2005 年 8 月 16 日 星期二 【晴】

改左 日記板 多 d 上去睇啦





http://diary.free-hk.com/index.php?id=%BB%F6




要 回應 呀

>>August 16, 2005 at 7:38:37 PM GMT+8

2005 年 8 月 13 日 星期六 【晴】

要做 話 劇 lu


J o e 媽 既劇本
星期六、星期日 既 練習 尋日既 排戲
今日終於都要 演出 啦

哇 ~緊張到飛起呀
我講得超快
就連我自己都唔知講緊咩
好快，好快
唉~~~~~~~~~~~~~~~~~~~>...................
做得超差呀
點算！？

我唔想再做 。。。''
做得太差啦
真係 影 響 市 容！！！！！！！！


恩恩杯--* @ 2005-08-17 01:56:32 PM
唔係牙,,,,,我做得仲差果你啦,,,,,,,,,唔好咁諗啦~~


板主 @ 2005-08-20 07:16:43 PM
唔好玩啦，我做得咁差，你都話好？

你重好過我啦~

>>September 11, 2005 at 12:37:53 AM GMT+8

2005 年 8 月 12 日 星期五 【晴】

排戲 排戲 排戲 排排排戲


假期樂樂趣 既 話劇 聽日就要 演出啦
今日係 book 左新都城 C lu b h o u s e 做彩排既
我真係覺得 個 角色 同 現實 好唔似 。。。
#
陳皮梅　－　廖美儀飾
（生於草根家庭，沒有金錢，沒有美貌，但卻擁有一顆善 良的心，樂於助人，不會太計較個人得失，認為一個人的 價值，在於其內心的良善及良好的品格和修養，這些都被 外表更為重要。）


一 d 都 唔似我
我唔去串佢地好係 奇怪啦
我重會去做 和士佬？


第一幕：總決賽現場

人物：錢加鑊、林柿鋒

旁白：各位觀眾，2005年度最受ｘｘ（ｘｘ表示不用發出聲）喜愛選舉現在開 　始。熱烈歡迎我哋最愛歡迎嘅大會司儀錢加鑊先生，林柿鋒先生。

（此時，錢及林分別在台左及台右行至台中）

錢、林：各位觀眾，大家好，嚟，指定動作（鞠躬）多謝大家！

錢：咦！阿Yo，點解今次個節目得我哋兩個嘅，我哋嘅獎圓人曾志米呢，唔見 咗佢嘅。
（錢拖著林行往一邊，細聲說）

錢：唔係吖嘛，個監製唔係咁孤寒，呢ｄ大騷俾多少少錢出嚟請獎圓人都唔制呀。

林：哎呀！阿加鑊仔，你今次就誤會咗阿監製大人啦，你唔記得咗咩，獎圓人跌 斷咗隻腳，嚟唔到吖嘛。唉～～（嘆氣）

錢：Ar……我只不過一時醒唔起啫。你知啦，我哋呢幾年無論做乜嘢節目都係三 位一體嘅，突然間少咗一個梗係會有ｄ唔慣㗎啦。
好！我哋閒話休題，先講返今次呢個總決賽先，聽講今次嘅參賽者個個來頭都唔細喎，仲好似話個個都係精英~w！

林：咩好似係精英呀，直係個個都好「勁」呀！（「勁」請按少林足球周星馳嘅 發音）。入到我哋嘅總決賽喎，每一個都係過五關，斬六將，全部都係靠“食” 力嘅。阿加鑊仔，咁你又知唔知道今次入到呢個總決賽嘅參賽者有幾多人 呀？

錢：哈哈！咁都要問，梗係好似ｄ乜姐物姐，阿乜生物生咁，最少都起碼12個 啦。

（林搖頭道）：No。

錢：10個

（林搖頭道）：No。
錢：唔係得8個呀。

（林搖頭道）：都錯，（然後林攤開一隻手）係5個至真。

（錢嚇了一跳，道）：唔係吖嘛，得5個咁多？

（林淡定道）：無錯，係得5個參賽者，我哋都其他嘅比賽係唔同架，我哋係貴 　精不貴多吖嘛。（「我哋係貴精不貴多」高音像朗誦般）

（錢明白道）：果然大家都係The Best of The Best，精英中嘅精英，咁..阿Yo， 　　我哋可以幾時見到呢班參賽者呢？

林：即刻有得俾你見呀，（音樂響起）有請我哋今日嘅咁多位參賽出場。

（此時5位參賽者從台左行至台中）

錢：嘩！果然個個都儀表不凡，風姿焯約。大家係咪好心急想了解佢哋多ｄ呢， 暫時賣個關子先，一陣廣告客戶說話之後，各位就可以同佢哋嚟個大接觸 啦，一陣見。

第二幕：總決賽現場
人物：錢加鑊、林柿鋒、錢多多、孫蓉、藍球星

（林在台中）：好啦！又返到嚟總決賽嘅現場啦。呀！阿加鑊仔，參賽者我哋就 見過啦，咁今次我哋有咩項目去考下ｄ參賽者呢？

錢：今次我哋總共預備咗2個項目考吓ｄ參賽者，包括自我介紹同埋最重要嘅問 答環節格。至於…
(林望住錢用手劫作暫停狀)

林：喂喂！咪住先，乜自我介紹都算係呀，咁今次我哋兩個實贏硬啦。佢哋仲有 機會？

（錢指著林邊搖頭道）

錢：此言差矣！此言差矣！你知唔知要喺咁多人面前介紹自己唔係一件易事嚟 格。其實咁樣好容易令人緊張、心跳加快，手心出汗，身體不受控等。參賽 者係需要好大嘅勇氣先可以做到。事不宜遲，有請我哋第一位參賽者。第一 位參賽者係嚟自九肚山加多利山莊嘅錢多多小姐。

（多由台右行至台中並滿有自信地道）

多：各位觀眾，我係一號嘅參賽者，錢多多，人如其名，我無嘢多，最多就係錢， 我阿爸錢百萬係地產商，每年不知買幾多地皮起樓，嗰ｄ乜乜山莊，物物豪 庭都係我阿爸間公司起架，每一年我哋都不知捐幾多錢俾ｄ慈善機構。令到 ｄ窮人人人有書讀，個個有飯開。你哋話啦，我係咪應該好受人喜愛呢。多 謝大家！

（多由台中行回後台）

（錢和林行出）

錢：嘩！阿錢多多小姐果然厲害，佢身上面套衫閃到我眼都花埋。唉！大家都係 姓錢，我都好想好似佢咁呀。

（錢露出羨慕表情）

林：咪發白日夢啦，我哋再請第二位參賽者，嚟自九龍塘書院道嘅書蟲小姐。

（此時孫蓉好高貴咁由台右行至台中）

（孫蓉蹺起雙手放喺胸前）

孫：阿司儀先生，麻煩你注意一下，我個名叫做孫蓉，係孫中山嘅孫，黃蓉嘅蓉， 而唔係書蟲，都話讀書重要架啦，讀多ｄ書咪唔會讀錯人哋個名囉。

（孫用一隻手整理自己的頭髮）

孫：評判、各位觀眾你哋好，我叫孫蓉。我出生於書香世家，我阿爺孫大千係一 個名書法家，我阿爸孫東坡係大學教授，我家姐則係名校老師。我就當然唔 太輸蝕啦，我假假地都係會考九優狀元。知識對大家嚟講係十分重要，人生 出嚟就係要努力讀書，讀書係我哋嘅責任，讀書係我哋嘅理想，讀書可以令 到我哋成績高、受到萬人尊敬。受到萬人尊敬喎，幾咁犀利呀！另外（此時 指一指自己臉龐）一個人外貌好，儀表出眾同樣咁重要。你睇我皮膚幾白、 幾滑就知啦。一個靚嘅人絕對好容易受到人哋喜愛架。所以大家要記住，讀 書，做facial，讀書，做facial，讀書，做facial。多謝各位！

（孫由台中行回台右）

（林由台左行出）
林：嘩！阿孫小姐真係犀利，不愧係生於書香世代，可以出口成文呀！兩住參賽 者一出場就已經咁利害，唔知第三位參賽者又會唔會有壓力呢？而家有請第 三位同時亦係今日比賽嘅唯一男參賽者嚟自旺角運動場道嘅藍球星先生， 咦！籃球星喎，唔知同NBA有冇關呢？

（藍拍住個籃球由台右行至台中並豪邁爽朗地道）

藍： Hi, guys，大家好，我叫藍球星，都係因為阿媽改名改得好，所以我打籃球 都幾醒架，有機會同大家落場打番場呀。問大家一個問題，人最重要係咩呢？ 錢？連命都保唔住，要ｄ錢嚟做乜呀。知識？就算俾你哋學貫中西咪一樣容 易俾人蝦。所以我話呢，健康先係最重要，有咗健康就做乜都無問題啦。做 人呢，最重要係做運動，游水、打波、跑步樣樣都要叻，樣樣都要醒、咁就 可以喺奧運會，亞運會度贏晒ｄ金牌返嚟，咁就會自己受人喜愛。

（然後學李小龍口吻）
藍：你哋．．唔好蝦我唔識字，中國人唔再係「東亞病夫」，多謝晒！

（藍再拍住籃球由台中行至台右）

（錢、林再次由台左行至台中）

錢：嘩，呢三位參賽者果然個個都台型十足，技壓群芳，（然後用手指指著觀眾 扮李小龍）中國人唔係東亞病夫嚟格，呢一招都出埋，仲點有得鬥呀。

林：咪係。無論係錢財、文采，運動都係精英中嘅精英，唔怪得可以入到我哋總 決賽啦。不過，仲有兩位參賽者仲未出場，或者佢哋會更加技驚四座都未定 喎，廣告返嚟，我哋再睇4號同5號嘅參賽者。
第三幕：

人物：錢加鑊、林柿鋒、陳皮梅、林善

（錢由台左行至台中）

錢：好啦，歡迎大家返到嚟大會現場啦。馬上為大家介紹第四位參賽者，佢就係 嚟自油麻地果欄嘅「陳」「皮」「梅」小姐。無錯係「陳皮梅」，千祈唔好讀 成「陳」「皮」「妹」，有請陳小姐。

（陳由台右行至台中）

陳：評判、司儀、各位觀眾，你哋好。好多謝頭先司儀先生嘅介紹，無錯，我叫 做陳皮梅，千祈唔好叫我陳皮妹呀。我係嚟自油麻地果欄嘅，大家知唔知道 陳皮係乜野嚟嫁？係啦，陳皮係柑嘅外皮曬乾而成，一般呢ｄ柑都只係賣十 蚊四至六個，唔係ｄ乜野貴價貨，而陳皮就可以用幾蚊買到好多，陳皮功效 係可以化痰、理氣，用嚟沖水、煲湯、煲糖水都一樣咁好味，而將佢造九濟 陳皮，更加可以防止頭暈，係旅行必備嘅涼果。所以話啫，做人最重要係內 涵，有冇錢都好，有冇學識都好，身體就算比較虛弱亦都唔係問題，只要心 地善良，品格高尚，樂於助人，自然就會得到別人嘅尊重，同時亦會受到別 人喜愛。

（陳突然望向觀眾席，驚訝道）

陳：阿婆，你做咩起身呀，想去廁所，我而家即刻嚟幫你。

（然後一枝箭咁走向觀眾）

（林從台左出場）

林：阿陳小姐真係心地善良啦，比賽之餘，都仲掛住幫人，真係世間少見啦。以 下落嚟係最後一位參賽者，係嚟自牛頭角上邨嘅林善小姐。

（善從台右慢慢行至台中，期間一直低下頭來，不敢望向其他人，行至台中時差點將咪都撞跌，此時幸好林眼明手快，接住咪高峰。）

林：林小姐，小心，衝到個咪啦。

（善細聲道）

善：唔該晒！

（林則耳聽都聽不到，道）：吓！

善再說：唔該晒！

（林仍聽唔到善之聲音，再道）

林：林小姐，你講大聲ｄ，我聽唔到你講嘢呀。

（於是善深呼吸一下，快而大聲道）

善：我話唔該晒呀。

（林終於聽到善之聲音，道）

林：哦～唔駛客氣，好啦，而家將時間交俾你啦。

（正當林想離開時，卻發現善捉住林之衫尾，唔俾佢走）

林：阿林小姐，而家將個台交俾你，你可以自我介紹一番啦。

（善仍唔放手，強烈要求林陪同她在台上）

（林沒法子，唯有留在台上）（林尷尬地道）

林：我相信阿林小姐係想搵我做佢翻譯都未定，ｏｋ，無問題，請問林小姐可以 開始未呢？

（善點頭並顫顫抖抖地道）

善：各位好．．．我叫林善．．．善．．．我好．．．緊．．．緊張呀，我手．．．好．．．好震．．．震，我．．．我．．．講．．．嘢．．．嘢．．．都．．．都．．．窒．．．窒．．．晒啦，總．．．之．．．之．．．我．．．．我．．．好．．．好．．．榮．．榮．．．幸．．．參．．．參．．．加．．．呢．．．次比賽．．．多．．．多．．．謝．．．謝．．．大．．．家！
（善一講完，便立即低下頭，一枝箭咁走回台右，此時，林就幫佢解畫）

林：哈哈～林小姐係話佢有ｄ緊張，所以令到佢講嘢口窒窒，佢話好榮幸可以嚟 參加呢次比賽，多謝大家咁話喎。

（此時錢亦走至台中）

錢：估唔到阿林小姐真係咁怕醜喎。

林：我諗阿林小姐可能係緊張咗少少啫，都話啦，上台介紹自己唔係真係咁容易 㗎。

錢：係嘅，係嘅。好啦，而家到咗我哋第二個環節，就係最緊張刺激嘅問答時間 啦。相信大家都好期待各位參賽者精妙嘅答案。事不宜遲，我哋首先請1 號參賽者錢多多小姐上台先。

（多由台右行至台中）

錢：阿錢小姐，大家都係姓錢，我就唔客氣咁問啦，你認為乜嘢人先至係最受人 喜愛呢？

（多用手掩著口，誇張地笑道）

多：哈哈哈哈哈．．．．梗係我哋呢ｄ有錢人啦，你睇吓，只要我出多少少錢就 有大把人喺我身邊轉嚟轉去，只要出錢起間學校呀或者博物館咁，間學校或 者博物館就會用我個名嚟命名，幾架勢堂呀。幫人之嘛，一千萬夠唔夠？唔 夠出夠二千萬，我呢ｄ，一係唔幫，一幫就要幫好多好多人，幫得徹底，你 話啦，咁樣又點會唔受人歡迎，唔受人喜愛呢。

（錢見到多甚囂張都感到愕然，然後就扮無事般，以笑掩飾。）

錢：哈哈哈．．．錢小姐果然係有佢獨特嘅見解，唔該晒你先。

（多繼續向觀眾揮人，一邊行回台右）

錢：好啦，而家到2號參賽者，阿「孫蓉」小姐（特別強調「孫蓉」二字）

（孫從台右行至台中）
錢：孫小姐，我相信每一個人都希望受到其他人嘅喜愛，咁你認為一個受人喜愛 嘅人應該具備ｄ乜嘢條件呢？

（孫想了一會，便答）

孫：當然係外貌同氣質啦，正所謂美貌與智慧並重吖嘛。個樣靚ｄ，幾時都人鍾 意架啦。如果你去買生果，你都會去揀個靚嘅生果啦，唔通會去揀個皺皮抆 雞，揀個蘿底橙咩。

（呢個時候，孫拎塊鏡出嚟照照，扮靚）

孫：樣靚係著數過其他人架啦，當然啦，學識亦同樣咁重要，一個人只係得外表， 就等如一個好靚嘅公仔咁，人哋要你點，你就點，完全無主見。試問有邊個 鍾意人蠢架，所以呢，美貌同智慧都係受人喜愛嘅必要條件。

錢：咁阿孫小姐，言下之意即係話你自己認為你自己都算係靚女啦。

孫：Of course，我何止係靚呀，仲要加埋有學識，聰明呀咁啦。

錢：孫小姐真係好有信心呀，咁祝你成功啦。而家將時間交俾阿Yo先。

（林由台左行至台中，而此時錢亦行回台左）

林：唔該晒阿加鑊仔。好啦，而家到問吓3號嘅參賽者啦，藍球星先生。

（藍由台右彈吓彈吓咁行至台中）

（林望住藍一路喺度彈吓彈下，有ｄ攰）

林：阿藍生，停一停好嗎，我相信我同ｄ觀眾都有ｄ眼花啦。

（藍聽後才停止）

林：好啦，藍生，嗱，你就係咁多位參賽者中唯一一位男參賽者，而家問一問你，你覺得你喺呢個比賽中會唔會比較輸蝕呢？

（藍擺出勝利姿勢）

藍：呢層就梗係唔會啦，你估而家選美咩，而家係選緊最ｘｘ（ｘｘ唔駛讀出聲） 喜愛選舉咩？我不單唔覺得自己輸蝕，反而有著數tim，你無聽過萬綠叢中 一點紅咩，個個都係女仔，評判、觀眾都會睇厭啦。而家望返一個男參賽者， 咪會覺得新鮮ｄ同埋特別ｄ囉。仲有呀，你睇吓我幾咁fit，身體又俾人好， 有乜嘢搬搬抬抬嘅工作，我又幫得手，做運動又叻過人，當然會受到人哋喜 愛啦，所以我相信評判嘅眼睛係雪亮嘅，我一ｄ都唔覺得自己輸蝕俾其他參 賽者。

林：好，藍生，真係唔該晒你。

（藍由台中行回台右）

林：阿藍生果然係信心爆棚，唔知對4號同5號參賽者有冇帶嚟威脅呢？我哋而家有請第四位參賽者，陳皮梅小姐。

（陳從台右行至台中）

林：陳小姐你好，你心地真係好啦，頭先有個阿婆起身去廁所，你都即刻飛身撲埋去幫佢，而家喺呢個社會真係好少見。好啦，言歸正傳，頭先有參賽者提過，一個人受人喜愛嘅條件係要靚，你有乜野睇法呢？

（陳微笑一下）

陳：我對於頭先嗰位參賽者所講嘅說話有ｄ保留。我就覺得一個人靚唔靚並唔係 最重要，我記得佢用咗一個例子，佢話揀生果係要揀個樣靚嘅，我呢就係果 欄大嘅，講到揀生果都有一定嘅心得，你知唔知道如果揀生果剩係揀個樣靚 嘅，分分鐘會揀到個唔好嘅都未定呀。好似揀芒果咁呀，你知唔知點樣揀芒 果先至係靚呀？就係要揀個有黑點嘅芒果先至甜，黑點越多，芒果就越甜， 所以呢，要受人喜愛，最重要係呢度（指著個心），最緊要係心地善良。

林：陳小姐所講嘅果然有佢一番嘅道理，呢個選舉真係多野學，而家我連點揀到 個靚芒果都學埋，真係唔該晒陳小姐。

（陳由台中行回台右）

林：好啦，終於都到咗最後一位參賽者啦，佢係我同鄉，大家都係姓林，唔知佢 有冇頭先咁緊張呢？我哋有請5號參賽者，林善小姐。

（善仍然低頭由台右行至台中）

林：阿林小姐，其實你條頸係咪有事呢，我見你由節目開始到而家，你一路都 dup低頭，駛唔駛我介紹個跌打醫生俾你醫醫佢呀。

善：唔駛啦（細聲）

林：唉！同阿林小姐傾偈都幾辛苦，不過無問題，為咗觀眾，上刀山，落火海都 在所不繼。
係呢，林小姐，聽咗咁多位參賽者嘅訪問，你認為你邊方面可以贏到佢哋呢？

（呢個時候，林善拎住個咪，細細聲講咗一大輪）

林：阿林小姐真係十分怕醜，講嘢咁細聲，觀眾真係好難聽到，不過唔緊要啦， 我會幫佢翻譯啦。林小姐話其實佢都唔知點解可以入到總決賽，佢其實冇咩 特別優勝嘅地方，甚至乎樣樣都唔及其他人喎，係咪呀，林小姐。

（善點頭，繼續細細聲道，而林則低頭聽佢講話）

林：哦～～我明啦，林小姐補充話，今日如果佢贏咗絕對係一個奇蹟喎！林小姐 你真係謙虛啦，唔該晒你先。

（善離開，行回台右，此時，錢由台左行至林身邊）

錢：阿Yo呀，問答環節就做完啦，睇嚟每位參賽者都各有特色喎。

林：無錯呀，今次真係考起我哋嘅評判啦，係呢段時間，不如大家輕鬆一下，欣 賞吓客戶廣告說話先啦。
第四幕：
人物：錢加鑊、林柿鋒、錢多多、孫蓉、藍球星、陳皮梅、林善

（有一張紙隔開台與後台，首先看見錢與林靜悄悄地由台左行至台中）

林：各位觀眾，好歡迎大家又返到嚟現場啦，咪見我同阿加鑊仔喺度鬼鬼殊殊咁，我哋而家係冒緊性命危險架。

錢：無錯啦，我哋而家正係帶大家入後台，睇吓各個參賽者嘅情況同埋佢哋鮮為人知嘅一面。大家而家靜ｄ跟住我哋嚟啦。

（呢個時候，白紙翻轉，原本喺後台嘅人就轉出嚟台前，而錢及林則喺紙嘅後面）

（此時，多多正囂張句對眾人講）

多：你哋都咪白費心機啦，同我鬥，簡直自己攞嚟衰。

（孫照鏡）

孫：哼！你估你實贏架，搵塊鏡照吓你自己副尊容先啦，你呀，夜晚千祈唔好出 街tim呀，嚇親ｄ街坊鄰里就無謂啦。哈哈哈～～～

（多被激到七孔生煙，正想開口反駁）

多：你．．．．．

（此時藍介入）

藍：兩位ladies唔好爭啦，我都知要你哋承認輸俾一個男仔係會好傷你哋嘅自 尊心，但係無辦法啦，邊個叫今年居然有一個好似我咁勁嘅對手呢，今年呢 個獎我實攞到架，兩位如果想贏，明年請早啦．．．

（多與孫同時望向藍，並齊聲道）

多、孫：你咪以為你係唯一個男參賽者就實贏呀，節省少少啦，唔該，到時輸咗 咪喺度喊呀。Gentleman


(陳此時實在看不過眼，於是走上前勸止三人)

陳：大家萬事以和為貴，唔好傷和氣，我哋嚟比賽都係志在參予啫，輸贏根本都 唔係咁重要，做咩要因為咁而攪到大家鬧晒交呢。

（多、孫、藍三人望著陳大聲說）

多、孫、藍：係你個頭呀，你同我哋收聲啦。（然後再望望其餘兩人）

多、孫、藍：都費事啋你哋呀！哼！

（然後三人就分散，女嘅繼續照鏡，男嘅就坐低拍波）

（陳行至林善所坐嘅地方，坐低，此時善仍低著頭）

陳：睇嚟呢度剩係得我同你係無將輸贏睇得咁重咋

（善細細聲喺陳耳邊說話）

陳：吓！你話你由始至終都唔知點解會入到總決賽，仲話以你咁樣實唔會贏，所 以無謂爭。

（陳搭一搭善膊頭）

陳：咪咁啦，做人要對自己有ｄ信心先得架，嚟，我哋要挺起胸膛做人，第一件 事，要抬高頭望人，咁先有自信嘅。

（然後，抬起善嘅頭，可惜一放手，善嘅頭又再次dup低）

陳尷尬地道：Ar．．．我都知有ｄ嘢唔係一日可以改變到嘅，我諗我哋需要逐 步逐步嚟，或者你慢慢練習吓先，我唔阻你啦。

（陳走開，此時白紙再次翻轉，將後台連參賽者一同帶回後面，而錢同林則再次出現行至台中）

錢：嘩，果然係事事要睇真ｄ，唔到後台都唔知佢哋鬥得咁精采，差ｄ唔捨得返 出嚟呀。

林：咪係，我哋ｄ觀眾真係有眼福呀，可以睇到呢個場面。

錢：所以話啦，跟住我哋實唔會執輸嘅。咦！阿Yo呀，評判嗰邊好似有結果囉 噃。

林：係噃，加鑊仔，咁而家麻煩工作人員將個結果拎過嚟呀，唔該！

錢：好，咁同時我哋亦有請咁多位參賽者出場先。

（五位參賽者由台右行出，企喺司儀嘅後面，同時工作人員亦將結果交俾司儀啦）

林：加鑊仔，我而家真係好緊張呀，個心卜卜，卜卜咁喺度跳，唔知今日比賽嘅 參賽者邊個可以勝出呢？

錢：我都係呀，而家攪到我連手都震埋，你睇吓我隻手。

（錢拎信封嘅手不停地震）

錢：不過點都好，都要宣佈個結果出嚟嘅。各位觀眾，獲得最受神喜愛嘅人就 係．．．．得獎者係．．．．個名真係要讀清楚先得，係．．．陳皮梅小姐， 恭喜晒陳小姐。

（此時陳行至台中等候加冕）

錢：陳小姐將會代表我哋履行責任，到．．．

（錢正想繼續講落去之際，林拉著佢，阻止佢繼續讀，並且不停地指著得獎名單）

錢：阿Yo，你做乜嘢呀，咪阻住我講啦。

林：唔係呀，你睇吓份得獎名單先啦。仲有得獎者未讀完呀。

錢：吓，唔係嘛，唔係得一個優勝者咩，點會未讀完呀，等我望真ｄ先。

（錢捽一捽眼，看真後再讀）

錢：咦！真係喎，真係仲有其他得獎者喎，真係太神奇啦。好，我哋再繼續宣佈 得獎名單。今次比賽得獎者，包括頭先所講嘅陳皮梅小姐、仲有
林：錢多多小姐

（多多興奮地走向陳）

錢：孫蓉小姐

（孫不可置信地行去錢隔鄰）

林：仲有我哋今次比賽嘅唯一男參賽者，藍球星先生

（藍行至孫隔鄰）

錢：阿Yo，仲有呀，連你同鄉都有份呀，林善小姐。

（善不相信地抬高頭望住兩位司儀）

林：係喎，林小姐，你都係得獎者之一呀，快ｄ行去台前啦。

（善開心地行至台前）

錢：咁咪即係所有參賽者都係得獎者，都係贏家？阿Yo呀，我真係有ｄ唔係好 明，可唔可以解釋一下呀。

林：哦～～其實道理好簡單啫。因為愛囉，神愛世人，無論我哋係靚嘅、醜嘅、 有錢嘅、窮嘅，健康嘅抑或孱弱甚至有缺憾嘅，神都會愛我哋，佢唔會因為 我哋生得醜，生得蠢就嫌棄我哋，同樣地，佢亦唔會因為我哋聰明，靚而多 愛我哋一分，神係一位公義嘅神，一位慈愛嘅神，所以對我哋每一個都一視 同仁，都一樣咁喜愛，所以今日所有參賽者都係得獎者囉，甚至乎現場所有 觀眾，就連我哋兩個，神都會好愛我哋架。

錢：哦～～原來係咁，咁而家我哋就一齊恭喜五位參賽者同埋我哋嘅現場觀眾 先，因為我哋同樣都得到神嘅愛。

林：仲有我哋兩個呢

錢：係喎，恭喜晒！！

林：恭喜晒！！
錢：好啦，節目嚟到呢度已經完滿結束，相信各位觀眾都已經滿載而歸啦。咁我哋有機會再見啦。

錢、林：再會

（兩人一同走向五位參賽者，一同快樂地行回台右）

～完～

>>September 10, 2005 at 12:06:13 AM GMT+8

2005 年 8 月 9 日 星期二 【清涼】

,.,.....+_唉...,>>*
我本來尋日打左好大篇日記架
起碼都有 300~ 400 左右啦
點知 我比左我細佬玩一陣 之 ma
咩都唔見哂
好可憐，好慘呀，我打左好耐架啦
講關於，尼希米團 去 c a m p 既事
我地點玩、玩既遊戲、遊戲玩法、內裡傾談、外裡遊玩、開心既事、傷心既事
一下子就冇哂，搞到我 心淡 哂，冇心情再打多次。。。''

今日天氣好熱，
我去左 睇牙醫
佢 幫我 c o o L 牙
我咩事都唔知架
我以為佢幫我 檢查 一下炸
我都唔知
要 今日 C o o L 牙
好樣衰呀
佢同我講 now 可能唔會 痛
不過 8 點左右
就會開始 痛
我唔係覺得好 痛
有小小 痛啦
係非常唔習慣
個感覺好怪
夜晚 10 點幾
呀媽問我痛唔痛
我同佢講： 「『受得苦中苦 方為人上人」』我好有耐力，你個女我好忍得架，好似咁呀，我忍左你幾多年呀！
其實，我開始 痛，不過我都要忍呀！哈哈
我細佬話：家姐~你好樣衰呀，你以前，如果我係一個大過你既男仔，我都會鐘意你架，不過你 e+ 好樣衰呀
我話：係咩？你重要對住我一年喎，如果我冇 c o o l 牙 你會唔會鐘意我？
我細佬話：我會架！不過你 e+ 咁樣衰，重要我對住你一年，我唸，我都係要換左個家姐佢先得啦
我話：你個 死仔包 ！
真係唔知要嬲，定係要笑好

>>August 11, 2005 at 1:39:53 AM GMT+8

2005 年 7 月 29 日 星期五 【清涼】

今日，本身係同 黃 詠恩、張婷欣
去 旺角 ，不過....
因為我表姐唔想陪 呀婆
咁佢就話，同我去癸芳買
咁我未冇 去 旺角 lo
我同我表姐行，佢幫我 挑左
四件衫，兩條褲，
四件衫，我最鐘意係件 喵喵衫
兩條褲，都好短
我隻腳，又粗又短，穿得好怪
買左 $300 左右呀

>>July 29, 2005 at 2:21:04 PM GMT+8

2005 年 7 月 28 日 星期四 【清涼】

。。。第二日。。。
我、表姐、佢男友
去睇戲.....荒失失奇兵........<<都唔好睇既
不過有一句好好笑.......班馬發緊，白日夢，擾人清夢，正衰神.......
之後，就同表姐一大班 FD去 西貢碼頭 約墨魚
佢班FD 有一個人個名好奇怪 叫 秀人 男仔黎架，個名好奇
好悶架，同佢FD 個個都唔識既...
初初都好好既，不過就黎走既時候
佢地好變態架，一個人抬起一個男仔，去撞一條柱
好鬼變態架！
之後去左滿記 食糖水
好味！
本來係同佢地唱通宵 （唱K）
後來都冇去到。。。可惜、可惜

>>July 29, 2005 at 2:10:19 PM GMT+8

2005 年 7 月 27 日 星期三 【清涼】

今日去左 秋嬋 屋企
傾 星期六團奜 d 遊戲.......................
笑死，一邊傾，一邊玩，好鬼好笑
５點幾６點幾 就走
之後我就一個人傻傻地咁去左 青衣（表姐屋企）
去左個屋企度 S L e e P

>>July 29, 2005 at 1:58:57 PM GMT+8

2005 年 7 月 16 日 星期六 【清涼】

哈哈，今日係 尼希米團 去旅行既日子，
一朝早起身，就覺得好開心啦
心唸：今日天氣好好呀，一定玩得好開心啦！
首先，take 小巴 去坑口 $ 3.3
之後，take 小巴 去西貢碼頭 $ 7.0
接著，take 巴士 「94號」 $ 2.8
最後，take 船啦 去目的地 $ 15
我特別鐘意 take 巴士，因為搖得好厲害呀，好似玩緊 過山車 咁，
同 take 船，在船上，既 風景，真係好靚呀。「我好鐘意D風景相呀！＞w＜''」''
take 過咁多既交通公具，重要行一條好長好長既路，約 15- 20 分鐘左右啦，
要好小心行先得架，因為地上有好多地雷架！
終於都到左，目的地啦，好大片綠油油既草地 (好似個森林)一個人都冇，得我地 幾個炸，
係度，我地唱左幾首詩歌、食零食、做左兩題問題：
１.你是否凡事感恩？如沒有為什麼？
２.在生活上，我們有什麼時候忽略感恩呢？為什麼？如何改善？
之後，我地就玩左一陣，再行上山頂，行左 2-3分鐘，
就見到，牛牛啦，好得意，佢用個 屁股 對住我地呀！真過份呢！
一路行，見到 松果，咁就影下相啦，
點知，我地回程既時候先知，秋燕個相機套，跌左係o個度，
跟著，就好感謝神，我地重係度唱詩歌tim (好似個傻婆！)
一路玩，一路行，好耐好耐，我地就叫左一個好搞笑既哥哥同我地影相
我：唔該！可唔可以幫我地影相呀！
佢：你搵o岩人啦，我專業架！
我：係.....(充滿懷疑)
佢：係架，不過專業唔係影相，係食野！哈哈
我：哈哈
之後，我地就去左 坑口既 吉野家 食野！好味！正呀！
秀籣請食雪糕，行左一陣就返屋企啦。

今日真係玩得好開心呀，好耐都冇咁玩啦，
好耐冇出黎影相啦，
我記得今日秀籣話：不如我地 尼希米團 三個月搞一次 旅行
我真係三個月搞一次呀好想呀，如果係就好啦！
今日見好好多風景，真係好靚，好耐都冇 take 船啦
唔知~下次會去邊度呢？哈哈 幻想中。。。''

>>July 17, 2005 at 12:57:27 AM GMT+8

2005 年 7 月 15 日 星期五 【清涼】

尋日打完羽毛球係........
將軍澳體育館(學校既)
幾好玩，又好笑，好開心，
玩得好勁【汗.......>.<】
今朝一起身～
嘩！！超痛呀！！！
條腰～頸～右手～～
勁痛！！
今日要去牙醫呀，
佢話下星期都要去呀
佢話我要戴佢透明既野
不過冇人睇到既，
只係有D唔舒服，
我重未戴架，下次先，
佢又話大約九月啦，
就要同我戴銀色o個D 「牙C o o L」
好驚呀，好似好痛咁，
之後就去左打羽毛球，3:00-5:00
係就係痛左D
不過真係玩好開心架！

>>July 16, 2005 at 10:32:24 PM GMT+8

2005 年 7 月 7 日 星期四 【微雨】

派 哂 卷 l u . . . . .''
考成點呀？（心唸：又講成續呀？你知啦，我咁差，講出黎，好醜架）
【正正經經 答：今次. . .又係衰左 lo ，衰 ３科呀！】
〔唉. . . . ..''慘''啦 好怕要去 D 差既班呀！〕
衰３科？邊３科？
〔英GE、英LIS、中作〕
（其他人心唸：LIS、中作，你都可以唔合格？係人唔係呀？）
（心唸：你估我想自己唔合格咩？我都唔想架？我唔合格唔開心既係我，
你估我會好好過咩？唔合格！我想架！有得比我挑選，我都想挑我合格啦，
不過今次我真係唔合格 ma—_—''）

其實，我都唔知自己點解會衰左係 作文 ，
如果呢個係 英文作文，唔合格對我黎講係正常
，不過，中文作文.，做中文去「老作」咁都唔合格，
題目又唔係深，我都唔明點解會唔合格架？
LIS 我真係唔知佢講緊咩，真係聽唔到，真係唔明。
GE 我差３分就合格啦，好唔制呀. .. 大叫！um地中. . .''失敗''

咁咩科最高分？
社會 ~
（其他人個心唸：社會，都唔知考咩既，唔讀都得啦，
咁容易既野，比我考我囉硬100啦）

所以，講成續，我係好唔鐘意，不過，我又鐘意聽人地講，
自己都知自己好差，所以我唔想講。


好啦. . . .. .唔講成續 lu
講返今日，放左學之後，落左去，見到，
許寶鶯老師 （許許 教地理）
我叫佢比多一分我佢又唔得
咁我未同佢玩 lo
整佢塊臉，玩左一陣
之後就見到 李可老師 （屁股 教普通話）啦
我就唔理 許許
我同 屁股 玩
又係玩左一陣，
就見到 Miss 方
出左學校門口
同佢一路行一路講下又玩下，
之後我就走左啦，
又見到， Miss Lee Lee 同 張詠璇 (我導師)
又同 Miss Lee Lee 打下 屎忽
又叫下 張詠璇 11 號 同我食 Pizza 咁佢話 13號請我食
哈哈︿︿* 正呀！Pizza Pizza
又話請我食 ice-cream ︿︿*
之後 Miss Lee Lee 又話 星期一同我去食 Lunch ︿︿*
之後我同姮，去左美食廣場食
去中華書局o個時 巫利玲老師 (毛毛 教數學)
叫我地同佢挑禮物，
之後我地就去左奇趣天地啦
同佢挑左
7月11日社際計算機比賽 既禮物
之後幫佢 take 返學校
再去禮堂睇
歌唱比賽，聽到姚嘉晴個妹姚可楓唱童話
聽左一陣
就去左陳詠怡屋企玩
玩UNO、大D、大富翁
哈哈，我 大富翁 win 左呀
陳詠怡欠我 ４萬幾呀，哈哈，
姮欠我一萬。
不過，我玩玩下發燒
我 流鼻水、打噴嘖、眼紅、發燒、頭暈、頭痛、好凍
陳詠怡比我D藥我食。

w a h a h a h a . . . . . . .''
今日好好玩，好開心。
不過又會玩玩下發燒，咁搞笑，哈哈... . . .''YEAH HappY DAY''

>>July 8, 2005 at 1:09:15 AM GMT+8