2002 年 8 月 29 日 星期四 【晴】

今日我都係好早起身,因為要call人起身嘛,然後今日又約
o左人去睇戲,所以都要早d出門口,之後就同個朋友去o左
黃埔睇,我都未去過ga,不過都好似好大好靚咁,價錢都係
差唔多啦,$40~不過都唔駛我俾o既,我係睇"飛天小女警"
雖然好似好childish,不過都幾好睇ga,d主角都係細細粒,
眼大大咁,最鍾意都係"泡泡",因為佢鍾意攬住d公仔ga~
好似我訓覺o既時候都會鍾意攬住d野咁^^
呢排睇戲都唔駛我俾錢,幾好~~不過有d唔好意思囉~
今日出面又係好曬好熱,最怕d咁o既天氣ga喇>_<
又行o左好耐喎,真係好累好累ga.....返到屋企連飯都唔
想煮....淨係想訓,最後今日好罕有地係我mammy煮飯,我
就連晚餐都無食~~淨係飲可樂,因為去完行街我一個人走
o左去食麥當當,所以好飽,唔想食呀~~~
夜晚都仲係好tired,就"攤"o左係張床到~~精神返之後又
開返電腦,因為我都知自己唔會咁早訓ga喇~~哈哈
係返學之前,我要盡情用盡部電腦~~~開學就唔可以咁夜訓
ga喇,又唔可能成日都用電腦嘛~~~

唔知點解,好想快d星期六呀^^~~~~~

***************
真係好鍾意個bb呀,我依家連wallpaper都係用bb張想,而
且屋企人因為唔知佢係邊個而又好8 o既關係,改o左佢個
名做"施笙紫".....其實我都唔記得o左佢叫咩名lu,成日
淨係識得叫佢做bb~~依家妹妹成日玩都話要個"施笙類"~
真係頂佢唔順,仲話已經有o左4個月喇~哈哈哈哈.....

***********
我又誤會o左哥哥喇~~唉.....真係要講對唔住x10000000
如果哥哥見到,唔該留個message俾我,表示你收o左我o既
道歉啦~>_<
自己真係成日都好多心,有無d"妹妹口服液"ga?太太就唔
需要住喇


>>August 29, 2002 at 10:52:55 PM GMT+8

2002 年 8 月 28 日 星期三 【晴】

我o尋晚好夜先訓呀~都成1點ga,而且仲俾人估中o左我因
咩事所以咁夜訓tim,佢真係勁勁...不過我覺得係哥哥話
俾人知我invisible~如果係真的話,我真係有d後悔將佢放
o左入我的visible list,佢亦都將我對佢o既信任break
o左,唉~~~哥哥真係~~~希望唔係我想o既咁啦~!>_<

*******
婆婆入o左醫院,我今日就同妹妹去探佢,買o左d生果,帶
o左d日用品俾佢,我見佢都好似無咩事,咁我都安心d,我去
o左都幾耐下,陪佢食埋晚餐,然後mammy就o黎o左,傾o左一
陣就一齊走lu,我地行返屋企ga~~好似散步咁,都幾舒服ga
,不過mammy好似好趕咁,行得好快,可能因為我仲未煮飯啦
哈哈哈哈..........一定餓死佢地lu^^
不過我真係有d黑心,因為自己好飽唔想食野,所以覺得遲d
煮都無所謂....啊....我好自私呀^^

**********
今日下午我試做甜品,諗住試下整大菜糕啦,不過係完全失
敗,難食到極,真係好失敗,估唔到我o既千年道行就係敗於
呢件大菜糕>_<
最後都係整o左一盤雜果涼粉,根本就唔駛整,只不過係撈
下就得喇,我都係無天份整甜品ga喇
算把啦.............
我諗出面買會好食d^^

>>August 28, 2002 at 9:45:32 PM GMT+8

2002 年 8 月 27 日 星期二 【晴】

今本來係好普通o既一日,一切都好平靜
不過係下午o既時候,jacky突然同我講o左d好奇怪o既事,
佢問o左我一個問題,之後就令我聯想到係邊個散播消息..
我自問都無同其他人講過,只係同哥哥提過下,所以一諗就
諗到哥哥係衰人,有d想鬧佢ga...諗住問清楚嘛~不過hi完
佢佢就走o左.....本來唔嬲都搞到好似嬲嬲地~~~~
點會raymond知完到jacky知......所以我先以為係哥哥講
出o黎俾佢地知o既...

不過哥哥都同我講返....知道佢地無咁笨囉,估到囉,不過
我有時真係唔想俾人知我d野ga,因為人性本8,我係學校都
試過唔少呢d經驗~~好...可......怕.....ga
講足成年都未講完~有時依家都會仲講緊呀>_<
所以我都絕少同人提呢類事情....
不過,講下對唔住哥哥囉

佢有encourage我去重考會考,我都決定會去試下,不過只
考6科...我都想再考好d,唔會令人再失望

********
今日細佬已經返o左o黎喇,妹妹都去完camp,成家人一齊食
飯都幾好ga,不過就煲唔夠飯,哈哈....可能係唔習慣煲返
咁多米啦,不過,好彩今日煲o左蕃薯糖水,都補返晒lu~
而且好飽飽tim呀^^


>>August 27, 2002 at 9:48:06 PM GMT+8

2002 年 8 月 26 日 星期一 【晴】

今朝我又係早起身,9:30打電話俾人,不過估唔到佢仲早過
我起身,早知就唔打啦,仲要係佢mammy聽,真係嚇親,唔係
唔係,係應該我嚇親人地mammy就真,因為我都未訓醒,把聲
好可怕,甚至係極可怕,因為佢一聽完已經叫我再訓過....

其實我真係唔夠訓,因為訓唔著又唔舒服....
不過今日都已然好返好多lu~~都好似無咩野

************
今日下午,ray都唔知係邊到聽到d野返o黎...一定係o個個
守唔到secret的哥哥啦...之後就講我d野,又恭喜我,搞到
我都唔知講咩好,唉........依家真係唔駛講都知咩事lu
.......

*********
妹妹要o聽日先返呀~我又要一個人訓呾大張床喇

**************
好鍾意一首歌呀

Avril Lavigne
Complicated

Uh Huh
Life's like this
Uh Huh
Uh Huh
That's the way it is

Cause life's like this
Uh Huh
Uh Huh
That's the way it is

Chill out
What you yellin for?
Lay back
It's all been done before
And if you could only let it be
You will see

I like you the way you are
When we're drivin in your car
And you're talkin to me one-on-one
But you become

Somebody else
Round everyone else
Watchin your back
Like you can't relax
You tryin to be cool
You look like a fool to me
Tell me

Why'd you have to go and make things so complicated?
I see the way you're actin like you're somebody else
Gets me frustrated
Life's like this you
You fall and you crawl and you break and you take what you get
And you turnin into
Honestly, you promised me
I'm never gonna find you fake it
No no no




>>August 26, 2002 at 9:48:20 PM GMT+8

2002 年 8 月 25 日 星期日 【晴】

今日約o左一大班人出去,3男3女,我識o左兩個人,不過我
同佢地都無講過野,今日就好似係哥哥聚會,因為一個係歌
莉亞哥哥,有兩個係tomcatt的哥哥,如果我哥哥都去,就真
係得意喇,3個妹妹,每個都會有哥哥同埋一齊去^^
今日行o左有耐,有朝早o既10:45一直都有搞作,到成下午
4點先返屋企,都幾累ga
不過行下就走咁幾個,最後淨番我同hirono,tomcatt同佢
一個哥哥,tomcatt今日好開心,我諗佢係講得最多野o個個
因為佢知我地都識唔得大家,所以又要介紹,又要令我地講
多d野,不過我始終都係同hirono鬥靜咁,大家都係無咩講
野,係咁你悶下我,我悶下你咁樣....返到屋企,大家都同
大家say sorry咁啦,不過原來佢走o既時候,我無同佢say
bye ga,我真係無禮貌>_< .......下次見到就要say 兩次
先得,補數嘛^^ 不過原來如果佢講笑都會幾好笑ga~!

今日雖然話就話係陪tomcatt,然後佢陪我散心,不過最後
唔係gloria話o黎,我諗我除o左會悶死之外,仲會橫屍街頭
都無人知,因為佢地無一個理我ga,除o左gloria之外,不過
最後gloria都係早走,我就一個人好傻咁自己有自己行,
tomcatt根本都唔需要有人陪o既,佢一個人都咁開心,咁叫
我去係為o左d咩呢?不如我自己一個人散心好過.....不過
我都已經無所謂lu~

**********
返到屋企,知道o左一件好好笑o既事,就係hirono杯飲品同
tomcatt哥哥o個杯換轉o左都唔知,所以hirono飲o左d佢唔
鍾意飲的飲品,仲以為原來佢叫的那杯係咁難飲o既,返到
屋企,佢就有d肚痛,tomcatt知道所有野之後就以為係因為
hironi唔飲得杯飲品的禍,擔心o左好耐,都以為係自己o既
錯,最後都知道係自己嚇自己^^

不過佢肚痛完就到我肚痛,我都唔知咩事,成晚都唔係好舒
服,可能係因為一冷一熱o既關係啦,今日出面好曬好熱ga,
之後我地又即刻入到一個好涷o既地方,最衰自己無帶衫,
自己都係咁叫涷,走o既時候又曬過所以夜晚就唔多舒服喇
,我又頭痛喎....成晚都訓唔著,到兩點幾都訓唔著,之後
覺得突然想吐,就立即跑去toliet,不過只係吐到d水,真係
好辛苦,我d眼水都"標"晒出o黎>_< 後來又覺得胃痛,搞到
個人都唔多開心囉

********
妹妹去o左camp,要星期二先返,好唔慣無o左佢,因為幾晚
我都要洗碗,張床無o左佢我都唔慣,我幫佢摺好o左張被,
仲將佢個公仔好好地咁放o左係張被上面,有想佢快d返呀
......

*********
本來呢篇日記我一早打好ga喇,仲打得好長ga,不過打完佢
就hang機,激到我死,所以依家都係打得好少,好多野都無
打到囉

>>August 26, 2002 at 10:52:43 AM GMT+8

2002 年 8 月 24 日 星期六 【晴】

今日係無咩特別,不過同歌莉亞同埋tomcatt傾d升學問題
囉~有時我都仲係覺得讀完唔知可以讀咩咁,本來諗住夜晚
打電話俾哥哥問d野ga,不過佢都無online,唔係好敢打去~
自己d野都係要自己諗下,唔可以下下都靠人o既~

*********
夜晚唔多開心,心情又唔太好,因為daddy佢o既心情影響到
我...佢個老闆減人工,一減就減咁多,成$4000喎
真係離晒譜ga,搞到佢又唔開心,我地都唔太開心囉....
我d學費又咁貴~~睇o黎我都係要用少d$$喇...行少d街先
得.....

******
o聽日都係要早d起身,因為約o左tomcatt班人...唔知佢哥
哥係點呢?


>>August 24, 2002 at 10:56:39 PM GMT+8

2002 年 8 月 23 日 星期五 【晴】

今日妹妹出o左去玩,佢同佢個朋友一齊去o左一個叫甚麼"
漲卜卜xxx嘉年華"返o黎o既時候d禮物多到我都唔相信,因
為我平時都係覺得佢唔識玩d games,不過都可以win到咁
多禮物,唔知係唔係因為個嘉年華個名有"漲卜卜"呢幾個
字,所以d禮物全部都係吹氣公仔~~當佢攬返o黎o既時候,
個樣都幾好笑^^..佢都已經幾個公仔放o左氣ga喇,不過都
好引人注意囉...但係都幾靚ga^^

***************
今晚我等人電話,等到11點幾,諗住佢都唔會打俾我ga喇,
就想留個offline message俾佢,點知佢就係o個個時候打
o黎,都已經係11點9ga喇,原來佢今晚好忙~要開OT,但係又
唔好意思做野o既時候打俾我,因為始終都係第一日返工,
唯有放工先打得俾我,我同佢一路傾,傾到佢返到屋企,然
之後佢就去沖涼,話沖完就盡快打返俾我,唔知點解,我一
收到佢電話就好開心,可能係因為我原本無諗過佢會打俾
我啦~所以都係一個surprise掛~~之後再等佢電話囉~不過
daddy就唔係好通氣,佢同我爭電腦用,電話係電腦側面ga
嘛~~~我都唔知點傾.....不過d人沖涼都幾慢,所以我有時
間"使"我daddy去訓覺先打o黎....都係傾o左一陣咋,因為
佢姐姐要用電話,今日計埋,都無咩點傾,最多都只係半個
鐘....佢好似好tired咁~咁就算數啦,我第二朝都會打返
俾佢,叫佢起身ga....^^

**********
fanando最後都係無打電話俾我,其實我都估到ga喇,本來
係因為佢想我同佢一齊過生日所以就打俾我約我o既,不過
係佢生日之前我都拒絕o左佢,佢應該唔會再想約我,寧願
同佢mammy返大陸探佢grandma~~嗯.....始終都係覺得個
心唔太舒服,因為我都知佢會好hurt~當發現自己鍾意o既
人唔鍾意自己時,就會覺得好似被遺棄咁,我都試過.....
最後都係要勞煩朋友安慰,我都仲希望同佢可以做朋友ga
不過依家我覺得d機會好似唔太大咁,因為佢連電話都唔打
個俾我,以前都係一日幾個電話ga嘛,每次都成粒鐘,所以
我覺得....咁囉
佢星期六生日,我係到同佢講聲生日快樂啦~

**********
今晚我都有同歌莉亞chat,佢到依家都係唔知去唔去星期
日個show,hirono突然又話去,都幾surprise,我就係去陪
人o既,都唔明點解tomcatt會話佢哥哥會想識我o既,我連
佢係咩人都唔知~~~唉.....如果唔係因為得佢一個女仔對
住幾個男仔,我先唔會去陪佢呀~!因為我本身對跆拳道d野
都無興趣,我諗個show都係d人集體打拳jei....今日同佢
都傾o左幾多~朋友係多d野傾ga喇^^

>>August 24, 2002 at 10:14:09 AM GMT+8

2002 年 8 月 22 日 星期四 【晴】

今日朝早,都好得閒,咁就搵下野做囉,我終於記得本紀念
冊,用cutter cut開睇o黎睇,睇到我好開心,因為佢地寫得
我好好ga,同埋都幾好笑,真係好開心有班咁o既朋友囉~
如果想知有關o既內容,留個言俾我啦~~~^^

************
今日我去o左家豪到,同個bb玩,真係極度開心,因為佢真係
好可愛,眼大大,肥嘟嘟(塊面),笑得極可愛呀~真係好鍾意
佢呀~~我都有抱過去,唔係太重~不過佢就成日走來走去,
無時停,都好難強抱佢,而已佢要人抱o既時候都走去家豪
到,要拖o既時候先俾隻手要我拖,佢仲走去打其他小朋友
實係俾"d人"教壞ga啦~我覺得今日好似個媽媽,真係想抱
佢返屋企ga....不過就係唔得囉
佢識得叫我做姐姐,聽到都好開心^^ 佢仲會叫媽媽,不過
唔知佢係唔係成日都叫媽媽,因為對住我都會咁叫,除o左
媽媽,姐姐就係波波,都未聽過佢叫哥哥~~哈哈
玩一陣就會成身都係汗,估唔到我都係~~只不過係抱下佢
睇住佢點玩我都出晒汗,我諗,湊仔都唔容易~~~不過我會
好樂意^^
我送o左條手繩俾個大o既,不過唔知佢會唔會戴呢...?
之後佢送我返屋企~不過就次次都係咁,又唔知自己腳長行
得快,又唔就下人,明知我生得矮腳又短喎...唉>_<
佢要做野,又會無時間ga喇

************
今日都覺得自己有d衰,今晚fanado又打電話o黎~~嗯....
最後我都係拒絕o左佢,聽到佢把聲我覺得佢好唔開心,即
係刻down晒,同平時一d都唔同,之後就話o聽日先call返
我~本來佢叫我係佢生日o個日話佢知個答案,不過可能早
d知會好d......都唔知佢mammy會點諗,而且可能會覺得自
己個仔蠢.....,不過係我自己衰jei,我都無點講野,講o左
句sorry,佢都已經明白,不過點都好啦~~~我講完之後,個
人都鬆晒,無o左樣野要諗.....不過第時唔知點面對佢,佢
都應該唔會想我同佢一齊過生日ga喇~依家淨係希望佢唔
會討厭我囉

************
今日我有睇下d新書,不過原來都唔太難,同以前d econ差
唔多....希望新o既環境,咩都會好d啦~

>>August 22, 2002 at 10:00:15 PM GMT+8

2002 年 8 月 21 日 星期三 【陰】

今日同o左妹妹出去買書,不過都未買得晒,買o左一半
都已經要成$500,都幾貴,如果全部買晒就要成$1600
好貴呀~~~>_<
校服又未買.....不過我都唔知係邊到得買,要問下tai
tai先得
阿妹又買o左件衫喇,不過我都有ga....真係浪費$$
之前又買o左兩件~真係....>_<

*******
今日織o左兩條手繩,諗住送條俾人,不過又唔知佢去o左
邊~唉...."d人"就係咁ga啦,成日都出去,又唔知去o左邊
真係衰.....
不過算數~有機會先俾佢啦~但係又唔知幾時先有機會,連
同bb玩o既機會都唔知幾時先有lu~

>>August 21, 2002 at 9:52:40 PM GMT+8

2002 年 8 月 20 日 星期二 【陰】

我今日整親隻眼呀,好痛好痛
我俾d洗而奶"la"到隻眼紅晒,好似流血咁
又打唔開隻眼,又係咁流眼水....好痛呀
真係好驚會瞎呀
都係自己唔小心啦.
唉......
之後就成日都無咩心機喇>_<

>>August 21, 2002 at 10:41:53 AM GMT+8