|
2005 年 2 月 19 日 星期六 【乍雨乍晴】
今朝一早去咗打波，今日真係好凍好凍，我仲要着住條短褲，D風係條褲到吹入黎，嗰個位鬼錦死凍！好彩我唔係着背心，唔係一定凍死！
我去到中央，我就打俾阿Sam佢，佢先出黎，我就喺到等。
我行完銀座之後，我係行返去中央既時候，我見到有兩個女仔，我本身都無留意，不過見到其中一個好熟口面，但係銀座嗰時未開燈！
所以我睇唔清楚，喺嗰兩個女仔愈黎愈近既時候，我望清楚D，其中一個女仔好似馬騮個女朋友，又好似係，又好似唔係！
點知我望埋另外嗰個女仔，發覺另外嗰個女仔先係！我視力真係好似有D問題，不過嗰兩個女仔好鬼似！
我第一眼真係分唔清楚係邊個係馬騮個女朋友！不過佢做咗個手勢叫我唔好講野，我識做，唔會玩野，我仲當唔識佢，我做得啱唔啱呀？
之後我返到去，等咗阿Sam一陣，佢就黎到，有班o靚仔係到打波！
佢地都係麻麻地，唔算太勁，喺中央叫做算好！
第一場同佢地打係贏，有我同傑仔仲有阿sam！
第二場就輸，本身有得追，不過都係追唔到！我地由九比一開始追分，追到成九比八先輸，佢地本身都打算輸，點知俾佢地贏埋。
今日見到阿伯佢，佢話好耐都無見過我，不過佢讚我打得好咗，佢今日Mark傑仔，不過佢Mark唔到，我地差一D就可以贏！
阿伯佢地搵個女仔Mark我，個女仔邊Mark到我呀，我係籃底連入四五球，幾好玩呀！
雖然我地輸咗，不過輸得心服口服！
>>July 14, 2006 at 1:50:00 PM GMT+8
2005 年 2 月 18 日 星期五 【乍雨乍晴】
To阿sam：唉，句野我打嫁，唔係Eva姐打嫁！
今日係上學期頒獎典禮，有好多表演睇，不過好悶，打算今日放學有得練波，點知郭仔佢唔得閒，搞到無得練！不過今日好凍，唔練好過練，不過練少日又唔係幾好。
今日放學之後，我同肥勤仲有肥堅係到等練波，不過見到兩個籃球隊既人問郭仔野，問完之後就走，我地見到就知唔洗練波，我地就係學校打波，同班中二打，打到我同傑仔、彬彬仲有阿Sam，點知個波主黎收波！
我地打左一陣就無得打，我未打之前見到阿翹佢走，我同佢揮手講拜拜，但係佢無理我，佢望我就算！
佢走左之後，就到我地打，我淨係射入咗一分之後就無得打，幾慘，跟住我就返屋企。
我到依家仲記得阿翹佢上台唱歌同攞獎既時候佢笑得幾開心呀，搞到我都想笑.........佢！
不過佢上到台周圍望，幾得意呀！
仲有，今日聽到佢整親隻腳，錦我Lunch既時候就打算問下佢有冇事，不過.............唉，佢根本就好似無事，佢仲行得好快！我都差D認唔到佢，望真D，佢好似有D唔同咗！
不過佢行得太快，睇得唔清楚。
係今晚，真係好開心，「佢」終於都Send返短訊黎俾我，記得之前「麻煩女」俾錯「佢」個電話號碼俾我！
唉，我第二次問「麻煩女」拎過個電話號碼，我睇清楚D先知到佢俾錯我，玩死我喇！
>>July 14, 2006 at 1:44:02 PM GMT+8
2005 年 2 月 14 日 星期一 【綿綿細雨】
本身打算打返前幾日既日記，不過唔得閒，最後決定唔打喇，打咗你地又唔會有興趣睇，我都係決定唔打喇！
今日係情人節，第一樣野係祝大家情人節快樂！
唉，不過無情人又點快樂呀，我今日都好想好想約「佢」出黎睇戲，不過無錦既勇氣！
我知「佢」一定唔會出，所以根本唔想問！不如搵個第二個同我去睇，當然係女仔喇，但係情人節唔係同鍾意既人一齊，錦有咩意思！
今日成日無聊，一早就開電腦，下午就去咗打波，成班無女朋友既男仔都出晒黎，有女朋友今日就唔會出黎打波喇！
我地成班人一邊打，一邊係到講肥勤條新女，講到勁搞笑，聽講阿Sam同傑仔佢地見過肥勤條女。
我打到五點幾，跟住就無打，返咗屋企，今日D三分球準咗好多，好多都穿針，D聲好正，好好聽！
好辛苦先到夜晚，好想情人節快D過，點知「麻煩女」同BB佢地就Send短訊黎傾計，我又覺得好似之前錦，一個人同兩個人傾，不斷錦Send，手指無得停！
Send完第一個之後，第二個就Send到黎，有時就兩個一齊黎，不過算喇！
起碼我都有女仔陪我傾計，雖然唔係我鍾意嗰個，總算都有人陪，又可以證明BB佢應該無男朋友，邊個男仔對佢有有興趣就快D搞掂佢！講笑咋！
我仲記得你係短訊到點玩我既，搞到我今日以為唔係情人節，係變咗「愚人節」！
仲有「麻煩女」，雖然佢幫我好多，但係嗰個人佢都係無覆我，不過都要多謝你，希望「佢」淨係鬧你喇，無打你喇！
>>July 14, 2006 at 1:36:49 PM GMT+8
2005 年 2 月 6 日 星期日 【晴】
To梓桓：係呀，我真係唔知！不過要多謝你D朱古力，聽Eva姐講係你親手整，不過我仲喺另人個人到聽到一個朱古力既秘密，係關於你同一個人嘅！
今日去咗打波，今朝阿Sam佢打電話俾我，問我去唔去打波，我話去，不過要朝早！
因為我晏就唔得閒，佢晏就去，我就起身自己一個人去耀豐樓下個街場打波，我去到就打電話俾彬彬，問佢落唔落黎打波，佢本身都唔係好想落黎，不過俾我講講下，佢就落咗黎。
我地打打下，我發覺BB佢Send短訊俾我，我地就開始玩SMS！我地打到11點，先有一班人黎打波，我問佢地鬥唔鬥波，佢地話鬥，四打四，話打三十分，點知我就好認真錦打，但係我同彬彬另外嗰兩個人都唔係好識打波！
好似得我同彬彬打，辛苦死，不過我都拎左二三十分，成績唔差！點知跟住有人跟隊，我地打十五分，我諗：死喇，啱啱都打到無晒力，仲可以打多十五分咩，雖然打二三姐，但係好係好辛苦，唉，死就死喇！
最後我地係輸，不過算喇，輸幾球姐！
聽日我要返大陸，不過今日我就約左BB佢遲D去睇戲，去睇「超人特工隊」，不過我都唔介意睇，因為我有好多FD都話去睇！
>>July 14, 2006 at 1:31:00 PM GMT+8
2005 年 2 月 5 日 星期六 【晴】
我係到睇睇下「奇幻潮」既時候，我部電話俾響，係BB佢打電話俾我，都估到嫁喇！
唔係佢仲有邊個呀，佢淨係會係一D無人打電話俾我既時候打電話俾我，我同佢傾左半個鐘到，咩都傾下！
佢怕睇先會打電話俾我，佢話搵人陪佢睇！
佢一開始就同我講，話我D日記太長，佢睇咗半篇就唔想睇，得！
我就下你，我打少D，不過一個人一日又點會遇到錦少野，算喇！
我都唔係好想打太多野，今日成日都無野做，今朝又無人打電話搵我去打波，係屋企睇VCD，睇咗「阿孖有難」！
我都係叫大家唔好睇「阿孖有難」，因為真係一D都唔好睇，超悶，睇完之後我有D想瞓覺囉！
>>July 14, 2006 at 1:27:01 PM GMT+8
2005 年 2 月 4 日 星期五 【陰】
今日係星期五，4號，不過今日已經有人派朱古力，幾好呀，有野食，係第二個小息，「麻煩女」佢走過黎搵我，當然係俾朱古力我喇！
我見到佢好開心錦，跟住佢就拎粒朱古力出黎俾我，我後面成班男生，佢地係到串我嘴！
今日上地理堂，何Sir佢問邊個無做地理工作紙，我都無做，我地仲有成十個人無帶書，佢嚇死！
佢話無帶書又無做工作紙既就要留係學校食飯，要俾十五蚊佢幫我地訂飯，無做工作紙既就要係學校食飯，你可以返完屋企之後再返黎食！
唉，我要返完屋企再返黎食飯，因為今日上PE堂，我要返屋企放低野先。
我返到黎學校食完飯之後，我就打波！
今日傑仔佢著左新鞋返黎，當然要俾佢打下波，着軟D皮，錦先舒服！
我同傑仔同Apple佢去跟隊，點知畢仔佢出現，傑仔佢無得打！
第一場畢仔話佢打一分，傑仔先俾佢打，Apple佢入左一球，我入左兩球，嗰班o靚仔跟本就唔夠我地打，兩分鐘都唔夠，佢地就輸左！
第二場，我地對彬彬同肥勤仲有畢仔，我一開始就入咗兩球，點知打到呢個時候，就要收波，我地決定遲D打！
放學既時候，Eva姐同BB佢都俾咗朱古力我！佢地包得幾靚嫁，仲有一個人俾左我添，係河童呀！
本身佢俾一粒我，不過我同佢講：一粒咋！佢就拎多一粒俾我，我又話：兩粒咋！佢再拎多一粒俾我！我又再同佢講：三粒咋！佢就話：算喇，你唔好要喇！我當然唔會錦蠢！當然佢拎唔返喇！
>>July 14, 2006 at 1:22:19 PM GMT+8
2005 年 2 月 1 日 星期二 【乍雨乍晴】
To阿翹：你做咩唔開心呀?我記得有人講過：「唔開心錦又過一日，開心又係過一日，點解唔揀開開心心錦過！」！不過，呢句野究竟有幾多個人可以做到，就連講俾我知呢句野嗰個人，同埋我自己都做唔到喇！不過，我會盡量做到最好！
係錦晚，佢又Send咗一段野俾我，我睇完之後，我都幾開心，佢為左佢既理想，係人地玩時候，佢就係到讀書，佢為佢既理想努力緊，我真係好開心！
我真係無睇錯人，佢真係好好，我想同佢講，我唔介意等你，一年，兩年，三年，四年，五年，六年，甚至十年，只要我覺得係值得！我都唔介意等你，你千祈唔好唔俾我等你，今次，我愛你愛得太深，其他人既說話，我根本聽唔入耳！
本來，我真係想問下「麻煩女」，我應唔應該等你，但係我諗諗下，如果我問得人地意見，就代表唔係我自己既決定！
如果我到最後真係衰左，我都唔想我推個責任落其他人身上，要怪就怪自己，因為呢個係我既決定，唔想拉其他人落水！
我同人講過，「信自己，你個良心唔會將你出賣」，所以今次既決定，我信我自己既判斷力！
你呀！你一定要努力，我一定會支持你，你要做，就要做到最好，我今次追得你，我預咗要犧牲下！我唔介意我今次要犧牲幾多，我更加唔在乎，我諗過好多好多嘢！
我先下呢個決定，理想，係要付出代價黎實現，呢個世界唔會有不努而獲既野，我對你有好大好大嘅祈望！
我諗你一定會實現到你嘅夢想，可能你會覺得你阿媽會俾你好大壓力，不過我想同你講，呢個世界無人可以俾到壓力你，除左你自己，適當既壓力對你自己有益，但係又唔可以太多！
到最後衰左，要怪就怪你自己，因為係你自己唔努力，你自己唔係做到最好，你就當為我，或姐為你既親人，做好你自己！
可能，係你實現夢想既時候，你會有好多好多既錯折，但係你千祈唔好放棄理想，因為，呢個理想係你自己揀，你一係就唔做，如果要做，就一定要做到最好，你只要做到最好，無人會怪你！
雖然我知你唔係好聰明，不過有句成語叫「將勤補拙」，你只要肯努力，我唔信你會做唔到，呢個世界上太多唔努力既人，你一定會贏到佢地，我可能就係你既犧牲品，但係我真係唔介意，因為你為既係你既理想！
我有時會諗，夢想同理想係唔係兩樣野，我覺得夢想係你用腦幻想出黎，但係理想就唔同，你要努力，你要犧牲，先可以得到既野，呢樣野係好現實！
我諗我係時候要讀好D書，我要為將來打算，我想俾最好最多嘅野俾你，呢樣野叫幸福，有D人有既時候佢唔會珍惜，一到無咗，佢先識後悔，我諗我可以令你幸福！
>>July 14, 2006 at 12:53:25 PM GMT+8
2005 年 1 月 29 日 星期六 【晴】
To阿翹：「佢」幸唔幸福我唔知，但係，我真係好鍾意「佢」，上次佢Send俾我嗰段野，我睇完之後，我竟然喊咗出黎！我第一次遇到一個錦好嘅女仔，我知我一生入面唔容易遇到一個好女仔，就算遇到，佢更加可能有佢鍾意既人，而今次我遇到嗰個女仔，佢係一個好好嘅女仔，我更加唔會放過，我會繼續鍾意「佢」！
To我愛嗰個女仔：我就算係學校見到你，我都無膽望你一眼，我一望到你，我就唔捨得，又唔開心！我想同你講我唔係唔想望你，我係想！我係到要同佢講聲sorry！仲有，我無再鍾意之前嗰個女仔喇！
To EVA姐：你都要同我學野，唔好講笑喇！
今日出咗去旺角，超多人，我打算出去買鞋，點知都係無買到，因為我隻腳太大，要著十號半或姐十一號，好難買鞋！
搞到我咩鞋都買唔到，但係又行咗勁耐，聽Eva姐佢講話「麻煩女」佢今日會出旺角，仲打算睇下會唔會撞到佢地，點知都係無！
我地成班人一齊去左咩咩中心到行，但係一對鞋都無買到！
講D趣事俾你地聽，我地行緊去食野既時候，見到街邊有BB相賣，傑仔佢就講隻BB女，唔知邊個講話唔好講！一講佢佢就打電話黎！我話「朝早唔好講人，夜晚唔好講鬼」！
過左一陣，我電話就響，真係俾佢地講中咗，佢地痴線嫁，吹水都中！
又唔見佢地買六合彩喎！我同bb佢傾電話，一路行一路傾！我地又去「味千」食，BB佢啱啱收線，我就有野食。
仲有一件，我地食完野之後，佢地就話去買野，我就同佢地講我想返去嗰個咩咩中心，叫佢地去波鞋街！
我返到去嗰到，我入到一間鞋鋪，我揀咗一對鞋，問嗰個售貨員有咩碼，佢問我著咩碼，我話十一號，佢死都唔信，佢拎咗對八號鞋俾我試！
我幾想爆粗鬧佢，問佢係唔係玩野囉！唉，我聽佢試下囉！點知結果係我四分三隻腳入咗去，仲有4分1隻係出面！
我睇中好多鞋，但係好多鞋都無我個碼，腳大既人幾難買鞋，搞到我聽日又要出屯門買！
>>July 14, 2006 at 12:48:02 PM GMT+8
2005 年 1 月 28 日 星期五 【晴】
今次打篇野俾「佢」睇！
上次Icq嗰段野，我睇完之後真係搞到我好唔開心，有D心酸，呢段野都係搞到我唔想望你既原因之一！
你話中五，我咪等囉，我無所謂！其實我真係想問下你，你有冇諗過讀唔讀中六，如果我升到中六，你先中五，我可以見到你，但係如果你升唔到中六，我要升上中七，我就唔可以見到你，錦你有諗過我點呀？
你話你都好想拍拖，但係可能對像唔係我，我唔介意，我會繼續鍾意你，機會我一定仲會有，如果你仲未有男朋友！
我諗我今次真係好鍾意你，我真係可以為咗你喊，睇左嗰段野，慢慢心開始酸，眼就開始紅紅地！之後就流眼淚，成晚無瞓過！
個心不斷亂諗野，我又唔食煙，又唔飲酒，又唔界手，我有咩方法可以盡量令我唔諗野，令我容易D瞓？
我就揀咗打波，一日不停係錦打，令到自己好攰，但係都係瞓唔到囉！
之後仲要搞到日日上堂係到釣魚囉。
打波只不過係我係到逃避現實，我想忘記一切，突然好想失憶，好想我根本無識過你，好想好想，但係根本無可能做到！
我聽一個人講過，機會係要自己去爭取，個天唔會趺個機會落黎俾你！
>>July 14, 2006 at 12:39:36 PM GMT+8
2005 年 1 月 25 日 星期二 【晴】
今日Miss Wong佢無返，肥勤佢都無返！佢一打完波之後就唔返！
今日數學有個好好既消息，考試有兩題Mc出錯咗，我地錦日對嗰個答案係錯！
我有得加分，加六分之後，我有245分，正呀。
錦日同BB佢講話如果佢地理合格我就請佢食野，佢今日同我講話佢地理合格，佢叫我請佢食野！
我唔多信囉，不過都算喇！仔女無計。
Lunch嗰時，我俾Apple佢煩！佢要我今年新年要派利是，佢話佢做咗我個女三年都未收過一封利是！我就係到扮聽唔到佢講野，如果我派，我一定窮死！
今日放學之後我就打波，點知俾人整中隻眼，要用水沖下，先無錦痛！
打打下，又發覺條腰勁痛，跟住我又要等人，先無打。
就夠鐘喇！佢應該落黎，我話我會係到等佢，我講左o個個秘密俾佢聽，佢嚇親囉！
我講完之後好.........唔知點講，唉，佢塊面紅晒，我講完就擰轉頭就走！
佢竟然仲會同我揮手講拜拜！我真係好想問下佢姐係點，仲好想講今次我係真，我唔係玩玩下！
唔知佢會唔會俾一次機會我呢？不過我諗.........今次都係衰，我無咩好，又唔靚仔，又唔係好識打波，成績又唔好！
總之，好多唔好既野我都有，今次衰，預咗！
我講過，今次衰咗，我淨係會練好D波，一定一定一定要幫學校贏學界冠軍，我要比心機！
我係到同「佢」講D野，我今次真係好鍾意你，雖然你咩都無答過我，但係我知今次都係衰嫁喇！
如果我真係追到你，我一定唔會放錦多時間落籃球到，冠軍不及你重要，我只要係每一場比賽用盡力！
我就覺得我做得好好，如果可以贏到冠軍就更加好，你唔鍾意我唔緊要，我鍾意你係最重要！
>>July 14, 2006 at 12:35:20 PM GMT+8
|
![]()
S & K
|
廣告 |
|
|
讀者留言 |
| 路人留言
|
 可能佢已經冇憎你呢...
<br
>>July 27, 2007 at 9:33:59 PM GMT+8
你玩誠實與大膽都唔係好快= =
>>July 2, 2007 at 1:31:39 PM GMT+8
你唔想升中6?
<br>你讀5d
>>April 8, 2007 at 12:22:58 PM GMT+8
點解你地班收風收得咁勁!!??
>>March 17, 2007 at 11:27:12 AM GMT+8
我好耐無同你留言喇!xp''
<
>>March 11, 2007 at 4:58:27 PM GMT+8
你有落X???
<br>唔見你o
>>March 3, 2007 at 2:48:24 PM GMT+8
唔回你...因為網球王子比你同我
>>February 23, 2007 at 2:04:46 AM GMT+8
係呢，你係邊度擺檔？
>>February 14, 2007 at 8:53:48 PM GMT+8
哈,估唔到你仲諗緊呢個問題 =.
>>February 14, 2007 at 5:54:04 PM GMT+8
你D pastpaper係借定買
>>February 7, 2007 at 10:55:15 PM GMT+8
你事實係偏幫!!!!!!!!!
>>February 1, 2007 at 8:30:09 PM GMT+8
唔好嬲喇!!!!!!!!/~\
>>January 25, 2007 at 9:22:51 PM GMT+8
你乖?行埋一邊~
>>January 22, 2007 at 9:36:41 PM GMT+8
我2點已經返左黎TSW!!!
<
>>January 21, 2007 at 5:32:45 PM GMT+8
你唔夠我嘈ge原因係咩?
<br
>>January 21, 2007 at 3:52:33 AM GMT+8
我唔識分...你就唔會搵到我喇!
>>January 20, 2007 at 12:55:40 AM GMT+8
唔錯丫~~~好家姐^.^!
<b
>>January 15, 2007 at 8:25:46 PM GMT+8
我地反面喇!!!=-=''xd'
>>January 14, 2007 at 1:07:34 PM GMT+8
我係咁現實架喇!!!!
<br>
>>January 13, 2007 at 8:42:19 PM GMT+8
好野呀,,,估唔到你EQ咁高呀"
>>January 13, 2007 at 1:57:44 AM GMT+8
你一日唔比個主題我..
<br>
>>January 9, 2007 at 8:56:52 PM GMT+8
又關我事ge- -"
>>January 8, 2007 at 9:07:35 PM GMT+8
快d比個主題我!!!
<br>反
>>January 6, 2007 at 1:09:41 PM GMT+8
估唔到WOR...
<br>
>>November 19, 2006 at 5:19:54 PM GMT+8
唔會有下次!!
<br>我唔會再
>>October 29, 2006 at 6:57:35 PM GMT+8
我同我ma講電話..
<br>從
>>October 11, 2006 at 9:23:33 PM GMT+8
你又知果個係我媽?
<br>我都
>>October 10, 2006 at 9:14:55 PM GMT+8
我唔要同你一組!!!
<br>係
>>October 6, 2006 at 7:25:38 PM GMT+8
PINKE 點會唔唱比REDS聽
>>October 3, 2006 at 11:18:23 PM GMT+8
飽到嘔既~~~我早知唔拎蛋糕啦~
>>September 30, 2006 at 7:36:32 PM GMT+8
過 份!!!!!!!!!!!!!
>>September 30, 2006 at 5:23:13 PM GMT+8
得 LA 你~~~~~ 有 AP
>>September 29, 2006 at 10:54:13 PM GMT+8
我會檢討嫁啦'""
>>September 20, 2006 at 10:26:08 PM GMT+8
唔好抽緊多水a~~~~
<br>
>>September 5, 2006 at 9:06:41 PM GMT+8
咁 呀,, 你 唔 洗 叫 我
>>September 4, 2006 at 3:29:10 PM GMT+8
有 我 係 到 至 才 冇 咁
>>September 3, 2006 at 11:27:59 AM GMT+8
依... 做 咩 唔 叫 我 去
>>September 1, 2006 at 9:08:42 AM GMT+8
re:8月5
<br>
<br>
>>August 15, 2006 at 12:45:59 PM GMT+8
你 就 好 LA,, 有 得 玩
>>August 14, 2006 at 5:54:26 PM GMT+8
第1次黎你日記板渣....
<b
>>August 7, 2006 at 12:26:56 AM GMT+8
回返你723的日記
<br>
<
>>August 5, 2006 at 6:47:49 PM GMT+8
做 乜 事 心 情 咁 差＝＝!
>>August 4, 2006 at 5:23:23 PM GMT+8
<font size=3><fo
>>July 29, 2006 at 1:47:01 AM GMT+8
部 機 咁 得 意,, 咁 咪
>>July 27, 2006 at 4:53:33 PM GMT+8
你唔係最錫我...
<br>我地
>>July 23, 2006 at 11:55:01 AM GMT+8
老豆" miss you*
>>July 21, 2006 at 3:20:18 PM GMT+8
係 呀,, 真 係 冇 事!!
>>July 15, 2006 at 3:08:28 PM GMT+8
我 冇 野 喎 =0="
>>July 14, 2006 at 1:27:25 PM GMT+8
特首...你係咪試升?
<br>
>>July 7, 2006 at 1:48:18 PM GMT+8
傻 彬 媽 媽 做 乜 事 呀？
>>July 5, 2006 at 9:55:26 PM GMT+8
|
|
