2009 年 8 月 12 日 星期三 【晴】

今日一早，約左勳同盧子去旺角行街

首先去唱Ｋ，講真，真係無試過１１點去唱Ｋ　－　－

三條友都未開聲，唱到好似讀書咁，就周不時走音ＴＩＭ

真係．．．慘不忍睹

不過好得意既係，入面有電腦同打機既手制，不過手制係廢既

都玩唔到，電腦就可以上下網咁．．

勳都係例牌吳唱Ｋ，都係我同盧子唱居多．．．

不過唱到開聲個陣，就要埋單！！哈哈！

跟住去行左旺中同朗豪坊，大家都買左Ｄ衫

仲係Ｈ＆Ｍ門口見到烈火熊心既演員出黎做宣傳

其實驟眼所見，所有都係二線演員，完全記唔起佢地既名０　０

不過佢地都幾高同幾ｎｉｃｅ　＾＾

揀完衫都巳經係３點幾，之後陪勳去揀個返學用既書包

行左好多間，其實佢巳經睇中左一個，但又無仆搥

佢一入ｅｘｔｒａｇａｎｚａ，就有三個男ｓａｌｅｓ追左佢

埸面認真搞笑！！

佢入ｌａｓｍｉｔ，都有個男ｓａｌｅｓ跟住佢，不斷咁ｓａｌｅ野

哈哈！我同盧子就咁笑足佢全程

李凱勳有艷遇啊！！

到到晚上，我ｊｏｉｎ埋勳既中學聚會，就係打邊爐啦！

除左我地三個，仲有大師，沛嘉，ｗａｎｉ同劉差

去明星食，沛嘉落野落得超ｈｉｇｈ！佢真係好搞笑

大師時不時串呀勳都好好笑

全晚好多無營養既廢話加爛ｇａｇ，不過我又覺得好好玩！！

雖然第一次見呢班朋友，但係就巳經有熟稔既感覺＾＾

下次記得叫埋我去玩呀！

不過唔知點解勳好唔融入，自己睇書加玩手機

佢話自己擔憂緊前程

點都好，放鬆ｄ啦～香港人　＾＾

>>August 13, 2009 at 8:04:04 AM GMT+8

2009 年 8 月 11 日 星期二 【晴】

妖~~~真係正人死人頭

痴線嫁

你想做就做啦

但係我都係唔甘心

點解...

點解你總係要搶走我既野...!?

>>August 11, 2009 at 1:48:42 AM GMT+8

2009 年 8 月 9 日 星期日 【晴】

這個遊戲愈來愈有趣了...

>>August 9, 2009 at 7:52:43 AM GMT+8

2009 年 8 月 7 日 星期五 【晴】

哈哈...見到上一篇既日記巳經係係考MOCK時..

而家巳經派左會考成績...派之前,真係估自己應該得14,5分

因為會計,地理同英文文書死左...其他科都唔會勁過CREDIT...

所以都有同Crystal,Edwina傾下去邊間中學升中六! (我地幾進取!?)



結果,有19分!!! 簡直係超出我預算好多好多...英文,地理B左!

History,econ同mathes都C到! 不過中文,會計同英文文書就Dog了...


中文牙...細分係33444...我都唔明點解拉返都係level 3...真係激氣

入translate 無望啦~因為中文一定要B以上先得...


地理B左..真係好意外!! 考之前個個禮拜先開始做PP..MC仲要錯成15,6題

考完,同個阿Sir講返,佢仲要話我揀錯題目,踩左入個「tup」度~搞到我以為實死緊

不過都要多謝黃石公園既...考之前個日帶曬所有PP去搵佢..

佢唔單只解釋返我唔識既MC,仲會同我溫下Map reading同講下d課外知識

雖然佢教導有方,但我都係覺得自己無咩可能拎B...實在太夢幻啦~


不過Econ真係俾心機去溫,加上份卷都簡單....竟然只得c...有點失望

Mathes同History 都預料之內...Account同英文文書有D..巳經好過我預計

我預自己得E咋! Account D long questions 完全係亂黎 xD

英文都知自己無可能A嫁啦~Oral實在太不濟啦


順利入返原校...我見到自己應該排第九 (不過前面個幾個都係19分)

今年最好既有25分!!柯柯同Yuky ar! Yuky仲去左恆商~~真係神人級黎嫁-v-

Crystal,Edwina同Yanbi 都升唔到LKL,不過佢地都搵到自己既路..

Crystal會repeat,Edwina 會升中六,Yanbi 會去外國!Cathy入左私校!

大家都要keep住加油^^



我諗我個班friend少少應該得返廖子同林詠文 T^T 勳仲批我中六應該

同同學相處麻麻~~神牙~~~請你賜予我中六一個好朋友啦!

勳今年應該犯曬太歲...-v- 佢入左嶺大既副學士先修...

遲D可以一齊返學 XD 珊同FIRE 都以高分留低..希望第時可以一齊食飯^^

提子係天田圍repeat,我覺得都唔錯..加油!我會俾曬frenda so d notes 你 =)

阿儀就入左Beacon colleage...都不失為一個選擇! 大師拎22分...亦係勁人


Andrew @ 梁銶琚 理科拎21分,但入唔返原校...真係好慘,

佢係第一個個stage 俾梁植偉收左,雖然佢話自己好開心

但我都覺得有點兒"sai"左自己..


理科班竟然無人6A,5A ...最高27分...比上年仲要低..ORZ

不過一班唔知一班事既...死CECI...中文竟然拎5*...佢真係痴線嫁!!!好神呀

心心英文都拎5*...實在爆SEED咁勁 XD



陽光義工,我個組人都好勁...阿ling 拎22分...Debby拎23分

佢修10科嫁,仲搶埋econ A...真係衰 XD

不過..阿德同阿蘇應該係個位數字...加油啦,anyway...



我中六揀左 2AL + 1AS...經濟,地理同歷史..

應該考試時會寫到手軟 汗!

而家仲未搵老師傾做下學會既CHAIR...我諗應該都搵唔到嫁啦

不過唔緊要既...搵唔到咪當神都希望我俾多D心機讀書 =)



不過中文一定會retake嫁啦...我唔甘心中文得D...呢個成績完全慘不忍睹

下年我會捲土重來~中文,我會打敗你既!

>>August 9, 2009 at 7:51:36 AM GMT+8

2009 年 8 月 3 日 星期一 【晴】

說出 15 件您最近做、最近愛... 總之是最近發生的任何事
做完後 TAG 15 個您的朋友

俾LING TAG 既 =)

1. 直踩李凱勳家鄉,佢屋企人超好,請我食「食得人既」飽魚同好多生蠔,滿足!
2. 睇左ICE AGE 既 3D 版,成日想伸手摸D野!!!因為真係好立體
3. 愛上左中心既小朋友----子朗!!
4. 睇左哈利波特既配音版同原聲版,深感香港配音既偉大!
5. Yanbi 同 Enos 要過外國,好傷心
6. 開始追Last Friend,上野真係好型!
7. 就放榜啦,開始搵學校既資料,好在有大家在!!!當買左bupa,不怕!
8. 小西灣原來係無得搭船既灣!!真係唔講唔知!
9. 染黑左個紅頭...真係黑到好似帶左個假髮咁!!
10. 極喜歡joey既圓謊,佢亦變左我rington~~~~~~~
11. 時常感覺自己充滿力量 <可能係迥光返照
12. 好喜歡殺人犯入面個真一,真係超可愛!
13. 時常諗有無機會我地會一齊升去同一間學校呢?
14. 第一次正式求籤,學業求到上籤,但姻緣求到中籤,籤文話我仲要等呀 XD
15. 去左書展,買左心愛既吸血盟,人生真係美好~

>>August 7, 2009 at 11:39:23 AM GMT+8

2009 年 7 月 28 日 星期二 【晴】

今日收到一個傷心的消息

又想起一起共渡的中學生活

Yanbi 我真的不捨得你哦

>>August 7, 2009 at 11:26:18 AM GMT+8

2009 年 7 月 18 日 星期六 【晴】

我巳經用左呢個日記四年啦 ^.^

Happy Birthday ! My showhappy !

>>August 7, 2009 at 12:37:04 PM GMT+8

2009 年 7 月 15 日 星期三 【晴】

我終於睇左哈利波特第六集啦!!!!!

琴晚收到FUN既SMS,話佢要返工,陪唔到我睇HP,跟住...一波X折..一來要搵人一齊睇,二來要買飛....睇過好多個網,都無曬飛,心想一定係今日睇唔到啦,但係我真係好想係上映個日即刻睇!!

好在.....多謝鄭23肯陪我去戲院睇早埸!!!其實我完全唔知有無早埸,HAHA...騙住人先...跟住今朝9點到戲院,巳經見到排曬長龍!! 嘩...HP既魔力呀~~~~~~最後...都可以買到飛,仲要係後排,中間!!!!!! =)

YEAHYEAH,真係難以用言語黎形容既開心................

今集真係好好睇!!!係咁多集最好睇既一集...

前個幾集唔係差,只係將書既情節拍出黎,但又拍唔曬...今集既導演同編劇都應記一功,因為佢地成功創造一些書沒有既劇情,但又連繫到書中重要既線索。我覺得幾新鮮...平面既故事變成立體,真係好花功夫的,導演將書中無既魔法加到電影入面...好正...每一個畫面都有魔法世界的感覺....好希望大叫我愛魔法啊!!今集亦都係拍唔曬書中既情節...但以一個將第六集既故事忘記得七七八八既人黎講....我都睇得明...算唔錯

今集亦多左好多笑位....前面周不時有笑位的,特別係榮因..佢好可愛!!!! 今集好搶鏡啊...之後佢一出埸,我都聽到有笑聲!!!!

好喜歡導演處理金妮同哈利既感情既手法...金妮之前個幾集無咩戲份....亦無同哈利觸電既感覺...若果突然相戀,就變得好突兀...但導演明顯有規劃過...比張秋同哈利既曖昧仲要拍得好!!

今集真的好睇過上一集...............第五集令我好失望.上一集剪得太多,好多野仲未理解到就巳經去左下一幕,而且太過著重描寫哈利,真係變左「哈利波特」,今集多左人物既對話,有兩段真係令我覺得心酸哩...而且多左對話先跟到發生什麼...亦分散少少戲份,多左榮因,金妮,露娜,馬份......既出埸,連西莫都有台詞,YAY...呢D角色好重要,有左佢地...哈利波特先多點歡笑,多點趣味!!

有點唔好既就是粵語配音版出現大量麻瓜沒有聽過既生詞...有點摸不著頭腦,不過呢個先係魔法世界麻....樣樣都聽過既我就唔係麻瓜啦...同埋中間太多對話...有點悶...慘變廁所位!

除左咁,整體都唔錯,係我心目中,係咁多集最好睇既電影!



快D去睇啦!!!

>>August 7, 2009 at 11:32:00 AM GMT+8

2009 年 7 月 7 日 星期二 【晴】

有時侯,我係別人身上睇到,學到,感受到的...比自己自身感受還要多..

近排真係好憎一個人...

過份積極...貪錢...自大....自信心爆x (但係對陌生人就唔係個支笛)...

我未資格去評價佢做人如何

但係可能佢係我既一個寫照 / 一個警號都未定\

所以

無論如何 ,我時時刻刻都要提醒自己

要謙虛

懂滿足同感恩

>>August 7, 2009 at 11:32:25 AM GMT+8

2009 年 7 月 6 日 星期一 【晴】

俾人炒左!!!星期四無返工,跟住FUN就打黎話我,提子同人俾人炒左!!嘩~~~~個一刻有一絲失落,雖然我都有意請辭,但是收到「大信封」,感覺都係差...好像我們犯下大錯咁...不過勳話有可靠消息講,老闆炒我地因為7月會有一班讀IVE的黎做長工同主管既女兒都會黎打暑期工,所以會好多冗員...有必要炒左我地呢D無後台既人...不過我自己都明白...我真係無好似阿YAN佢地咁勤快...俾人炒都無可厚非....

不過做得咁辛苦,令我更加珍惜有得玩既時候,HAHAHAHA!!!

前日,去上海婆婆食晚餐,今次六時入座,完全唔駛等位!! 一行三人食左著名既小籠包,獅子頭,椒鹽魚同黑醋排骨.....小籠既皮真係非常簿...簿到可以穿透入面!!!一咬,入面既湯汁立即踴出黎!!真係好好食 ^^....椒鹽魚係三味小菜中最好味的...獅子頭無馬蹄...黑醋排骨有少少太孫!!!不過整體黎講...都幾好食的!!! 本來諗住食擔擔麵,不過食飯,又食麵...怪怪的...唯有下次試啦!

之後個日,去完陽光義工訓練之後,去左同FUN行街....佢之後仲話要補祝我生日,請左我去PIZZA HUT食晚餐,食左個二人套餐~~~有PIZZA,海鮮闊麵,薯蓉伴田螺........太多食物啦~~~結果食唔食唔曬~~~(不過每樣都好好食 =) ) 不過食到個胃唔係好舒服...因為個日整日無時間食野...晚上一下食得太多...所以反胃....嘔左幾次...仲俾個阿叔撞到....整親埋隻腳.去唔到跳舞...唉...唔想再提啦~~~~不過,都多謝FUN,遲來既生日禮物- -

>>August 7, 2009 at 11:32:49 AM GMT+8