朋友，老師既鼓勵，又可能祈禱多左，開始接觸異性，開始慢慢的放膽跟異性相處，亦慢慢開始第一次既PUPPY LOVE，直到一路路的痛下去，跟我拍了半年的兩個男人，我是後悔極，這兩個統統都是一腳幾船，背著同第二個女人鬼混，我所有信心都失去，對男人既恨亦隨之而來！今天的一首歌「曾經踏遍路途千里，途中跌倒過攀不起；無望的心感困累，全然交瘁；無助身軀早已沒有力氣...........」真的想哭出來...........當遇上良善的，我卻嫌他不長進不能照顧我更做了背判他的事，我是後悔自己所做的，可是什麼都不能回頭，就算回頭，我可能同樣地討厭他的不長進懶洋咩既性格；遇上聰明的，卻有一副自大，小氣，火爆既特質，相處真的令我很頭痛，我完全不懂應付，初時感到時常渣頸就命，後來發現他的心，但可能我經歷太多太多，令我很迷惑，時時爭吵，不論大小事都是火爆的吵，曾經我都跟自己說過，要比耐性同愛心，不知何解，他的挑釁經常令我火上加油，他的小氣令我感到頭痛，他的自私令我感到冇將來，只有他的聰明才能保護我；不斷的禱告，今天我領悟到一點東西，就是我沒有好好的行出基督既樣式，我在不斷絆倒別人，我更沒有好好的做見證，不一定要揀個基督徒去生活，我都可以令一個人歸主，我卻沒有好好的做好；可能我的大女人性格累事，我從沒有溫柔過，希望今後做回小鳥，開開心心嘻嘻哈哈咁充滿信心，力量同盼望的面對未來；今天，講員講到的問題，我記得幾日前跟那人分享過，就是地上賺到的財富又如何？一個金融海嘯就能化為烏有；講員說不要單一投資，你應投資在家庭，夫妻關係，子女關係，人與人既關係之上，他更對坐在的男人說：「你搵既錢，你一定係講比最好既生活太太同子女，當自己死後，我愛既人可以唔洗受苦，但你知唔知你太自私了，你將你自己認為係好的給他們就叫愛？你有冇問佢地係想要什麼？天父給你們地上的東西的，一定夠用。」我時常都認為那人的聰明是天父給的，可是佢未發現，都幾心痛，更受到challenge...........回想，我都不應再為唔夠錢用而煩惱，因為每當我需要時，必定有天父照，神既恩典夠我用。

>>May 31, 2009 at 5:58:52 PM GMT+8

2009 年 5 月 26 日 星期二 【暴雨】

女夭！痴拿扇的！！！！
好辛苦呀））））））））））））））
放！過！我！吧！！！！！！！
chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!chigusin!!!

>>May 26, 2009 at 8:27:57 PM GMT+8

2009 年 5 月 18 日 星期一 【晴】

這星期做了好多事～
首先星期二果日個死人腦又係痛到大爆炸，死死地氣仆去MRI
因為第一次，好驚青所以炸炸林急ｃａｌｌ媽咪出黎定定驚
世人只有媽媽好…………啦啦啦～
入到房，心跳加速，最衰果日冇戴con.，入到房白蒙蒙一片，只係見到一個好大既床同好大既窿＠﹏＠
訓係度，好嘈～嘈到轟轟轟，打晒樁咁～搞了半個鐘～
照完都冇打顯影劑，即係….應該….都冇咩事卦？！
MRI完就嗌左公公一齊出黎飲茶～好開心的茶～
同公公妙問妙答一番，笑到標眼水
公公懶醒咁問：你今日照米今日要請假囉？做咩唔星期日去照啊？side左一日假～
CC扮勁的回應：阿公，星期日果ｄ檢查唔開門架
媽咪笑到癲咁補充：阿女，唔係星期日開唔開門問題，你依家係星期日頭痛咩？你都係今日痛所以今日先去照ja ma…真係比你兩個激死～
哇哈哈哈哈））））） XD XD XD 又係ｗｏｒ！！！比公公ｆａｋｅ左！

星期六原本打算CC一日遊就算，即興去左一生人第一次既CC酒店～
WoW）））比想像中好好多倍～無敵無遮無掩大海景～仲有個有少少東南亞feel既房～正爆登～
行完山，周身酸痛，沖過涼後爬係張床，嘆著冷氣，望住藍天白雲同沙灘，寫意死～唔願走唔想走～～～～
～哈～仲臨近三十歲人，學人著異國風情ｌｏｏｋ～好令啊 ^v^ we V we V！
好鐘意自己呢一個異國風情ｌｏｏｋ啊））））爽屎～令屎～ｋａｋｋａａ
果晚仲搵埋阿TWO食屎夫～扇貝ｙｏｙｏｙｏ！！！芝士龍蝦ｗａｗｋａｋａｋａ））））
一朝早，比自己力量起身就係……一定要係露台著住件異國風情，嘆美式早餐！ｙｏｙｏｙｏ！！！
全部都係我至愛既早餐，獨欠牛角包～
ＳＢ？ＬＦＫＹ？ＨＮＤ？唔好再諗喇））））好想好想好想．．．．．

有人問：「老老實實，你會唔會幫我手娶你？」
我不懂回應，並O了咀，統計我近身的朋友：
５０％男家比晒
３３％女家出少於一半
１７％女家出一半

>>May 18, 2009 at 5:34:00 PM GMT+8

2009 年 5 月 11 日 星期一 【晴】

感覺勁奇怪的一年母親節～少了一個人，少了一個屋企話事人-婆婆～
還記得上年母親節送左條印度手織粉淡紫色既大披肩比mummy…..婆婆卻講了一句:"灰灰沉沉…" ＝.＝" 口牙～
今年…多多事幹…個個都輪住入院，細表弟….二表弟….大舅母既情況仲令人擔心…仲有公公，醫生話有收縮既現像～
唉～咩事啊～令我都沉沉地．．．．．．最緊要身體健康～
飲完茶，mummy唔想我走住，想我留低多一陣，所以我就襯廢柴未回來前跟左mummy上樓同佢傾計喇～
唉～mummy既心態你估我唔知咩，我都想一家人啦～唉～
咩都忍唔到講晒出黎，傾到成個人都down down地～

上星期日，同左"脆屍"去睇戲～勁搞笑～只係睇姐，嚇到我地兩個鼻哥窿都冇肉～
最搞笑一開場睇左五分鐘TRAILER，之後熄晒燈黑晒媽媽播緊故仔五分鐘倒…..
場內ｄ人開始摸黑離場ｗｏｒ＊.＊ 前面一pair情侶起身走，再而側面，後面ｄ人陸陸續續起身走
如果我唔出聲，都唔知果個"脆屍"知唔知出左問題～
後來隔多五分鐘，全場開晒燈，有個經理走入黎大嗌…………：「唔好2C，播錯片」
呢套死人片，睇到我地兩個縮埋一舊！大家輪流擘大眼睇～！痴鬼鬼鬼鬼鬼鬼線的！

我要做件開心事令自己開開心心舒舒服服寫寫意意！


>>May 11, 2009 at 2:50:46 PM GMT+8

2009 年 5 月 2 日 星期六 【晴】

琴晚盡興到今早四點先達落床，依家被出面既嘈音嘈聲左．．．
咪唯有起身睇下Ｈ１Ｎ１單野同埋心癢癢間曙U～哈哈哈
自從前日家姐介紹左個曙U比我之後，我就著了魔咁.....ｋａｋａａ依家一開電腦除左入EXPENSES外，仲會務必巡下業務！ｋａｋａｋａａａ．．．
琴晚預祝"健力士"生日，約左班闊太去銅仔既"鼻長"........
果然名不虛傳........去到尾聲，有個扮晒魚蝦蟹既o靚仔幫我地影相......薯不知........
聽到一聲英文....:"one......two......."SMELL"！" o下？！哇哈哈哈哈）））哇哈哈哈哈））））
我真的忍不住爆笑出來，再而到主角，之後橫掃去到"TAZD".......個個礎nPO屎都笑到散晒！
"one two three"米"one two three" / "one two cheer"米"one two cheer"囉！
"SMELL"咩姐！？ XD XD XD 要聞ｄ咩啊？？？笑到眼水標~＞v＜~果然係"鼻長"！！！
之後小女子提議去ＭＪ～ＹＯ～！Ｎ年冇打了～多謝大家相就我啊 =)
細細地八番３２～因為舖槓上自摸混對紅中八番而成了嬴家 =P
琴晚仲比大家游說左我買我心儀已久既西裝褸，上次係葵芳睇果ｄ普通到周街有都要三五零
而呢一件既料唔係西裝料，而且個款加cutting都好合我STYLE～加上多人幫襯，議價後都係三五零，赤.....赤......痛...........不過總好過葵芳唔值既貨仔～

開始發覺跟朋友既節奏追唔上
個個唔係旅行，買樓，結婚就係生仔．．．依家．．．有人買Bu BU CAR
有時悶悶不樂呆坐......又不想掃朋既慶........
真的一直都感到我身邊既朋友係好幸福，跟自己比較時就會感到有ｄ........唔識講
依家令我最煩憂既事係錢同感情問題，追求開心快樂已經係我既"車齒"欲望～

講返單Ｈ１Ｎ１單野～真係要求天父插手喇～
真係好恐怖～依家朝早搭巴士返工果班人，都係低Ｄ水平
平時呇a咳到有啖既聲都唔會掩口掩鼻．．．
前日有個Ｃ NINE係我身邊，仲又咳又鼻水唔見囥甓SSUE拎出黎，又唔掩
我望一望坋犮艤ii得戚！真係想大把大把星埋去！xyz@#$%！

>>May 2, 2009 at 11:47:14 AM GMT+8