2005 年 9 月 8 日 星期四 【晴】

尋日同樺樺、ｋｅｎｎｙ仲有另一個朋友上ｋ．ｏ．ｔｅｎ既英文堂。
咁大個女，等一次上ｕｅ既ｃｏｕｒｓｅ，
當然係好開心啦。
有朋友問過我點解智補ｕｅ，
（明明自己仲係一個ｆ．５既ｒｅｐｅａｔｅｒ）　＝＿＝’
但係，ｆ．６既ｕｅ唔係應該會教ｄ比ｆ．５深ｄ、ｆ．７淡ｄ既野架咩？
既然係咁，我都係去聽下ｕｅ講咩既好，
真係聽唔明，
都知自己不濟，再落翻去補ｆ．５都得丫ｍａ～

ｋ．ｏ．ｔｅｎ先生既堂真係好好笑，
但係都俾我知道ｕｅ同ｃｅ既英文既分別。
ｄ字深左好多，作文亦都唔可以再好似ｃｅ咁，
寫得咁簡單、淡明，
唔單止要講求文采，
仲要有深度之餘唔入陷阱先叫一篇合格既文。

唉。好似好難咁，
不過點都好，我都會去努力的。
起碼，我已經比其他ｆ．５更清楚ｕｅ係ｄ咩既世界。

＊　　　　＊　　　　＊＊　　　　＊　　　　＊＊　　　　＊　　　　＊

人地話，ｃｅ攞到Ａ既人，
出到去ＵＥ　９成跌到得Ｂ、Ｃ，甚至Ｄ，
我就諗：我連ＣＥ　Ｃ都冇喔～（笑）
應該要點努力先可以追到大家呢？

Ｆｉｎａｌｌｙ，Ｃｏｎｎｉｅ同我講，
你只要上英文堂嘗試抄錄Ｌａｍ太講過ｄ咩，
將唔曉既字又大約咁寫低，
日日花１５－２０分鐘去ｃｈｅｃｋ下自己ｄ字有冇錯，
你就會響中至長時間內有進步架啦～
「趕得切考ｃｅ嗎？」
「得，或者你ｍｏｃｋ之前已經有收穫。
就算唔大，你ｋｅｅｐ住日日抄，
你ｄ字都寫得快ｄ啦～」

咁又係既，一試無妨。

＊　　　　＊　　　　＊＊　　　　＊　　　　＊＊　　　　＊　　　　＊

之前佳人都覺得自己ｌｉｓｔｅｎｉｎｇ考得唔好，
你不如先試下吧～
ｓｋｉｌｌｓ我真係搵日話你知啦～
（唔係唔教你，係我都怕教錯你。
　等我ｃｈｅｃｋ下先再講你知啦～）

＊　　　　＊　　　　＊＊　　　　＊　　　　＊＊　　　　＊　　　　＊

我堂空堂都就完架啦，
寫到呢樹先啦～

＊　　　　＊　　　　＊＊　　　　＊　　　　＊＊　　　　＊　　　　＊　暫時擱筆。

>>September 8, 2005 at 12:30:13 PM GMT+8

2005 年 9 月 4 日 星期日 【炎熱】

凌晨。
仲係訓唔到。

心入面一諗到我會考既中文作文得個Ｅ，
就好似有一條刺正插入身體內，
點拎都拎唔出黎咁．．．

一向都自視自己既中文作文比一般人好，
所以從來都冇諗過會考中文會考得咁差。

如果真係可以好似平日咁，
有個６／７字頭，
或者子健唔會受個家長咁既白眼。
好似係我害既咁．．．

而我今年又係俾佢教。

我覺得好對唔住佢。

心痛得很。

也許，當你走開左，
呢種痛苦可以連繫住我同你，
等我會更加努力咁，
抓緊所有機會去令自己既中文更加好吧。

但．．．
我冇咁既勇氣去面對你。
即使，下年攞到Ａ＊都好，
我始終都令你俾人話過．．．

一個我最喜歡既老師．．．．．．

>>September 4, 2005 at 2:11:35 AM GMT+8

2005 年 9 月 2 日 星期五 【晴】

呢幾日係開學頭兩ｄａｙ，
真係好白痴。
都係寫翻ｄ我想寫既野先～

９月１號，我去大中拎左我個可愛既女兒，
好開心。
第一次成為真正既「娃媽」，
有一種好特別既感覺。
唔．．．就好似佢係我一個女重要既親人咁～
或者都係因為朋友同公仔係唔一樣啦。
朋友可能會有背叛你既一日，
但係公仔就只有你離棄佢既一日．．．
（所以，我係唔會就咁唔要我ｄ公仔架～
　不過，借仔仔女女既活動我都係會參加的～）

＊　　　　＊　　　　＊＊　　　　＊　　　　＊＊　　　　＊　　　　＊

開左學好兩日，
真係得個「悶」字。
我附近有我既茲茲老豆、有個阿Ｂｅｎ，
旁邊有ｑ到暈既班會財政，
仲有應該係我媽媽既Ｂ媽．．．（汗）

一如以往，班主任係廢既～
佢有佢講，大家有大家傾、玩、笑。
一諗到ｏｒａｌ要俾Ｔｏｎｙ　Ｃｈｏｉ教，
即刻ｄｅａｄ左，心諗：
唔係呀化，一個連「ｅｎｆｏｒｃｅ」都要諗下點解既人教我ｏｒａｌ，
不如我同自己ｄ　ｆｄ　ｐｒａｃｔｉｃｅ好過。
課外活動方面，今年冇再去美術學會，反而入左推廣小組～
唔知呢，已經對呢方面冇咁濃厚既興趣。
始終，我都係比較偏文既，
或者有人會好似白先勇咁－－棄理從文吧～
（雖然我唔係對理科一ｄ興建都冇）

＊　　　　＊　　　　＊＊　　　　＊　　　　＊＊　　　　＊　　　　＊

今日同卓樺＆ｋｅｎｎｙ食飯，諗住（應該係）去食大中既食物，
點知中途我響車上面唔見左部手提電話．．．
真係有ｄ問題呢我～
好彩，有一位好心人幫我交左去車長到，
我先見得翻佢。
如果唔係，佢可能已經俾人賣左啦．．．嗚．．．

去拎佢翻翻黎時，
有個車長同我講：
「我做左十幾年咁耐，
　從來冇人交過手提電話出黎架囉～
　小姐你真係好好彩。」

拎左之後，
ｋｅｎｎｙ又同我講：
「你部機真係ｃｈｅａｐ呀，
　人地連賣都廢事賣，
　好心你換過部啦～」

但係佢都冇壞．．．

點解要換過部喎。

佢只要仲傾到電話、睇到時間，
佢就得架啦～唔洗咁話我部手電呀化．．．

其實，我真係好感激肯交出黎個位朋友。
手機上既電話繩，其實係阿君送俾我架，而佢自己都有一條，
本意係祝福我地兩個友誼永固架。
如果真係唔見左，我諗我一定又喊一大餐呢～
（死啦～我的確好易喊．．．）

去左金田拉麵食完飯後，
大家去左圖書館睇書。
第一次見到兩位認真既樣子，
突然發現細佬好似成熟左咁。
唔知係因為宜家佢係預科生而我係會考生丫定係點，
佢當時就好似散發左一種．．．平日冇既感覺。
（搞到我好似個怪婆婆咁望左佢一陣～
　好睇ｋｅｎｎｙ睇唔到乍，如果唔係肯定又話我單戀卓樺～）（笑）
後來，佢仲坐正響我隔離，
（即係坐左係同一張大到咩咁既「單人」ｓｏｆａ上）睇書，
令我聯想到一ｄ好得意既野：
唔通依ｄ就叫做「親子閱讀」嗎？（笑）

＊　　　　＊　　　　＊＊　　　　＊　　　　＊＊　　　　＊　　　　＊

翻到屋企，睇左好多朋友既日記，
多數都係講下ｄ開學傻仔野，
但樺樺既日記，
有一句令我印象好深刻。
「一切重新開始－Restart 重新開機」

真係應該ｒｅｓｔａｒｔ呢～
上年就係因為自己既玩世不恭，
先搞到今年要ｒｅｐｅａｔ，
做唔到一個可愛既預科生。
（雖然我宜家俾考評局話夠分，
　但係我個底又真係唔太好，
　讀多一年都真係會好ｄ吧～）
面對今年既會考，
真希望可以同我ｄ　Ｆ．５　ｈｏｎｅｙｓ一齊升上中六呢～

ｐ．ｓ：明年今日要再去同卓樺佢地食飯～

＊　　　　＊　　　　＊＊　　　　＊　　　　＊＊　　　　＊　　　　＊

另外，有個ｇａｍｅ俾大家玩架～
睇下大家有冇興趣啦～我就覺得幾好玩～

遊戲細則﹕
1. 被點名後，請寫五項個人怪癖或奇怪的嗜好或異於常人的習慣
2. 然後再轉貼五個人（記得通知對方你邀請他加入此活動）

第一個:樺樺

1.永遠唔食菜,蔬果類食物 ( 除左 Apple , Banada , Orange 同紫菜)
2.一住食飯要一住飲野,如果唔係會死
3.你問我要唔要一d野,我會講"唔駛啦" , 不過幾秒後就反口　＝ｏ＝
4.出街前一定會整濕曬個頭再吹乾佢
5.銀包放右，手提放左

第二個我見到回覆既: cathy

1.去游水之前扮靚
2.在人趕快衝出門口時叫佢做野
3.將時間變快很多(3:10時說:4點啦)""_____""
4.抵既唔買,,唔抵先買,,買完又要話唔抵
5.鍾意lei埋係廁所喊

第三個係我:小流

1.鍾意養公仔，仲幫佢地改曬名，整曬衫仔褲仔同要佢地陪我出街。
2.唔鍾意有隻錶旁身；即使有，睇時間都係要攞電話出黎睇。
3.有眼鏡同冇左眼鏡時我係兩個唔同性格架～
4.屋企冇人時我會有好多反常行為，例如訓上個枕頭到再翻滾翻落地板，跟住又滾翻上去個枕頭到啦、玩沖涼鴨，甚或只著住翻學件底裙就開始玩毛冷球．．．（好似好令人睱想咁．．．真係唔好意思，污染左大家既眼睛）
5.鍾意拍人個頭。基本上次次有咩事，或者其實冇事發生過，我都好鍾意摸人個頭ｏｒ拍落去。大家下次見到我要小心ｄ啦～

我仲發現ｓｏｌｕ都有玩呢個ｇａｍｅ，雖然佢唔係回應我地，
不過都ｐｏｓｔ出黎啦～
ｓｏｌｕ的怪癖：
1. 我鍾意執野，種之有亂我就會執番好去，無論係我或者人地o既野
2. 食河粉o個陣會有想嘔的感覺 (只限湯粉)
3. 絕對唔會對o向我屋企出現的任何BUGS手軟，不過要o係我能力範圍之內
4. DEADLINE之前o個日先會做好我要做o既野
5. 就算係落街買報紙都一定會換曬衫先


好～點名時間又到啦～
我要我既佳人、Ｔｏｎｙ、ｋｅｎｎｙ、茲茲老豆同樹熊熊玩～（笑）

>>September 3, 2005 at 2:21:10 AM GMT+8

2005 年 8 月 31 日 星期三 【晴】

嘩～我都好耐冇打過日說ｌｕ～
多謝２位ｏｒ以上既ｈｏｎｅｙ支持我既（廢）日記，
而潛水既各位都得閒留下言啦。（笑）

＊　　　　＊　　　　＊＊　　　　＊　　　　＊＊　　　　＊　　　　＊

開左個ｍｓｎ好幾日，傾左好多低ｂ野呢～
雖然我條ｌｉｓｔ仲係得５個人，不過都係玩得好開心架～
有人問我，咁點解唔開ｉｃｑ呀，都好多ｆｄ呀。
係就係，但係ｉｃｑ有Ｄ人我又唔識，
又有Ｄ好煩，仲有Ｄ唔想見到既人。。。

話時話，最好笑係我ａｄｄ錯左個人，
仲玩多人會議，搞到個人都唔知點應我地～（爆）
真係唔好意思呢，ｂｒａｉｎ，有緣見啦下～（死）

＊　　　　＊　　　　＊＊　　　　＊　　　　＊＊　　　　＊　　　　＊

呀～我呢幾日都去左做暑期工呀～
係負責推銷月餅架～
做左幾日，識左幾個姨姨～
雖然唔熟，但總算做得好開心，日日都有傾有講。

不過，尋日發生左ｄ不可思議既事呢～
係咁既，我尋晚得一個人啦，（因為ｐａｒｔｅｒ冇翻），
就企左響隧道口到派，
旁邊有幾個男ｓａｌｅ屎推銷上網服務咁。
到我派到就放工，我就坐左響自己攞黎既椅子到啦，
點知．．．
我隔離檔個男仔同我搭訕，
仲問我攞電話．．．　＞ｖ＜
救命囉～宜家ｄ男仔真係死得啦，
真係「但求就手」就得喔．．．
靚過我既女仔大把啦，要溝都煩請搵個靚ｄ啦唔該。
唉．．．搵我呢個得４－ｙｒ－ｏｌｄ既．．．
唔得！一定要話俾ｄａｄｄｙ聽～（笑）

＊　　　　＊　　　　＊＊　　　　＊　　　　＊＊　　　　＊　　　　＊

仲有好多野架，例如同樺樺佢地影卡啦、同晴晴行街街咁～
不過真係太多啦，得閒再寫啦，我宜家去洗白白豬先～

＊　　　　＊　　　　＊＊　　　　＊　　　　＊＊　　　　＊　　　　＊　擱筆。

>>August 31, 2005 at 3:09:20 PM GMT+8

2005 年 8 月 28 日 星期日 【微冷】

快到９月１號ｌｕ～唔知會點呢？
好多人都知我上年係ｆ．５，
而今年又係ｆ．５～好似好怪咁。
不過，點都好，今年真係要努力好多好多，
因為錢真係好難賺，但好易洗．．．

＊　　　　＊　　　　＊＊　　　　＊　　　　＊＊　　　　＊　　　　＊

唔知點解，我覺得佳人好似對會考冇咩信心咁。
其實我又覺得唔洗咁悲丫，
你又唔諗下你ｍａｔｈｓ有幾好，
中西史肯背都仲ｏｋ丫，
更何況文科收得比較低分。（我唔係話想睇低你地文科既人呀下！）
只要４ｄ２ｃ，就有１４分～唔係咩？
（我好似冇咩資格講呢句呢．．．１４分都冇．．．）（？）
唉．．．
點都好，我同你一定誇得過中五會考架～

＊　　　　＊　　　　＊＊　　　　＊　　　　＊＊　　　　＊　　　　＊

唔．．．同自己細佬一齊行街，
就係覺得有ｄ唔係好正常既感覺。
點講呢？
佢好似有ｄ因為冇人陪先搵我既感覺。
但係，我真係當佢係自己親人呢．．．
雖然有ｄ時候佢都真係好討我厭，
（例如佢既ｅａｔｉｎｇ　ｈａｂｉｔ），
不過．．．我真係幾怕佢會唔再理我。

次次佢唔開心、鬧情況時，
即使我都有野做緊，
我都會真係第一個時間撲過去睇佢有冇事．．．
但係，我又怕佢會嫌我煩，
結果講到一半，我就唔再理佢，
之後就訓唔著，擔心佢．．．
唉．．．我真係好白痴。
明明唔應該咁做，但係最後都做左．．．

幾時先可以做翻隻貓仔，同主人一齊安心訓下呢．．．（苦笑）

＊　　　　＊　　　　＊＊　　　　＊　　　　＊＊　　　　＊　　　　＊　擱筆

>>August 28, 2005 at 11:02:38 PM GMT+8

2005 年 8 月 25 日 星期四 【陰】

今日終於開左個ＭＳＮ黎用，
宜家ａｄｄ左ｋｅｎｎｙ、樺樺同一個我聽講過既人。
大家如果有興趣同我ＭＳＮ既，
就ａｄｄ我啦～ [email protected]

＊　　　　＊　　　　＊＊　　　　＊　　　　＊＊　　　　＊　　　　＊

今日同我個「好」細佬食飯，
真係俾佢激到就死．．．
佢呀，真係有好多野唔食呢．．．
唔食菜，唔食一粒粒既粟米，但就食一條條既；
唔食芒果，但係芒果布丁、芒果雪條同其他芒果整既食物；
仲有好多好多其他野，佢都係食ｄ唔食ｄ咁．．．
唉～　真係丫，你唔可以咁架～
遲ｄ我會煮ｄ蔬菜咁既野，等你試下適應下，
希望你唔會咁抗拒啦～
不過放心啦，我唔會好似今日咁迫你食蟹鉗架啦～（笑）

＊　　　　＊　　　　＊＊　　　　＊　　　　＊＊　　　　＊　　　　＊

樹熊．．．．．．
好想你．．．．．．

＊　　　　＊　　　　＊＊　　　　＊　　　　＊＊　　　　＊　　　　＊

好耐唔見佳人啦．．．
打俾佢又冇人聽，唉．．．
唔通佢已經唔記得左我～？！？！

＊　　　　＊　　　　＊＊　　　　＊　　　　＊＊　　　　＊　　　　＊

喵～無疑，係我眼中，
我ｄ朋友係重要過自己咁．．．
又俾人話我啦，
「唔洗對人咁好架喎～」
真係唔明，呢個世界係唔係一定要對住所有人都要有個臉具先得架丫？
我又唔係對個個人都咁好；對事事都咁認真，
你地理得我丫．．．
算數啦．．．

＊　　　　＊　　　　＊＊　　　　＊　　　　＊＊　　　　＊　　　　＊　擱筆　＞＜

>>August 25, 2005 at 3:03:20 PM GMT+8

2005 年 8 月 23 日 星期二 【晴】

唉～呢排訓得都唔係太好．．．
大家好似都不謀而合地唔開心呢～（汗）
我同佢地做左好多心理輔導，
好彩大家唔洗一個鐘心情就好翻曬～

不過，尋晚就真係一直放心唔落。
唔知呀，宜家先知，
原本做人家姐真係好難。
細佬唔開心，但係我又唔知點先幫到佢。
總不能就這樣走去佢屋企話陪佢吧～
於是，我就叫佢有咩事都好，
都打個電話俾我同我傾。
而我呢，又真係半訓半醒咁等。

不過，唔知係佢心情好翻定係點，
成晚都冇聽到佢打黎。（苦笑）
大概只有我先會咁傻痴痴地等吧。。。

點都好，聽到佢今日好似都幾開心咁，
我都放心左好多。
＊～希望今晚有得好訓啦～＊

＊　　　　＊　　　　＊＊　　　　＊　　　　＊＊　　　　＊　　　　＊　

今日落街，用左＄１９．８買左１８條雪條～好開心～～
基本上宜家係會食飯，
但係始終都係鍾意冇野做就放ｄ野入口。
所以，我宜家係食緊三個鐘內第３條架～　＞ｖ＜”

＊　　　　＊　　　　＊＊　　　　＊　　　　＊＊　　　　＊　　　　＊　

樺樺佢地今日去海洋公園呢．．．
唉．．．睇見佢地升左中六，
真係仲有一個星期暑假，
而我就要溫翻中四五ｄ野，
始終都係唔鍾意．．．
算啦～
唯有同自己講，
下年要同佳人、老豆仲有其他人一齊升中六啦～
（當然要抱住我隻樹熊啦～）（笑）

＊　　　　＊　　　　＊＊　　　　＊　　　　＊＊　　　　＊　　　　＊

「唔好做你朋友ｄ奴隸先得架～」
知道啦，ｔｏｎｙ～
可能我有時真係太悲觀啦～
佢地又真係應該唔會亂來既～
係時候要放輕鬆一ｄ架啦～（淡笑）謝謝你唷～

＊　　　　＊　　　　＊＊　　　　＊　　　　＊＊　　　　＊　　　　＊　擱筆

>>October 7, 2005 at 10:46:16 PM GMT+8

2005 年 8 月 20 日 星期六 【颱風】

啊～～～
啊啊啊～～～
今日睇到件好想好想要既裙仔係拍賣場有得賣呀～
本來都冇咩野架，但係個件裙係幫你度身訂造既．．．

咁即係．．．抄暫人地大廠設計啦．．．（根本係抄埋人地幅圖）
http://milky-ange.com/html/catalogue/maid/alice21.htm
（大家入到去要按圖像切換先睇到圖架。）

其實香港都好多識設計既人，
咁點解仲要抄ｗｏｒ．．．
真係貪件裙靚？定還是貪個牌子呀？
點講都好，我覺得好唔應該囉～
究竟大家知唔知道，
好多大廠出黎衫褲裙仔，
其實係用左好多時間架．．．

首先，係由一個ｄｅｓｉｇｎｅｒ繪圖，跟住係搵布料。
（搵布料呢個工作其實係好考功夫架，
　因為唔同既布料，出黎既效果可以好唔同。）
（晚裝裙少用棉布，因為ｉｆ個裙擺唔大，睇落係一定唔會有飄逸感；
　而「的確涼布」﹝真係有呢隻布架，係校服布料黎架）
　又唔會用黎做ＰＥ衫，因為唔吸汗，而且又薄又透光。）
（據我有限度既知識，如果用１００％棉布，
　件衫次次洗完仲一定要ｉｒｏｎ佢，
　因為所有純天然既布料都會濕左之後皺埋。）

搵到合用既布之後，又要車又要觀察效果，
中途可能又會因為某ｄ原因要改布甚或由頭做過。
如是者，到做完之後，可能已經係幾個月．．．
仲要未計俾ｍｏｄｅｌ試穿呀、宣傳呀咁。
而拍賣場ｄ人，就咁樣抄左人地既設計，
將人地辛辛苦苦做既野就咁搶走，
難道唔覺得對唔住好多好多人架咩．．．？！

開頭著ｌｏｌｉｔａ，我好似都係買翻ｄ比較有名氣既大廠出品衫裙，
（當然唔係原廠啦，一件ｏｎｅ　ｐｉｅｃｅ要＄３０００起架～）
但後來知道原本一件裙要咁多人力物力，我就放棄唔再訂造大廠出品。
太過份了吧～就咁搶奪人地既成果．．．
於是，我就開始自己畫圖，自己買布，簡單既就自己車．．．
其實咁唔好咩？
追名（牌）逐利，唔單止敗壞自己人格，而且仲好浪費．．．
（包括自己既＄，人地既心血，仲有好多好多大家估唔到既野．．．）

一個人一生其實已經會錯過左好多野架啦，
如果再因為名利而放棄身邊一ｄ已有既野，
唔係好可惜嗎．．．？

＊　　　　＊　　　　＊＊　　　　＊　　　　＊＊　　　　＊　　　　＊　擱筆

>>August 20, 2005 at 4:11:08 PM GMT+8

2005 年 8 月 19 日 星期五 【雷雨】

尋日同Ｋｅｎｎｙ同卓樺去睇戲（Land of the Dead），
終於明白點解ｌｅｅ部戲個中文譯名會叫「活死人地帶」．．．
等我解釋下啦～唉．．．

首先，成個戲院內，唔算好多人，
男女比例都差唔多，
但係．．．就真係得我一個嚇得「死」去「活」來．．．
睇完真係成個「活死人」咁．．．
（都唔明宜家ｄ細路女都咁大膽，
無啦啦有個人頭「突」出黎喎，邊個都怕吧？
但真係冇人叫到出聲喎．．．＞＜”）

另外，我左右兩位係悶到成個「活死人」咁．．．
如果唔係我真係怕，
佢地應該真係訓著左．．．
因為．．．

＊佢兩個見到我咁怕都笑到成個活死人咁反黎反去＊

唉．．．下次都係搵ｄ其他朋友去睇．．．

不過，部戲都ｏｋ啦，
只不過ｄ腸同內臟有ｄ唔似同唔「ａｒｍ」位。

＊　　　　＊　　　　＊＊　　　　＊　　　　＊＊　　　　＊　　　　＊

翻黎大埔時，見到英皇既　ｒａｃｈｅｌ，
同佢講起去睇戲，
佢側一側頭同我講：
「你根本就唔應該同佢地睇。」
點解？
「因為一睇佢兩個個樣就知道佢兩個一定唔會怕啦～
係你先咁傻同佢兩隻野睇架乍。」

咩我真係咁笨嗎？
下次都係同茲茲老豆去睇啦。（笑）

＊　　　　＊　　　　＊＊　　　　＊　　　　＊＊　　　　＊　　　　＊　可能未完。

>>August 19, 2005 at 4:24:13 PM GMT+8

2005 年 8 月 18 日 星期四 【乍寒還暖】

今日一早就流鼻血．．．
都唔知發生咩事，ｄ血好似開水喉咁．．．
（錢先生同朱朱你地見過架啦，我冇誇張到架～）
唉．．．唔通我又就快死．．．？？

＊　　　　　＊　　　　　＊＊　　　　　＊　　　　　＊＊　　　　　＊　　　　　＊

尋日同一堆ｈｏｎｅｙｓ去唱ｋ，
發生左好多好多趣事～
例如：
（１）我一直拎住支ｍｉｃ，
　　　一唱就係４個鐘冇停過～
　　　（係冇ｍｉｃ有ｍｉｃ都就唱就叫）

（２）本來因為時間關係，
　　　首首歌都只可以唱到一半就算，
　　　點知區佬有一首歌未聽過，
　　　於是我地就一直唱完佢為止，
　　　等佢望住我地唱，佢又冇得唱～～～
　　　（抵你死啦區佬，成日ｃｕｔ我地歌丫拿～仲唔蝦翻你到底～）

（３）ｓｏｌｕ既女聲係版係好好聽架～
　　　大家真係要多ｄ同佢唱ｋ呀～

（４）俾人話我唱得好高音～
　　　（但係我係ｃｈｏｉｒ都係「高聲部」＆ｓｏｌｏ成員啦～）

（５）走個時我咳左幾聲，
　　　大家都以為我ｈｉｇｈ過頭唱到喉嚨痛，
　　　點知我其實只不過俾自己ｄ口水「濁」親．．．　＞ｖ＜”

（６）大家唔係一直不停唱都沙曬聲，
　　　但係我到宜家都冇事，
　　　今日唱多次都仲得～～

仲有好多架，例如我唱歌好好聽，
ｆａｎｎｙ姐姐好靚等等～～（爆）

＊　　　　＊　　　　＊＊　　　　＊　　　　＊＊　　　　＊　　　　＊

【擔心】

唔知呀，好怕有個人會討厭自己．．．
好似呢陣子都成日找佢掃苦、傾閒計咁，
日日都煩住佢．．．＞＜
其實我【宜家】只係當佢細佬架乍，
所以好多野都想可以同佢講．．．
唉～如果因為咁而討厭我，
大概我應該係時候疏遠佢少少。
佢覺得唔鍾意，
自己就會搵我架啦，唔係咩？

＊　　　　＊　　　　＊＊　　　　＊　　　　＊＊　　　　＊　　　　＊　擱筆

>>August 18, 2005 at 11:43:48 AM GMT+8