2007 年 4 月 22 日 星期日 【晴】

大豐收！

今日返完教會同呀媽去左旺角買野

細佬就係屋企打機.......

我買左 泳衣 喇......1背心 1短衫 1外套.........<---都是白色的

之後.......買左返學襪

我地走果陣......竟然係車到撞到 黃詠恩 一家！

真係有緣！

>>April 24, 2007 at 12:32:58 PM GMT+8

2007 年 4 月 18 日 星期三 【微冷】

下測第 2 日...

今日既天氣真係幾好呀~!"

個人覺得能見度好呀~"

係學校望出去...好清好靚~!" 心情都好好.^^

之後....今日既天氣好有陽光....但係又唔會話好熱...........

因為今日...22 度......幾個氣溫好好呀.....涼涼地又有陽光.....^^

今日就係下測既第 2 日.......

今日呢......測 物理....

無o麥 點溫過.....

好彩姐....都識識地.........^^

尋日.....上英文堂！Miss Chan lo Yi......又話今日派卷

點知只係做 lis,,,,,無聊！

悶到爆......

今日既德育課先知....濫藥會搞到中風架！

好可怕......！

所以千萬唔好去濫藥呀..........！廖美儀！

之後呢......放學如常
放學如常活動！

>>April 18, 2007 at 10:08:24 PM GMT+8

2007 年 4 月 18 日 星期三 【晴】

報喜！報喜....^^ 到秋燀家~"

今日如常咁返學~"

但係今日就係第 1日測驗la!

地理同英文~!"

哈~"英文果份卷.......Miss 陳可美 話收卷!我重係度做

好彩無比佢鬧.....^^

聽日就測 物理....但聽日考既野 今日先教~!

折射率.....呢次係第 1 次 咁認真咁聽佢教書......(Mrs 司徒 sir)

又抄筆記。又計數.......真係好乖!!!

不過好可惜.......我只係聽書......都無溫過書！

哈！好彩今次測驗唔試成續表....！

但都會睇下.........費時錯得咁離譜ma....^^

放左學。食埋 M記去左......秋燀度溫書~"

秋燀重比左......子君姐....既 BB女 既相比我睇呀~!!

好得意呀"! 果張相佢係第 １日出世影架！

子君姐........真係辛苦你了.......^^

11 點左右回家..............^^



最重要既野都唔記得左講tim.....

今日換左季喇........

呢樣就緊係唔係我話要報喜既事喇！........

要報喜既事就係~~~~~~~~~~~~~~~~~""

MIss Lee 有左 BB 喇！

唔知係男定係女呢?"

不過真係要 恭喜 佢喇......佢好想有 BB 架！

努力成功喇!! ^^

>>April 18, 2007 at 12:21:49 AM GMT+8

2007 年 4 月 11 日 星期三 【微冷】

張志聰...生日快樂~"

秋燀....生日快樂~"

今日又係 子君姐。去開刀拎 BB 出黎既日子呀~"

唔知係男定女呢?"

不過佢一定好痛啦。.....希望天父 保祜子君姐同佢個 BB 喇.....母B平安!! *(唔知個BB係男定女)

今日兩點係寶琳地鐵站等......

去左唱K 。

人物：我、姮、鐘楓、老妖、詩雯、張志聰、面積屎、Penis、毛哥、田雞、咸濕佬、黃錦源

2點幾唱到8點

之後我叫呀媽黎 Neway 搵我

之後就回家了.....

>>April 11, 2007 at 10:09:39 PM GMT+8

2007 年 4 月 6 日 星期五 【晴】

電髮.......

今日係人生第 2 次....電髮lu"

電左咩呢~" ....曲髮....係繩子曲髮.........

今次同上次一樣.........去葵坊電既~"

我一去到.......哇~"果間野真係超多人~"

吹脹......我同呀媽只好係門口睇果 d 電頭髮既相~"

睇完~"無心水.......

之後見咁多人米行左陣街啦~" 哈......買左對返學鞋~"

買完又去返果間野。終於都小人左........好野！

又係果個老板.......呢個老板....係我小六果時識佢架~"

果時係我第 1 次 去果間野度剪頭髮。

之後係.....中 2 。既暑假尾。去電左我人生中第 1 次電髮。係曲髮。

果個頭係佢唸比我既。但係我唔多中意。其實無咩特別.....係普通曲

8 個月後既今日。又去電....今次係佢特意幫我設計既....繩子曲

哈....佢第 1 眼見到我就問我....你係米搵過第 2 個髮型師電？

之後我話......無呀。一直都係你電既.......

佢。下？真架？

我，你唔信呢個頭係你電架？...

之後佢就係度笑......話。覺得好開心咁多個月之後。個頭都係咁曲...

之後佢就問啦。問我要唔要返之前果個曲。

我話唔要因為我覺得果個曲好大。唔多中意。想要中曲左右啦.....

佢就話：我幫你唸呀！不如要 d 好似交叉咁左右...唔會用咁大個曲....比較細既

之後我話...哈~"咁你唸啦。我信哂你架喇~"

佢就同我講。今次其實係佢第 1 次整我呢隻曲~'

聽完之後..........哇！我超緊張！真係唔知佢會幫我整成咩野樣........= = "

一個緊張既心情！之後佢預備幫我焗油果時！佢就話你覺得點呀？我覺得好靚呀！好岩你！

哇！佢係度自問自答！其實我咩都睇唔到！

之後呢電完佢重開心過我！焗完油就剪髮

剪完就比錢la......$418

幾貴下~"

之後就同呀媽行街買左....白色外套

>>April 7, 2007 at 10:59:56 PM GMT+8

2007 年 4 月 5 日 星期四 【晴】

睇戲~"

睇左 "呆" 豆先生！

晚上 11 點 45 分。睇到...1 點 20 分

都幾好笑~"

>>April 7, 2007 at 11:23:37 PM GMT+8

2007 年 4 月 4 日 星期三 【颳風】

Miss 張....終於都要離開我地班

Miss 張。係代....Miss 方敏華 <---因為佢大肚！

復活節假之後.........Miss方敏華 就要返黎......

而Miss 張。都會係我地學校教......但.......就唔會教我地班

我地今日上完最後一堂中屎堂....

我地班唱住....再見了.我的寵愛。誰願接受這種意外.............

唱到呢度......我都有小小感燭.......

之後就送左張卡......張卡係簽哂我地班 d 人既名.......

送完之後。我地講埋最後一句

Goodbey and thank you Miss 張...................

之後......我一口氣沖左出學校......

之後就係度喊.......其實我真係好中意 Miss 張 教書架

我好想佢可以一直咁教我........

但都唔得啦.........

我唔想比我\見到我喊！因為.......我覺得.......

其他人會話我拎\扮哂野！其他人會話！白痴！佢又唔係死左！又唔係唔係學校教！又咩好喊

其實我自己都係咁唸！佢又唔係要離開學校。只不過係唔教我地班

總有機會見

但...........我重係好唔捨得佢！所以都喊左幾耐下

放左學就沖左學校之後走佬lu...........



Miss 張...................懷念你的中屎堂!!"

今天分離......但昐望會遇見....."

>>April 7, 2007 at 11:20:15 PM GMT+8

2007 年 3 月 31 日 星期六 【酷熱】

唱k！(第一次)去機鋪比人叫走！行旺中！游水！正呀！...(又無返教會)

哇！今朝九點半左右就起身......

目的！就係要同 lulu 慶祝生日

去觀塘唱k ！十幾個人！唱左勁多粒鐘

哇！好爽！我同黃詠恩去到 k 房！

一拎枝咪！就未放低過！由頭唱到尾！勁 high！

如果我同黃詠恩點左 100首歌 咁我地就唱左 85首或以上

哈！好正！

之後吧就去左歡樂唸住打機！一入到去就比個呀婆叫我同黃詠恩走

頂！一鋪都未玩！咁之後....我同黃詠恩就走啦。之後就去左 旺中 行街

佢地成班就係度打機！

超正！係旺中！買左黑色裙！同兩件衫。重有束頭髮既！

之後..........我地就計劃夜晚去游水！

好野！！！

我同黃詠恩去成人池游 (得成人池開左)

好深！有 d 驚

不過我同佢玩重多過游！

好開心呢！今日！但....好累.................

今日又無返教會啦......又再對不起天父!!!

>>March 31, 2007 at 11:36:43 PM GMT+8

2007 年 3 月 25 日 星期日 【酷熱】

24-25.. 拜山 。踏單車...大尾(郁)...唱k ....對對不起...天父.....

24號...本來今日係去 海洋公園....

但係又落雨.....好可惜.....

本來係返教會架....

但....點知 詠恩 打比我。佢話唔返教會

佢又同我講左幾耐下。總知佢就唔開心.......

之後佢叫我陪佢行街.........

咁......搞搞下我又唔想返教會.......

就係咁........對唔住呀~" 天父~" 又做錯啦

之後.....出左藍田陪詠恩行街。佢買左...boot and 衫

我就無買過野.......之後我地就行左去...觀塘 唱k

去左 apm Greenbox 唱。要申請張卡。先可以開房

詠恩去左申請......

65 號房.....^^

我地唱左 2 粒半鐘。愈唱愈high ....

搵到我地首飲歌...哈哈.........講笑

不過最中意同詠恩合唱果首就係.......思覺失調 <~~吳雨霏版本 ^^

我地唱到唔想走......但唔知點解......其實我自己覺得好開心但係又好內疚.......

唔知點解......好內疚.......

之後。唱完之後送詠恩搭車......我就去搵表姐同佢....去搵樂文姨 同 Cat Fit ^^ 食韓燒

好飽..........之後去樂文姨家訓.........哈哈。牛牛 同 貓B 都係度呀~"

貓B 好得意呀~" ^^ .......好中意者........

不過 牛牛 成日都躲起來...好怕人。所以無咩點同佢玩過

哈.......之後呢。今日.................25 號

朝早12 點幾去左 茶果(領)....人物：我、表姐、樂文姨、Cat Fit

哈~" 一出到。見到兩隻超細....超得意。既貓仔。兩隻中有一隻係勁靚架...

之後呢......又去果間去開既....冰室食野。勁好味......^^ 即叫即整

之後就上左去呀婆家....等舅父黎接我地去拜山

等左一陣。架車黎到......無幾耐我地就去到 粉(領)

哇。拎住勁重既野。行上去。行左幾耐下。

之後.....就去左拜山

之後又去左另一個地方拜山.....

哇.....又係要拎勁重既野。累到爆

之後......拜呀 呀公.............之後就去左 大尾(郁)

人物：我、表姐、明姨、姨媽、樂文姨、Cat Fit

去堤壩度踏單車......勁舒服。好好玩呀......

勁耐無踏過單車。吹下海風.......

個感覺真係好正！呵呵.......好彩今次無抄車

之後呢......我地就係果度食 泰國野。好好味

之後........歸家去............

其實係好開心。但係......天父 Sorry .....又再一次係咁

下個星期六 Maybe 又唔返~"唉..........................

>>March 25, 2007 at 11:31:09 PM GMT+8

2007 年 3 月 23 日 星期五 【綿綿細雨】

四十三個上學日....火爆鬧人~"

今日本來都無咩野架~"

但唔知點解......成日都鬧人~"

個個都覺得我好惡咁......但係我又控制唔到wow.....

唉~" 鬧左三次......左右

第 1 次..............午膳果時 胡毅然 行過黎我地果邊

煩住哂....真係忍左佢好鬼多次！以前好聲好氣叫佢走開又唔走！

成日都黎講廢話！之後我就講左去。胡毅然 你死開喇！行埋黎做咩呀？

之後佢就走啦。妖~" 你話啦。係米唔鬧唔識走先?"

之後......活動課果陣....班女童軍Midd 叫佢地收聲又唔收wow

一陣又搞到遲放。咁之後我米講句.....傾完未呀？講夠未呀？收聲啦！煩人！

咁就靜左好多.......

之後......又係 活動課。有個平時都唔多中意佢既女童軍

係度同Miss 講....人地紅十字係度開緊大食會wow.....

其他佢唔止第1 次講！係個位度講左好多次。之後又同老師講！

真係好煩！又鬧佢啦。呢個係鬧得最堅果個

個老師話：遲 d 先算啦。果個女童軍又係咁講黎講去。之後我米鬧佢囉！

人地開大食會關你咩事者？人地夠日日步操啦！落雨都要操呀！又唔見你去？

人地步操拎獎tim la ！你又無呀？咩都無做就學人講開大食會。食屎把啦！

之後佢話：我問下咋嗎。做咩鬧我喎

我：大佬！你又唔係第一次問呢個問題。係個位叫你唔好講野。你又係咁講

我忍到而家先黎鬧你。你重想我點呀？

之後都無野講.......今日女童軍只係為左做十週年既攤位。教人摺玫瑰.......

教左勁耐。四點先放人.......

之後去左打波。好耐無打啦

人物：我、鄭曉彤、周周、丹、曹栲婷、姮、陳雅莉、嚴志文、朱耳、肥霖、簡智霖

打左一陣五點左右......差不多六點就走人啦

因為射波無力。所以就費是打.......哈哈

唉~: 聽日 樂文姨 明明話帶我去....海洋公園架ma"

又話下個月先去~" 因為聽日落雨掛

同埋佢話下個月好多動物睇......

唔制呀。我想玩機動遊戲。唔想睇動物。

睇動物不如去 香港動植物公園 好過啦.....哈哈~" 我就唔想去喇.....

唉呀！點解今日會咁火爆成日鬧人架~"唔得啦。要改下先......^^

>>March 23, 2007 at 11:25:08 PM GMT+8