|
2004 年 9 月 20 日 星期一 【晴】
約左 karen 11 點返 de havilland
我冇遲到, 但佢早到, 咁我咪行返學方向睇下撞唔撞到佢
沿途經 town, asda 都見唔到佢, 唯有行快o的啦
點知, 佢突然間從後大 "挨" 我個名...哈哈哈
因為佢係 bus stop 見到我, 有車都唔搭同我一齊行
佢好似追我 9 條街咁, 行到索晒氣 ^^
返學係諗住拎成績同睇下有冇o的 career talk 咁
點知大家白行一趟
之後去左 st albans
陪 karen 開電話, 去左 burger king, boots
係 town 度行左一圈...冇乜野行
then 去左 argos 同 vodafone
三點左右走...返去 uh again
等左兩個鐘拎 result..
係度等等等, 最終結果都出左 >.<
係咪我真係預左咁呢??
去左 china sky 食飯
今次我地叫左薑汁芥菜, 豉汁鱸魚 同金針冬菇雞
算係返黎最好既一餐, 可能自己懶煮?
之後做番平時夜晚做既野...冇乜特別！
>>October 16, 2004 at 1:50:36 AM GMT+8
2004 年 9 月 19 日 星期日 【晴】
今日好晏好晏先起伸
因為之前訓得唔好...betty 住我隔離架嘛
佢又成晚唔訓, 係度執野...真係成個家庭主婦咁~~
我尋晚都做左佢咕哩...幫佢遞好重既 file....搬電視落樓下.....
tea 食左 2 個 綠茶糯米糍....好濟....我諗會有排都唔使指意再買
6 點凌諗住煮野食, 一落到去就見到 betty 煮左 pasta...
佢仲預埋我...咁即係叫我唔使煮啦... 仲想煮 noodle tim~~
o的 pasta 落左o的 garlic herb...成口 garlic 味...唔係咁鐘意
食完覺得個胃唔係咁舒服....飲左杯綠茶....好左o的...
係唔得閒個陣又比人叫左去參觀房...因為執好啦嘛....個 feel 都唔錯既
佢掛左好多燈飾...我都話如果盞燈係 disco 個隻鐳射 feel...咁仲 "正"
如果係我間房...我實唔會容許自己咁做....我覺得好花...係眼花 ◎.◎
又開下家庭會議咁...講關於開多條 ntl 同 裝電話既事...
聽日會返 de havilland...但唔知去唔去得成......
>>October 4, 2004 at 8:20:53 AM GMT+8
2004 年 9 月 18 日 星期六 【晴】
朝早 6 點就去機埸接 karen 機
之前已經幫佢 book 左架的士, 但個 driver 竟然遲到...
我諗我打比佢個刻先起...有冇攪錯！
如果 karen 早到咪要等囉....好在佢都係啱啱 check out
最攪笑係佢出黎個刻, 左望右望...都幾得意...成個傻婆咁...
我一句:『 我係度呀！你望去邊呀！ 』
佢就好醒目咁望向我哩個方向....早知就比佢搵下我先啦
佢都係住我附近, 所以我幫佢搬左個 luggage 上樓就返去訓
訓到 12 點我仲以為係夜晚 12 點....訓到傻左
到左 2 點, karen 又過黎拎野, check email...嘈醒我 >.<
我逼住要起伸....冇食過o的乜....等到 6 點凌...幫佢拎埋剩餘既野去佢屋企
跟住大家去 bistro east 食飯....叫左 檸檬雞, 菜心 同 麻婆豆腐
等左好耐先有得食...餓到暈....佢都起碼食左野 jin 底..我冇...
食完去左佢屋企坐左陣, 傾下計, 睇下雜誌...佢又比左袋牛肉乾我
返到屋企幫佢將要捐既衫執埋一袋...then食下牛肉乾...
之後又同 "你" 傾計....宜家我話比你知....我每日都會等你架...
你試下唔 online...殺左你 ( celia 語氣 ) 呵呵 ^^
又再一次見到你個 "傻樣"...我諗你一見到哩句 message...就係度笑
都真係未見晒你o的公仔....快o的比我一次過見晒啦..
都唔會話等到我傻既...我又唔想變 長頸鹿 喎
大家又係度 傾傾傾.....講講講....笑笑笑....呆呆呆....等等等
好夜好夜好夜先訓... nice dream !!
>>October 9, 2004 at 2:53:49 AM GMT+8
2004 年 9 月 17 日 星期五 【晴】
突如其來既見面, 有驚亦有喜！
驚 既係冇諗過你可以咁快上網
喜 既係可以見到 "你" 個樣 同 蕉仔...大咀
super surprise super surprise ^^
今日只係打番之前既日記
打左 3 篇, 雖然唔係好長....
但我都想比你地知道我既近況
其實比你地知道, 我又係咁苦悶咁過每一日
都唔知你地會點諗....但我真係唔想出街哩....
晏晝 jin 腸仔, 蛋, 蟹柳 加 waffle 做 tea...
好耐冇咁樣食過啦...就算係屋企都好少咁煮...
同 betty 一齊食...佢都沖左杯鴛鴦比我....ichiban
係個刻佢已經叫我今晚唔好煮, 佢話會煮飯比我食, 因為之前講過但冇咁做
我又冇逼佢...我 say no 又唔得...成日都話預埋你架啦....慘..慘....
佢煮咩呢...就係雞, 臘腸, 冬菇混飯....一煲過..應該會好快....
但佢 6 點幾已經搞掂晒...淨將o的餸未擺落個飯煲度
點知一等等到 9 點...我平時 7 點前 finish 架嘛
個胃好唔舒服...真係餓過濃啦...好辛苦好辛苦..話過冇乜機會都唔會 join 佢地
我係好怏咁食晒...但都唔知飽定肚餓既...
之後又即興咁玩 骰盅同 lucky...今次既酒就係 jim beam 同 baileys
jim beam 就似藥水味....baileys 就好 creamy, 朱古力味....
飲完個心都 "慶慶" 地...我 同 betty 一pair...rex 同 鵬一pair
佢地...都唔係話好勁...但我地係好屎個o的.....我地飲得多過佢地
mix 酒既後果 咪 wing wing 地囉....成晚都唔舒服~
本來一早就想訓, 但訓極都仲係好辛苦...
點知 "你" 又咁醒 online 喎...我咪同你傾傾傾囉！
你係個邊生活慣唔慣呀? 係咪見到好多我平時食既餸呢?
睇黎你都要習慣吓啦.... 買左 cup noodle 又唔煲水, 咁不如唔好食 >.<
你一係唔好講比我知..你話你今個禮拜唔會再去 waltmark..我又唔信啦~~
冇野食...唔通食空氣, 食塵 咁呀?
你覺得凍就好開 heater, 著多件衫...飲o的熱野...
個邊宜家凍唔凍呢? 幾度呀? 仲有冇咩咩風呀?
遲到既後果咪就係比 貴o的既錢 去達到某個目的囉...呵呵
唔好咁啦...宜家我諗你o的 "食物" 朋友唔會再叫你起伸啦...
你好自為之啦...係個度搵個相熟朋友叫你啦..okie
見到你個樣咁攰, 都知你好想訓啦...你都係早o的休息啦...
唔知你係個邊會唔會覺得好 free 呢?
可能暫時仲會掛住香港, 你o的朋友..等等....
但過多一排....你就會好留戀 usa....唔知會唔會有咁既可能性呢?
好在大家既時間唔會話夾唔到...都只係遲 5 個鐘..good ^^
如果你成日上網...咁我地又可以 stay touch...." thumbs up "
好似快樂不知時日過咁...話咁快又 4 點啦..
叫 kk send 番o的 peak 相比我...佢又 "炆" 啦..
因為佢要熄晒所有野先可以 send 比我..真係唔好意思！
不過我覺得哩揖相影得最靚..哈哈...
晨早 6 點去機場接 karen 機......好攰.....
即係話 我今日冇訓過覺... big black pocket ●.●
>>April 17, 2008 at 5:16:17 PM GMT+8
2004 年 9 月 16 日 星期四 【晴】
今日我既好朋友 黎婉敏 小姐終於走了
其實我地識左好似好耐, 但大家都好似冇乜點稱呼過對方
唔係話怪同冇禮貌既...係咪真係唔使叫呢? (我自己都唔知)
我地真係有咁熟咩? 真係有咁了解咩?
你走既時間一拖再拖, 都唔知佢地有咩感覺?
送雞定唔送雞好呢? 食唔食 "宵夜" 好呢?...予盾.....
都知你唔想架啦, 你根本無得揀...無得選擇...
係你走既途中, 都有打過比你, 你都好似仲係冇咩特別感覺咁....
同平時既你冇乜異樣...是好 還是 壞的?
之後我有我做自己既野, 你有你同佢地傾計....
時間一分一秒咁過去, 你既緊張時刻又到啦....
離別心情如何? 能感受到固中滋味嗎?
我個日好似好空處咁.....可能覺得冇乜邊個會同我傾啦
就算同佢地傾...佢地都只係一句起, 兩句止...
好悶呀...好悶.......真係好好好悶....
個日我記得...我只係係佢地既 diary 留言...自己都冇寫....
留左好多字...我諗你地都估唔到...哈哈
都係寫我既感受同 "你" 既感受....
你 既感受係我作既..(我諗你都有 similar 感受啩 )
個晚都冇咩特別事發生.. that's all !
>>September 19, 2004 at 7:34:59 AM GMT+8
2004 年 9 月 15 日 星期三 【晴】
哩幾日都好夜訓
好似回復返香港時間咁
可能又因為要做一o的事啦 ^^
好似好 urgent 咁...唔做 就唔似我既性格
所以都好遲先起伸...似 ^oo^^oo^
終於都執好間房, 唔係返到黎未執
而係大掃除..將好多好似好有感情既野 "dum" 左 or 捐
執左三大袋 紅白籃, 有o的廢物, 有o的衫, 褲, 鞋....
都用左好多時間..因為我好懶...每日都只係執間房既一部份
執左好耐好耐...可能我唔鐘意執野..一執就要好整齊好整齊...
今日已經開始 down, 我諗佢都知...雖然我唔係 hk, 但....
我就算連講說話都好似冇力氣咁...
本來今日會同 wing 出去 london, 但我又遲起, 佢又冇打比我...cancel 左
但又比我知道佢係屋企喎, 所以唯有陪我去 asda 逛逛
今次買既餸豐富過上次...有牛扒, 薯仔, thumb stick...菜咁囉
真係一個禮拜出一次街, 仲要係唯一一日講得最多野
夜晚過左呀 wing 度食飯, 佢屋企今日有 10 個人連埋我
熱鬧就唔係好覺...因為有 3 個陌生人...佢地既態度就好似唔知點咁
全部都係講國語, 所以全程都係講 " 煲冬瓜 ".." 煲冬瓜 "..
我就冇乜點講野啦...唔係唔識講...而係大家講既野, 我都唔知點加插好
費事佢地講 ...你o的國語好 "難"...哈哈
8 點凌 過去...11前就走...我地住得好近..行過去都唔使 1 分鐘
同 celia 同 christy 傾左陣... 個刻 黎小姐仲未執好野 (真係唔急嗎)
而小潤子 又啱啱放工...攰嗎?
返到去做乜唔訓呀...如果係都仲有至少 2 個鐘訓呀...
大家傾吓傾吓...時間過得真快！
霎吓眼, 香港時間 5 點啦, 無耐又 6 點啦, 好快就 7 點....
>>October 9, 2004 at 2:50:42 AM GMT+8
2004 年 9 月 10 日 星期五 【晴】
哩幾日都係做o的好悶既野...
起伸食少少野, 睇下人地日記, 上下網, icq, msn.....
宜家慣性黃昏一個電話, 臨訓前一個電話 (可能會有美夢 ^^）
晏晝多數執下野, 去 friend 屋企傾下計咁..
夜晚個餐, 如果食飯就會煮兩個菜
例如: mushroom with beef, onion with beef, onion with egg, lectuce.....
雖然來來去去都係食個o的, 但我都好享受..
因為太耐冇煮...而且又冇咩好食...唔想煮麵..好悶...
叫左 celia 幫我比野我個 friend, 佢地少奸...好似有野爆...爆響口..errr...
大家好似溝通得唔錯, 有機會可以發展朋友關係..呵呵
唔知 rachel 又覺得佢地點樣呢?
係咪好騎呢? 佢地係咪好串嘴?? 我個 friend 都唔係成日比我串既
因為大家唔係成日見, 但佢有時講野都幾...errr...
近排都冇乜出街, 我諗一個禮拜一日啦
相對係香港少之又少, 又變左一個悶人...都幾慘！
宜家我又唔係幾鐘意講野, 你地就黎講得多過我啦
有 hody, celia, fanny, rachel...都係..成日 bilibala
有時覺得靜係好, 但太過靜就會 好自然諗好多野,
太過熱鬧又唔係太鐘意....都唔知自己想點?
鐘意安於現狀, 平淡渡過, 熱鬧 還是.....
>>October 9, 2004 at 3:18:18 AM GMT+8
2004 年 9 月 9 日 星期四 【晴】
12 點左右起伸
早餐只係飲左一杯奶同食左半包栗子
約左 frances 兩點攞 key 同返學拎 letter
想約 wing 一齊出, 點知 amor 又約左佢...
咁我自己一個人好苦悶咁出囉...1 點 8 出門口
去到 2 點, frances 2 點 3 先到...跟住去 mercer building 攞信
排隊差唔多排左半個鐘, 佢地 英國人 做野真係做得好慢...snail
最終都冇白行, 因為拎到想要既信...如果唔係, 又要係度煩...
返屋企, 經 asda 買餸, 終於買左牛肉啦...期待已久！
因為想食肉好耐...但自己懶又唔想煮...
返到屋企, 肚餓到暈..食左個糯米糍同橙....
知道佢地今晚 bbq...唔想 join 佢地
咁諗住到咁上下就煮野食...個肚 "鼓鼓聲"....
但 auntie 同 uncle 話: 『 brenda, 你今晚唔好煮野食啦~ 』
『 唔通你又自己一個人 lay 係間房度食咩? 』
我覺得冇所謂....一個人食真係好有問題咩?
跟住咪話同佢地 bbq 囉...等到我呀...食左兩條魚肉腸加一包維他奶頂肚
成 9 點先食, 都幾豐富既....有好多好耐冇食過既 餸....
有牛扒, 豬扒, 羊扒, 全翼, thumb stick, 墨魚丸, 炸魚旦, 大蘑姑, jumbo腸..等等
不過我都係鐘意自己燒多o的....有 feel o的... (雖然有時唔係我燒多..哈哈)
食完之後, auntie uncle 又話玩 骰盅...咁即係要飲酒啦~
自己本身都飲左 beer..之後飲 白酒....vodka.....紅酒...暈暈地 ◎.◎
我地一啤啤咁玩...我 同 betty 一組, sam 同 michelle, jethro 同 uncle auntie
都係一啤 兩個輸晒...先要飲... 咁我同 betty 都應該唔係輸得好多....
但有時齋飲 vodka...唔快 wing 就其...又冇加 可樂....
只係玩左 lucky 同 大話骰....冇玩其他...
咁都玩到有人 " 劏 "...係好核突 既 " 劏 ".....
betty 佢講講下野..就係張枱度...嘔
err...好嘔心...佢即刻去 toilet....但已經趕唔切.... 太遲..
成個 toilet 都係佢o的.....我都幫唔到咩手...因為我都 wing wing 地
1 點鐘左右就去訓覺...係臨訓前都傾左陣電話.....
我個陣頭腦仲清醒, 但最後都係...語無倫次...哈哈....
>>October 16, 2004 at 1:48:58 AM GMT+8
2004 年 9 月 7 日 星期二 【晴】
9 點起身又繼續 study, 直到 1 點
2 點 15 考 labour market policy..
哩科真係靠平時..有冇睇報紙習慣
講既野類似有關 econ...都有少少難
我覺得難係因為我就算寫到 point..但就唔知跟住可以寫乜
唔識比 example...連作都有問題..所以..
係咪我讀書方法真係咁有問題呢?
但我已將我所識既野寫晒落去...所以冇遺憾！
4 點幾考完, 打比好朋友寒暄, 但時間唔啱.... 獨自回家
回家途中想了很多.... 很多
返屋企聽歌, icq, msn.... wing 買左 "紅豆同綠茶糯米糍" 比我
去佢屋企..傾下計....睇下佢地係 london 買既 戰利品
同 "你" 傾計一傾就 兩個幾鐘, 夠嗎??
係我有少少唔願意既情況之下, 就去左煮野食...因為個陣已經 11 點幾...
真係變 小 faifai 了...哈哈...又有小肚腩 ●.●
隔左冇耐...就去休息...* tired *
◎ 各位唔開心既好朋友, 希望你地能早日解決所有疑難, 煩惱！ ◎
>>October 9, 2004 at 3:09:56 AM GMT+8
2004 年 9 月 5 日 星期日 【晴】
原本平淡既一日...
又因特如其來既一o的問題而令大家變薑
真係唔好意思, 我冇諗過妳既反應係咁激烈...
妳覺得我冇諗過妳既感受??
我諗可能係個一刻我只係想對大家有個好交代, 所以...
真係有忽略妳...係我既錯 >.<....妳 -.-'''
尋日諗住 5 點幾煮飯..但有對 couple 係樓下煲湯 ...
咁我就忍下...點知一忍 就 9 點...肚餓到胃痛...幾咁可憐的我
之後煮左 蓎蒿, 生菜, 蟹柳 同 魚丸 一煲過...餸飯
胃痛仲食湯飯, 係咪想死先??
繼續我既忙碌, 大概 1 點左右 訓左... 好 " 隔硬 " 黎....都訓唔 "著"
到 4 點凌起伸又再讀過...因為今日 9 點考 business law
>>September 15, 2004 at 3:24:51 AM GMT+8
|
|
廣告 |
|
|
讀者留言 |
| 路人留言
|
 真係好耐無睇過你寫日記啦~ 仲要
>>September 4, 2009 at 2:10:15 AM GMT+8
hello
<br>where
>>September 20, 2008 at 5:30:17 PM GMT+8
Re:
<br>Hody期待你回
>>August 13, 2008 at 1:12:42 AM GMT+8
Brenda好miss你啊!太耐
>>August 4, 2008 at 7:20:34 PM GMT+8
oooooo.......
<b
>>August 2, 2008 at 6:27:39 PM GMT+8
做咩講粗口咁燥啊~~
>>June 22, 2008 at 11:27:36 PM GMT+8
baby... I m BACK
>>May 31, 2008 at 5:17:45 PM GMT+8
You are the swee
>>April 23, 2008 at 9:11:48 PM GMT+8
on april fool?!
>>April 3, 2008 at 8:08:17 PM GMT+8
Open yr big eyes
>>March 20, 2008 at 2:24:29 AM GMT+8
u vomit?
>>March 19, 2008 at 8:09:27 AM GMT+8
好耐都冇打過野喇喎
>>January 30, 2008 at 8:54:47 PM GMT+8
2008快樂
>>January 2, 2008 at 5:09:24 AM GMT+8
耶誕快樂!
>>December 26, 2007 at 1:12:30 AM GMT+8
個Background 很有趣啊
>>October 23, 2007 at 1:26:56 PM GMT+8
where is 'there'
>>September 10, 2007 at 5:20:14 AM GMT+8
re:fran
<br>
<br
>>August 30, 2007 at 4:02:35 AM GMT+8
who is babe?
>>August 29, 2007 at 6:28:38 PM GMT+8
成日諗住.... 我呀? wah
>>August 4, 2007 at 12:06:02 AM GMT+8
re:milofran
<br>
>>July 26, 2007 at 1:31:08 AM GMT+8
好心你就訓多d啦...
<br>
>>July 24, 2007 at 10:42:28 PM GMT+8
咁你個餅印呢???
>>July 5, 2007 at 3:32:21 AM GMT+8
哈哈~點解老朋友一打黎!
<br
>>June 20, 2007 at 10:12:35 AM GMT+8
exam gd luck la.
>>June 5, 2007 at 3:59:40 AM GMT+8
等咩呀?
>>June 3, 2007 at 11:22:29 PM GMT+8
babyyyyyyyyyyyy
>>May 12, 2007 at 10:37:53 PM GMT+8
weiiiiiiiiii
<br
>>March 15, 2007 at 12:21:44 AM GMT+8
!!!!!!!!!!!!!!!!
>>March 10, 2007 at 6:44:19 AM GMT+8
hahaha...
<br>
<
>>March 6, 2007 at 6:19:17 AM GMT+8
"To me" best fri
>>March 6, 2007 at 1:41:02 AM GMT+8
"近期"的一首好聽的歌?????
>>March 4, 2007 at 1:37:06 AM GMT+8
me always outdat
>>March 2, 2007 at 12:30:50 AM GMT+8
咁係學校食既價錢就係咁架啦...
>>March 1, 2007 at 9:03:55 PM GMT+8
翅+雞全翼+脆皮腸= $15??
>>February 28, 2007 at 8:32:59 PM GMT+8
你幾時高左2 cm ka..哈哈
>>February 28, 2007 at 12:37:54 AM GMT+8
睇你幾時返啦
<br>
<br>
>>February 23, 2007 at 1:19:13 AM GMT+8
so miss u ahhhhh
>>February 22, 2007 at 8:03:10 PM GMT+8
點會唔識丫...好易上手
>>February 22, 2007 at 12:09:06 AM GMT+8
打麻雀.......我都想呀..
>>February 21, 2007 at 8:04:23 PM GMT+8
Thank you for yr
>>February 21, 2007 at 5:20:35 PM GMT+8
happy new yr!!!
>>February 20, 2007 at 11:40:44 AM GMT+8
豬年快樂
<br>豬籠入水
<b
>>February 18, 2007 at 2:42:12 AM GMT+8
落實左星期三情人節搬去o個度啦~
>>February 12, 2007 at 3:25:43 PM GMT+8
Brenda how re u
>>February 10, 2007 at 12:58:57 AM GMT+8
考試有咩得,有咩失?
>>January 22, 2007 at 12:23:44 PM GMT+8
so good wor, wen
>>January 8, 2007 at 1:40:51 PM GMT+8
wonder about new
>>January 1, 2007 at 12:00:13 PM GMT+8
what
<br>wonder
>>December 31, 2006 at 1:07:01 AM GMT+8
how I wonder wha
>>December 30, 2006 at 5:21:49 PM GMT+8
圣誕樹快樂
>>December 25, 2006 at 3:57:37 AM GMT+8
|
|
約左 karen 11 點返 de havilland
朝早 6 點就去機埸接 karen 機
突如其來既見面, 有驚亦有喜！
哩幾日都好夜訓
9 點起身又繼續 study, 直到 1 點