| 日記 | 日記主簡介 |
||||||||
2005 年 9 月 7 日 星期三 【晴】 唔知點解三隻腳都肯打囉？ 我仲要一路玩一路同 karen msn 都真係幾......"你究竟有咩吸引力先得架？" 好快玩完,佢地早訓,寶寶約左聽日飲茶 >>September 25, 2005 at 3:48:30 PM GMT+8 2005 年 9 月 5 日 星期一 【晴】 約左 stanz 去旺角拎兩個波,之後係旺中行左陣 係 mk 周圍行,飲珍珠奶茶解渴,再行其他 mall 之後分頭走 諗住搵 bonnie 係女人街頭同街尾搵佢,都唔知佢係邊..... then back home 途中周圍搵人同我傾計 好在佢地都 ok free,同屋人出去食飯,之後 play 雀 唔知係咪佢唔係屋企,所以間屋靜左好多 mum 可能悶得濟,成日都冇人同佢講野 所以我地返黎之後佢都長氣到鬼咁 好既咪覺得冇問題囉,唔好既咪覺得煩囉！ >>September 25, 2005 at 3:47:09 PM GMT+8 2005 年 9 月 3 日 星期六 【晴】 同一個好耐冇見既朋友仔 fanny ho 傾計 佢都仲記得我,仲記得我地識左差唔多10年咁多 哈哈～又一個朋友結左婚,仲以為你講笑添！ 唔知點解成日都覺得要同o的好耐冇見又或者少聯絡既 frd stay touch！ 可能之前同o的朋友相處既時間唔夠多... 大家又冇乜點溝通,又唔想成日傾電話,個人比以前更悶 不過都係睇下同邊個啦！好傾既咪傾耐o的囉！ 最近睇到某篇日記指我已經改變左,我信我真係已經改左我傾電話既習慣 覺得傾電話只係晒時間,又講一大堆無聊既說話 但有時傾下可以 relax 自己,我覺得都 okay ^^ >>September 25, 2005 at 3:45:46 PM GMT+8 2005 年 9 月 2 日 星期五 【晴】 relax 左一陣,晏晝過呀婆度 play 雀 玩左4個半鐘,10圈,最記得呀婆,一味口數,勁呀！ 之後去海港食飯,玲玲姐姐又"筆"糖水又執野 知你比晒面啦！根住 back home relax >>September 25, 2005 at 3:44:32 PM GMT+8 2005 年 9 月 1 日 星期四 【晴】 5點起身,dad mum 5點3出門口,我都未 ready 5點7先出,去到佢地 check in 晒,根住落去大家樂食早餐 幫佢地整飛行理數,入閘個陣都係攬一攬喳,都冇喊到 > < 返去上水約寶寶去飲茶,仲叫佢去開位,點知係天橋度撞到佢 請問你隻眼發生咩事？哈哈哈～大家一齊去開位 之後 dad 返屋企,我地係上水行左陣 根住返屋企 nap 左陣,佢地 ready 好我先梳洗 大家一心去沙田捐血,點知淨係得 dad 捐到 我地唔得係因為我地既血色素唔夠,差成0.4咁多 寶寶就差0.2,之後大家分頭行事,佢地約左4 uncle 飲茶 我地就係沙田行左陣,high tea mcd,行多陣佢就走 我自己一個去西田,悶但係冇得揀,joyce又放4點 之後係 body shop meet 佢,搭車去上水 karen 己經係 bus stop 等我地 比 joyce 話齋佢真係成個 lady 咁波,好定唔好？ fanny 出左黎接我地,根住我地去 market n supermarket then back home ready for dinner 成日都好攰架啦！點知又要落多次百佳買肉 算啦～當減肥啦 lalalala 返到去煮埋肉醬意粉就食得,唔係食左好多 可能熱啩又飲左太多水,食野既氣氛係...都幾靜喎！ joyce 執野洗碗,頒個獎比你先得 ^o^ 之後 relax 一輪,開始玩骰盅 我真係做左你地老師丫,咁勁！ 我將我識既都教晒佢地,佢地識晒啦～～ 12點吹 candle,食雪糕,飲香檳, karen chan 你既第一次,lols 玩多一陣,3點幾走,搭小巴去落馬洲轉 taxi 4點幾 back home,5點前訓覺,極度之 tired！ >>September 25, 2005 at 3:43:09 PM GMT+8 2005 年 8 月 31 日 星期三 【晴】 係屋企再幫佢 double check,dad 買左牛雜返黎,我食左幾夠 之後佢地去左 bank,then 返黎拎行李落樓 大家食埋飯玩左一圈佢就走啦,佢嬴左我地 dad 同佢出去,返黎我地又繼續,都知佢唔捨得架啦！ 玩完都成11點幾,佢地都好快訓,我就成1點先訓 >>September 25, 2005 at 3:39:34 PM GMT+8 2005 年 8 月 30 日 星期二 【晴】 成日係度諗同唔同佢地上去,因為又係細路居多 最後決定,返大陸,唔去 interview,that's all！ 因為我覺得冇 point 去 interview,去左知道結果又如何？ 唔得既預左,但得左咁又點 ..... 所以最後同左 amy 佢地北上 lunch 同佢地飲茶,食左碗飯同楊枝金露 根住去火車站,係羅湖搭巴士去東門方向,唔知個度係邊度 去揼骨,成年冇揼過啦,仲要比個新仔揼 好彩佢都算有耐性,揼得都唔係好差 揼左兩個鐘,6點凌去食飯,之後去聽曲,聽左兩個鐘 9點半 finished,10點半返到上水,等 leung 比野 kitty kitty 比左個 mp3 amy n dad then we back home together,同佢搞點埋o的野 >>September 25, 2005 at 3:37:38 PM GMT+8 2005 年 8 月 29 日 星期一 【晴】 講左好耐,等左好耐,終於都到左29號啦！ 差唔多所有親戚都黎晒,咁就即係合家歡啦 ^^ 一家人都係屋企平靜度過,一有人 take nap,全世界都 nap 5點幾個陣有個 officer 打黎叫我去 interview 大佬呀,你比個心理準備我好唔好？你咁遲打黎咁即係點？ 攪點一切之後就去金都食飯,7點幾先出門口 都唔知O的呀叔姑姐做乜鬼,係都要等埋我地先去 最後咪又係各自去,都唔知你地諗咩架？ 去到 say hi 一輪,坐左係度同 simon 傾計 同o的 kids 玩,等左一陣就食蛋糕 有楊枝甘露蛋糕同拿破崙蛋糕 兩件都食左少少,好好食丫....同佢地又傾左陣 見到 mr n mrs yeun 又唔知講咩好 佢地全部都係度等埋位,大概8點半左右先開始 有5圍～嘩嘩嘩！都唔知有幾多年冇咁樣一齊食飯啦！ 但唔知點解個感覺好似怪怪地咁 可能同 uncle 佢地一張台,二來又同O的唔熟既人坐 食得唔多野,好在o的 kids 得閒就走過黎玩 咁樣冇咁悶,o的 kids 真係精力旺盛,真係唔夠佢地癲 ^^ 但唔知點解寶寶又可以同佢地癲,esp 同天天,worrrr 佢地走個陣我同寶寶做送客個個位,哈哈～ 隔左陣我地就走,根住去買六合彩,mum n amy 係出面等我地 then back home,傾左陣計,又做夜鬼 ●＿● >>September 25, 2005 at 3:33:43 PM GMT+8 2005 年 8 月 28 日 星期日 【晴】 晏晝成日係屋企,佢地一早就同呀婆去飲茶之後就冇返過黎 amy 去左大會堂,仲以為佢會返屋企,等我仲等左佢成個鐘 成日游手好閒,有點兒"發霉",同朋友仔傾下 等寶寶返黎等屋企有番o的人聲,佢實在太嘈啦！ 同佢癲一輪,玩一輪,嗌一輪,哈哈～ 同佢影左一陣相,我地實在太似 Twins 啦 ^^ 夠鐘就去彩城食飯,哈哈～今次 kaman 竟然係度 咁多年都仲係冇變,佢同埋佢個大舊男友加兩個小朋友黎 同雯雯傾左陣,成日問佢問題我諗佢下次見到我唔會同我講野囉！ rita 上左黎攞茶包,之後 dad 返工,同 amy 一齊去車站 我又係咁,同人 msn,上網 check 野,做"night ghost" >>September 1, 2005 at 1:04:21 AM GMT+8 2005 年 8 月 27 日 星期六 【晴】 如果我地唔約佢,哈佢肯定唔會主動叫我地去架啦！ 成日係屋企砌 puzzle,砌左一半左右啦 ^^ 等埋 mum 返黎我地先一齊去 約埋 cute big aunt,係佢屋企參觀下 佢個陣仲煮緊飯,真係成8點先有飯食 不過個氣氛唔係咁好,唔知點解梗係覺得怪怪地！ 飯先飯後都有同欣欣玩,佢真係精力旺盛！ 成日係度講野,個身又成日挨埋黎 佢有成50幾磅咁重,個身又多"小肥膏" 不過好在佢都幾好玩,總言之又係一個長氣既妹妹仔啦 飯後食生果零食咁,俊哥好慘,成日比佢老豆點佢做野...... 我地黎咁耐點左咁耐,但一句怨言都冇,真乖！ >>September 1, 2005 at 12:14:02 AM GMT+8
|
|
真係好耐無睇過你寫日記啦~ 仲要人氣: 25443
Design & Scripting by ShowHappy.Net