2002 年 11 月 30 日 星期六 【雨】

今朝去補習，補完習就同家西爸爸同Jennie媽媽去旺角食lunch……三個人……
我就諗起以前我同厲枝小姐同埋佢地一齊食野既情形，佢地依然恩愛，而我就……
我一諗到呢到就好掛住厲枝小姐，就算d野食好好味，對於我黎講已經冇咩所謂。

之後就搭車上去石梨貝打牌，我又諗起之前打牌既時候，厲枝小姐一打電話黎，我就食糊……
我全程都冇咩心機打，結果輸錢。

我呢個禮拜既心情，真係從來未試過差得咁交關……
我似乎低估左厲枝小姐對我既影響，
我發覺，原來佢已經成為左我生活既一部分

>>December 1, 2002 at 2:38:46 PM GMT+8

2002 年 11 月 28 日 星期四 【晴】

今朝番學成朝早都係遊雲，原本落堂之後要傾present d 野
點知d 人放飛機，冇品呀！！
星期一就要present，大家攬住一齊死呀？
枉我1030 落堂等到你地1130 落堂，仲要放飛機，好野！！
下晝補完習就番屋企lu

今日隻腳已經冇咁痛，所以冇去複診，等佢自己慢慢好。

今日落住微微雨，又天陰陰，令人好沮喪咁，所以諗起厲枝小姐時，
心情就差上加差……

>>November 29, 2002 at 12:20:37 AM GMT+8

2002 年 11 月 27 日 星期三 【晴】

今朝又痛住咁番學，都係番學望放學。
放學去複診……
番到屋企開始做功課，做到成兩點至沖涼，
聽日0830 堂，又要傾present，又要去補習，咁即係玩命啦……

今日收左補習錢，財赤情況得以暫時舒緩，可以鬆一口氣。

今日依然掛住厲枝小姐，而情況好似越來越嚴重……
一諗起佢就會成個人醒一醒，但係就會即刻情緒低落。
唉……

>>November 28, 2002 at 2:43:15 AM GMT+8

2002 年 11 月 26 日 星期二 【晴】

今日隻腳仍然好痛，所以冇去補習，0係屋企抖抖……
之後再去複診。下晝一跛一跛咁番去學校拎form reg. 科，幾經辛苦至番到去，
點知原來拎完就走得，唔駛聽個talk，shit...早知叫人幫我拎啦....頂

今日全日都唔知做緊咩……
個腦成日都諗起以前同厲枝小姐一齊既日子，我開始懷疑我係咪一時衝動去同佢分手。
我係鍾意佢，我係咪要試下去挽救呢？
我真係唔想係咁……

>>November 26, 2002 at 9:48:03 PM GMT+8

2002 年 11 月 25 日 星期一 【陰】

我從未試過咁內疚，係我0既錯失對一個女仔做成咁嚴重0既傷害。
我知道我唔能夠去彌補，甚至唔能夠再面對佢。
我突然覺得自己好賤，好憎自己……次次都係咁……一d 都唔識得去珍惜
不過，同佢一齊0既日子真係好開心，好舒服……
但係我就將呢一切破壞。
我唔識去愛一個人，亦都唔識去俾幸福人。
可能我就係咁0既人，我唔會去埋怨任何人或事，因為我有咁0既結果係究由自取。

>>November 25, 2002 at 10:23:37 PM GMT+8

2002 年 11 月 24 日 星期日 【晴】

女朋友呢幾日對我好冷淡，我意識到我地可能面臨分手。
於是我改info 去睇下佢0既反應，果然，佢真係想分手。
我地都討論過我地之間0既問題，分手係最好0既決定。

我諗應該係我0既問題，因為佢話同我一齊都唔覺得似拍拖，似普通朋友咁。
同埋我俾唔到安全感佢。上次係咁，今次又係咁，一d 進步都冇。我有試過努力去改善，
但係可能係性格問題，又或者我係唔適合拍拖，所以又係同一樣0既結果。

我覺得今次同上次0既情況都十分之相似，好難講得出點相似法，但係感覺好相似。
唯一唔同就係我冇上次咁唔開心，因為好相似0既關係，所以知道點處理。
嚴格黎講，我好似冇咩唔開心，因為咁對大家都好……

>>November 24, 2002 at 8:55:59 PM GMT+8

2002 年 10 月 23 日 星期三 【雨】

哈哈哈~~~又係每週一記既時候
不過呢個好似係日記板黎……
算啦~~由得佢啦

尋晚做功課做到四點至訓，今朝又要七點起身返學……唉~~~ 慘 x 10
今日交0個篇作文要上堂做peer editing
改我篇文0個條友都唔知係唔係架~~係咁改我篇野
咁我尋晚趕篇野出黎，都預左係作得唔好
但係都唔駛將d 正確既野都改嘛
咁樣做冇意義囉
佢夠膽死0係俾comment 我0個陣話我有勁多grammatical mistakes
但係佢自己寫comment 都有勁多 gramatical mistake
"grammetical mistakes" ~~~ fuck off, man, you pissed me off !!!

放學之後就即刻番屋企訓
訓醒就去同厲枝鬼食dinner
哼~~妳呀 !!明知咁凍仲著咁少衫
小心 "娘親" 呀~~~
原本諗住同佢行一陣先送佢番去，
不過見佢凍到貓王咁
"拿拿聲" 送佢番屋企
記住要著多件衫呀，病病就慘喇！！
^3^

>>October 23, 2002 at 11:47:48 PM GMT+8

2002 年 10 月 16 日 星期三 【晴】

又係好耐都冇寫日記喇
今晚係有感而發
亦都可能係出現信心危機
每當出現呢d 情況我至會有feel or 雅興去寫一大篇野

今晚去睇完老細個街頭show
我突然發覺以前同我差唔多既佢，已經超越左我好多好多，
自己好似一個細路仔咁，一d 都唔獨立
成日都要俾人牽住個鼻去行
即係自己冇樣野掂，樣樣事都要靠人幫自己，去依賴其他人。

我0係度諗，咁樣落去都唔係辦法，我係咪要搵d 方法去改變呢個情況呢？
但係，搵d 方法去改變呢個情況係咪即係要去改變自己呢？
我係的確想改，但係我唔知點改。所以我覺得好矛盾……
我真係想做一個有用既人，唔想好似而家咁……終日無所事是
有時真係都幾憎自己，連我自己都忍唔住要鬧自己：「你有冇搞 x 錯呀？你唔 x 係呀話？
你咁 x 樣都得？好心你啦，醒少少當幫下手啦！！阻九住個地球轉！！」

有人同我講，話我要變喇，再係咁落去你就一定會被淘汰。又有人同我講，話其實只需要
做番自己想做既事，忠於自己既感覺。如果夾梗要改變自己去迎合人地，自己會好辛苦。

我真係唔知點做好……




厲枝小姐……i love u and miss u very much
^3^

>>October 17, 2002 at 1:01:17 AM GMT+8

2002 年 9 月 30 日 星期一 【晴】

哈哈~~~而家日記好似變左周記
一個禮拜至寫一次

過去既一個禮拜係可以用驚心動魄黎形容
一言難盡矣.......

唔知點解....每日唔見老婆仔就硬係有d 唔知點咁....
坐又唔係，企又唔係，訓又唔係，食又唔係
唉......我就死喇
快d 搵人救我啦！！！

>>September 30, 2002 at 11:52:56 PM GMT+8

2002 年 9 月 23 日 星期一 【晴】

今日係一個星期入面最辛苦既一日，因為要上七個鐘堂呀。
而且堂同堂之間又有free time，都唔知做d 咩好，四圍行……
行都勁支力。
不過最搞笑就係有個好耐冇見既fd 搵我，仲以為係聚舊啦，點知係叫我入會，
「做生意」喎……我完全知道佢地想點同做d 咩……
但係我就扮哂傻，睇佢地做馬騮戲，睇佢地對住我講到喉嚨痛又口乾…
真好笑……

>>September 23, 2002 at 11:15:36 PM GMT+8