2002 年 7 月 20 日 星期六 【晴】

今日係最後一日做義工,有d唔捨得ga...不過見到佢地班
小朋友個個都收到張畢業證書o既時候,我都好開心,因為
我o個班個個我都有份教ga...好有感情,感覺就好似人地
mammy咁...無得聽佢地叫我靜靜姐姐lu~~佢地走o既時候
都有同我講byebye,好彩我都有張相睇下..咁就可以miss
下佢地....

***********
我地o既話劇終於出o左喇,居然唔記得台詞,要我跑出去俾
份劇本佢地睇...仲要d家長係到笑,唉,好瘀呀,不過都順
利完成,,好開心呀,佢地仲好鍾意d道具,咁我就俾晒佢地
做留念喇...個男仔仲唔捨得除個皇冠tim,最後我地都得
到獎tim,我真係好開心,總算無浪費我o既心機...

***************
下午就開party咁,食大餐,d老師都讚我地做得好tim,不過
我地已經好似死o左咁係廚房到訓晒覺..真係好tired呀..
咁我地就狂食野補償返d氣力囉...食野o既時候就傾下計
咁囉,講講下我就係人地舅母,家嫂...仲係校董夫人..不
過我係一個無老公,但係有奶奶o既人,佢地話要幫我搵返
個老公,即係搵返個舅父,仲有個仔...話時話,老公!?要
o黎有咩用?佢鍚我就話jei..唔鍚就唔要都罷就...
有時愛情d野都幾麻煩...唉.......有又係咁,無都係咁..

*********
今日我終於都煮返飯,有幾日都無煮,因為斬幾夜返屋企,
一煮我就好煩咁整o黎整去,我今日得3個人食飯,不過我都
煮o左幾多"送"....我成個人都無咩精神,好像die die下
咁呀....

**********
其實我今日有d唔開心,心情唔係幾好.....但係應該唔係
因事而唔開心,死喇......我d病又發作!?個人又呆呆地,
傻傻地....我就快會自我爆發~

>>July 20, 2002 at 9:52:13 PM GMT+8

2002 年 7 月 19 日 星期五 【雨】

今日幾辛苦呀,做到夜晚8點先離開幼稚園,我仲俾mammy鬧
tim,不過我就做得好開心囉,成班朋友一齊,我仲同tomcatt
一齊行返屋企,雖然行o左都好耐,不過好舒服^^
未試過咁夜行路返屋企.....
食完飯沖完涼都成9點幾..online又寫唔到日記,因為個網
上唔到,仲有一online就勁多message出o黎同我講生快樂,
o個d人好明顯係求其咁send message,因為都唔睇日期...
夜晚有d事發生o左...搞到我成12點幾先訓...我仲要第二
日早起身tim,遲d要訓餐飽先得喇....o聽晚都係唔同阿
kin出街喇,唔舒服..........>_<

>>July 20, 2002 at 3:52:58 PM GMT+8

2002 年 7 月 18 日 星期四 【晴】

我日真係好好好tired....因為今日好忙,我朝早又係同平
時一樣,不過都算係開心o既,(好似寫得好行...haha^^),
我今日又同佢地排戲,係又好嬲又好笑,同呢個對d對白,佢
o既對手又唔知去o左邊...講野d語氣又好好笑,我就係因
為咁而整瘀o左隻腳,好痛,好大"達"tim...今日又係要抱
阿諾蓉~~佢又好開心....仲同我d朋友講,我要呢個姐姐就
得ga喇,唔洗要你地喇,聽到都開心....而且佢今日仲同我
講問我幾時結婚...我真係俾佢激死,仲有,教佢地寫禱文
時,真係俾佢地激暈,加上我今日又唔舒服,真係想訓係地~
完o左今,等佢地放學之後,我又要開會,開完就同佢地一班
人去書展.

****************
首先一班人8個一齊去沙嗲王食lunch,之後再一齊去,我同
歌莉亞不斷係咁講tomcatt,不過其實都無咩特別~我行書
展行o左好耐...成兩個幾鐘,好tired,我行到又餓又累,我
又唔舒服,佢地同我講野我都無咩反應,有都係無面部表情
,有時真係想訓落地就算...今日都買o左幾多野,不過我都
係買o黎送俾d小朋友o既....我係唔係好鍚佢地呢?^^不過
有d唔開心o既事發生o左,就係歌莉亞俾人偷o左部手提電
話,佢都無心情再行所以就走o左,希望佢唔好唔開心啦,偷
佢野d人智俾雷劈死!之後行完就同tomcatt仲有雞仔去食
dinner,食完先返屋企...仲好飽tim

********************
我今朝走o既時候send o左個message俾恒恒,不過佢好似
咩反應,因為佢都無留任何message俾返我,我都幾唔開心,
覺得俾人冷落o左....而且佢都唔係好在意d事情~~我都決
定唔會點send d offline message俾佢,因為都無用...
咁即係我自己同自己講野,我真係個正白痴...算啦...我
都無咩心情,都無氣去佢~我都唔可以係咁發脾氣..如果唔
係就嚇走晒d男仔~

**********************
o聽日又要戰鬥,仲可能會好夜返tim...我要早d訓lu~
唉唉唉...生日....無聊....算啦....自己過都係一樣jei
....無謂喇.....要beg人就唔好....自己靜靜咁過都係一
樣...舊年都係咁,不過舊年真係開心好多.......雖然都
係自己一個.....但個心唔係....

>>July 18, 2002 at 9:08:22 PM GMT+8

2002 年 7 月 17 日 星期三 【雨】

今日同o尋日都差唔多,都係好開心囉..
我仍然都係同班小朋友一齊....聽落我班一年班已經好過
其他班,因為其他就連字都唔識寫,今日好彩唔洗教佢地寫
禱文,如果唔係就會出o左好多"天父求我"ga喇...我都教
o左佢地係求天父而唔係"天父求我"...今日仲聽到好多阿
彌陀佛tim,真係笑死,今日我仲同佢地排話劇...真係排到
"麓"晒地...好彩今日著褲..呢個講對白,o個個就唔知走
o左去邊..教佢地講野都好辛苦,又好好笑,無角色做o既,
就係咁圍住我走,有d有攬頸,又叫"抱抱"....我發覺我真
係好似個mammy...好彩佢地係叫我靜靜姐姐,唔係叫我做
mammy,如果唔係我真係會抱佢地返屋企ga.咁最後我都有
抱o左諾蓉一陣,好在佢真係唔係好重,佢仲笑得好開心tim
12點9就放學,又過o左一日lu~第二日又見過

*************************
今日同哥哥鬧交,係又鬧過,唔知點解,對住佢我d脾氣就特
別唔好,好容易同佢鬧交...其實我真係做錯野,我都有say
sorry,不過唔知點解d人咁小氣,都係好耐之前啦...
約我去書展都係唔知有咩企圖啦...唉,我對佢好似好有敵
意,覺得佢咩都係唔好o既.....
我可能真係要改下d脾氣喇,對邊個都好啦,又小氣,又容易
呷醋........死啦,我唔死都無用喇..........

***************************
我今晚又好似同人鬧交喇........好似係直頭係,有無信
心呢一樣野,我都好難講
好憎自己呀!!!!!我要反省下

***************************
nicky可以on到line喇,不過chatting時,氣氛唔係幾好囉,
係自己又衰..>_<
我要對所有今日我鬧過情緒o既人say sorry~~

**********************
o聽日我又要做義工喇,之後仲會去書展tim
我又要早起身,都係早d訓好d喇~~

o聽日起身就要變好d...!!!


>>July 17, 2002 at 10:28:32 PM GMT+8

2002 年 7 月 16 日 星期二 【陰】

今日依然係好早起身去到幼稚園幫手,依然都係過得好充
實,我真係好鍾意照顧d小朋友,佢地好可愛呀,特別係可晴
,家晴,諾蓉重有以琳~如果我個女可以好似佢地咁可愛就
好喇....唔知點解我好鍾意帶佢地去toliet..哈哈,我有
問題^^ ...
不過真係過得同o尋日無咩分別,不過我好鍾意返幼稚園,
日日都有好多開心o既事發生
唔打咁多lu~~^^
hehe...我懶呀,同埋我都幾tired,可以幻想到第時點做人
mammy


>>July 17, 2002 at 5:24:17 PM GMT+8

2002 年 7 月 15 日 星期一 【晴】

今日我好早就起o左身喇~因為我日都係要去幼稚園做義工
,我同tomcatt仲有佢個妹,and佢妹妹d朋友一齊去...我今
日見到好多小朋友囉,我負責o個班係升小學二年班o既~一
開始要唱歌o既~係小小的宇宙~不過d歌詞係轉晒o既,d歌
詞都係講天父囉....跟o左到10點幾,我就去幫手分派d茶
點...今日係"馬仔",仲有橙汁,蘋果汁~~佢地食得好開心
呀~我見到佢地咁得意,我都成日笑笑口咁....因為我地唔
係導師,只係d幫手,可以話係d打雜啦,所以小朋友上堂時,
我`tomcatt就只係坐係到睇,咁佢就話我好似媽媽喇....
食野之前,要帶佢去toliet...仲要排好隊,好似鴨仔團咁
ga,又要趕住佢地啦,又要睇佢地有無洗手,再帶返佢地入
課室...
我識o左幾個小朋友呀,其實唔上o既,只係我特別鍾意佢地
同埋記得o個幾個名囉~!一個叫可晴,仲有個叫家晴,家朗,
諾容,以琳,樂施...我就係記得呢幾個囉....我仲有教佢
地寫字~不過原來d老師識字都唔係好多,或者只係我個o個
面o個個囉,佢成日都唔識,都係叫d小朋友問我~到o左12點
9,就放學~我地d工作人員就仲要開會囉~!好tired ga

********************
之後我地幾個,有雞仔啦,我啦,tomcatt,小雯,杜比比,貓
貓就一齊去食lunch~食完lunch,我地又去o左tomcatt屋企
~~不過小雯同杜比比真係好怕狗,成日都叫"mammy呀",我
睇到都覺得好笑~
今日我地玩塔羅牌,我地三個都有玩,我地都分別測o左學
業同愛情~~佢地真係好八,本來我都無話要測愛情,但係又
死都要我測....不過我又唔需要做d咩o既,只係cut牌,咁
就無所謂囉,聽完佢講我d學業,就係愛情囉~~又真係幾準,
係我以前都依家o既愛情都幾準....不過有d說話好似就唔
係幾好...要我同人斷絕同人o既交情,仲有都測到我以前
o個段感情係點o既,真係準都無人有~~依家o個d就唔講啦,
聽完我都好開心ga....

*********************
返到屋企,見到妹妹同佢朋友,都無咩特別,不過佢真係好
似一個男仔...哈哈
今日聽到個好shock o既消息,好怕妹佢有事....可能要做
手術~~希望佢無事啦...要去check check呀~!

**************************
恒恒已經有3日無online喇,唔知佢點呢~~唉唉唉~>_<
幾時先on得返呀?

>>July 15, 2002 at 10:01:29 PM GMT+8

2002 年 7 月 14 日 星期日 【晴】

今日係dodo的生日
happy birthday呀~~~~
不過無禮物
sorry :p
hehe........

>>July 14, 2002 at 10:23:45 PM GMT+8

2002 年 7 月 14 日 星期日 【晴】

唔好意思呀....頭先o既日記係13號ga>_<

今朝好肚餓~但係無野食,因為要同antie一齊去飲茶..所
以要等到成11點囉~去到仲要等位,我唯有同妹妹去行一陣
,佢就買o左條裙....飲茶飲到成1點呀~真係好飽好飽,唔
食o個d就俾晒我食....話我要食多d tim,之後又同mammy
去行街,幫兩個妹買書...出面好熱,d書好重....我仲慘過
做賓賓...仲要去街市買"送".....返到屋企成個人散晒,
好tired.......無晒力

o聽日要做義工,係朝早8點4就約o左tomcatt~今晚要早d訓
lu~~

>>July 14, 2002 at 8:47:52 PM GMT+8

2002 年 7 月 14 日 星期日 【晴】

本來打好晒D日記喇,不過個網有問題呀~無晒呀....好慘,
都無心機打咁多喇~唉~~~~~
原來今日係自己生日,我都唔記得o左...因為係舊曆嘛,都
幾好o既,有利是收,daddy,mammy都有俾我呀....
屋企好靜,不過幾好,我都鍾意咁ga~~
夜晚mammy突然話打麻將,咁就打囉,不過都係自摸o左兩鋪
今日d時間過得好耐呀....好悶
唔打喇,黑人憎,我講個網呀~~!!>_<

>>July 14, 2002 at 4:27:17 PM GMT+8

2002 年 7 月 12 日 星期五 【晴】

今朝8點幾就起身喇~真係幾早...我都想訓耐d ga,但係醒
o左就訓唔返,就係我習慣喇~!不過我都應該夠訓掛.....
hehe^^等我個妹用完電腦就到我用lu~我真係用o左好耐~
因為今日唔洗去做義工,所以有時間online.

***********
我知道我有一排都唔會見到nicky online~因為佢屋企要
裝修,,所以要收埋部電腦幾日囉...今日就同佢chat成日
喇~~希望佢屋企快d搞掂啦
今日朝早仲見到哥哥online,我都有同佢chat~我同佢講
tomcatt將佢add o左入去ignore list~~不過哥哥話無所
謂,仲話唔mind tim,我上次都話add 佢入去ga,不過佢居
然講"好呀" ........嘩,真係把鬼火~~我同佢講佢d性格
唔係咁好~佢仲話"浪子係我性格"....好嘔心,我睇我要飲
多幾碗雞湯,我要補補!好彩我今日有煲湯咋...佢真係死
性不改~我已經忍得就忍ga喇...佢都話我小氣>_<...
個raymond都係咁講我tim...唉,你地好野~~!
不過我今日講錯野,爆o左哥哥d secret俾raymond聽,我都
唔係有心o既~不過唔信就算啦~其實有女朋友有咩大不了?
又唔係d咩祕密~哥哥最小氣就真...佢話以後唔講祕密俾
我聽喎~算囉~唔聽就算>_<
我今日仲有同raymond傾電話~~都傾o左成兩個鐘ga~~過程
都傾得好開心...都係鬥鬥氣,傾下計咁囉..我仲聽佢同
anna傾電話,係駁3line ga,所以我唔敢出聲~按住個講野
o個位囉...不過開頭唔記得關喇叭~俾anna聽到我icq d
聲,ray佢就好醒咁話係佢細佬玩icq~我都無咁驚呀-o-
ray講就話同哥哥唔熟~但係兩個夾埋用我開玩笑就夾都無
咁夾喎....問下king's文科收幾多分jei..講邁下話我入
去係為o左追男仔..兩個不知幾開心啦...又yeah又笑>_<
真係好激心呀~~~~~~~!!哥哥仲衰到話叫我好似拉關係咁
入去喎~即係認咩認咩咁呢~~想知?問佢啦~~仲話搵人帶我
去見下d校長老師咁就入到喎~~睇o黎我都要回禮喇~就係
搵專人拉返佢入青山..到時大家唔洗多謝我ga..我都係盡
個好市民o既責任^^
我今日仲做o左儈子手~因為ray講我就打,我打o左好多衰
野呀~都係send俾哥哥ga~其實都係我打慣俾佢o既野jei~
tomcatt都打得多俾哥哥ga...唉~~如果哥哥好d就唔會咁
啦~所以人把口係好緊要ga...特別係我哥哥同埋raymond
把口~~小心d呀....我有方法對付你地
我都話係nicky把口最好^^
今日同ray講電話,佢竟然記得我生日呀!仲好似密碼咁講
出o黎tim,就係1985721,即係1985年7月21日~~大家識做啦
hehe^^.......
同佢傾o左兩個鐘之後,就無傾喇,因為佢要練琴..無幾耐
就到歌莉呀打俾我...我non-stop咁兩次同人傾電話,有成
4個鐘咁多~原來休閒係for我傾電話~好口乾呀!

***********
講返我個quiz啦,今日多o左幾個人玩喇~最高依然係nicky
我信佢係撞中晒d答案喇~~好叻仔呀^^
估唔到gordon都有70分喎...我都好耐無見過佢喇,咁都俾
佢得到咁高分..勁啦!
仲有好多人問我邊個係恒恒呀~~我話俾大家知,佢係一個
我好愛鍚o既小朋友囉...

***********
依家要等頭髮乾去訓覺~~真係要怏d乾呀,因為o聽日要做
義工,仲有呀...如果唔係咁,有個人又智話我頭髮長,自己
衰ga喇
呢幾日都只有傻鴨陪我喇,一個妹同細佬要返大陸睇太婆
呀~唔知幾時返,不過都好,因為屋企會靜d..hehe^^

>>July 12, 2002 at 10:05:10 PM GMT+8