2006 年 10 月 9 日 星期一 【晴】

今日又要返工啦~
原來這兩三天玩得很累~~~

星期五公司早放，返教會打籃球，
很久沒有跟大家打籃球了﹗
之後上左余仁家燒野食
幾好幾好﹗
之後就去左蝴蝶灣玩啦
嘩~~蝴蝶灣多人到爆o羅~~
原先我地叫o既人之外，還有更多人
其實人多總是濕滯的~~
也許我是存心出來玩，
傾偈嘛，我沒有很大的感動喎~~
於是同中五o個班玩得比較多
可惜，他們都是沒有火的~~
我用水淋他們，他們只會跑，不會報仇~~
明明要掉華d落水，到頭來又唔係掉~~
呀~~~激死我啦﹗
好在玩蕉都幾wild，都幾核突，哈哈﹗
唔…似乎在當中最玩得是鄧加，很好很好
大約點幾兩點閃人，舒媚，揚兒，子僑去左我屋企
最早訓著的人請食飯，yeah~~揚兒請﹗^o^
六點半，揚兒，舒媚走左，
子僑同我訓到十二點﹗

如常加油站，尼團，活力﹗
之後尼團芳揚組去食飯(組名只是暫定吧﹗)
食完飯去黃金海岸，算係咁啦﹗大家未算好熟
加油呀﹗期望大家投入，期望大家對組有熱誠﹗
明天好像約了食lunch呀~~~good good good﹗

星期日下午練波，個form好難呀~~
我發覺我對籃球的form，走位等係無咩sense
唔單只係籃球，所有關於方位的我都唔係好掂~~要努力了﹗
下星期對母會，無阿才，無阿毛~~
點算？﹗
晚上到渣渣食飯，食完就返歸﹗
好在早返，原來超累﹗
打電話比六個寶貝(其中一個訓左)
之後我就訓啦~~~九點幾就訓 lu~~~
今朝訓到差唔多八點先起身
何其累之忍耶﹗

哎呀，我唔記得派尼團週會表呀﹗死死死~~~~

我最掛念的人今晚將回來﹗^o^

>>October 9, 2006 at 1:40:58 PM GMT+8

2006 年 10 月 6 日 星期五 【晴】

阿慈今朝搭飛機去了台灣~~
其實昨晚當我意識到她有幾天不在的時候
心裏很忐忑不安，
我知道沒有她在的這幾天，
也許是多了點自由，
只是也多了點寂寞~~~
放工的時候，不能致電跟她說：「我放工啦﹗」
放到家的時候，不能致電跟她說：「我放到屋企啦…」
她在我的生命中原來已經重要到一個地步~~~她是我生活的大部份~~~
真的很難想像沒有了她會如何@@
阿慈說我平時入camp，她也是這種感覺﹗
唔~~~我又明白多了她的心情了﹗
----------------------------------------------------------------------
今早返晨更
返學校途中見到阿米，見到阿wing，nsy，賴皮，運雙(我為左你祈禱啦﹗^o^)
公公，twinnie，叻叻，賤兔，sam，阿朱，大丸，思蕊，
(唔記得左思蕊隔離係邊位)，fmy，淑女，阿雪，阿朱，伊琳，凊凊，揚兒，
銘子，阿K，子進…woooo，很高興，我見到大家就開心啦，我會盡量多d晨更架啦﹗~~~
----------------------------------------------------------------------
今日o係公司好hae~~
係無咩野做，仲要甚有holiday mood喎~~
據路邊社消息，可能三點半就收工啦﹗
好呀~~~o係公司無野做好灰架﹗
----------------------------------------------------------------------
剛收到阿慈在台灣致電報平安，
感謝主讓她平安到達，
願她有美好的旅程。
----------------------------------------------------------------------
友愛精英~~即管copy吧﹗我曾經也住友愛的呀﹗
愛chi (kai)樓﹗

>>October 6, 2006 at 1:41:37 PM GMT+8

2006 年 10 月 5 日 星期四 【晴】

嘩…還有幾分鐘便要工作了
這篇日記可以打到多少呢？
剛才用了很多時間出email比導師呀~~
呵呵~~

不知為何，昨天很累﹗
10:30左右便睡，後來阿慈打電話來傾電話
11:30左右再睡，今朝幾乎唔知醒，訓到8:00
拿拿臨刷牙洗面，最重要還是要祈禱
我每朝出面前都用10-20分鐘時間祈禱
這段時間太寶貴了吧﹗
昨日讀經由創世記巴別塔開始看，看到雅各出生啦
又十幾章啦，yeah~~~
如果以春權，龜龜佢地o既計分方法﹗
我諗我讀經贏唔少﹗呵呵
哎呀~~今個星期特別短，無咩時間預備加油站﹗
今晚預備吧~~~
為我祈禱

開工了﹗

兩位女子，公然在網上講放火，可能會被人告﹗
半個月前，有人話上網討論整炸彈，比人捉呀~~~~~~~
你兩個都係小心為妙﹗
hall hall hall

>>October 5, 2006 at 2:02:15 PM GMT+8

2006 年 10 月 4 日 星期三 【晴】

有鍾曉龜在的日子
我知道我的聖經知識一定會更好~~
因為他一得閒就會打電話黎問我聖經的東東
實在太好了，簡直就是在「迫」我努力睇聖經﹗
前天他問我以色列被擄後的歷史
我搭車返屋企時突然好想睇返但以理書
但以理書咁短，當然一個鐘左右就KO啦
之前問過我加拉太書
問過我恐龍的東東
很多很多……

咁樣就好啦，哈~你越問得多
我就越覺得自己知識疲乏
越覺得自己疲乏
我就越有心尋求﹗
真係好真係好~~

今日先星期三
我好期待星期五去玩呀﹗
大家會去海灘玩嗎？

>>October 4, 2006 at 1:51:47 PM GMT+8

2006 年 10 月 3 日 星期二 【晴】

昨天門訓reunion
見到大家，聽大家講下近況
都很開心了﹗
知道大家忙於學業
但也要為天上的事努力播~~

之後同阿慈去睇命運自選台
相當好看，很有質素，不覺沉悶
令人感動，又有反思的戲
我大力推介﹗

夜晚同阿慈，森煜，阿達食飯
幾好喎~~我鍾意阿慈同你地多d溝通
我知道阿慈也很開心的﹗
之後同阿luen佢地食糖水
阿luen生日快樂啦﹗
---------------------------------------------
昨天其實聽了件事是不太高興的
有人告訴我他跟另一人的對話
我不便講是誰啦
甲某：你現在返教會情況點呀？是否星期六、日都返教會
乙某：少左兩日都返啦，通常都係揀一日返
甲某：咁咪好o羅，我遲下send篇文章比你睇，係講一個大學生佢好後悔中學時代花太多時間在教會生活。
我話：痴線…我隨意可以搵到一百幾十個見証，係無後悔為神擺上時間。

我心諗：身為一個xx，用咁無說服力的理據，去叫人地返少d教會，真令人無奈﹗

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
咦~~有人澄清返，原來唔係咁架喎~~
篇文章係話有人返教會太多事奉，比家人話，唔知點算乍喎~~
然後呢，牧師係有解答返個問題o既﹗

上面的東東，大家可以不理啦﹗
誤會左人添~~~

我諗我太緊張大家返唔返教會啦~~~

>>October 4, 2006 at 1:14:34 PM GMT+8

2006 年 10 月 1 日 星期日 【晴】

升團

心情很矛盾
其實約團的組去到尾聲真的很有進步
然而我又知道新有新好
舊有舊好~~
祝福我的舊組員在新的一組有好好的成長
嘉恩、嘉倫都很喜歡你們﹗
祝福我的舊組員升到我的組仍然有適應
祝福我的新組員在尼團中有好好的成長~~
揚揚，芳芳…加油呀﹗靠你地架啦~~
凊凊，揚仔，michael，阿徐，阿佘，思娃，嘉汶
阿wing，君寧，巧巧，阿琪，lawyer
期待下次阿鍰，mandy，阿yo，黃梓峰的出現

晚上台竹~~
嘩~~
屈機~~
佢都無乜野o既，係一次半次~~~
無聊到丫﹗
麻甩就是麻甩~~

很高興，很感動聽到家豪講到讚粗口仔
我們見到他在主裏的成長
也覺得很正﹗
雖然仍有進步的餘地
但我相信只要你繼續投入
你會繼續成長的﹗

>>October 1, 2006 at 9:24:24 AM GMT+8

2006 年 9 月 28 日 星期四 【晴】

昨晚跟兩個在大學時代的朋友吃飯
其中一個是中學時代已認識的，
是相當好的朋友

年多沒有見，她已經有兩個仔仔啦~
四個月前又生第二胎，很厲害
很詫異，原來她的丈夫比她年輕
看相片絕對看不出
最恐怖的是她的丈夫已經是某某財務集團的Assistant Marketing Director.
她告訴我們她的丈夫月入至少五至六萬，五至六萬是最差的成績~~~@@@
好景的時候，可以o係後面加個零﹗
難怪她丈夫每個月可以給她十萬家用﹗(我笑說：十萬蚊點使，其實可以諗下比d我﹗)
超級變態，十萬幾乎是我的年薪~~
(不過，她說她的丈夫每天凌晨四時先放工的)
他應該還未到廿五歲呢﹗
我覺得係一隻蟑螂：是完全變態的﹗(蟑螂是完全變態呀呵？﹗)

另一個同學仔，是我常常說在楊千嬅廣告中有份出鏡的那位…
他細我年幾，已經可以用自己o既錢比首期買樓，成廿幾萬喎
不過月供都好貴o羅，都知佢都會辛苦。
買樓嘛，我完全無諗過，一來無錢比首期，就算比到首期，都好似負債太重…
昨晚去他的屋企，屋企勁靚~~
無電視的，他是用投影機射在牆上看的，根本就係去左間戲院咁，
連音響設備都很厲害呢﹗有了這些，其實真的不用去街睇戲﹗

我覺得我跟他們是活在兩個世界的人
但是也不會沒有話題
提到買樓、股票的我也可以認識更多其他的東東
我跟他們說這幾年我活的日子
他們也會覺得我返教會好開心
(他們一個不是基督徒，一個結婚後就無返教會)
人可以追求很多不同的東西
昨晚我也不禁去想，他們的生活也真的寫意
挺令人陶醉~~
但我轉念一想，
上帝喜歡我追求甚麼呢？
上帝欣賞怎樣的一個我呢？

主呀，我知道仍然要切切事奉你，要先求你的國和你的義﹗
但我學習亞古珥所說：「我求你兩件事，在我未死之先，不要不賜給我：求你使虛假和謊言遠離我；使我也不貧窮也不富足；賜給我需用的飲食，恐怕我飽足不認你，說：耶和華是誰呢？又恐怕我貧窮就偷竊，以致褻瀆我神的名。」 (箴言30:7-9)

講到錢，我記得simone結婚當日有個gag.
我拿著那一張「啡牛」，說：「這是我的愛(紙)，我所喜悅的﹗」
呵呵

>>September 28, 2006 at 1:52:08 PM GMT+8

2006 年 9 月 27 日 星期三 【晴】

導師會去了展鵬家開組加食飯
多了嘉恩，嘉倫~~
很好很好~
我們的分享算是不錯吧
也有搞gags的時候
gags呢樣野總是少不了的

開飯的時候，見一盒飯有隻蛋
有蠢蠢欲動想夾的時候
龜龜打電話黎問我聖經問題
當然，回答聖經問題比食蛋重要
於是大於傾了十分鐘~~
返到飯桌，蛋已被吃了~~~
當然唔緊要啦﹗
你地問我聖經問題，我放棄吃龍蝦也無問題啦﹗
何況只是一隻蛋~~

星期六就升團了
期待已久~~
導師們，組長們，團長們...........加油啦﹗

fmy：等待你的功課﹗^o^

>>September 27, 2006 at 1:41:16 PM GMT+8

2006 年 9 月 26 日 星期二 【晴】

昨日幾有趣的
我本來已經打算係五點左右準時走
只不過做野做到五點三啦
我supervisor特登打黎叫我走
睇黎真係要走

我去左買"送"煮飯
去左買禮物比阿慈
佢星期四生日呀﹗
返到屋企就煮飯啦
同埋整份禮物比阿慈
之後舒媚打電話黎呻
之後佩琦打電話黎吹水
之後阿慈打電話黎傾電話
之後我就訓啦
我發現電話是很重要的

又要謝謝阿達
唔該哂你幫我搵到o個個電話
我星期四就會同阿慈去o個間cafe食晚飯啦﹗

呀…我尋日唔記得左打d野
就係咁o既~~是關於升尼團分組的
唔~~~大家其實都大個仔、大個女架啦
我知道分組分區都未必能夠滿足到所有人
但係我地已經盡量編d熟人比大家
等大家可以好好o係組裏面分享
至於其他的東東，我們不能夠就得咁多
我們視那些說以下東西的人是不成熟的表現
1. 我不想跟某某某一組
2. 我不想跟某某某一起事奉
3. 我不想跟某某導師一組
.................................
大個仔/女啦，不要事事都以自己的利益為出發點
導師編組已經不容易，
我們不期望大家說一些欣賞鼓勵的說話
但至少不要讓導師們難做，好嗎？
有一天，你們做導師，要分區分組
你就知道原來分組不是一件簡單的事~~

>>September 26, 2006 at 1:43:34 PM GMT+8

2006 年 9 月 25 日 星期一 【晴】

這兩天過得很快
星期六是simone的大日子
恭喜恭喜~~~

這篇日記其實不多人會明白的
因為好難交待清楚的
行新世紀廣場
介指事件
唔~~我明白多一點了﹗
晚上飲宴
酒沒落肚，卻有醉酒的表現
因為舒媚那一下好像見到露體狂，哈哈﹗﹗
我們都是傻的，一刻可以認真到極
下一刻可以癲到爆﹗

昨天主日學上約拿書
是延續昨天的介指事件嗎？
女孩子們為何要扭扭擰擰呢？
我又明白多一點了﹗
鳳凰幻魔拳~~~一輝太勁了﹗

下午同阿慈行街街
她很高興﹗而我也自然很高興
能令女朋友快樂，男朋友就快樂了﹗
就是如此吧﹗

晚上跟幾位老友吹水
太好了，可能是出返黎做野
大家講o既野易明好多
大家都係講緊自己工作，生活的東東
這幾位朋友，幫助我不少
我相信我在他們身上學到不少東東
當然，我也相信他們也能在我身上學到一些東東的﹗
謝謝你們了﹗
雞哥嘛，是挺可惜的~~
期待著黃金海岸的影相日﹗

>>September 25, 2006 at 1:43:15 PM GMT+8