2003 年 4 月 16 日 星期三 【晴】

賴床的習慣戒掉了，因為每天早上醒過來時會想起妳，會幻想你叫我起床時的聲音，壞習慣就這樣戒掉了……

所以清早起床再也不覺得苦了……

從前，每次來回步行到地鐵站，再由地鐵站步行到學校，都感覺很苦，很疲倦。
現在，步行時會想到你，我在荔景站轉車時會想起：「可能會碰上你吧！」雖然機會不太高，但是心裡還是有一種莫名的興奮……

上堂打瞌睡也似乎沒有了吧，因為想起你正在發奮溫習的樣子時，睡意沒有了，也會提醒自己要好好努力，不要輸給你。

>>April 16, 2003 at 2:07:03 AM GMT+8

2003 年 4 月 15 日 星期二 【晴】

收到妳的毛巾，好靚，唔捨得用tim……

今朝同主人食早餐，仲玩左成朝。主人下晝陪我返學，我去上堂，佢去溫書+等我
yeah~~雖然倦，但係開心

>>April 16, 2003 at 1:43:20 AM GMT+8

2003 年 4 月 12 日 星期六 【晴】

今日本來都幾開心，去見主人同埋去踢波。
同一日做我鍾意做既事。
不過今晚發生左一連串既事令我好唔開心...好嬲

我一返到屋企,唔知我老豆搞過d 咩,電視機d 台走哂,冇得睇有線=冇得睇波--嬲x1

之後媽媽搵我,佢話今日原來係舅母生日,話我好唔同佢慶祝,我根本都唔知舅母生日,老屈--嬲x 2

咁媽媽就叫我send 個 sms 俾舅母,同佢講happy birthday,要十二點前send,好趕既,好啦我send 啦,點知我打完一大段野之後,正想send 之際,家西打電話黎,我全部野冇哂,我問佢打黎搵我咩事,佢話冇野,只係無聊,佢估我傾緊電話,想打黎煩下我,我啤一聲冇野講cut左佢線--嬲x3

媽媽返到黎, 我將件事講俾佢聽,佢即刻發老脾,下下對住我喝狗咁喝,我唔想同佢嘈,廢事嘈醒老豆,我全部硬食,冇聲出--嬲x4



>>April 13, 2003 at 1:53:55 AM GMT+8

2003 年 4 月 8 日 星期二 【晴】

我唔想呀~~
我真係唔想~~
手掌又係肉，手背又係肉。
我真係唔想傷害到任何一個。
我真係第一次感覺到咩野係左右為難。
真係好難做……
咁又唔得，咁又唔得，都唔知點至得……
我真係希望上帝可以賜我勇氣同智慧去完滿咁解決呢件事……

>>April 9, 2003 at 12:12:40 AM GMT+8

2003 年 4 月 6 日 星期日 【陰】

我尋日做左一決定，一個可能係我生命入面其中一個最重要既決定。
我唔知呢個決定係0岩定係錯，我只係希望我唔會為呢個決定而後悔。
我會盡我所能，唔會俾自己後悔。

老鼠手則：

1. 主人永遠是對的。
2. 任何時候都要愛護、支持、擁護及服從主人。
3. 如對此手則有任何疑問，請參考《老鼠手則》第一條。

>>April 6, 2003 at 8:57:18 PM GMT+8

2003 年 4 月 4 日 星期五 【晴】

你講過你係angel~~~

Angel ~~ David Tao

鏡子中 看見一張陌生的臉 那眼神如此黯淡
笑一笑 只牽動苦澀的嘴角 我的寂寞誰知道
像條船在海上飄 北斗星也看不到
誰能夠揚起了帆 遠遠離開這黑潮

Angel Angel 盼望你在我身邊
Angel Angel 請你 緊緊抓住我的手

有時候 我想不會有人了解 心裡面藏著的痛
我害怕 用真心面對這世界 只好越來越沉默
一個人在人海漂 說話的人找不到
誰給我溫柔擁抱 當我感覺心快要碎了

Angel Angel 盼望你在我身邊
Angel Angel 是否 聽見我在呼喚你

能不能 告訴疲憊的我 你永遠為我守候

Angel Angel 請你留在我的身邊
Angel Angel 請你不要放開我的手

>>April 4, 2003 at 1:34:17 PM GMT+8

2003 年 3 月 31 日 星期一 【晴】

唔怕死既後果：
1. 病
2. 咳到就黎死
3. 冇人理
4. 唔抵可憐
5. 冇得去玩

今日終於病左，係咁咳，不過冇發燒，個頭好痛，咩都唔想做，咩都唔想諗，咩都唔想煩……

>>April 1, 2003 at 12:02:10 AM GMT+8

2003 年 3 月 27 日 星期四 【晴】

我今日戴左口罩返學，亦都有好多同學戴左口罩。四周都彌漫住惶恐既氣氛，咁係因為每晚ICQ都有好多message 話呢個有事，又話0個個有事。每一個人都驚中招。非典型肺炎真係好得人驚。不過我呢d 係唔怕死既~~上完stat. 堂，又見英文堂冇野做，就同幾個friend 走堂去唱K。係呀！我知K 房係高危地方呀！我係唔怕死既！
唱完K就返學校上埋下晝0個堂，放BREAK 0個陣，我同個friend 吹水，話我咳係因為我有典型肺炎。跟住佢就話我係一個典型廢柴。佢話我有典型肺炎，又瘦到條柴咁，仲唔係典型廢柴！
我即刻「啤」一聲，冇聲出。 Gouki 你好野！我記住你！！
到第二次放break 時，我就走左喇。因為佢冇野教，佢話break 完做exercise，咁exercise 可以返屋企做啦，所以我就走左，去左碌lane。 今日碌左144分~~ yeah~~~

>>March 28, 2003 at 12:15:32 PM GMT+8

2003 年 3 月 24 日 星期一 【晴】

今朝上0930 堂，我今朝極為少有地準時，冇遲到。
但係班friend 竟然拉埋我走堂。我見堂healthy living 咁悶，就同佢地嘗試一個「走」啦。
今日我勁呀~~1030 上堂，上到1300，再去hall can 傾project 直踩至1615。
今日係極為唔夠訓，但係越傾越起勁同精神~~ amazing~~ 做左 Mr. Energizer，有用唔盡既energy，問你死未，哈哈哈~~~
返到屋企又係咁搞project d 野，連原本plan 左聽日至做既野都做埋，勁呀！
好耐都冇試過咁勤力，咁乖，全晚對住部腦做野，冇玩game。
可能係傾得順，搞到好有incentive 去做！！
keep 住落去 GPA 做唔過3....！？
哇哈哈哈~~~~~~

>>March 25, 2003 at 12:16:37 AM GMT+8

2003 年 3 月 23 日 星期日 【晴】

總括20歲呢一年係開心同唔開心都係一半一半



3/2002 : 開心指數 - 1/10 因為家中之巨變加上 A-LEVEL 即將到，好唔開心，壓力好大！！
4/2002 : 開心指數 - 1/10 全個月都同 A-LEVEL 搏鬥，身心都受到前所未有既煎熬！！
5/2002 : 開心指數 - 7/10 A-LEVEL 完左，終於可以抖下，眼見漫長既SUMMER HOLIDAY 就在眼 前，最重要就係可以返去我最愛既青衣。唔駛再同人講我入緊青衣，而係返緊青衣。爽呀！！
6/2002 : 開心指數 - 8/10 係咁玩，全無壓力，過住寫意而放任既生活，仲唔開心就有鬼啦！
7/2002 : 開心指數 - 9/10 拍拖喇~~ 成年幾冇拍拖，終於再拍番。感覺更勝上回！第一次感覺到拍拖既FEEL。日日SWEET SWEET。
8/2002 : 開心指數 - 6/10 有工開呀~~~ 玩左成兩個月，係時候做野。叫做正正式式做我第一份暑期工，感覺唔錯，雖然人工唔高，但係同班FRIEND 日日邊做邊吹水，又學到野，唔錯唔錯。可惜A-LEVEL 放榜，成績唔好。心情有所影響，擔心下一步會係點。考慮左好耐，決定唔REPEAT，讀 AD。拍拖方面依然SWEET，只要有佢0係身邊，所有唔開心既野都唔記得哂。好多謝佢陪我過左我唔開心既時候。
9/2002 : 開心指數 - 7/10 拍拖仲係蜜月期，好有FEEL。月中開學，感覺同中學大有不同，識到好多新朋友，可以話係一個唔錯既開始。
10/2002 : 開心指數 - 6/10 同佢見面少左，因為我太多野做，學校又有，補習又有。俾唔到太多時間佢，好似冇咁好FEEL。
11/2002 : 開心指數 - -10/10 SEM 尾既威力簡直係超出我估計之外既幾十倍，平均每日只得5 個鐘訓，人都癲。另一方面，根本冇時間同佢見面，最後佢提出分手……雖然係十萬個唔願意，但係我都接受左，我相信如果佢發覺係仲鍾意我既，佢係唔會提出分手。我知道我傷害到佢，我覺得好內疚，我係愛佢，不過愛得唔夠，我好自私咁收起一D 俾自己，冇全心全意去愛佢，無心既錯失竟然傷得佢咁深。
12/2002 : 開心指數 - 0/10 依然都係要對住D PROJECT 同 PRESENTATION，真係完全抖唔到氣。都好，咁樣好以俾我用工作去麻醉自己。等自己冇空餘既時間去諗佢。原本值得開心既X'MAS，就變左LONELY X'MAS，俾EASON 一針見血唱中左。今年X'MAS 特別凍，除左真係溫度低外，心入面既寂寞同傷痛，令我凍到入心入骨。
1/2003 : 開心指數 - 1/10 新既一年開始，心情好轉左少少，不過都仲係好唔開心。仲要對住個死人EXAM。冇咩心機去溫。差唔多係空槍上陣。考完試就係SEM BREAK，有5 個星期去BREAK，等我可以REFRESH 一下。都好。
2/2003 : 開心指數 - 5/10 去左我第一個TRIP，真係好難忘，試左好多我未試過既野，好開心。不過依然仲未放得低，令到心情有少少影響。2ND SEM 開始，又見到好多朋友仔同識左好多新朋友仔，心情唔錯。
3/2003 : 開心指數 - 8/10 已經冇事喇，睇開左。感到開心係可以好EASY，係睇自己點睇。過左一個好開心既生日，好多謝你地！！同時亦都好感謝，我有一班好朋友！

>>March 24, 2003 at 2:57:54 AM GMT+8