2009 年 7 月 1 日 星期三 【晴】

中學部部聯會

上星期日終於表演完畢!!一段十五分鐘既跳舞表演...用左一個月時間綵排...好在只係係中間走位出左錯,其他都仲可以 =] 唔知點解自己好重視呢次表演...哈哈,可能因為惠芳 (負責人)排既舞步好令!同埋佢都跳得好令....點解會跳到咁令既呢? 可能係天份卦...而且當我跳錯舞步時...無人會罵我,(相比起FORM 一既啦啦隊,比人罵到飛起....) 都令我覺得開心同更有動力跳落去 =] 以前好抗拒學會活動,多謝瑞璇打黎叫我去 >
工作 (洗衣工埸)

呢個暑假,其實我都無認真搵過工,估唔到陪FUN見工,仲一齊做埋...份工都OK辛苦...朝九晚六....由朝摺巾摺到晚,腳痛!!有時仲要加班tim!! 不過好在個度既人好好...由其是個度做既暑假工...阿YAN,阿玲,阿偉,提子超好人的!! 不過提子星期五就走...>.< 搞到我都想走啊....我遲D會同阿YAN 一齊學跳JAZZ 哈哈,係呀,上次跳舞,搞到我對跳舞產生左感情同興趣 XD...阿玲COOL COOL的...佢同FUN熟D!!阿偉好瘦,不過佢好搞笑同埋亦都成日笑...提子應該同我最老友啦,因為佢係正常嫁..可惜佢就快走....T^T

HANNAH MONTANA

成個假期,我諗最開心都係同FUN一齊去睇HANNA MONTANA...=] 呢套劇我追左兩個SEASONS啦...今次上電影,緊係要去睇啦,可惜得幾間戲院上...所以我地去左ELEMENTS 既 THE GRAND CINEMA睇...入面D音效真好勁....係撞車既埸面,張椅子真係會震!!!!係好震!!! 「車震」呀!!!講返套戲...一如劇咁...好多笑位!!!!!而且入面既唱歌既比重都好高...好在D歌都幾好聽...之後仲去左行街 =]

>>August 7, 2009 at 11:33:47 AM GMT+8

2009 年 6 月 23 日 星期二 【晴】

我表妹個msn 名係....鄧紫祺

好驚,依家聽到佢個名,or佢d歌都驚

太恐怖啦

鄧紫祺既疲勞轟炸 (要求我請佢睇麥麥同買部可作usb使用既mp3)

不限電郵,msn,電話,sms...不分日夜

我27號真係開始冬眠,28號開始避暑啦

/_\

總之我就唔要睇麥麥..................................................................................................................

買mp3機可以再商量...



再煩真係斷絕表姊妹關係

>>August 7, 2009 at 11:34:37 AM GMT+8

2009 年 6 月 16 日 星期二 【晴】

今日考完最後一項英文oral! 真係太好啦!!

一入去,又見到上次中文oral個班人...臉上浮現三條黑線!

天呀,佢地搶野講嫁,千祈唔好又再group埋我地!! (好在最後都無^^)

今次又係最後一個時段...等等等等...

結果我同一個女仔(佢成日坐我前面,認得佢件外套),兩個男仔一組

個題目係「學校贏左個比賽,而獎品係卡拉ok機,五部數碼相機,二部衣車同二部微波爐,你要揀邊份最合適」

本來諗住做開頭,因為上次都係麻,點知個男仔搶住開頭

呵呵,不過佢揀卡拉ok機,另外個男仔都附和

結果俾我地兩個女仔KO左!佢地雙雙轉太,YEAH!!

我地一致認為DC最合適,因為可以幫助學生去做PROJECT/FIELDTRIP個D...

而且卡拉ok好易令學生分心同上癮!

不過個兩個男仔成日打斷我講野,真係激氣!

我做緊結尾嫁麻!無啦啦又加把嘴,個個男仔搶左之後又唔知講咩-_-! 真係救命!

仲有一次都係,真係好想叫停佢!!

到individual response,我條題目係你想買咩數碼產品,我以為要係part a度揀..

問左先知唔係!!我答左電腦,都係講返電腦既好處...都ok

不過我對面個男仔答到一舊舊,其實佢條問題係最簡單

「你有無mp3機?」 有同無都可以講到好多野...

不過佢一隻隻字彈出黎 "no,I have no mp3 player,if i have one..i will not con...con..concern my homework...."

(佢group discussion ok嫁!)...我忍笑忍得好辛苦!!太緊張啦佢!

最後好衰仔咁...笑左....希望無人睇到 xD

個個女仔 (ANGELA) 話我地講野都算平均,應該會係C以上...

不過有樣野好搞笑,就係個兩個男仔最後一齊走,我同ANGELA一齊走

立埸相同既人真係會投契D ^^

原來ANGELA係百周人,仲係羅凱琪同CRYSTAL YIP既小學同學

佢都幾搞笑既,因為佢都想做開頭,總之好過上次中文討論個兩個!!

遲D ADD佢FACEBOOK先!

P.S. 變型金剛上啦!!!!!!!!有我好鍾意既...沙拉保夫呀!!

仲有好想快D快D染髮~~~~~想染紅色 XD 榮恩頭髮既顏色 XD

>>August 7, 2009 at 11:34:14 AM GMT+8

2009 年 6 月 11 日 星期四 【晴】

人生第一次參加創價學會活動---跳舞 @_@

跳既係「向天后致敬」個個medley!

本來以為今次舞步會係自創兼非常簡單

點知...頭先上舞步同容祖兒跳既一模一樣,

仲要加多幾隻歌..好似係心急人上,不要防曬等~~

個練習仲要巳經開始左幾堂

哈哈哈哈

死曬!

不過唔緊要,努力 xD

>>August 7, 2009 at 11:28:14 AM GMT+8

2009 年 5 月 9 日 星期六 【晴】

然俾我係英文會考卷一見到Reese....個頭,哈哈






我唔記得幅圖係點啦!!

總之我百之百肯定佢係reese啦,哈哈!!

正面既





>>August 7, 2009 at 11:27:53 AM GMT+8

2009 年 3 月 25 日 星期三 【晴】

英文文書及商業處理
今日考完呢科 (搖頭嘆息兩下)

呢科有四個TASKS,要用MS WORD做...

第一,二個TASKS應該係考過有史以黎最難,好多野要改>.<

BULLETED LIST要轉做「笑哈哈」,真係吹漲- -

個PAGE NUMBER 係係 HEADER 度,但係 HEADER一打左,下一篇就一樣

好似第一版打PAGE 1,第二篇出既都係 PAGE 1- -

搞左好耐....

最尾,唔記得左係幅圖既Y-AXIS加文字,打錯字,D MARGIN對唔齊位

第三,四個TASKS 以往都係寫信,商業文件個D....

但係今年唔知想點...可能唔想我地死背英文OR 範文...

第三個TASK搞到好似作文咁>.<

要寫段文字去介紹一個藝人....同BUSINESS有咩關係?

第四個TASK仲勁,係SALES LETTER + REPLY LETTER + ADJUSTMENT LETTER混合版!!!

FRENDA SO 名言:「又一令仔題目!」

唔知用咩TONE,咩LANUGAGE先好 /_\

交份卷,都心知不妙,希望可以D到,不過應該係E,如無意外 (無眼睇)

前晚,死背D 會議記錄,報告D 格式,結果佢唔考,又一吹漲!!

讀左兩年,但考既野根本唔需要去讀都識...汗呀!

>>August 7, 2009 at 11:24:53 AM GMT+8

2009 年 3 月 20 日 星期五 【晴】

派mock卷都派得七七八八...

個分數都ok 的,起碼科科合格.....無求啦

但係數學真係好唔掂.....

armarm合格....天呀,有無人救下我>.<

(唔知點解收到份卷,突然心裡面浮現起ELIZABETHTOWN既一句台詞

「你有五分鐘去消化你的失敗,然後忘記去佢,繼續上路」

同埋

「投降好簡單,只要舉高隻手就可以」

(其實Elizabethtown呢套電影真係好有意思~~~)

中文作文我作嫁陣好開心嫁...題目係講別具特色的店舖

但係我太想講環境保育~~~仲愈講愈開心

最尾離曬題,哈哈哈哈!!!!! 雖然好低分(armarm合格),但係我都好滿意

因為再俾我一次,我都會講環境保育!!!!

中文聆聽真係差到...>.< 合格多DD....

好在綜合拉番少少

英文作文,我作個陣都好開心...因為係故事性....

題目係母愛...故事最後,主人的媽媽死左...

唔係點解作完...竟然有少少唔開心,哈哈..

派番出黎,竟然係全級最高分@_@" (mrs chow 對住班講!!)

作文一直都唔掂........今次..竟然有人欣賞我寫既東東,好感恩,哈哈

派GEO既時候,阿SIR同我講考得幾好....但係其實個分都唔係咁好姐-_-

佢真係好慈祥 (樣同人太似祥嫂MA!)

ACC,梁SIR話我SECTION A 有 3字頭 / 42...

我要多謝FRENDA SO...........係佢教識我會計!!!

題外話,收到張婷*2 寫俾我既野...^^

>>March 20, 2009 at 11:41:49 PM GMT+8

2009 年 3 月 18 日 星期三 【晴】

今日終於考曬所以mock 卷,真係太好啦~

今次我只係睇書,完全無理過notes >.<

我諗essays會ok d卦!! 因為選既topic有溫過

但我竟然唔記得...寫group name...

之前miss wu超強調group name,仲講到不寫就會殺左你!!

- -! 跟住考完先走去同佢講

佢又「扁」嘴,咁拎返答卷俾我搵返我自己個份....寫番>.
佢都幾好人既

>>March 18, 2009 at 3:40:18 PM GMT+8

2009 年 3 月 15 日 星期日 【晴】

新日同周遭既朋友關係真係麻麻.....只能慨嘆一聲~

我都唔知會咁

仲有十日就會考文書~~~真係超級緊張!!!

因為呢兩年都好似無上過堂咁- -

希望主會保佑我呀!!!! >v<

此外,勳勳三月三十日去東京玩七日

實在太好啦佢~~

上年我都係差唔多時間去北海道

不過緊係東京好玩d啦

希望佢買多d手信俾我啦 xD

>>March 15, 2009 at 10:39:05 PM GMT+8

2009 年 3 月 8 日 星期日 【晴】

太幸福了~~~我樓下的波仔叮叮,推出了新款

登登登登~說是漢堡牛扖薯蓉餐!!!

一盒入面有漢堡牛扖,薯蓉跟栗米,

價錢比飯還要貴- -不過真的好好吃!!

薯蓉很軟滑,不像薯粉開出來,栗米有牛油味,牛扖

大到估一半的位置,我吃得飽哦

第一時間推薦絡珊姐~~~~~她都說好吃了!!

第二新款是.....菜~~~~~那個汁(一個額外加的汁)

好好味哦 /.\ 是濠油加garlic的味道~~~~

再一個幸福就是~~~

惠康有手卷賣!!!幸好不是魚生~~~~~

怕不新鮮 > < 每天的早餐有著落了~~

yeah~~~~~~~~

>>March 8, 2009 at 10:45:53 PM GMT+8