2007 年 9 月 6 日 星期四 【微冷】

第二日返學！遲集隊！

頂....296m 等左勁耐都無黎

又遲黎呀！

我重唸住今年乖乖地！唔比人記名！又唔留堂！又唔遲到！

頂....點知第2 日正式返學就遲集隊

重要比 Miss 文秀玲 記我著黑色 P 褲！

妖....佢話今年無一次機會！一記名就留堂！頂佢個肺！$%^&**()@#$%^*().........................

今日返學做過咩唔記得喇！

只係記得放學返 m 記

早左一個鐘返！唸住可以早一個中走

點知........超多人買野！

最後都要 11 點先走得！唉.....

返到去就沖涼 訓覺！

>>September 7, 2007 at 6:59:33 PM GMT+8

2007 年 9 月 5 日 星期三 【微雨】

中四生活正正式式開始喇...

點解叫~~正正式式? 因為....今日就係 第 1 個開學日！

帶住一個好 緊張 既心情返學^^

今日好彩架車無遲黎姐...

返到去頭 2 堂係 英文.....我係B 組！

新老師....Miss Lee Wan Yee 好似幾好咁

果 2 堂玩得好開心.....

之後 數學。Miss 采怡妹 ！教。好野好野！

頭 1 堂都明白佢講咩....算係好開始!!

抄筆記又有功課！今日佢教左！1 元 2 次方程！

用因式分解做....

之後小息！小完就到左 會計堂！

好緊張呀！一直都好期待呢堂！因為唔知會係點既樣

哇....個Miss 李！

d 野明明容易既就講到好複雜咁！

呀姮重要話佢....思路有問題！不過真係講得好岩！

但我覺得好有上堂既氣氛....人人都爭住黎問佢問題

我都有份^^ 今日教左：資產=資本+負債

會計真係話佢好難又唔係....話佢易又唔得！

我只係覺得超級抽象！我同呀姮不停咁討論負債！資本！資產！既問題

真係唸到頭都爆！結果都係........一個無了期既答案！

lunch 食左個麵....就去左坐！同呀 陳衍達 Sir 又講又笑咁

佢都幾好玩。幾好笑....話咁快就過左 lunch time

中文堂上左去....禮堂聽會考既野。初頭都有用心聽

但....聽聽下訓著左。之後....就上返課室睇報紙！中文係：黎詠常教

睇英文報紙都唔好玩既！

我都睇唔明......只係明得果 d d！都唔好玩既！Miss王秀群 重要問問答

答唔到又要留堂！好彩無問我姐......嘻嘻！

咁就一日。放學返屋企放低 d 書！之後去左觀塘同詠恩行街第呀媽放工

6 點幾呀媽放工就同左我去 旺角買果本商業作業！

買完食大快活 就返屋企喇......^^

正式上學既第 1 日 覺得分班上堂好好玩！

走黎走去咁....好搞笑！

>>September 5, 2007 at 10:37:31 PM GMT+8

2007 年 9 月 4 日 星期二 【綿綿細雨】

哼！今日架車遲左好耐先黎呀

明明係7 點 35 分黎既 296m

但點知....今日遲左超多....架車7 點50 分先黎到

又要超多人上車！ 所以要 7 點返到學校係無咩可能喇

結果咪遲囉......但好彩！因為今日都未係正式既上課日

佢就唔留堂！一返到去只係講左句。聽日早 d 。我話 ：ok "

咁就走佬.............之後就上課室。因為今日落左小小雨。所以無早會

返到上去收通告收錢。之後就傾計。

又調位。本來我係 第 1 行第 1 個。之後我話睇唔到就去左 第2 行第 2 個

我前面係 詩雯。後面係 周周。隔離係 徐佩玲

我唔中意呢個位....因為我想坐中間 d

今日好早就放學 11 點半就放。

放左學。...我、周周、鄭曉彤、曹栲婷、丹丹、老妖、鄺海彤、詩雅、詩雯

買齊野食去哂詩雯屋企又食又玩

打雀....同 啤脾.......哈哈

曹栲婷輸左。要跳舞！實在太好笑！

我地笑到唔停口！

二點鐘就走人...之後我去左3 台度整 d 野

整左我勁耐。之後老豆話佢都係新都叫我去百佳搵佢一齊返屋企

之後。我、老豆、細佬。買完野就搭車返屋企....

返到去四 點幾就訓覺喇......訓到七點起身

八點食飯......



哈哈哈。我真係無良心！

今日先記返起......原來 我個日記 9 月 1 號生日

連自己個日記生日都唔記得....我真係無心肝^^

對唔住呀.....你已經 3 歲 ^^ 大個女！

我已經老胡塗....唔好怪我喇 ^^

日記仔！補返句：生日快樂^^

哈！寫日記都記左幾耐下.....雖然停左好耐無寫

但......我唸返起我都會後悔。點解唔好好記底佢呢

就算我而家睇返中、一、二、三。既我。我都會好回味

所以.....我要多寫日記。其實我覺得呢個日記好無私隱嫁

但又點捨得轉日記呀.......打得耐左會有感情嫁！

日記你真係大個女！要生性....聽教聽話...^^

由中一開學第 1日 打到而家......覺得時間過得好快

但回憶好多.....生日快樂喇！雖然講遲左。不過唔好嬲喇

嘻.....但係無禮物比嫁！

>>September 4, 2007 at 9:20:32 PM GMT+8

2007 年 9 月 3 日 星期一 【酷熱】

人家打左超大篇！結果又無左

哼！！唔打喇！

不過都寫返個........4c 班務表：

男班主任：陳衍達 Sir *佢幾好人。樣子不錯...好似果 d 電話推銷員。佢話到自己好小器。唔知係咪真

女班主任：Miss 王秀群 "佢好煩！成日大呼小叫！佢比我印象唔多好！好似想玩針對咁...希望唔係喇

男班長：陳力彬

男副班長：豬耳

女班長：ar 姮

女副班長：鄺文彩

主席：程裕

副主席：彭明

文書：陳雅莉

康樂：曹栲婷

財政：廖美儀^^

總務：周燕娜


哈哈哈....我比唔知邊個拖左落水！

不過我都唔.埃執(輸)

我拖左 周周 落水 ^^



中四既第 1 日.......

平時既中二、三。我都會有份好安心既感覺

因為.......我覺得 班上會好團結！

但係......中四既第 1 日就感覺到。班上日後會好唔團結

分開一堆堆咁......唔制呀！咁樣唔好玩嫁！

希望係錯覺喇^^

>>September 4, 2007 at 8:32:07 PM GMT+8

2007 年 9 月 2 日 星期日 【酷熱】

我.....那裡能給予笑容?

通通...都唔可以去返以前咁?

唔通真係要我講......算數?

咁都唔係辦法！要唸唸計！


今日返 m 記 竟然唔記得拉卡

好彩 Candy 新女經理。幫我整返姐

但....我張 六折卡係 m 記經理房度。唔見左tim

.....人人都話做 m 記會食 m 記食到厭。哈哈

我而家重係好似之前咁日日都想食

不過變左既就係！曾經有大半年無食著條....

但呢排。又食返....真係.......我都唔知自己搞緊咩

聽日開學！早 d 訓先^^

>>September 3, 2007 at 9:59:38 PM GMT+8

2007 年 9 月 1 日 星期六 【酷熱】

白蝕又名白癜風，是局部或泛發性，
黑色素細胞破壞引起的後天性色素脫失皮膚病，病因不明，
可能與遺傳(我屋企人無個有白蝕)、黑色素細胞自毀、
自身免疫和神經化學因子等有關。
有半數病者在二十歲前發病，而脫色形狀和大小不一。

白蝕治療療程甚長，而且痊瘉率不一，
面部白蝕治瘉率較高，手腳部位治瘉率最低。
範圍較小的局部性白斑，尤其是病程短過一年的，
醫生通常處方皮膚類固醇藥膏，如三個月後仍無進展，
則會考慮非類固醇抗炎胞質激素抑制劑Tacrolimus。如外塗藥膏不奏效，
會處方「光化學療法」，即外塗8-mop後，照射長波紫外铫UVA，
每星期三次，或單純照射短波紫外铫UVB，治療通常長達一年，
長期照射可引致或催化皮膚癌。在活動期的泛發形白蝕，可能要處方口服類固醇，
但整體副作用大，會引致肥胖、長暗瘡、血糖高及骨質疏鬆等﹔
外科療法則有自體表皮或黑色素細胞移植，治療方法由專業醫生因應病者情況而決定。


體副作用大，會引致肥胖、長暗瘡..我日後點算?"

重引致肥胖。而家重唔夠肥咩？...暗瘡？而家都夠多喇.....唉


除 卻 皮 膚 部 份 呈 白 色 外 ， 則 對 身 體 健 康 完 全 沒 有 影 嚮 。
既 然 原 因 不 明 ， 所 以 白 蝕 無 從 預 防 。 至 於 醫 治 方 面 ， 效 果 亦 不 理 想


唉...........


唔開心唔開心唔開心。太陽仔仔。我同你......各行各路！

太陽仔仔......心死了 ><"

>>September 2, 2007 at 1:38:14 AM GMT+8

2007 年 8 月 31 日 星期五 【清涼】

今朝.8:45分 比朱凱佢打黎

叫我去石澳玩。

o曹鬼醒我！

本來今日同詩雯等等人去清水灣玩既

但唸唸下自己無咩錢。加上....朱凱又有車

同埋覺得 石澳 靚 d 。又醒左。所以咪同 朱凱 去...

六釘友！我、婷欣、呀賓、朱凱、呀楊、呀賓個fd 呀晴

11 點幾黎到我留下。本來會早 d 嫁.....但係佢話 發生左意外要入油

12 點幾就去到......朱凱租左把 冰紅茶大傘。又有浮床、水泡咁

都幾好玩！唔知點解.....我明明識游水！上次 13/8 同詠恩都游到水呀！

但今次落到去就游都游唔到！點解呢？明明係識嫁！！！！

點解今次咁?...同佢地玩真係好好笑！

朱凱見到有開心果

之後佢用黎掉我地。我緊係走佬喇......

之後佢無喇喇打開粒開心果！佢話有臭味爆出黎

哈哈......笑死我地。呀楊又走去打開。又話好臭

之後叫左呢粒野做臭丸....玩左好耐

三點幾上左水！訓覺！訓得不知幾咁好....四點幾

走佬.....專車接送^^ ...曬得好痛呀

之後我地去左....家樂仔食野！我食粥！好好味.....呵

正正正！次次去我都係食粥......果度 d 粥我覺得好好味

但係好熱！不過都食哂！之後好野！有車送我返屋企！

但..婷欣就走左去返工

六點幾返到屋企！走左去訓覺！訓到.....十一點四十分比老豆叫醒我

之後我就玩電腦。而家一點。我又好想訓......好累！成身散哂！！

>>September 1, 2007 at 1:05:51 AM GMT+8

2007 年 8 月 30 日 星期四 【酷熱】

抽血 "痛痛地 ><" 原來真係白蝕......唉><"

預約左好耐......今日終於都去睇

睇皮膚科醫生.......去容鳳書

9 點起身。9點半左右出門口

呀媽同我去。我都無唸過呀媽咁豪爽佢話搭的士去

之後搭左$$ 44.4 。之後去左食大快活。食完就去睇醫生

去左四樓。先去左五號房。個女醫生叫我等一等就去 光療室

用紫外線燈幫我照一照。咁就可以睇得出係咩

照完左。之後佢話係 白蝕 ><"

之後佢話而家無藥可以醫得到...只係有 d 藥膏可以搽下幫助唔好咁擴散

之後佢就叫我去 治療室 去抽血 驗查

重叫我多 d 搽防曬。避免接觸太陽

之後抽血。佢係咁打我隻手。要搵血管

但佢話搵唔到。因為血管太過幼.....好難先抽得到

佢先係我右手度唸住抽血。點知....我同佢都見到。 d 血唔留出黎

之後佢係我左手打左好多下。係左手度又抽多次喇

今次 d 血留得快左。但係都係好慢。我同佢都睇住 d 血

其實我怕怕嫁。第 1 次果時我都無望到。之後....我都望望下

痛痛地喇。......佢抽左三枝血。><"

抽完之後暈暈地...隻手無咩感覺咁...但之後都好快無事。

係臉好蒼白果 d 人問我有無事！

我就話...小小血無事^^

之後同呀媽返公司。先發現

新世界果張卡用唔到。我拎3 台張卡喇...

點知用到。好野......正式上左3 台。

日後 3 小妖.....同一個台！^^

之後就同呀明姨。姨媽。呀媽 食下午茶

食完之後....因為呀媽發燒我同佢返屋企訓覺

訓左陣 5 點。就走去返工

今日係 Candy 新經理 第 2 次見佢。佢真係幾搞笑

又幾玩得。佢比 d 好 優差 我做！真係好人！呵呵

佢比我張 d 優惠卷 分類！^^ 咁就唔洗做好多野

之後......10 點 朱凱 返黎

今日我比左 4 張 N73 既保護貼 2 張 w850i 佢.....

因為佢之前問我拎......之後拎埋著條就返屋企


太陽呀......我好想同你玩呀

唔制呀。唔曬得咁有咩用姐！

做夜鬼呀？真係.....................

太陽呀。唔好親近我喇^^

哈哈哈.............



我中意/\/\" 牛奶公司木瓜奶！

正！........好味道

>>August 31, 2007 at 11:55:59 PM GMT+8

2007 年 8 月 29 日 星期三 【酷熱】

哈哈.....正式通頂左小小 /\/\" 27 至 29 號

27 號....

9 點 45 分 起身 ....出去 觀塘唱K

想不到！我係最早到果個....哈！

樹梨佢重打黎o曹醒我點知遲過我黎....

婷欣又遲.....呀貓同呀楊就不嬲都話要遲黎因為佢地要返 over night

最過份果個係.......朱凱

我地人人加埋哂打左 57 個電話比佢！佢都唔醒！我地重留埋言！

最後......我、婷欣、樹梨、呀貓、呀楊 五釘友.去唱 K

之後....唱去就去左 觀塘 m 記....去傾計*(鄧波鐘)

2 點幾 樹梨 要返工。呀貓、呀楊 返去訓

我同婷欣去籃田行街....我想買 梳 同鏡 但.......都買唔到

之後買返隻髮夾！ 朱凱果時先醒！佢打黎....頂佢呀！真係隻豬黎！

我以為佢搞左震機先會唔醒姐！點知原來係無！只係佢聽唔到有響過

之後呀欣打黎...問我地可唔可以返早 d 因為.....佢唔夠人用

之後我同婷欣 4 點就返工....放 12 點 。

返返下工。呀嘉問我同婷欣去唔去 BBQ ！

點都好喇......去玩wow " 緊係想去嫁喇

不過呀媽實唔比....之後我想用返工既名意去玩

但呀嘉唔比......之後我同呀媽講真話話同 M 記 d 人去 BBQ

但佢又唔比......過多陣。我話M 記唔夠人手。我要留到二點

12 點放工。我同婷欣就搭呀嘉比錢既的士去 銀線灣 搵佢地班人

今次有....我、婷欣、呀賓、樹梨、呀嘉、呀峰、朱凱、朱凱表妹、同表妹男友

我地去 燒野食......燒得果小小咁

到左 2 點喇.......呀媽打黎叫我返去。佢又話黎 m 記接我走

之後我怕怕唸住走喇！.....但朱凱、婷欣都話：同媽媽講 對唔住 我講左大話

之後....我好淆底咁同呀媽講....呀媽實話唔比叫我返屋企

之後我係咁講係咁講....又喊 又呢樣果樣！講左成 半個幾鐘

佢先比我去通頂玩......^^ 開心！

估唔到認錯係成功！

跟住.......我地燒野食！呀嘉、樹梨、呀賓、表妹、表妹男友 。去左玩水

我、婷欣、朱凱、呀峰 就無野做.....

點知 朱凱 個廢柴 飲酒飲到嘔！

佢地又無買水.....咁我咪唸住去搵 d 水機喇。點知搵唔到

我見到 3 個婆婆。我以為佢開士多門。點知原來係黎游水

我就問佢地：婆婆...你有無水呀?因為我個友仔佢嘔呀...

婆婆佢地：我無帶水呀。但係我*(汁) 到枝新既水無開過嫁。你要唔要呀?

我：要呀要呀....婆婆唔該哂。唔該哂。唔該哂.........x10

之後呀婆婆佢地 係士多門口 {新} 隻手入去拎比我

婆婆：唔洗......救人要緊呀^^

之後我就返去比枝水呀 朱凱

佢地話我好好野！咁都比我搵到枝水返黎

緊係喇....我咁叻女！

唉.....人家既第一次通頂真係好想見下個....蛋黃升上黎係點嫁

但係.........唉！佢地話走 28號

之後我、婷欣、呀嘉。坐呀峰架車。佢車我返屋企再車婷欣

返到去六點。沖完涼就...整 d 野之後就訓。訓到8 點呀媽叫醒我

幫我染頭！ 太好喇....變返個黑色！睇落去個膚色都白返 d！

加上我中意而家個頭多 d ！雖然我都覺得黑過頭....但...都ok中意 覺得好過之前。唔黑唔啡咁

染完個頭。之後換衫....又夾直咁

之後就出門搭 296m 返學！

註冊日！好彩我無事姐......呵！過關過關！

但係。老妖、詩雯、傻B、Fing 彤 就唔過關

所以我地入完數就去左詩雯度改裙。之後就返學校交入數紙

之後又上返去詩雯度玩.......好玩！

四點幾大君打黎問我可唔可以頂佢返工

我無所謂......但唔知呀媽有無煮我飯。佢話未煮。我咪返囉

好野......朱凱首領！ 3 小妖 又一齊 集合！^^

今日婷欣屋企無人！佢成家去返大陸得返婷欣

佢地話上去婷欣度打雀！咁對我黎講有得玩就想去

咁呢.......我就同呀媽講話婷欣屋企無人因為佢地返左大陸婷欣想我一齊去陪佢訓

咁呀媽初頭係唔比.....

但今次我話左係....暑假既最後一次！所以.......佢就比

之後我、詠恩、婷欣、樹梨、呀嘉、呀楊、朱凱！就上哂去婷欣度！

我、樹梨、詠恩、婷欣就上左去婷欣度先！

因為班男既要去拎麻雀卓！咁我就沖涼先喇！

沖完就到詠恩、樹梨、婷欣咁。沖完就食佢地買上黎既叮叮野！好味

呵.......之後佢地飲酒。我咪又飲囉。本來好地地。我飲左一啖！

過左陣！朱凱串嘴話：超....飲得果小小！！

咁我唔服氣佢咁講！所以我咪 好快好快咁哂佢囉！

點知就出事！超暈....哈！重打牌.打左半埸！睇佢地打左兩場

之後.............我就走左去訓覺！果時 4點

唔知幾點喇。.........朱凱都入埋黎訓

佢好似個老豆咁.....但唔似我老豆咁

頂佢！死肥佬整到我無位訓！我都唔知佢黎左

我訓得不知幾咁好！佢重話我訓訓下叉住佢條頸！

都唔知係真唔係既.......不過真係好好訓！

12點起身喇.....朱凱重要整一整我！頂佢！想叉我鼻孔

佢訓黎阻住哂！重好意思話！我唔踢你落床算你好彩......

呢個咩世界....咁既人都有？

哈哈.....婷欣、詠恩、樹梨一齊訓！最好笑既係呀嘉同呀楊訓！好似基佬咁聽佢地講

我就唔知喇。我最遲起身！我只係覺得好眼訓

之後我、婷欣、詠恩、樹梨

落去 聯興茶餐廳...食野。我唸唔到食咩好。所以去買左粉果、腸粉食.

之後送樹梨去搭車

我、婷欣、詠恩。又訓過....點知熱到飛起！

再加上婷欣好o曹！所以我出廳訓！

跟住原來婷欣要返四點。佢返工。我同詠恩就行左新都一陣

就返工。我地返 6 點

之後....今日又係 首領 加 3 小妖 集合！

但今日無咩點玩......

今日 首母 黎左 m 記！似係接 朱凱咁 ^^

佢咪好囉......咁幸福！


12 點放工。我、婷欣、詠恩。返屋企等小巴果時

見到陳雅莉 同 翠儀！哈哈........咁都撞到

之後講左陣就走人

返到家沖涼。同埋同細佬玩左陣。之後就打日記

3 點喇.......要訓先得！聽日 10 點要去睇 醫生

呢幾日玩得好開心！/\/\""

再有多幾日比我玩就好喇 ^^

>>August 30, 2007 at 2:57:58 AM GMT+8

2007 年 8 月 26 日 星期日 【晴】

尋晚 十點半 訓 今朝 十點半 起身

一共十二粒鐘....但而然好累

返到教會講導果時差 d 訓著

><"Sorry 天父....><"

返完教會之後就有 詩班同樂日

教會請飲茶！我實在太餓

所以....因為婷欣果 d 係度扭扭擰擦咁

加上我又肚餓！我咪走佬點知走果時差 d 整跌張椅

所以搞到個場面我就好似發緊佢地脾氣咁....

不過...我果時真係有小小嬲。但唔係發脾氣

之後去到中途見到呀joe媽....所以就一齊上茶樓

係咁點野食.....好肚餓

食左一陣。呀昇、雅姍、婷欣。佢地黎左

所以我一同佢地坐

之後食完野就......詩班同樂日

咁樣樣......就玩到 5 點幾

之後返工

返工前買左對黑鞋....

買完.....返到去。我條新褲唔見左

之後！條舊褲發現唔係自己既。連[無] 都唔係自己

襪又唔見左隻！激到死死下。出左去問詠恩係咪著左我條褲

之後佢唔係。我就...發左 d 脾氣！樹梨 好好人....叫我唔好嬲喇

咁我就心心不滿咁返入去換衫！

跟住....朱凱話我唔好鬧人喇...溫柔 d .......講講下無喇喇喊左小小

因為覺得唔認確咁做.....之後朱凱 叫我去買襪

之後返工喇。一直都唔開心

唔關人事嫁......係自己問題

可能眼訓掛.......今日細佬黎左問 詠恩....拎水

之後我唸住比著條呀等等.....但佢話咁快就走左

.......跟住....朱凱講左 d 幾有道理

但..........對我黎講唔係好開心既事

所以我成晚都係度唸............

係呀 。差 d 唔記得講。 朱凱 今日話賭波

叫我地一人比 十蚊

本來我唸左陣......我係 基督徒 黎嫁

唔應該咁......但我唸唔到。所以就決定左詠恩 賭我就賭喇

點知詠恩真係賭........所以我都賭

唉！！！ ！！ 竟然係 和波

明明以為會win 嫁 ma" 最後 01鐘 2: 1

點知咁都追得上！唉！.......

人生第 1 次賭波^^


今日唔多開心！心情唔係幾好

哈........但細佬今晚同我訓.......又幾唔錯

好喇....2:30 喇 細佬眼訓....我同佢訓喇 ^^

>>August 27, 2007 at 2:23:59 AM GMT+8