|
2005 年 3 月 10 日 星期四 【晴】
To BB：唔好話你懶！懶B！
今日Lunch真係好唔開心，我同傑仔同有肥勤佢地參加嗰個中三級三人籃球賽輸咗，我地嗰隊有三個人，另外嗰隊得兩個人，我地都輸咗！
本身我地唔會輸，不過今日打有「三秒」，我地三個都唔係好慣，傑仔佢俾郭仔佢吹咗幾次「三秒」，我又太心急，射失咗幾球，郭仔佢今日吹我地吹得好嚴，但係對貓榮佢就無吹得錦嚴，可能因為佢地得兩個人！
魔星佢今日係第一個射入波，佢打算贏我地兩分就算，不過好快又俾我地追返，唔知點解今日嗰十分鐘過得好快，我地都追唔切分數，打到就黎完場，我又射入一球，追到6比9，我最後射咗一個三分波，不過Air Ball，如果我射嗰下魔星佢唔係掂到我個波，我嗰球一定入梗！
因為魔星佢掂到個波，所以個波快咗下墜，搞到Air，我嗰球真係好對唔住傑仔同肥勤，我喺到講聲對唔住！我更加要同我地班既人講聲對唔住，不過我地聽日可以打季軍！
我放學嗰時聽到畢仔佢話C班係到串嘴，話我地廢物，話兩個人就可以打贏我地三個，但係我想知如果我地打贏咗，你地又唔話會話如果你地出三個人，你地梗會贏！
我諗你地又會話：「我地出兩個人，你地贏我地係應該！」贏又會俾你地串，唔贏又俾你串！你地又有咩資格話我地，如果我地真係廢物，你地淨係會贏三分咩，你地贏一球咋！
我同傑仔同肥勤話如果係我地對A班，我地一定唔會淨係贏錦少，今日係E班對A班，但係E班佢地淨係贏一分，贏4比3，A班有人射入一個三分波，唔係連嗰三分都無埋！
B班出咗兩隊，第一場已經碰頭，其中一隊贏22比2，唔通我地連B班輸左嗰隊都不如，佢地都勁過我地？
傑仔佢今日俾人吹咗幾次三秒，搞到佢怕咗行入籃底，本身我地叫佢打籃低，不過算喇！
輸就輸，唔怨得邊個，要怨就怨自己打得唔好，我今日已經盡我責任，魔星同貓榮我都有Mark，不過我地最後都係輸，我有一球走甩咗魔星佢，如果佢無入嗰一球，我地仲有得贏，不過今日我地三個都盡咗力，我地輸波最大既因素係因為我地根本打唔慣有「三秒違例」！
我地本身最後先打，點知無端端要我地打第二場，咩心理準備都無，仲以為係A班對E班先，我打打下，發覺超多人睇，樓上都企滿晒人，我明知今日輸咗會好瘀，但係我預咗，打得就預咗會輸，其中一隊就當然係贏喇！
今日打完之後就係上英文堂，有成兩堂，我一上到課室，無人同我講過我地輸波既事，但係我真係好唔開心，兩堂英文都無講過野，又係到發夢，諗緊點解打得錦差，發覺我地打法好有問題，我地多一個人都打唔贏，真係好瘀皮，我最對唔住係「青蛙」，我俾佢太大既希望，我諗佢都會以為我地會贏，真係對唔住！
>>July 14, 2006 at 2:49:59 PM GMT+8
2005 年 3 月 8 日 星期二 【晴】
今日Miss黃佢話唔上堂，佢話佢唔舒服，所以俾呢堂俾Miss曾介紹如果唔想升中四或姐想報讀「IVE」課程既野！
佢講咗成堂都唔知佢講緊咩！
英文堂先好玩，Miss鍾佢係到串嘴，串咗足足兩堂，英文嗰兩堂就輕輕鬆鬆咁就過咗！
今日上中史堂先搞笑，孫sir佢係到鬧我地班，我地班D人仲係到笑，佢問有咩好笑，我地無人答佢，廢事佢又玩投訴！
佢喺到話佢知我地班有人既家長投訴佢，話佢教得差，佢自己又俾校長佢「照肺」，如果佢教得好，我地班D成績就唔會錦差喇！
成班三十九人，淨係得三個人合格，你自己都知咩事喇！哈哈，三個合格其中一個咪就係我囉！
Lunch去咗北江食野，去食麵，食完之後就要去買「珍寶珠」，本身買十六粒，點知遇到陳詩詠、貓貓、劉美婷、馮希彤、張海欣佢地！
好彩佢地得兩個人塞D糖落我隻手到，唔係我就死喇！我拎咗成二十幾粒「珍寶珠」返學校，我偷偷地錦運上去課室，俾其他人見到就死！
Lunch既時候，我又叫傑仔佢同我去圖書館，俾佢發現咗我成日都係Day6上去添，不過佢錦聰明，應該估唔到D咩既！
其實就唔好誤會，我上去探下阿翹姐，鬼叫阿翹佢Day6先當值咩！
Lunch又有社際籃球賽，今日係南社對北社，無咩好睇！下個星期二係東社對西社，我睇下有冇人陪我打先，因為下個星期二我地上PE堂，唔洗換衫錦麻煩，就錦出去打就得！
係呀！今日聽到個消息，我個乖女話我有兩個情敵，不過我仲未知係邊個，不過邊個都無所謂，我又唔驚佢地，因為我好有信心可以贏到嗰兩個人！
>>July 14, 2006 at 2:42:10 PM GMT+8
2005 年 3 月 7 日 星期一 【晴】
To APPLE：我都想捱捱下就慣，不過都好難，我無咩氣，點當陪跑呀！
今日上PE堂打手球，幾好玩呀，不過我都係做助攻，我有一球幫傑仔佢做「單擋」，等佢射得準D，點知佢射中條柱！
唉，佢因為呢一球都唔知俾人鬧咗幾多次，仲有一球又係俾佢射，點知佢射中90度角，佢跟住又因為呢球又唔知俾人鬧咗幾耐！
我知佢係踢波，佢都唔洗下下射死角下！梁家俊佢最勁，射入咗六七球，我地輸咗幾分，好彩唔洗話真係做雙倍體能姐，淨係要做十下掌上壓！
本身陳Sir佢話輸咗嗰班要做雙倍體能，如果真係做就死都唔得掂，我地打完手球已經成三點九，如果做埋體能之後都唔知幾點喇！
PE堂4點先放，我上到去樓上已經幾四點二，唔洗補錦耐中文，正呀！
放咗之後又去咗打波，我都唔知點解仲有力打波，做完體能之後仲有力，同埋彬彬佢地一齊去打，我嗰隊贏左四場輸四場，我打到成六點半先返到屋企，本身可以打夜D，不過有人Book咗場，搞到我地無得打，迫住要走！
>>July 14, 2006 at 2:37:20 PM GMT+8
2005 年 3 月 5 日 星期六 【晴】
To BB：唔洗你做巨B囉！唔好嬲喇！
To 乖女：你唔奸，只不過你細過個髮型好搞笑姐！
今日隻腳差D郁唔到，錦日練波練得太勁，平時係街場打波都唔會錦攰！
我地要練打全場，好唔慣，又唔知自己打咩位，企邊都唔知，打咗錦耐都覺得好亂，打咗成個鐘，淨係跑黎跑去！
練咗一次就好想唔打，但係喺放棄既時候，突然間我諗到之前乖女佢同我講過既野，不過唔講得！
跟住我就繼續打，唔諗放棄，覺得放棄真係好傻！我諗點解Apple可以適應到，點解我唔得呀，我發覺原來我自己唔係知好多打全場既規則，我諗我要多D時間先可以適應到！
今日出咗去屯門買野，買咗個新袋，Adidas既白色袋，我打算買黑色，但係無，錦我先買白色，白色可以俾人畫公仔，點都可以獨一無二，不過我畫公仔唔叻，唔知有邊個畫得叻呢？
>>July 14, 2006 at 2:32:55 PM GMT+8
2005 年 3 月 4 日 星期五 【乍雨乍晴】
To巨B：我唔想試下做女仔喎！
To Apple：女仔都可以玩，不過唔可以同一組囉！
今日勁攰，放學要練波，練咗一陣已經好攰，又好想飲水！
我識右手走籃，但係完全唔識左手走籃，走得好差，都唔知D NBA明星點解可以錦勁，不過我都照練！
今日成日都見到阿翹佢，Lunch我本身見到佢係到買野食，打算走去搣下佢塊面，不過又見到肥勤個妹係到，佢成日都趕我走，又串我！
不過阿翹佢D朋友有邊個唔串我，有邊個唔趕我走，諗諗下，有一個，就係李永兒，佢真係永遠得我串佢，無佢串我。
Lunch返咗屋企，因為要拎衫！因為放學練波，本身以為唔洗練，因為郭仔佢要陪佢班學生做「豬頭研習」！個名係郭仔佢講嫁！
不過放學我都無留意見唔見到阿翹，因為淨係掛住練波，都無望到小食部！
錦日睇咗一D相，好搞笑，我個腦仲記住D相，諗起都超想笑，諗起個「奸女」，同埋佢個髮型，真係搞笑到爆！
不過另外一個就眼大大，幾可愛，不過細過個樣完全唔似大過，當然就係大過靚D喇。
>>July 14, 2006 at 2:30:28 PM GMT+8
2005 年 2 月 28 日 星期一 【晴】
有人問我如果係女仔會唔會想做男仔，我都唔知點答佢，我又未做過女仔，我都唔知做咗女仔會唔會想做男仔！
但係我想講，你已經做咗女仔，呢件已經係一件無法改變既事實，你無得話想做男仔就做，你話嗰樣野煩，我都覺得係，不過無計喇！
今日Lunch去咗圖書館，我話明去探阿翹，我一入到去！我本身見唔到佢喺邊，我搵搵下，我先見到佢喺到執書，我偷偷企喺佢後面！唔知點解次次企喺佢後面，佢都可以知到我喺佢後面咁！
我伸隻手去摸下佢塊面喇，有咩Feel就唔講，哈哈！
放學之後打算再去搵佢，點知要留堂，我就叫我個乖女梓桓佢幫我叫佢唔好等我，梓桓應該有叫到既！
我係禮堂到幾五點半先走得，俾何Sir留住，我地走咗之後，就去搵返貓貓佢，我同傑仔、李駿傑、貓貓、陳詩詠佢地一齊去咗北江！
我地一開始去咗甜心屋，都唔知係唔係錦黑仔，上次又係同一個時間，又係甜心屋，又可以撞到我D女，上次就BB、Pinke同Eva姐！
今次就撞到西西、梓桓仲有唔知邊個！我見到佢有糖食就將佢包糖拎走咗！不過拎咗一粒就俾返佢，未計傑仔佢！
我未俾返佢既時候佢又好似嬲錦，佢又恐嚇我，佢點嚇我就唔講，想知問佢喇！
>>July 14, 2006 at 2:27:01 PM GMT+8
2005 年 2 月 27 日 星期日 【乍雨乍晴】
To阿Sam：嘩，錦你嗰日就唔好打波喇！我唔踩場你地錦快有得打波？我無嚇佢地，我射下波姐，佢地自己走，唔關我事，明顯係佢地見到你地黎踩場，佢地先走姐。
仲有一日，一個月又過咗，時間過得真係快，但係成個月入面都唔知做過咩，只不過得閒就追下女仔，打下波，錦就一個月！
波又未練過一次，不過算喇，遲D仲有得練，依家多D去中央打波，再練好D技術，再同多D勁人打，練返準D射波！
唔知點解中一既時候射波好準，但係中二同中三就差咗好多，係出面同人地鬥波就會好難射得入，唔知點解，可能係換o左射法掛！聽傑仔講我之前係用推波，錦我之前就換標準嗰種射法，不過仲未練得準。
仲有呀，有冇人想參加「Adidas」搞嘅三人街頭籃球賽，唔係參加咗就有得打，要抽籤先知有冇得打，因為年年都有太多人參加！
雖然話就話三人籃球賽，但係要有四個隊員，其中一個係後備，仲要有一個十八歲嘅領隊，唔知有冇人有興趣玩下呢？
如果抽籤中o左，要俾五百蚊參加，都算平嫁喇，係一隊五百蚊，唔係一個人五百蚊！
我感覺上同「佢」愈黎愈熟，愈黎愈清楚「佢」錦，發覺我同「佢」有好多野都係好似，得閒望吓佢張相，好似咩唔開心都唔見晒！
因為佢喺張相到笑得好開心，我睇到「佢」笑我都想笑，真係會好開心！唔知下年學界籃球乙組難唔難打，我都好想贏，但係好怕失準！
「佢」應承過我，如果我比賽嘅時候「佢」得閒，「佢」會黎睇！聽到「佢」咁講真係好開心，開心到難以形容！
依家成日都掛住「佢」，諗「佢」做緊咩，愈黎愈鍾意「佢」，放暑假嗰時都唔知點算好！
>>July 14, 2006 at 2:21:23 PM GMT+8
2005 年 2 月 25 日 星期五 【陰】
今日學校一早就捉頭髮，我又中咗，好彩係黃錦洪佢查，唔係我就死咗！
佢問我頭髮點解錦長，我話領袖生叫我星期一要剪，佢先無記我。
我地學校今日全學都開晒冷氣，我已經病緊，仲要開冷氣，我仲要坐喺個食風位，食晒D冷氣，搞到我發燒，決定今日唔上PE堂，早退走。
我地班今日有成七個人無返，五個早退，Miss Wong佢都嚇親！
我上堂既時候已經唔舒服，所以先話走！
我返到屋企之後，我瞓咗一陣，之後就去咗睇醫生，今次個醫生開咗好多種藥俾我，不過最特別係D咳藥水，唔知點解今次D咳藥水咁甜，好似飲糖水錦！
其他藥都係平日睇醫生食開既一樣，睇完醫生之後，我食咗藥又再瞓過！
我阿媽佢又唔俾我食飯，一定要我食粥！唔睇醫生都唔知我自己燒得咁勁，我燒到成三十九點幾度，都算高嫁喇！希望快D好返，唔洗病得錦辛苦！
今日上堂無心機，放學之後要練波，但係都係決定唔練，因為病得太勁！
今日上咩堂都覺得好悶，好唔想上，特別係化學堂，成兩堂都唔知自己係到做咩，食下糖，睇下書！
但係時間仲係過得好慢，又悶，唔知係唔係我睇得特別快，睇咗好多頁都唔係過咗好耐，睇書又睇到悶！
坐我前面嗰個人又問我食唔食糖，有糖梗係食喇，唔食仲有咩可以做呀！之後等放Lunch，最想都係呢樣野！
今日我個乖女佢無返，之前見到佢病得好勁！跟住佢今日真係唔返，唔知佢有冇事呢？
不過應該無既，佢話唔知係唔係佢傳俾我，但係應該唔係既，我諗係我一齊坐嗰個人傳俾我！
梓桓病咗好耐，希望佢都快D好返！
>>July 14, 2006 at 2:11:14 PM GMT+8
2005 年 2 月 23 日 星期三 【乍雨乍晴】
呢幾日都好凍，不過又好想打波！
星期一雖然係放假，但係又無野做，好想出去打波，但係連個天都唔俾我出去打波，嗰日已經凍，但係仲落埋雨添，一定唔洗出去打喇！
今日唔算太凍，不過都叫比星期一同星期二暖，今日好想好想第一件事就去搵我個乖女梓桓，佢話有野要俾我，唔好亂諗野，係俾一張相我姐，唔好問我咩相，我咩人都唔會答，答咗就會死，唔只我一個！
今日我地兩班都一齊落去書展，我見到梓桓，本身鍾引堂佢唔肯放我地，佢要我地係晒一個地方，不過佢最後都放我地！
未放之前，梓桓打算俾D相我，不過鍾引堂佢趕梓桓走，我都唔想嫁，點知佢又話我蝦佢！唉，不過算喇，你要記住，仲有一張未俾我呀！
係今放學真係慘，要補中史，要補成個鐘，不過算喇！同人傾下計就過咗喇！
不過成個鐘入面，我都係望住張相，成個鐘咁就過咗。補課之前，我就經過音樂室，點知見到阿翹佢喺到做專題研習，應該都係嫁喇，唔會有錯！
佢同我上年一樣，個導師都係邱瑞珍，都唔知呢個世界係唔係真係咁啱！錦都會同我一樣嘅。
放咗學之後，我地就去咗打波，成十二個人一齊去同一個球場，仲要係我行先，搞到好似「吹雞」！
我地一去到就見到有兩班人喺到打波，一面有裘記既人，一面無裘記，我地梗係過晒去無裘記嗰面喇！
我地一去到，嗰班o靚仔就俾我地嚇走晒，我地好似好衰咁！不過唔關我地事，佢地自願走姐，我地無迫佢地走！
過咗一陣，我地就開始鬥波，第一場得我一個打，搞到輸咗，之後我同彬彬打，連贏四場，有兩場仲係同阿輝打，不過都贏！
不過我好嬲佢嗰句囉！佢話我地會輸得好慘，不過佢地都俾我地連贏兩場！如果唔係佢嗰句，我都唔會錦嬲！
>>July 14, 2006 at 2:02:18 PM GMT+8
2005 年 2 月 20 日 星期日 【乍雨乍晴】
To乖女梓桓：得喇！唔叫你做「麻煩女」囉！你唔好嚇我呀，俾錯你阿媽個電話號碼俾我好大鑊嫁！
To阿Sam：我地依家興玩籃底屈機，你同傑仔搶籃板咪得囉，我做射外圍！
今日係家長日，好唔想既日子又要黎到，我錦日打波打到好攰！我本身見十一點到，但係今朝一早就俾人嘈醒，咪係BB囉！
一早Send個短訊黎，我嗰時雖然未瞓醒，不過我都Send返俾佢！
佢今日要返紅十字，所以佢一早要返去，佢返到去學校之後就無Send短訊俾我，我就繼續瞓，瞓到十點先起身，我到十點半先出門口。
我返到學校後門，我就見到有兩排紅十字既成員企咗係到，我三個女都企咗喺到，包括有我個乖女梓桓，BB同埋阿翹！
唉，我一入門口，就見到個乖女同個BB女打交，都唔知有冇人知我係佢兩個老豆，有人知就死喇！瘀爆！
我個乖女佢仲叫我，本身唔知佢叫我做咩，佢今日先同我講返，係叫我望過對面，佢係叫我望下阿翹姐！
今日成個下午都係喺到玩SMS，同完BB同梓桓，最後係同阿翹！我同阿翹佢玩得最耐，我識佢錦耐，我都未同過佢傾過錦多野，幾開心呀！
我地玩到我地兩個部電話無晒電，我個短訊信箱都唔知爆咗幾多次，唉，無計喇！
舊電話係錦嫁喇！
我今日拎完成績表之後，我就返屋企，我今次都係喺行後門，啱啱好又俾我見到阿翹，佢又係同我對望，成日我地都係對望！
佢今日企咗係到，佢今次無得走，我可以睇清楚佢有冇變到，我發覺佢其實無變到，我視力真係好有問題！
>>July 14, 2006 at 1:55:08 PM GMT+8
|
![]()
S & K
|
廣告 |
|
|
讀者留言 |
| 路人留言
|
 可能佢已經冇憎你呢...
<br
>>July 27, 2007 at 9:33:59 PM GMT+8
你玩誠實與大膽都唔係好快= =
>>July 2, 2007 at 1:31:39 PM GMT+8
你唔想升中6?
<br>你讀5d
>>April 8, 2007 at 12:22:58 PM GMT+8
點解你地班收風收得咁勁!!??
>>March 17, 2007 at 11:27:12 AM GMT+8
我好耐無同你留言喇!xp''
<
>>March 11, 2007 at 4:58:27 PM GMT+8
你有落X???
<br>唔見你o
>>March 3, 2007 at 2:48:24 PM GMT+8
唔回你...因為網球王子比你同我
>>February 23, 2007 at 2:04:46 AM GMT+8
係呢，你係邊度擺檔？
>>February 14, 2007 at 8:53:48 PM GMT+8
哈,估唔到你仲諗緊呢個問題 =.
>>February 14, 2007 at 5:54:04 PM GMT+8
你D pastpaper係借定買
>>February 7, 2007 at 10:55:15 PM GMT+8
你事實係偏幫!!!!!!!!!
>>February 1, 2007 at 8:30:09 PM GMT+8
唔好嬲喇!!!!!!!!/~\
>>January 25, 2007 at 9:22:51 PM GMT+8
你乖?行埋一邊~
>>January 22, 2007 at 9:36:41 PM GMT+8
我2點已經返左黎TSW!!!
<
>>January 21, 2007 at 5:32:45 PM GMT+8
你唔夠我嘈ge原因係咩?
<br
>>January 21, 2007 at 3:52:33 AM GMT+8
我唔識分...你就唔會搵到我喇!
>>January 20, 2007 at 12:55:40 AM GMT+8
唔錯丫~~~好家姐^.^!
<b
>>January 15, 2007 at 8:25:46 PM GMT+8
我地反面喇!!!=-=''xd'
>>January 14, 2007 at 1:07:34 PM GMT+8
我係咁現實架喇!!!!
<br>
>>January 13, 2007 at 8:42:19 PM GMT+8
好野呀,,,估唔到你EQ咁高呀"
>>January 13, 2007 at 1:57:44 AM GMT+8
你一日唔比個主題我..
<br>
>>January 9, 2007 at 8:56:52 PM GMT+8
又關我事ge- -"
>>January 8, 2007 at 9:07:35 PM GMT+8
快d比個主題我!!!
<br>反
>>January 6, 2007 at 1:09:41 PM GMT+8
估唔到WOR...
<br>
>>November 19, 2006 at 5:19:54 PM GMT+8
唔會有下次!!
<br>我唔會再
>>October 29, 2006 at 6:57:35 PM GMT+8
我同我ma講電話..
<br>從
>>October 11, 2006 at 9:23:33 PM GMT+8
你又知果個係我媽?
<br>我都
>>October 10, 2006 at 9:14:55 PM GMT+8
我唔要同你一組!!!
<br>係
>>October 6, 2006 at 7:25:38 PM GMT+8
PINKE 點會唔唱比REDS聽
>>October 3, 2006 at 11:18:23 PM GMT+8
飽到嘔既~~~我早知唔拎蛋糕啦~
>>September 30, 2006 at 7:36:32 PM GMT+8
過 份!!!!!!!!!!!!!
>>September 30, 2006 at 5:23:13 PM GMT+8
得 LA 你~~~~~ 有 AP
>>September 29, 2006 at 10:54:13 PM GMT+8
我會檢討嫁啦'""
>>September 20, 2006 at 10:26:08 PM GMT+8
唔好抽緊多水a~~~~
<br>
>>September 5, 2006 at 9:06:41 PM GMT+8
咁 呀,, 你 唔 洗 叫 我
>>September 4, 2006 at 3:29:10 PM GMT+8
有 我 係 到 至 才 冇 咁
>>September 3, 2006 at 11:27:59 AM GMT+8
依... 做 咩 唔 叫 我 去
>>September 1, 2006 at 9:08:42 AM GMT+8
re:8月5
<br>
<br>
>>August 15, 2006 at 12:45:59 PM GMT+8
你 就 好 LA,, 有 得 玩
>>August 14, 2006 at 5:54:26 PM GMT+8
第1次黎你日記板渣....
<b
>>August 7, 2006 at 12:26:56 AM GMT+8
回返你723的日記
<br>
<
>>August 5, 2006 at 6:47:49 PM GMT+8
做 乜 事 心 情 咁 差＝＝!
>>August 4, 2006 at 5:23:23 PM GMT+8
<font size=3><fo
>>July 29, 2006 at 1:47:01 AM GMT+8
部 機 咁 得 意,, 咁 咪
>>July 27, 2006 at 4:53:33 PM GMT+8
你唔係最錫我...
<br>我地
>>July 23, 2006 at 11:55:01 AM GMT+8
老豆" miss you*
>>July 21, 2006 at 3:20:18 PM GMT+8
係 呀,, 真 係 冇 事!!
>>July 15, 2006 at 3:08:28 PM GMT+8
我 冇 野 喎 =0="
>>July 14, 2006 at 1:27:25 PM GMT+8
特首...你係咪試升?
<br>
>>July 7, 2006 at 1:48:18 PM GMT+8
傻 彬 媽 媽 做 乜 事 呀？
>>July 5, 2006 at 9:55:26 PM GMT+8
|
|
