2006 年 2 月 22 日 星期三 【清涼】

今日......好快就返到學校啦

好早呀。。搭 93K 重早過 296m

嗯。。。今日陳詠怡唔舒服

早退左，佢話 lunch time 買雪條比我地

重之為佢係講下

點知 lunch time 佢真係黎wo

我食左兩條.....嘻.....

好正。。好耐冇試過

lunch time 有 雪條食啦

係呢。。今日最後 o個兩堂

係中文堂(蕭艷敏老師)佢又冇黎上堂

原因不詳，超正

又有得睇好有趣味性既碟

尋日就睇左關於味覺

今日就睇左關於視覺、嗅覺

太好睇啦，非常有趣

如果日日都有得睇就好啦

我覺得睇呢d重好過上堂

上堂我都冇咁專心

睇呢d就特別留心

係呢。。

今日放左學之後去左睇醫生

就係因為聲沙好耐都好唔番

就去左睇醫生啦

點知佢話要幫我去照X光

就要去 聯合醫院 排期

唉。。都唔知要排幾耐

佢比左d藥我食呀

一隻係胃藥另一隻係燒炎藥

都唔知比胃藥我做咩

...........佢比我就食啦

喂喂。。就鐘食藥啦........

唔打lu.........(其實係冇野打先真...^^)

>>February 22, 2006 at 9:27:20 PM GMT+8

2006 年 2 月 21 日 星期二 【清涼】

今日朝早同 鄭曉彤

一齊去左 海皇粥店 買左碗 牛肉粥 返學食

係第一次買粥返學食炸

雖然好似好怪咁

但係真係好好味呀

果然係一個好好既早餐....

係呢...今日係 DaY 6

今日真係好值得我去打下日記

今日呢。。我地2B冇連續冇上四堂！

一日返學上 9 堂

冇上四堂差唔多一半 重要有 2 堂係 PE lesson

好啦。。講返點解會冇上4堂同4堂我地班有咩搞作先啦

頭o個兩堂係 中文(蕭艷敏老師)

尋日佢已經同我地班講左今日唔洗上中文堂

原因！？我都想知..唔係已後唔教呀，係唔教今日，可能有老師睇佢上課掛

第一堂中文堂有個 老伯伯 黎代課

見都冇見過佢，不過 老伯伯 話佢係教 生物 wo

老伯伯 比左一張中文工作紙我地做，

之後重教左我地推理...係咁既。。一個九宮格 打橫打直打斜 加埋要係 15

其實好耐之前係教會都玩過一次，不過唔記得哂啦，只係記得個5字放係中間

第一堂 老伯伯 就教左呢樣野

之後第二堂有個唔知乜水既 Miss 黎代課

佢帶左隻碟比我地睇

有人問佢咩碟黎架？Miss 話關你咩事？

哈。。o個時幾想話，唔關我地事，你就唔好比我地睇啦

起初重以為係好無聊既記錄片

點知，原來係好有趣味性既碟

about 我地既味覺對食物既反應 點解會對食物有抗拒？

有d食物我地細細個唔會食但係大個左就會成日都食

好好笑，見到d人唔鐘意食o個樣食物既樣

好核突，見到d人係度食蟲

都見識左唔小野，可惜睇唔哂啦隻碟啦，因為小息呢

之後 第三堂 英文 (賴文慧老師) 佢冇返學

呢堂冇老師黎代課，真好玩！

張詩雯 lo 用水整到我，之後我就當然整返佢啦

其實佢只係整左我小小炸，但係我就整到佢成身都係咁

之後重出左課室''囉''地拖

第四堂 重以為又係冇老師黎代課 點知 李可(屁股老師)黎代課

我、曹栲婷、黃美婷、陳雅莉 係度玩「成實與大膽」

好正。！咁樣就過左四堂...四堂都唔洗上堂

返學好似玩咁。。好正呀。。

四堂之後上左兩堂科學

之後就 lunch time

今日''麥淑華'' 又唔著底衫！

都唔知佢係唔係白痴！咁大個人唔想底衫，係咪想 show 比人睇呀

係就咪鬼著衫啦！白痴！

之後就黎左 兩堂 PE lesson

打籃球，好正常咁玩

踢排球，我冇打錯呀，我地''囉''個排球當足球咁踢，好玩

之後好快好快咁就放學啦

>>February 22, 2006 at 7:45:12 PM GMT+8

2006 年 2 月 19 日 星期日 【晴】

因為......炳炳病左

子君姐要照顧佢

所以今日主日學取消

咁我就 10 幾返教會啦

我當然有帶禮物啦

一返到去就收埋左佢 lu (美妮圓轆轆公仔 for 黃詠恩)

之後去左幫關太手

幫佢寫金句.....

寫寫下 秋燕 黎叫我地出去崇拜

見到佢就叫佢幫我寫金句

因為我寫黎寫去都係咁樣衰

之後佢寫緊既時候婷欣黎左

佢喊呢。。。

之後就同婷欣入左一個課室

佢喊。。

其實我都知咩事

佢同老豆、媽咪，嗌交

我咩都冇做到呀，問佢又怕佢會喊得重厲害

唔問又好像唔理佢咁

所以我就問左，發生咩事呀！？

佢就話，冇咩事，同老豆、媽咪嗌交姐，好快冇事

係呢個時候

本來想扯開話題講下其他野既(唔想佢唸返起)

點知，秋燕寫完金句過左黎

佢問佢發生咩事，點解會咁

唔知點解，我覺得，係呢個時候佢想喊既咪比佢喊夠

因為多數都係喊完冇事，當然要問佢發生咩事

不過都係一陣先問啦，避免佢情緒激動ma..

呢個係我既想法

秋燕、婷欣講完發生咩事之後就等婷欣情緒好返

就出返去崇拜啦

今日我地三個冇入去兒童崇拜呀

因為關太教太悶啦，真係唔想入去

今日係康平講導..講題係。。樂意的事奉

令我明白到，為神事奉，唔計較多少，

呢d野係講心，係唔係真心事奉？樂意把你的生命主權交給神？

.嗯。。令我體會不少，我知道自己同神的溝通太小

我唔明白神既心意，禱告既時候，只懂求神比我好多既野

好小去感恩，做錯事既時候，好少去求神原諒，好小會悔改，甚至唔禱告

今後！我要同神既關係好d ，我要多禱告呀

希望我唔係得個講字啦..// 加油！

係呢，崇拜完左之後，

就去左課室到食。。

星期六去左老鼠屋企整既，芒果毛士蛋糕

老鼠話，唔記得左將個蛋糕放左係冰格，所以結左冰

食落去好似。。

食緊蛋糕刨冰，口感係好怪

個蛋糕冇咩味，好淡

個蛋糕真係 ma ma 地 呢

之後，食完，收埋野

當然係送禮物既好時候

不過唔知點解....

有d d驚...又唔知黃詠恩鐘唔鐘意.....

叉唔知點送比佢好....

最後，我想囉出去比佢既時候

佢係我後面..咁我就送左比佢啦

唔知佢會唔會鐘意....希望會鐘意啦

之後呢。。

就去左旺角，我、姮、陳詠怡

我搭 98c 佢地兩個 搭地鐵

等左佢地一陣就黎到

之後就去左，新之城、旺中行

行左冇幾耐，陳詠怡買左兩條褲

買完之後，就去左食野

食完之後，

就唸返尋日高佬話 D3 出口直行三個街口 ｃｈｉｃ之堡

呢個 ｃｈｉｃ之堡 唔知咩黎

未唸住行下囉

點知！全部都係男仔野！激死！

之後又行返去，新之城，

就去左影貼紙相

影左兩次，第一次咩事都冇

第二次，就比我搞出野

揀相既時候，我唔小心按左ok

咁成張貼紙相就得一張

好采陳詠怡冇嬲....

之後就去左同工作人員講

我：我地揀相既時候，都未救鐘就跳左去畫野(係我做錯，重要賴得就賴)

店員：咁你應該係佢畫緊野既時候就出黎同我講

怡：咁基本上你冇指明係呢個時候，我地要點做

店員：你地有咩唔滿意可以去同消費者委員會投訴

怡：好呀

店員：如果唔知電話就去查

怡：一定會既！

之後，想\話佢好串好勁既時候

佢喊。。佢話佢笑到喊

都唔知係唔係既

之後呀姮買左褲之後

我就走左去搵呀媽啦

因為今日係佢公司搞左唔知咩野慶功會掛

重之就要去金鐘食野啦

佢講左一個係秘密比我聽。。聽完之後好唔開心..係咩就唔可以講.about 細佬

去到酒樓....七點幾

四時恭候\八時入席，點知，九點先有得食！唉。。

之後，重要聽o個d 唔知講咩既音樂，成個大陸咁！好討厭！

重要比人淋可樂！

都叫左佢唔好比可樂我架啦！

比都算啦！重要淋我！

雖然係咁講對唔住

唉。。真賤！

重之就無聊到爆！

>>February 20, 2006 at 10:25:11 PM GMT+8

2006 年 2 月 18 日 星期六 【微冷】

今日朝早10點就去左翠林

去黎做咩呢！？

就係整蛋糕啦

今次係第二次掛

上次我、表姐、樂文姨

都算係整左一次既

嗯嗯

上次整 檸檬芝士蛋糕 同 朱古力芝士蛋糕

今次就整 芒果毛士蛋糕

講返正題先。。

係呢。。。點解要整蛋糕既！？

就當然係有人生日啦


邊個生日？

黃詠恩囉

之前話買左禮物比佢

e+重有蛋糕

唔知佢聽日收到開唔開心呢？

因為今日黃詠恩同d fd去慶祝佢生日

所以今日就冇蛋糕食囉

要等聽日喔。。。

係呢。。講返今日先

今日十點幾去到翠林之後就同

老鼠、楊文貴，係百佳等

跟住就去左街市買芒果

買完就去老鼠屋企

去既時候

有人叫我地要買旗

本來唸住佢只係叫老鼠買

點知。。重叫埋，我、楊文貴買

佢地都比 $2

但係我銀包得 3張 $10紙

佢都比左旗我啦

唔同我唔買咩

咁我就入左 $10 落去啦

點知！老鼠、楊文貴，不停咁講！

哇。。。好有米喎..@@，唉...e+ d細路真係有米啦...

講左好耐！咁樣都可以比人玩！

真係好無聊！

去度老鼠屋企冇幾耐

婷欣就黎啦

因為頭先咁耐都冇黎，所以冇等佢

之後就整蛋糕啦

整左好耐好耐

3 個鐘掛

整完就返教會

食左個杯麵

之後就去詩班

打聲好沙

都冇點唱

之後團奜

好悶呀

都唔知教咩

今日既題目係---批評

之後就留左係教會玩

玩到 6 點就返屋企喔

玩咩就係踩腳

幾好玩，又幾無聊

我、婷欣、婷婷、溫雅珊、溫志成、楊文貴

都有玩

次次都輸既我！

唉。。。真失敗

今日就係咁啦。。。

係呢。。呢排愛上英文歌

有兩隻碟，好想搵哂d歌.....With Love and All out of my love

重未搵哂呀。。。找尋中...

>>February 18, 2006 at 10:06:34 PM GMT+8

2006 年 2 月 17 日 星期五 【微冷】

今日我做左

一生人只會做一次既野

應該都唔會再有第二次架啦。。

係咩！？唔好唸錯野呀

只係 科學堂 【割牛眼】炸

好鬼嘔心

MISs 叫我地每組買一隻

不過我地組就有四隻

陳雅莉買架。。

每隻 10 蚊 係咁既

我地組有四個人

咁我地組有一個人冇返學

咁就每人剪一隻啦

老師做實驗示範

叫女仔出黎睇先啦

咁我當然要個頭位架啦

點知。。。嘩！幾咁核突！

MIss 將牛眼轉黎轉去

左剪剪右剪剪

360度 show 比人睇

我一路睇一路行後

之後就冇睇到

掛住玩。。呵呵

冇睇到佢話要做咩喔

之後返到個位到

見到隻牛眼。。真係好嘔心

唸緊。。一陣唔洗食飯啦

當然！我有剪牛眼啦！

不過我掂都冇掂

一直用個鉗鉗住

之後狂剪

好快咁就比我剪完啦

之後。。

剪黎剪去，玩下玩下咁

點都冇掂佢架啦

那些嘔心令人討厭的東西

我一共剪左兩隻

一隻係我自己剪哂

另一隻係同陳雅莉一齊剪。。(大部份都係我剪)

因為佢做緊其他野

之後今日 lunch time

變態架！''麥淑華''行過黎我地坐開o個度

之後佢比我地發現佢唔著底衫架

好嘔心呀

咁大個人連呢d都唔著

白痴架咩

比我地拉到佢件衫好出

差唔多咩都比我地睇哂

我見到dd呀，佢個胸。。嘔

問佢點解唔著，佢話趕時間冇著！

咪玩啦，係屋企唔著架！？

真係要洗下隻眼先得！

今日放學都要留堂

因為上次推黎推去係男廁

不過我機 3點8 落去 4點2 就放人

真係太好啦

咁快就放人

之後，見到有大哥哥大姐姐計劃搞BBQ

咁我未去趁熱鬧囉，同姮

之後呢，同 梁采怡Miss 傾計

重同佢講，家長日唔要見 謝謂文sir (無謂sir)

又食野。。呵呵

冇參加都有野食太好啦

咁樣玩玩下，講講下，食食下

咁就 6 點幾

返屋企喔

今日正是如此。。沒了

>>February 18, 2006 at 12:30:53 AM GMT+8

2006 年 2 月 16 日 星期四 【晴】

hehe....(奸笑)

今日係 DaY 3 \

又係電腦堂啦

悶到爆呢

當然要上黎打下日記咁啦

唉。。。要對住呢個咁既無謂sir 三堂

真係想死

佢個白痴仔

都冇人聽佢講書

真係無聊到爆

今日呢。。

今日係。。。我細佬生日a...

。。。HaPPY BirthdaY 喔。。。生日快樂。。。

細佬又大一歲啦，記住要聽聽話話呀

嗯。。今日派左班相

不停咁去問人''囉''簽名

最好笑既人，個個咁既 無謂 sir (謝謂文)

佢係度話！邊個想搵我簽名既可以過黎問我囉

救命！你見過咁唔知醜既人未？

真係比佢笑死

以為自己係名星咩

問你''囉''簽名？咪發夢！

雖然我都有佢個簽名

不過我係叫周佩琪幫我問

我只係問左 miss梁 炸

e.....好鬼悶呀！幾時落堂架

今日放學去左陪 婷欣 買黃詠恩 既生日禮物

佢買左鏡鏡比黃詠恩呀

買完之後返屋企既時候係巴士站

見到李國梁

頭先黃詠恩問我今日係咪同婷欣行街

我同佢講，我係地鐵站見到婷欣，所以一齊走

我都唔想架，唔通我話比你知我同婷欣去左買禮物咩

sorry 呢。。

睇完唔好嬲呀.....

>>February 16, 2006 at 10:05:07 PM GMT+8

2006 年 2 月 15 日 星期三 【酷熱】

OH YEs！

今日 周燕娜 冇返學！

一句講哂！

開心到飛起！

好耐都冇一個咁既日子

佢唔返學

我既感覺就係。。

開心到講唔到呀。。。

今朝 陳詠怡 比左佢整既朱古力我

佢d朱古力 凝固唔到

因為加左奶

好似屎咁

不過我都有食到

因為佢係我隔離......

唔通話核突...嘔心....所以唔食咩

食左，其實都幾好味既

當然好過我o個d啦

如果凝固到就好啦

見到 陳詠怡 好慘

係咁比 姮 話佢 d 朱古力

不過佢都冇嬲

咁咪好囉。。。

今個 lunch time

有人''囉''左 丹 件冷衫

掉上樹上

真係好鬼好玩

唉。。。

不過因為尋日推人入男廁玩

要留三日星光....慘..

雨過天睛。。我同 WWY 冇事喇

好開心。。。

其實根本就冇事

係我發癡姐....

WWY 唔知我為佢喊架

>>February 15, 2006 at 10:33:15 PM GMT+8

2006 年 2 月 14 日 星期二 【微冷】

。。情人節快樂。。。

一年一度既情人節到左。。。

尋日整既朱古力 個個戰敗身亡

比左學校八個。。就掉哂啦

個個都食到肚痛

。。。我唸係我d朱古力搞成咁

可能係我整既有問題先會食到個個都肚痛

哈哈。。〕今日食左好多朱古力

我上堂狂偷食。。

好采老師唔知姐

lunch time 我、姮、曹栲婷、黃丹丹、黃美婷、張詩雯

去左四樓男廁推黎推去

係度玩，玩玩玩，玩得好開心

玩到癡左既時候

歐sir 黎左，捉到正...

又係呢個人，成日做錯野都會見到佢

好采，黃美婷、張詩雯，走得快

如果唔係佢地兩個都要一齊罰架啦

now 歐sir 要罰我、姮、曹栲婷、黃丹丹

企三日星光，三日喎

企一日都死啦......咪玩啦

今日......

又睇多次''某人''既日記 (尋日講既''某人''題示 WWY)

其實睇完之後

我冇嬲過。。真的

只係睇完有d失望...

都唔知點講。。

又唔可以話係失望

其實我真係冇嬲過

唔係嬲，我先會喊

為左咩喊....

我都唔清楚......

一時之氣！？可能....

點算.......點解要搞成咁

其實我知錯架

原諒我。。

>>February 15, 2006 at 10:21:44 PM GMT+8

2006 年 2 月 13 日 星期一 【炎熱】

今日放左學去左買朱古力整

買買下見到我老豆

佢成個傻仔咁

去左坑口同新都城買

之後，就返屋企整朱古力.......

。。。。粒粒朱古力都變左戰友....

眼見！這是什麼爛東西！？

食落去！Oh 那些不是屎嗎！？嘔心得很呢！

今日除左買整朱古力既野

重買左 黃詠恩 既生日禮物

係一隻 美妮.既公仔....$130

我一個星期得...$150...買左禮物比佢...得返...$20

都唔知呢個星期點過。。。

重要比個 售貨員 誤會！

我：唔知買咩好！睇左好耐！

售貨員：想買野比男朋友呀！？呢個呀，呢個呀

我冇聲出啦，嚇死人咩。。好驚架ma

係我後面行出黎問我，想買野比男朋友呀，重要係咁講

。。其實佢一睇我咁樣衰都知唔會有男朋友

都唔知佢係唔係笑我既。。。

其實，我買完之後好後悔。。

不過一年一次。。算啦

我尋晚睇完 ''某人''既日記！(聰明就知係邊個)提示：WWY

勁後悔！一睇完就去左訓覺！

早知就唔睇！

本來冇咩野既！

但係唸唸下，覺得好討厭

唸左一陣！冇啦啦，成個白痴咁！係度喊！

心唸：(廖美儀！你係咪發咩神經呀又？想人打你咩！冇啦啦，就唔好扮可憐係度喊啦

有咩事做咩唔大聲講出黎呀，白痴婆！好心你就唔好同我扮可憐！你知唔知你好''黑''我增

扮可憐！？喊！？你咪同我o曹呀！有咩事覺得好唔服氣要喊呀！？就講出黎聲！

我唔該你！唔好同我扮可憐！想人同情你？你唔好玩我！人有理會你先奇！

我想同你講呀！廖美儀小姐！你唔係好鐘意串人架咩！你做咩唔出聲呀！

講呀！講呀！咪同我扮小妹妹！咁鐘意o曹你重唔同我o曹！扮可憐！你節省小小啦！！)

唸下唸下！我同你識左咁耐！

你知我鐘意o曹架！

點解o個日我會唔同你o曹！？

我重以為你會明白！

o個日我都知你嬲我架！

我唔出聲姐！你當我死架！

喊左半個鐘！

為既就係d白痴野！

我都唔信我會為呢d白痴野喊！

重要喊左半個鐘！一個人！

我唸冇人會信我會為左你喊半個鐘！

now！唔知係你嬲！定係我嬲！

最後一句！下面！

×*I want ForGet For AwaY AbouT You ）﹏I didn't WanT to CrY。 *

>>February 15, 2006 at 10:34:47 PM GMT+8

2006 年 2 月 12 日 星期日 【微冷】

今日冇主日學

咁就訓耐d啦..正

之後都冇咩特別

就到崇拜完左......

就有好多野食呢...因為 愛'然''

當然尋日整既 果撻.......

有一個團奜選舉

就係要選出，

最好味既野食，稱為【最美味大獎】

個名最有意思，稱為【最有名聲獎】

比賽團奜有。。。

大衛團：串燒糖果！名：串串金

撤母耳團：o者o厘杯！名：大樹好遮蔭

尼希米團：水果撻！名：一路跟隨(明明係叫 一口撻 不過比康平改左)

提摩太團：沙拉長通粉！名：流通管子

以諾團：整左咩我都唔知........我冇食過

巴拿巴團：沙拉！名：老少平安

最後結果係咩呢。。。

【最美味大獎】尼希米團...YEAH YEAh.....25票大勝...好開心呀

【最有名聲獎】提摩太團....流通管子....15票大勝...好得意呀個名

YEAH.....尋日整左咁耐

執野洗野，都要成個鐘

咁辛苦...now win 左..好開心呀

媽咪今日同我講話聽日慶祝細佬生日

因為聽日老豆放假，細佬生日正確日子......2月16日

所以今日就去左買蛋糕、生日禮物。。。

去左坑口。。

係 M記 門口......見到有人發羊吊...

狂咁咬野，重咬爛左醫護人員既鞋......

好恐怖啊。。係咁咬野，唔比野佢咬佢又會咬自己條''利''

比佢咬又咬爛.........佢比好多個 醫護人員捉住呀

見到都驚。。所以望左兩眼就冇望啦

細佬買左芒果蛋糕...買左 200 蚊生日禮物

買左d咩！？2盒 Gsme boY 帶...2張遊戲卡

買完就返屋企啦......

今日就係咁。。好無聊既一日......

>>February 12, 2006 at 6:20:07 PM GMT+8