2006 年 10 月 23 日 星期一 【晴】

這幾天病了~~
最初是喉嚨痛同埋流鼻水
而家係超越喉嚨痛同埋鼻塞~~~
有諗過今朝請病假
不過都係唔好啦﹗
返到公司，原來我supervisor同埋我條team o既manage都病~~~~
請為我祈禱，希望快些康復

尼團~~
呵呵~~玩了一會兒psycologist
大顆兒很變態~~
尤其係凊凊，d問題真係幾尷尬o既~~
但係我覺得好好笑o羅~~

涼丸，子仲，橙橙：補祝生日快樂啦﹗

揚兒：喂~~記得update contacted list呀~~我要組員們的日記呀﹗

各位組員：記得比返錢揚兒呀~~~

>>October 23, 2006 at 1:25:07 PM GMT+8

2006 年 10 月 20 日 星期五 【晴】

昨晚女朋友太累
我們沒有按原訂計劃去街
我放工同左余仁同揚兒去左食飯
不過揚兒無食
天南地北的吹水
很舒服

返到屋企就是傾電話
傾傾傾
傾到咁上下就煮飯
預備今日的午餐
日子就是這樣的過

收到士巴拿的SMS，有點驚喜
一路看一路微笑
感覺很舒服

預備加油站
今次沒有筆記給大家了
上堂繼續practice吧﹗^o^

公司逢星期六都係「無野做，坐o係度﹗」
明天機會更大，因為新加坡聽日放假﹗
之後星期二又放﹗

這星期寫了兩封信~~
一封明天給你
一封今晚給你

mandy，君寧，靖靖：聽日lunch食飯播﹗

>>October 20, 2006 at 1:50:00 PM GMT+8

2006 年 10 月 19 日 星期四 【晴】

昨晚跟紐西蘭回留香港的弟兄姊妹一聚
都是吃餐飯而已…
之後問阿媽有冇野可以比我帶飯
於是就帶左返屋企
點知放左落背囊，d汁漏到濕哂~~咦
返到屋企差唔多十二點，
又要煲飯，洗背囊，沖涼
見間屋好似好唔企理，又執左一輪@@
很疲倦呢﹗
有時諗，太太級人馬，有小朋友的媽媽特別厲害﹗
想想他們如常人一樣返工，放工要買送煮飯
之後要洗碗，洗衫
可能又要督促孩子做功課
嘩~~~搞乜鬼
洗唔洗訓？洗唔洗休息下，好似無咩私人時間~~~
我放工返到屋企煮完飯，已經想訓啦﹗
好厲害﹗

今晚會同女朋友去食韓國野
之後…又去冒險樂園啦﹗
上次玩左都唔夠十分鐘，舖頭關門~~咦﹗

聽日星期五了~~~
yeehayah

>>October 19, 2006 at 1:46:08 PM GMT+8

2006 年 10 月 18 日 星期三 【晴】

昨晚本來諗住整豆沙鍋餅
但夜左放工，搞搞下唔想整
搵日先整啦
返到屋企，累到煮飯都無心力
聽女朋友講訓陣先
於是真係訓左個幾鐘
九點幾十點先食完飯
一路寫信一路聽梁牧師講道
幾好聽喎~~你要保守你心~~
是的，我們每人都要為自己的罪負責~~~~
不過只係寫左一封信乍
另一封唔知星期五會唔會有時間寫~

頭先lunch之前收到媽媽的電話
之前也在日記講過
她的手很痛，西醫診斷後
話係骨退化，只是叫她食止痛藥
但止痛藥對她幫助不大
我曾經叫過她祈禱，那時她說沒有用的
不知是昨晚還是今朝，小小小小見她很辛苦
於是跟她祈禱，一起流淚祈禱~~
媽媽打電話來，就是說這事，
她覺得祈禱之後，她的痛楚真的減輕了﹗
她告訴我會繼續睇醫生，會祈禱﹗真的感謝主~~~
我叫她星期日返黎教會，不過她早上要返工
星期六就可以的，這事要跟小小小小傾談
也許上帝藉著這事，要憐憫媽媽呢﹗
大家為我和我媽媽祈禱呀﹗

今天你們放假
我也很想去玩呀﹗

長頸龍生日快樂﹗
姜怡都係
不過，姜怡應該無看我的日記呢﹗

大家做左九型人格測試未？
未做快d做~~~~

>>October 18, 2006 at 1:57:52 PM GMT+8

2006 年 10 月 17 日 星期二 【晴】

昨晚返教會嚴肅會
回想也覺得感恩
上帝總是在我們身旁

我們都喜歡將自己的想法強硬的套在別人身上
這當然是為了別人好
但卻不一定能夠的~
我提醒自己：
要是自己做得好，別人看見你的好榜樣，便會跟從~~
我要學習不只言教，還要身教吧﹗

本來諗住你地聽日放假
想約你地今晚去下街
點知你地都好似無咩特別野想做咁o羅
算啦，我今晚返去聽梁牧師講道
又可以寫信，有感動今晚寫信給兩個人
(不過寫唔寫到兩封又係另一個問題啦)
哈~~會唔會係寫比你？
呵呵~~其中一個是去年有參加門訓的弟兄姊妹~~~
另一個就無參加門訓啦﹗
即係個個都有機會^o^

各位溫柔、節制家的弟兄姊妹
記緊做九型人格測試呀﹗

最近一兩天，又明白了多一點~
以往總是把所有事先計劃好
然後再夾我們出街的時間
因為我們變數太大
原來我發覺當我先計劃何時出街街
她會感到受重視的
我識做啦﹗

最後，謝謝妳來看我的日記﹗
我也想你了解我更多

工作嘛，有時挺勞氣的﹗
不過這就是工作了
我知有很多人比我還要辛苦的﹗
妳呀，加油﹗捱多半年轉工吧﹗

>>October 17, 2006 at 1:51:21 PM GMT+8

2006 年 10 月 16 日 星期一 【晴】

又過了個週末了
尼團嘛，現階段我們組的情況是在混熟大家
讓大家喜歡團契，喜歡我們的組
今次我們的組上到課室，是不錯吧~
廿幾人，當然不是人人都可以很投入﹗
盡量啦，大家繼續努力﹗

加油站，還有兩堂
希望這兩次再做多兩個查經可以讓大家掌握得更好
對於信了不久的大家，真的不太容易
也許大家也要在聖經知識，根底上再進一步﹗
諸位，加油啦﹗

晚上到了豆漿大王吃，之後食desert，再到青山灣
在青山灣時間雖然時間短短，
聽到揚兒的一些分享，真的不枉到了遠遠的沙灘
唔…我是有點掛心的，尤其是我知道那人覆了我的電郵
很不爽，因為家中仍未有得上網
要等星期日早上一早返教會check
check了，也是我意料之內的，
幸好是我意料之內的，否則我承受不住的﹗
謝謝舒媚，我返到家問了她一些東東
如果唔係，真係唔使訓﹗

活力崇拜，跟余仁紙上談情 (﹗)
對不起上帝，我們沒有專心聽講道
對不起揚兒，我們該做個好榜樣 (唔好學我地呀﹗)

加油站之前同芳芳，郁光食lunch~
不錯不錯﹗
有咩唔妥當，記得找我﹗
----------------------------------------------------------------------
星期日早上，便是返教會check email，睇日記了﹗
之後跟龜龜他們又談一會兒預定論
然後上主日學，不錯不錯的﹗

之後，我們過置樂買冷麵
好味呀~~~
買埋modem線
然後又返教會等籃球比賽﹗

籃球比賽前跟婷婷談談
拍拖的東東，大家要彼此學習
正在拍拖的人呀，好好學習呀﹗
這是不容易的功課﹗
諸位努力吧~~~~

籃球比賽，一分都無入
但我覺得打得不錯的﹗
今次是B隊第一次在塘宣盃中勝出﹗
但之後要對興福C同埋母會
看來要贏真的不容易
希望我們懂得好好用form啦~~
揚兒，不要氣餒，下次記熟個form
你又會係正選架啦﹗
係喎係喎~~尋日好似係我第一次打正選~~

晚上返到家
下午買了線，以為可以上網
點知個modem好似唔係好work喎~~
唉~~上網好煩~~~~~~~~~~~~~
之後頭痛，八點幾就訓~~~
訓到今朝七點幾﹗
頭痛好轉了，也許太累了吧﹗

>>October 16, 2006 at 2:01:52 PM GMT+8

2006 年 10 月 13 日 星期五 【晴】

尋晚去了余人家拎modem
但因為個plug唔o岩
所以仍然上唔到網~~
咁又等多幾日啦~
今晚同女朋友去街街
應該又去冒險樂園玩玩~~
會夜返屋企
所以都係唔會上網
聽日就更加無可能啦
所以又拖下先啦﹗
總之大家總有一天會見我o係msn出現的﹗
wahhkaaaka

昨晚舒媚的來電
叫我今晚去台竹打邊邊~
其實我都好想去
不過更想同女朋友去街街的~~~
相信我，重色輕友係好重要的﹗^o^

你兩個呀~~~要好好努力呀~~~~
知唔知我講緊邊兩個呀？
就係你地兩個o羅~
自己對號入座啦~~~

明天是星期六了﹗
weekend，我太愛你了﹗

>>October 13, 2006 at 1:24:35 PM GMT+8

2006 年 10 月 12 日 星期四 【晴】

唔知點解，lunch睇日記
好似睇左一陣就已經一點九~~
灰爆~~即係打日記o既時間都係多極有限的﹗

好野，工作方面，而家除左跟新加坡之外
還會跟韓國的客，好呀~~
o係公司唔多野做會好悶~~

昨晚阿波來了我家吃飯
傾談~~他好像改變了很多，
變得積極，變得清爽~~~
唔…在傾談的過程中，
我也學到不少怎樣對待女朋友
但坦白說，鳳凰幻魔拳仍然是我們的死敵﹗哈~~
若不是邀請他來我家作客
我的家肯定仍然很亂
昨天他遲來了，我有很多時間執屋~~
又企理左啦﹗
若果我們出街食飯
我地都好難有咁好彼此代禱的時間
唔~~感謝主的﹗

明晚會跟她看穿prada的惡魔了~~期待著~~

昨晚打電話給她，她說了一樣東西令我很開心，我也很感恩﹗
--------------------------------------------------------------------------------
罪的問題

我很怕自己得罪上帝
自己信主越耐，事奉越多
越難容忍自己犯一些離哂譜的罪
只是如保羅說：「我也知道在我裏頭，就是我肉體之中，沒有良善。因為立志為善由得我，只是行出來由不得我。故此，我所願意的惡，我倒去做。」(羅7:18-19)
之後保羅又話：「我真是苦啊﹗誰能救我脫離這取死的身呢？感謝神﹗靠著我們的主耶穌基督就能脫離了。」(羅7:24-25)
其實羅馬書7章14-25真是很到肉，很正﹗但也不易明白~~

親愛的天父，我不求你讓我完全戰勝罪惡，完全不犯罪，只是我很希望自己不犯那些離譜的罪，離天大罪~~~~我會盡力做到最好，但也提醒我是靠著你，而不是靠其他﹗

>>October 12, 2006 at 2:01:02 PM GMT+8

2006 年 10 月 11 日 星期三 【晴】

今日lunch同尼團組出去食飯~~
無時間打日記啦~~~
呵呵~~
聽日補返啦

>>October 11, 2006 at 2:01:47 PM GMT+8

2006 年 10 月 10 日 星期二 【晴】

昨晚阿慈從台灣回來了
沒有到機場接她機
不過屈了她機~~
因為我放工就出左去銅鑼灣
等佢食飯
她八點半致電給我說回到香港了
大約十點鐘她到了銅鑼灣
我們一起吃飯~~
雖然只是短短一小時的見面
但也覺得很值得~~
她買了五份禮物給我~~
1. 一粒用來玩遊戲的骰子
2. 一個裝飾品
3. 一幅超靚，透明的pair牌
4. 一隻特別的小茶匙 (特別比我返工沖野飲用來搞的~~)
5. 一個風玲~~~~
很感動，謝謝阿慈﹗她真的很細心~~~
我要學習學習~~
今早在公司都諗到整小禮物給她~~

在等她的幾個鐘頭
我行了很多舖頭
買了些日用品，很好很好~~
也到了賣vcd的舖頭，原來有些戲，
我都幾想看的~~~
不過好似無咩時間睇~~算吧啦﹗
----------------------------------------------
去年參加了門訓的弟兄姊妹
沒有了每個星期的定期見面
沒有了導師嚴嚴的督促
換來的是新一年學業的挑戰
我知道大家都很辛苦~~
在時間分配上大家異常掙扎吧~~
學業，電腦，家庭，傾電話，訓覺，人際關係，課外活動，靈修，教會，事奉~~~
上帝都很愛你們，亦能幫助你們，明白你們~~
在去年門訓用上你們這麼多時間，
你們仍然能夠勝任，仍然可以找到平衡~~
今年沒有了門訓，時間相對來說是多了的，
只是你們願意怎去用你的時間而已﹗
聽不少弟兄姊妹分享，沒有門訓後的日子較難挨
這也是我意料之內。
九月有很多的變化，是需要時間適應的﹗
但如今已是十月了，
假如你在九月跟神的關係不太好
是時候想想辦法了
找導師、找弟兄姊妹為你祈禱吧﹗
不要忘記你是門訓出身的，有Q 嘜保證的~~
你的見証，你的屬靈生命的好壞
不只影響你自己，你身邊的人，還影響 "門訓" 呀
加油~~~
我也同樣的提醒自己﹗做過好的榜樣﹗

>>October 10, 2006 at 1:57:09 PM GMT+8